31/01/2025
വിദ്യാർത്ഥികളിൽ കമ്മ്യൂണിറ്റി സേവനം വളർത്തി എടുക്കുന്നതിനും അവരെ ആഗോളസംഘടനയുടെ ഭാഗമാക്കുന്നതിനും വേണ്ടി ഇരിങ്ങാലക്കുട സെൻറ് ജോസഫ് കലാലയത്തിൽ ലയൺസ് ക്ലബ് ഓഫ് ഇരിങ്ങാലക്കുട സെൻറ് ജോസഫ് കോളേജ് ഓട്ടോണമസ് എന്ന പുതിയ ക്യാമ്പസ് ക്ലബിന് തുടക്കം കുറിച്ചു. കേരളത്തിലെ വനിതാ കലാലയങ്ങളിലെ ആദ്യത്തെ ഇൻറർനാഷണൽ ലയൺസ് ക്യാമ്പസ് ക്ലബാണ് ലയൺസ് ക്ലബ് ഓഫ് സെൻറ് ജോസഫ് കോളേജ് ഓട്ടോണമസ്, ഇരിങ്ങാലക്കുട.
ലയൺസ് ക്ലബ് ഓഫ് ഇരിങ്ങാലക്കുട സ്പോൺസർ ചെയ്യുന്ന പുതിയ ക്യാമ്പസ് ക്ലബിന്റെ ഔദ്യോഗിക ഉൽഘാടനകർമ്മം ഡിസ്ട്രിക്ക്റ്റ് 318D ഗവർണ്ണർ ജെയിംസ് വളപ്പില നിർവ്വഹിച്ചു. ഇരിങ്ങാലക്കുട ലയൺസ് ക്ലബ് പ്രസിഡന്റ് ബിജു ജോസ് കൂനൻ അധ്യക്ഷത വഹിച്ച ചടങ്ങിൽ വൈസ് ഡിസ്ട്രിക്ക്റ്റ് ഗവർണ്ണർമാരായ ടി. ജയകൃഷ്ണൻ, സുരേഷ് കെ.വാര്യർ എന്നിവർ ക്യാമ്പസ് ക്ലബിൻറെ സ്ഥാനാരോഹണ ചടങ്ങിന് നേതൃത്വം വഹിച്ചു.
മുൻ ഡിസ്ട്രിക്ക്റ്റ് ഗവർണ്ണർ തോമച്ചൻ വെള്ളാനിക്കാരൻ, കോളേജ് പ്രിൻസിപ്പൽ ഡോ. സി. ബ്ലെസ്സി, ഏരിയ ചെയർപേഴ്സൺ ഷീല ജോസ്, സോൺ ചെയർപേഴ്സൺ അഡ്വ. ജോൺ നിധിൻ തുടങ്ങിയവർ സംസാരിച്ചു.
രണ്ടാം വർഷ ബിരുധ വിദ്യാർത്ഥിനികളായ ദിയ ജോഷി പുതിയ ക്ലബ് പ്രസിഡൻറായും, ഗൗരി നന്ദകുമാർ ക്ലബ് സെക്രട്ടറിയായും,ആഗ്രിയ ജോയി ക്ലബ് ട്രഷററായും ഭാരവാഹിത്വം ഏറ്റെടുത്തു.
അഡീഷണൽ ക്യാബിനറ്റ് സെക്രട്ടറിമാരായ പോൾ മാവേലി, കെ.എൻ.സുഭാഷ്, ക്യാമ്പസ് ക്ലബ് കോർഡിനേറ്റർ ബെന്നി ആൻറണി, സെക്രട്ടറി ഡോ. ഡെയിൻ ആൻറണി, റീജിയൺ ചെയർപേഴ്സൺ കെ. എസ്. പ്രദീപ്, ലയൺ ലേഡി പ്രസിഡന്റ് ഡോ. ശ്രുതി ബിജു, സെക്രട്ടറി അന്ന ഡെയിൻ, ട്രഷറർ വിന്നി ജോർജ് തുടങ്ങിയവർ ചടങ്ങിൽ സന്നിഹിതരായിരുന്നു.
