https://www.facebook.com/580221299141724/

Sohum Babaji's Kriya Yoga

Home
India
Thrissur
Sohum Babaji's Kriya Yoga

Kriya Yoga center in thrissur, Kerala,India .Kriya Yoga ( Kriya Kundalini Yoga) is Athma Vidya / Brahma Vidya for Spiritual Evolution .

16/02/2026

🔺 തന്ത്ര 14
ഘട്ടം 2: കൗളം ദക്ഷിണാചാരം ( കാലം: ക്രി.മു. 800 – ക്രി.വ. 200)

*********************************************************************************
കാലപരിധി (സാമാന്യ നിർണ്ണയം): ക്രി.മു. 800 – ക്രി.വ. 200
ആദിമ കൗളാചാരം ദേഹ–ശക്തി–ലൈംഗികത എന്നിവ പാപ–പുണ്യ,ജാതി,വർഗ്ഗം, സ്ത്രീ,പുരുഷൻ,മംസഭക്ഷണം, സസ്യഭക്ഷണം, ലൈംഗികത എന്നിങ്ങനെ യാതൊരു വേർതിരിവുകളും വർഗ്ഗീകരണം ഇല്ലാതെ കൈകാര്യം ചെയ്ത സംസ്കാരം ആയിരുന്നു. 👉 അതായത്, വാമവും ദക്ഷിണവും എന്ന രണ്ടായി പിരിഞ്ഞിട്ടില്ലാത്ത അവസ്ഥ ആയിരുന്നു.

ദക്ഷിണാചാരം എന്നത് ആദിമ കൗള (Pre-Śāstric) ഘട്ടത്തിൽ നിന്നു ശാസ്ത്രീയ-ആന്തരിക രീതിയിലേക്കുള്ള ഒരു പരിവർത്തനഘട്ടം ആയി കാണാം. ബാഹ്യ പഞ്ചമകാരം പ്രധാനമല്ല; ആന്തരിക യാഗം, മന്ത്രശക്തി, കുണ്ഡലിനി–ശ്രീചക്ര ധ്യാനം എന്നിവയ്ക്കാണ് പ്രാധാന്യം.
ആദിമ കൗളാചാരത്തിന്റെ ആന്തരിക സിദ്ധാന്തങ്ങൾ വൈദിക സംസ്കാരത്തോടും സ്മാർതാചാരത്തോടും യോജിച്ചുകൊണ്ട് രൂപാന്തരപ്പെട്ട ഒന്നാണു ദക്ഷിണാചാരം എന്നു പല പണ്ഡിതന്മാരും അഭിപ്രായപ്പെടുന്നു.
“ദക്ഷിണ” എന്നത് ഇവിടെ “ശുദ്ധമായ, സാമൂഹികമായി അംഗീകരിക്കപ്പെട്ട, വൈദികാനുസൃതമായ” എന്ന അർത്ഥത്തിൽ ആണു വിക്ഷിയ്ക്കപ്പെടുന്നത്.
ഭോഗം → യോഗത്തിലേക്ക് നയിക്കുമ്പോൾ = ദക്ഷിണ കൗളം.

പഞ്ചമകാരം (മദ്യം, മാംസം, മത്സ്യം, മുദ്ര, മൈഥുനം)
👉 ആന്തരിക വ്യാഖ്യാനത്തിലേക്ക് മാറ്റപ്പെടുന്നു.
ബാഹ്യ ആചാരങ്ങൾ കുറയുന്നു, യജ്ഞ-മന്ത്ര-ശുദ്ധോപാസന പ്രാധാന്യം നേടുന്നു

2️⃣ ഈ ഘട്ടത്തിന്റെ പ്രധാന സവിശേഷതകൾ
🔹 (a) പഞ്ചമകാരങ്ങളുടെ ആന്തരികീകരണം
ബാഹ്യ പദം ദക്ഷിണാചാര വ്യാഖ്യാനം
***************** *******************************
മദ്യം അമൃതധാര / ചിദാനന്ദാവസ്ഥ
മാംസം ഇന്ദ്രിയസംയമനം
മത്സ്യം ഇഡ-പിംഗല നാഡികൾ
മുദ്ര പ്രാണനിയന്ത്രണം
മൈഥുനം ശിവ-ശക്തി ധ്യാന ഐക്യം

ഇത് സമൂഹത്തിൽ സ്വീകരിക്കപ്പെടുന്ന രീതിയിലേക്കുള്ള മാറ്റമായിരുന്നു.

🔹 (b) വൈദിക സ്വാധീനം-ഈ ഘട്ടത്തിൽ ശാക്തതത്ത്വങ്ങൾ വൈദികമന്ത്രങ്ങളുമായി സംയോജിച്ചു എന്നു വിശ്വസിയ്ക്കപ്പെടുന്നു.

🔸 ശ്രീരുദ്രം (യജുര്വേദം),🔸 ദേവീസൂക്തം,🔸 രുദ്രസൂക്തം
ശക്തിയെ “അഗ്നി”, “രുദ്ര”, “ഉമ” എന്നീ രൂപങ്ങളിൽ കാണാൻ തുടങ്ങുന്നു.

3️⃣ യന്ത്ര–മന്ത്ര വികസനം

ഈ കാലത്ത്: ബിന്ദു → ത്രികോണം → യോനി രൂപങ്ങൾ വ്യക്തത നേടുന്നു

ലളിതമായ ത്രികോണം-ബിന്ദു യന്ത്രങ്ങൾ ഉപയോഗത്തിലേക്ക് വരുന്നു

പിന്നീട് വികസിക്കുന്ന ശ്രീചക്രത്തിന്റെ പ്രാഥമിക രൂപം രൂപംകൊള്ളുന്നു

4️⃣ ദക്ഷിണാചാര ത്രികോണം–ബിന്ദു രൂപം

അർത്ഥം:

🔺 ഊർദ്വമുഖ ത്രികോണം-ത്രികോണം = ശക്തി / യോനി / സൃഷ്ടി

● ബിന്ദു = ശിവചൈതന്യം

🔻 അധോമുഖ ത്രികോണം-ശിവ–ശക്തി സംയോഗത്തിന്റെ സൂക്ഷ്മ പ്രതീകം
ഈ ഘട്ടം: തന്ത്രത്തെ വേദപരമ്പരയുമായി വൈരുദ്ധ്യമില്ലാത്ത രീതിയിൽ സംയോജിപ്പിച്ചു,ശക്തോപാസനയെ സമൂഹത്തിൽ അംഗീകരിക്കപ്പെട്ട രീതിയിലാക്കി,പിന്നീടുള്ള സമയാചാരത്തിനും ശ്രീവിദ്യാവികാസത്തിനും അടിത്തറ ഒരുക്കി

🔸 മന്ത്രങ്ങൾ-സൗഃ, ഹ്രീം, ക്ലീം, ഐം

ശ്രീവിദ്യ മന്ത്രങ്ങൾ (ബാല, പഞ്ചദശി, ഷോഡശി)
മന്ത്രം = ശബ്ദബ്രഹ്മം, ഉച്ചാരണത്തേക്കാൾ അന്തര സ്പന്ദനം

🔸 മുദ്രകൾ 🔸 ബന്ധങ്ങൾ:ശാംഭവി മുദ്ര,മഹാബന്ധ–മഹാമുദ്ര,ഖേചരി (അതി ഗൂഢം)

🔸 പ്രാണായാമം:നാഡിശുദ്ധി,സൂക്ഷ്മ കുംബക,സുഷുമ്നാ പ്രവേശനം
പ്രാണ–അപാന ഐക്യം
👉 ഇവ കുണ്ഡലിനി ഉണർത്തലിന് 🎯 ലക്ഷ്യം,ജീവന്മുക്തി-ദേഹത്തിൽ തന്നെയുള്ള ശിവത്വബോധം-ക്രിയയിൽ ലയം, ഭോഗത്തിൽ വിരക്തി

Yogi MKS Kumar
SoulSoukya
9447352666

17/01/2026

ക്രിയായോഗ
Sohum Babajis Kriya Yoga
******************************
ആത്മജ്ഞാനത്തിനും മോക്ഷപ്രാപ്തിയ്ക്കും ശൈവസിദ്ധന്മർ ഉപയോഗിച്ചിരുന്ന മഹാശിവനാൽ പ്രോക്തമായ ബ്രഹ്മവിദ്യോപസനയായ കുണ്ഡലിനീയോഗയുടെ ലളിതവത്ക്കരിച്ച രൂപമാണു Babajis Kriya Yoga.
ശൈവസിദ്ധനായ മഹാ അവതാർ ബാബാജിയുടെ നിർദ്ദേശപ്രകാരം പതിനെട്ടാംനൂറ്റാണ്ടിൽ ജീവിച്ചിരുന്ന അദ്ദേഹത്തിന്റെ ശിഷ്യനായ ലാഹിരിമഹാശയനിലൂടെയാണു ഇത് ലോകമാസകലം പ്രചരിപ്പിയ്ക്കപ്പെട്ടത്.

Aim of KriyaYoga
************************
ഏതൊരു സാധകനേയും അവന്റെ സ്വാഭാവികമായ പരിണാമത്തെ ത്വരിതപ്പെടുത്തി ആരോഗ്യവും സൗഖ്യവും വർദ്ധിപ്പിച്ച് ജനന മരണപ്രവാഹത്തിൽ നിന്നു മുക്തനാക്കി ബോധപ്രാപ്തനാക്കാൻ സഹായിയ്ക്കുകയെന്നതാണു ആത്മവിദ്യയായ ക്രിയായോഗയുടെ ലക്ഷ്യം

Science of Kriya Yoga
*******************************
ഈ വിശ്വപ്രപഞ്ചം ശിവശക്തിസംയോജനത്താൽ ഉത്ഭവിച്ചതത്രെ. ശക്തിയെന്നാൽ ഊർജ്ജവും ശിവമെന്നാൽ ബോധവും,ഇതിന്റെ മിശ്രിതമാണു സകലതും. നമ്മൾ ഓരോരുത്തരും ഈ ബ്രഹ്മാണ്ഡത്തിന്റെ ഒരു ചെറിയ രൂപമാകുന്നുവെന്നു ആഗമതന്ത്രശാസ്ത്രങ്ങൾ പറയുന്നു.

നമ്മുടെ നട്ടെല്ലിനടിയിലെ മൂലാധാരചക്രയിൽ സുഷുപ്തിയിൽ കിടക്കുന്ന ശക്തിയായ കുണ്ഡലിനിയെ സാധനയിലൂടെ സുഷ്മ്നയ്ക്കകത്തുള്ള ബ്രഹ്മനാഡിയിൽ ഉയർത്തി ബോധപ്രാപ്തിയും മോക്ഷപ്രാപ്തിയും കൈവരിയ്ക്കാമെന്നു കുണ്ഡലിനീയോഗശാസ്ത്രം പറയുന്നു.
ഒരു മനുഷ്യനു സ്വാഭാവികമായ പരിണാമത്തിനും ബോധപ്രാപ്തിയ്ക്കും ഏകദേശം 15000-20000 മനുഷ്യജന്മങ്ങളും അതിലൂടെ അനുഭവിയ്ക്കേണ്ട 10 ലക്ഷം മനുഷ്യവർഷങ്ങളുടെ ജീവപരിണാമവും വേണമത്രെ.

അരമിനിട്ടു നേരത്തെ ക്രിയായോഗസാധനയാൽ ലക്ഷക്കണക്കിനു വർഷങ്ങൾക്കു സമാനമായ സഞ്ചിതമായ കർമ്മഫലത്തെ ഭസ്മീകരിച്ച് ഭാവിയിലെ ഒരു വർഷത്തിനുതുല്യമായ ജീവപരിണാമവും സംഭവിയ്ക്കുന്നു.
ഇപ്രകാരമുള്ള ശരിയായ സാധനയാൽ ഒരു സാധകനു ഈ ജന്മത്തിൽത്തന്നെ മുക്തിപ്രാപിയ്ക്കാൻ കഴിയുമത്രെ.

A brief oer view about the course
****************************************
ദീക്ഷാസമ്പ്രദായത്തിലാണു ക്രിയായോഗ ഗുരുവിൽനിന്നും ശിഷ്യനിലേയ്ക്ക് പകരുന്നത്.
ആത്മസാക്ഷാല്ക്കാരത്തിനു നിരവധി മാർഗ്ഗങ്ങളുണ്ടെങ്കിലും കർമ്മ, ഭക്തി,രാജ, ജ്ഞാന, യോഗങ്ങളുടെ മിശ്രിതമായ ക്രിയായോഗ ഏറ്റവും ശ്രേഷ്ടമാണെന്നുപറയാം
ലഘു ഹതയോഗം, പ്രാണയാമം, മുദ്രകൾ, ബന്ധങ്ങൾ, എന്നിവ ഇതിൽ സമന്വയിപ്പിച്ചിരിയ്ക്കുന്നു.
നമസ്ക്കാരം,സൂര്യനമസ്ക്കാരം അടക്കമുള്ള 18 ആസനങ്ങൾ,മുദ്രകൾ,ബന്ധങ്ങൾ, പ്രാണയാമങ്ങൾ,പ്രത്യാഹാരം,ധാരണ,ധ്യാനം എന്നിവ ശരീരത്തേയുംചക്രകളേയും നാഡികളേയും ശാക്തീകരിച്ച് കുണ്ഡലിനീശക്തിയെ ഉണർത്തി,ബ്രഹ്മനാഡിയിൽ ഉയർത്തി പരിണാമവും,ബോധപ്രാപ്തിയും, മോക്ഷവും പ്രധാനംചെയ്യാൻ പ്രാപ്തമത്രെ.

ക്രിയായോഗയുടെ പഠനത്തിനു ഏകദേശം 30 മണിക്കൂർ സമയത്തെ ഹതയോഗാ ആസനപരിശീലനങ്ങളും, 30 മണിക്കൂർ സമയത്തെ ഉയർന്ന സാധനകളായ മുദ്രകൾ,ബന്ധങ്ങൾ, പ്രാണയാമങ്ങൾ, പ്രത്യാഹാരം ധാരണ,ധ്യാനം എന്നിവയുടെ പരിശീലനങ്ങളും ആവശ്യമായി കാണുന്നു.

സാധകരുടെ സാധനാപരിചയമനുസരിച്ച് ഇതിൽ സമയവ്യത്യാസം ഉണ്ടാകാം.
ഇതിനുശേഷം ദിവസവും മുടങ്ങാതെ ചുരുങ്ങിയത് 2- 4 മണിക്കൂർ സമയത്തെ നിരന്തരമായ സാധനയും ആവശ്യമാണു.
ശരീരം,സൂക്ഷ്മശരീരങ്ങൾ,ചക്രകൾ,നാഡികൾ എന്നിവ ശാക്തീകരിയ്ക്കുന്നതിനനുസരിച്ചാണു പ്രഥമികപരിശീലനത്തിനുശേഷമുള്ള ഉയർന്നപരിശീലനങ്ങൾ നല്കുന്നത്. ഇത് വ്യക്തികൾക്കനുസരിച്ചും അവരുടെ പരിശീലനത്തിനനുസരിച്ചും വ്യത്യാസപ്പെട്ടിരിയ്ക്കും.

വ്യത്യസ്ഥരായ, പലസ്ഥലങ്ങളിൽ നിന്നുവരുന്ന സാധകർ , അവർ ഒത്തുചേരുന്നതിനുള്ള അവരുടെ സമയപരിമിതി,ഈ ഘടകങ്ങളെയെല്ലാം കണക്കിലെടുത്ത് പൊതുവെ 4 മുഴുവൻ ദിന പ്രായോഗിക പരിശീലനമാണു നല്കുന്നത്.
ഈ പരിശീലനക്ളാസ്സുകൾ തുടർച്ചയായിട്ടല്ല നല്കുന്നത്.പ്രാഥമിക പരിശീലനത്തിനുശേഷം ഓരോ സാധകനും സ്വയം പരിശീലിയ്ക്കുവാനായി വേണ്ടത്ര സമയം നല്കുന്നു. ത്ര്യപ്തികരമായ പരിശീലനത്തിനുശേഷം മാത്രമേ അടുത്ത പരിശീലനങ്ങൾ സ്വീകരിയ്ക്കേണ്ടതുള്ളു.

പ്രാഥമികപരിശീലനത്തിൽ ഹതയോഗ, ഷട്ചക്രയോഗ,മുദ്രകളാലും,മന്ത്രങ്ങളാലും ഷട്ചക്ര ആക്റ്റിവേഷൻ,പ്രാണയാമങ്ങൾ, ജപയോഗ,സോഹം പ്രാണയാമം ,ധ്യാനം എന്നിവ പരിശീലിപ്പിയ്ക്കുന്നു.

ശരീരത്തേയും മനസ്സിനേയും ശുദ്ധിചെയ്ത് ശാക്തീകരിച്ച് എന്തെങ്കിലും രോഗാവസ്ഥയുണ്ടെങ്കിൽ അവയെ സൗഖ്യപ്പെടുത്തി,ഇഡ പിംഗള നാഡികളെ തുലനംചെയ്ത്, ഇടതുവലതുമസ്തിഷ്ക്കങ്ങളെ തുലനം ചെയ്യുക, ചക്രകളെ, യോഗനാഡികളെ ശാക്തീകരിച്ച് പ്രാണചലനം വർദ്ധിപ്പിയ്ക്കുക, ബ്രഹ്മഗ്രന്ഥിയെ തുറക്കുക,ബ്രഹ്മനാഡിയിൽ പ്രാണചലനം വർദ്ധിപ്പിയ്ക്കുക എന്നിവയൊക്കെ പ്രാഥമികപരിശീലനത്തിന്റെ ലക്ഷ്യങ്ങളാണു.
സാധകരുടെ നിലവാരമനുസരിച്ച് ആറുമുതൽ ഒരു കൊല്ലക്കാലത്തെ പരിശീലനത്തിനുശേഷം പടിപടിയായി കുണ്ഡലിനിയെ ശാക്തീകരിയ്ക്കുന്നതിനുള്ള
ഉയർന്ന സാധനകളിൽ പരിശീലനം നല്കുന്നു.

ക്രിയായോഗകൊണ്ടുള്ള ഗുണങ്ങൾ
******************************************************
1. ആത്മീയപുരോഗതിയുംഭൗതീകപുരോഗതിയും ഉണ്ടാകുന്നു.
2. രോഗഭയം, മരണഭയം എന്നിവ കുറയുന്നു. ആരോഗ്യത്തിൽ ഗണ്യമായ വർദ്ധനവുണ്ടാകുന്നു.
3. സ്നേഹം,ദയ,എന്നിവവർദ്ധിയ്ക്കുന്നു.
4. ശരിയായ ദിശാബോധം,പരിസരബോധം, ഉത്തരവാദിത്വം, ആത്മവിശ്വാസം,തന്റേടം എന്നിവ വർദ്ധിയ്ക്കുന്നു.
5. ലൈംഗിക ഊർജ്ജവർദ്ധനവിനു സഹായിയ്ക്കുന്നു.ലൈംഗിക ഊർജ്ജം സകല ഊർജ്ജങ്ങളുടേയും സന്തോഷത്തിന്റേയും ശ്രോതസ്സാണു. ഇതാണു നമ്മുടെ സകലവിജയത്തിന്റേയും മുഖ്യശ്രോതസ്സ് .
6. ബോധവികാസമുണ്ടാക്കുന്നു. സമചിത്തമായി കാര്യങ്ങളെ വീക്ഷിയ്ക്കാനും കൈകാര്യം ചെയ്യുവാനുമുള്ള കഴിവും ഉണ്ടാകുന്നു
7. സ്വാതന്ത്ര്യബോധം വർദ്ധിയ്ക്കുന്നു.
8.ക്രിയാശക്തി,ജ്ഞാനശക്തി,ബുദ്ധിശക്തി,ഓർമ്മശക്തി എന്നിവ വർദ്ധിയ്ക്കുന്നു.
9.ക്രിയായോഗസാധന പരിണാമത്തെ ത്വരിതഗതിയിലാക്കുന്നു.
10. ഗ്ര്യഹസ്ഥാശ്രമിയായിക്കൊണ്ടുതന്നെ കർമ്മഫലങ്ങളെ ഭസ്മീകരിച്ച്
അതിവേഗം ആത്മീയപുരോഗതി കൈവരിയ്ക്കാൻ കഴിയുന്നു.
11. ആത്മജ്ഞാനം,മോക്ഷം എന്നിവ സിദ്ധിയ്ക്കുന്നു

Sohum Babajis Kriya Yoga
9447352666,7907475502
*************************************

17/01/2026

ക്രിയായോഗ
Sohum Babaji's Kriya Yoga
***********************
ക്രിയായോഗ ശാസ്ത്രീയമായ, വളരെ ലളിതമായ അതേസമയം വളരെ ഗോപ്യമായ
എന്നാൽ അതിശക്തമായ ഒരു തന്ത്രയോഗസാധനയാണു.

ശിവപ്രോക്തമായ ആഗമ തന്ത്രശാസ്ത്രത്തിന്റെ ആത്മാവാണു ബ്രഹ്മവിദ്യയായ ക്രിയാകുണ്ഡലിനീയോഗം.
ആഗമതന്ത്രശാസ്ത്രപ്രകാരം ഈ വിശ്വപ്രപഞ്ചം ശിവശക്തിസംയോജനത്താൽ ഉത്ഭവിച്ചതത്രെ. ശക്തിയെന്നാൽ ഊർജ്ജവും ശിവമെന്നാൽ ബോധവും,ഇതിന്റെ മിശ്രിതമാണു സകലതും.
ശൈവസിദ്ധന്മാരായ നന്ദിദേവർ,അഗസ്ത്യർ,തിരുമൂലർ,ഭോഗർ മുതലായ പതിനെട്ടുശൈവസിദ്ധന്മാരിലൂടേയും,മറ്റനേകം ശൈവസിദ്ധന്മാരിലൂടേയും
ദീക്ഷാസമ്പ്രദായത്തിൽ ഇത് ശിഷ്യപരമ്പരകളിലേയ്ക്ക് കാലാകാലങ്ങളായി പകർന്നു നല്കപ്പെട്ടുകൊണ്ടിരിയ്ക്കുന്നു.
ശൈവസിദ്ധപരമ്പരയിലെ നാല്പ്പത്തി ഒന്നാമത്തെ സിദ്ധനായ ബാബാജി നാഗരാജിലൂടെ ലഘൂകരിയ്ക്കപ്പെടുകയും ശാക്തീകരിയ്ക്കപ്പെടുകയും ലാഹരീ മഹാശയനിലൂടേയും, യോഗാനന്ദ പരമഹംസയിലൂടേ ലോകമാസകലം പ്രചരിപ്പിയ്ക്കപ്പെടുകയും ചെയ്തവിദ്യയാണു ക്രിയാകുണ്ഡലിനീയോഗം.

ആത്മവിദ്യയായ ക്രിയകുണ്ഡലിനീയോഗയിൽ സകലതിനും ആധാരമായ ശിവശക്തിസിദ്ധാന്ഥത്തിലെ ശക്തിയെയാണു ഉണർത്തുന്നത്. അനേകായിരം നാഡികളുണ്ടെങ്കിലും അതിലെ ഏറ്റവും പ്രധാനപ്പെട്ട പ്രഥമനാഡിയായ ബ്രഹ്മനാഡിയിലാണു അത് ഉണർത്തപ്പെടുന്നത്. അതിനു ഉപയോഗിയ്ക്കുന്ന മന്ത്രം മന്ത്രങ്ങളിലെ രാജ്ഞിയായ ഹംസഗായത്രിയാണു. അതിൽ ഉപയോഗിയ്ക്കുന്ന മുദ്ര മുദ്രകളിലെ രാജാവായ ഖേചരീമുദ്രയാണു. അതിനു ഉപയോഗിയ്ക്കപ്പെടുന്ന പ്രാണയാമം പ്രാണയാമങ്ങളിലെ അതിപ്രധാനമായ സോഹം പ്രാണയാമ മാണു.
കൂടാതെ ജനനമരണപ്രവാഹത്തെ ഇല്ലായ്മചെയ്യാൻ പ്രാപ്തമായ, മഹാമുദ്ര, മഹാബന്ധം,ധ്യാനം എന്നിവയും സ്വീകരിയ്ക്കുന്നു.

നമ്മളുടെ മൂലാധാര ചക്രയിൽ സുഷുപ്തിയിൽ കുടികൊള്ളുന്ന കുണ്ഡലിനി ശക്തിയെ ബ്രഹ്മനാഡിയിൽ ഉണർത്തി കർമ്മഫലങ്ങളെ ഭസ്മീകരിച്ച് പരിണാമത്തെ ത്വരിതപ്പെടുത്തി ആരോഗ്യം,ആയുസ്സ്എന്നിവ വർദ്ധിപ്പിച്ച് മഹാബോധാവസ്ഥ കൈവരിച്ച് ആത്മജ്ഞാനം,മുക്തി എന്നിവ കൈവരിയ്ക്കാനും ജനനമരണപ്രവാഹത്തിൽനിന്നും മുക്തനാകാനും ബ്രഹ്മവിദ്യയായ ക്രിയാകുണ്ഡലിനീയോഗം ഏതൊരു സാധകനേയും പ്രാപ്തനാക്കുന്നു.

ആത്മസാക്ഷാല്ക്കാരത്തിനു നിരവധി മാർഗ്ഗങ്ങളുണ്ടെങ്കിലും ഹഠയോഗം, മന്ത്രയോഗം, ഹംസയോഗം കർമ്മയോഗം, ഖേചരീയോഗം, ലയയോഗം, ലംബികായോഗം, ഭക്തിയോഗം, ജ്ഞാനയോഗം രാജയോഗം എന്നിവചേർന്ന മഹായോഗമാകുന്നു ക്രിയകുണ്ഡലിനീയോഗ
1.ഹഠയോഗം 2.മന്ത്രയോഗം, 3.ഹംസയോഗം,4.കർമ്മയോഗം, 5.ഖേചരീയോഗം 6.ലയയോഗം , 7.ലംബികായോഗം, 8.ഭക്തിയോഗം , 9. ജ്ഞാന യോഗം 10..രാജയോഗം എന്നിവ ഇതിൽ സമന്വയിപ്പിച്ചിരിയ്ക്കുന്നു.

1.ഹഠയോഗം-സുഷ്മ്നയിൽ സൂര്യചന്ദ്രന്മാരായ പ്രാണാപാനന്മാരുടെ ലയം സംഭവിയ്ക്കുന്നതാണു ഹഠയോഗം

2.മന്ത്രയോഗം- അജപവിധിപ്രകാരമുള്ള സോഹം മന്ത്രജപത്താലുള്ള
മന്ത്രയോഗമാണു ക്രിയായോഗം.
3.ഹംസയോഗം-ഹംസഗായത്രീ ഉപാസനതന്നെയാണു ക്രിയായോഗം
4.കർമ്മയോഗം- (പ്രാണപാനന്മാരുടെ വിധിപ്രകാരമുള്ള അഭ്യാസമാകുന്നു കർമ്മയോഗം) ,

5.ഖേചരീയോഗം-ഖേചരീമുദ്രയാൽ പ്രാണാപാനന്മാരുടെ സംയോജനവും,ജീവാത്മാ പരമാത്മാലയവുമാണു ഖേചരീയോഗം
6.ലയയോഗം-നാദബ്രഹ്മമാകുന്ന പ്രണവത്തെ സോഹം അജപഗായത്രീമന്ത്രത്താൽ അനുസന്ധാനം ചെയ്ത് മനപ്രാണന്മാരെ നാദത്തിൽ ലയിപ്പിച്ച് ലയയോഗം സംഭവിയ്ക്കുന്നു.
7.ലംബികായോഗം-ഖേചരീമുദ്രയോടെ പ്രാണനെ ലംഭമാക്കി ബ്രഹ്മനാഡിയിലൂടെ സഹസ്രാര ബിന്ദുവിലേയ്ക്ക് നയിയ്ക്കുന്നതിനാൽ ലംബികായോഗമാകുന്നു.
8.ഭക്തിയോഗം-തന്നിലെ ഈശ്വരചൈതന്യത്തെ ഉണർത്തി തന്നിൽത്തന്നെ ഈശ്വരനെ ദർശിയ്ക്കുന്നതാണു ഭക്തിയോഗം.
9. ജ്ഞാന യോഗം ( പ്രാണജയത്തോടുകൂടിയ യോഗധ്യാനംകൊണ്ട് സമാധിയിലുണ്ടാകു ന്ന ആത്മദർശനമാണു ജ്ഞാനയോഗം)

10..രാജയോഗം(മൂലാധാരത്തിൽ സ്ഥിതിചെയ്യുന്ന ശക്തിബീജത്തെ ഷഡാധാര ചക്രകളിലൂടെ ഉയർത്തി സഹസ്രാരചക്രയേയും ഭേധിച്ച് ശിവനിൽ ലയിപ്പിയ്ക്കുന്ന യോഗമാണു രാജയോഗം) ,

Sohum Babaji's Kriya Yoga
Whatsapp947352666
***********************************

17/01/2026

ക്രിയായോഗ സാധന
എന്താണു? എന്തിനാണു?
SHIVA COSMIC VISION
****************************************
മുനിപരമ്പരകൾ പരിശീലിച്ചിരുന്ന കുണ്ഡലിനീയോഗയുടെ വളരെ ലളിതവും ശക്തവുമായ ഒരു രീതിയാണു ക്രിയായോഗ. ആത്മസാക്ഷാല്ക്കാരത്തിനു, മുക്തിയ്ക്കുവേണ്ടിരൂപംകൊടുത്ത ഒരു തന്ത്രയോഗയാണിത്.ഇത് തികച്ചും ആന്തരിക സാധനയാണു.

ജാതി,മത,വർഗ്ഗ,ലിംഗവ്യത്യാസമില്ലാതെഏവർക്കും പരിശീലിയ്ക്കാവുന്നതാണു.

ഒരു സാധകന്റെ മസ്തിഷ്ക്കത്തെ
ഇന്റർനെറ്റ് കണക്ഷനുസാദ്ധ്യതയില്ലാത്ത,വളരെ മെമ്മറികപ്പാസിറ്റി കുറഞ്ഞ,വൈറസ്സുകളാലും, അനവധി ഫയലുകളാലും ഹാങ്ങ് ആയ ഒരു കമ്പ്യൂട്ടറിനോട് ഉപമിയ്ക്കാവുന്നതാണു.
ഈ കമ്പ്യൂട്ടറിനെ ക്രിയായോഗസാധനയിലൂട ഫോർമാറ്റ്ചെയ്ത് അനാവശ്യമായ ഫയലുകളെ ഡെലീറ്റ്ചെയ്ത്,വയറസ്സുകളെ നിർവീര്യമാക്കി,മെമ്മറിശക്തി അപാരമായി വർദ്ധിപ്പിച്ച് കോസ്മിക് മോഡമാകുന്ന പീനിയൽ ഗ്രന്ഥിയെ ഊർജ്ജവല്ക്കരിച്ച് കോസ്മിക് ഇന്റർനെറ്റ് കണക്ഷൻ സാദ്ധ്യമാക്കി, കോസ്മിക് വെബ്സൈറ്റായ ആകാഷിക് റെക്കോർഡിലേയ്ക്കുള്ള ആക്സസ് സാദ്ധ്യമാക്കുകയാണു ചെയ്യുന്നത്.

ഇതിനിടയിൽ ആന്തരിക അവയവങ്ങളും, ശരീരവ്യവസ്ഥകളും,യോഗനാഡികളും ശക്തമാകുകയും,കുണ്ഡലിനീശക്തി മൂലാധാരചക്രയിൽനിന്നും ഉണർന്നു ബ്രഹ്മനാഡിയിലൂടെ ഉയർന്നു ഷഡാധാരചക്രകളെ ഭേധിച് ഉയർന്നു സഹസ്രാരചക്രയേയും ഭേദിച്ച് മസ്തിഷ്ക്കത്തിലെ സകലബോധകേന്ദ്രങ്ങളേയും ഉണർത്തി സകലസൂക്ഷ്മശരീരങ്ങളേയും ശാക്തീകരിച്ച് മുഴുവൻ കർമ്മഫലങ്ങളേയും ഭസ്മീകരിയ്ക്കുന്നുണ്ട്. വളരെ സാവധാനമായ പരിണാമത്തെ അതിശീഘ്രമാക്കി ജനനമരണപ്രവാഹത്തിനൊരറുധി വരുത്തുകകൂടി ചെയ്യുന്നുണ്ട്.

എന്നാൽ മഹാഭൂരിഭാഗം ആളുകൾക്കും ഇതിനെക്കുറിച്ച് കാര്യമായധാരണയൊന്നും, കാണുന്നില്ല.ബ്രഹ്മവിദ്യയായതുകൊണ്ട് ഈ വിദ്യ സ്വീകരിയ്ക്കാൻത്തക്കവണ്ണം ബോധനിലവാരം ഉയർന്നവർക്കുമാത്രമേ യഥാർത്ഥ ബ്രഹ്മവിദ്യയിലേയ്ക്ക് എത്തിച്ചേരാൻ കഴിയുകയുള്ളു. മരണമില്ലാത്ത സിദ്ധനെന്നു പേരുകേട്ട ബാബാജിയിൽ ആക്ര്യഷ്ടരായി അനേകം പേർ അദ്ദേഹത്തെ ഇഷ്ടപ്പെട്ട് അണികളായിത്തീരുന്നുവെങ്കിലും വളരെക്കുറച്ചുപേർമാത്രമാണു ദീക്ഷസ്വീകരിയ്ക്കുന്നത്. ദീക്ഷസ്വീകരിയ്ക്കുന്നവരിൽ അർഹതപ്പെട്ട കുറച്ചുപേർമാത്രമാണു ഈ വിദ്യ മുടക്കമില്ലാതെ ദീർഘനാൾ അഭ്യസിയ്ക്കുന്നത്.

സിദ്ധികളാൽ ആകർഷിയ്ക്കപ്പെടുന്നുണ്ടെങ്കിലും ബ്രഹ്മഗ്രന്ഥി, വിഷ്ണുഗ്രന്ഥി, രുദ്രഗ്രന്ഥി മുതലായ ആത്മീയ കേന്ദ്രങ്ങളെ സ്വഭാവശുദ്ധിയാൽ ഭേധിയ്ക്കാൻ കഴിയാതിരിയ്ക്കുന്നതാണു സാധനമുന്നോട്ടുപോകാൻ തടസ്സമായി വരുന്നത്.മാനസ്സികമായി ഒട്ടുംതന്നെപാകപ്പെടാത്ത ആളുകൾക്ക് പെട്ടെന്നു നിരാശനേരിടുന്നു.144 മുറകൾ ഉണ്ടെന്നുപുറംലോകം പറയുന്നതിൽ വിശ്വസിച്ച് അത് പഠിച്ച് സിദ്ധികൾ നേടാൻ താല്പ്പര്യം പ്രകടിപ്പിയ്ക്കുന്നവർ അനവധിയാണു. ദീക്ഷസ്വീകരിച്ചാലുടൻ ബാബാജിയെദർശിയ്ക്കാൻ കഴിയുമെന്നും വിശ്വസിയ്ക്കുന്നു.ഇത്തരം മോഹങ്ങൾ ഉടനടി സഫലീകരിയ്ക്കാതെവരുമ്പോൾ പലരും പൂർണ്ണമായി ദീക്ഷസ്വീകരിയ്ക്കുന്നതിനുമുൻപുതന്നെ നിരാശരായിപരിശീലനം അവസാനിപ്പിയ്ക്കുന്നു.

ക്രിയായോഗസാധനയാൽ ആരോഗ്യത്തിൽ ഗണ്യമായ വർദ്ധനവും, വ്യക്തിത്വത്തിൽ പ്രകടമായ വികാസവും, സമചിത്തമായി കാര്യങ്ങളെ വീക്ഷിയ്ക്കാനും കൈകാര്യം ചെയ്യുവാനുമുള്ള കഴിവും രോഗഭയം, മരണഭയം എന്നിവ കുറയുക, ശരിയായ ദിശാബോധം, പരിസരബോധം, ഉത്തരവാദിത്വം, ആത്മവിശ്വാസം,തന്റേടം, ആരോഗ്യം എന്നിവ വർദ്ധിപ്പിയ്ക്കാൻ സഹായിയ്ക്കുക,. ഇത് ഭൌതീകമായ അഭിവ്ര്യദ്ധിയ്ക്ക് സഹായകരമാകുക,.
സകല ഊർജ്ജങ്ങളുടേയും സന്തോഷത്തിന്റേയും ശ്രോതസ്സായ ലൈംഗിക ഊർജ്ജവർദ്ധനവിനു സഹായിയ്ക്കുക,സകല പ്രതിബന്ധങ്ങളേയും അവഗണിച്ച് മുന്നോട്ട് പോകാൻ വിജയം വരിയ്ക്കാൻ നമ്മെ സഹായിയ്ക്കു ക,സകലരേയും ഉൾക്കൊണ്ട് സകലരുടേയും സഹകരണം ഉറപ്പാക്കി ആത്മവിശ്വാസത്തോടെ മുന്നോട്ടുപോകാൻ നമ്മെ സഹായിയ്ക്കുക,അവസരോചിതമായി നമ്മുടെ നൂതന ആശയങ്ങൾ അഭിപ്രായങ്ങൾ, കഴിവുകൾ പ്രകടിപ്പിയ്ക്കാൻ ശക്തിയേകുക,
ബുദ്ധിപരമായി, ചിന്തിയ്ക്കാനും, പ്രവർത്തിയ്ക്കാനും നമ്മെ സഹായിയ്ക്കുക, ബോധവികാസമുണ്ടാക്കുക, എന്നിവയൊക്കെ ക്രിയായോഗ സാധനയാൽ ഉണ്ടാകുന്ന ഗുണങ്ങളാണു.

ഓരോ ജന്മത്തിലും നാം അറിയാതെയാണെങ്കിലും വളരെ സാവധാനത്തിൽ യാന്ത്രികമായി പുരോഗമിയ്ക്കുന്നുണ്ടെങ്കിലും
യാന്ത്രികമായ പുരോഗതിയിൽനിന്നും ഒരുപടികൂടി ബോധപൂർവ്വം ശീഘ്രഗതിയിൽ പുരോഗമിയ്ക്കാൻ ക്രിയായോഗസാധന സഹായിയ്ക്കുന്നു.
NB-ക്രിയായോഗസാധന ഒരു ആത്മീയസാധനയായി ഗണിയ്ക്കപ്പെടുന്നുണ്ടെങ്കിലും ഇതിന്റെ പരിശീലനത്താൽ സമസ്ഥമേഖലകളിലും പുരോഗതിയുണ്ടാകു മെങ്കിലും സിദ്ധികളിലുള്ളഭ്രമം,അനാവശ്യമായപ്രതീക്ഷ എന്നിവ പക്വതകൈവന്നിട്ടില്ലാത്ത ബഹുഭൂരിപക്ഷം തുടക്കക്കാരിലും നിരാശജനിപ്പിയ്ക്കുന്നതായി കാണുന്നു.

SHIVA COSMIC VISION 9447352666, 7907475502

*****************************

17/01/2026

ക്രിയായോഗം
Sohum Babaji’s Kriya Yoga
***************************
പരമഹംസയോഗാനന്ദിജിയുടെ “ഒരു യോഗിയുടെ ആത്മകഥയെന്ന” ഗ്രന്ഥത്തിൽ വിവരിയ്ക്കപ്പെടുന്ന മരണമില്ലാത്ത ബാബാജിയുടെ കഥകളും, അതീന്ദ്രിയസിദ്ധികളെക്കുറിച്ചുള്ള വിവരണങ്ങളുമാണു ഏവരേയും ക്രിയായോഗത്തിലേയ്ക്ക് ആകർഷിയ്ക്കുന്നതെന്നു കാണാവുന്നതാണു.

എന്നാൽ ക്രിയായോഗത്തിന്റെ പ്രാഥമിക പരിശീലനം സ്വീകരിയ്ക്കുന്ന ആയിരക്കണക്കിനുസാധകരിൽ വളരെക്കുറച്ചുപേർമാത്രമാണു സാധനയിലൂടെ മുന്നോട്ടുപോകുന്നതെന്നു കാണാവുന്നതാണു.

പരിശീലനത്തിന്റെ കഠിനതയോ, സംഭവിയ്ക്കേക്കാവുന്ന യോഗവിഗ്നങ്ങളൊ, ഇഛാഭംഗങ്ങളൊ ഒക്കെയാകാം ഇതിനുകാരണമെന്നുതോന്നുന്നു.

ക്രിയായോഗം ആത്മവിദ്യ അഥവാ ബ്രഹ്മവിദ്യയാണു. പരിണാമം,ആത്മജ്ഞാനം,മോക്ഷം എന്നിവയാണു ഇതിന്റെ പരമമായ ലക്ഷ്യം.

സിദ്ധികൾ,ആത്മജ്ഞാനം, മോക്ഷം എന്നിവ വളരെ ഉയർന്ന സാധകരെ സംബന്ധിച്ചിടത്തോളം സാദ്ധ്യമാകാമെങ്കിലും സാധനയിലെ ഒരു തുടക്കക്കാരനെ സംബന്ധിച്ചിടത്തോളം അതൊക്കെ ബാലികേറാമലതന്നെയാണു.

എന്നാൽ ക്രിയായോഗകൊണ്ടുള്ള പ്രായോഗികഗുണങ്ങൾ മനസ്സിലാക്കുന്നതും അത് നേടിയെടുക്കാൻ ക്ഷമകാണിയ്ക്കുകയും ചെയ്യുന്ന സാധകരെസംബന്ധിച്ചിടത്തോളം നിരാശയ്ക്ക് ഒട്ടുംതന്നെ വഴികാണുന്നുമില്ല.

ഇനി ക്രിയായോഗകൊണ്ടുള്ള പ്രായോഗികഗുണങ്ങൾ, എന്തൊക്കെയാണെന്നു പരിശോധിയ്ക്കാം.
*******************************

ആഗമതന്ത്രശാസ്ത്രത്തിന്റെ ശിവശക്തിസിദ്ധാന്ഥത്തിൽ അധിഷ്ഠിതമാണു ക്രിയാകുണ്ഡലിനീയോഗം.

ഈ വിശ്വപ്രപഞ്ചവും അതിലുള്ളതൊക്കെയും ശക്തിയും (ഊർജ്ജവും), ബോധവും കൂടിച്ചേർന്നുണ്ടാകുന്നുവെന്നു ആഗമതന്ത്രശാസ്ത്രം പറയുന്നു.

ക്രിയായോഗസാധനകളാൽ ഒരു സാധകന്റെ ശക്തിയും ബോധവും വർദ്ധിയ്ക്കുകയും അവനിൽ ആരോഗ്യകരമായ പരിണാമം സംഭവിയ്ക്കുകയുമാണു ചെയ്യുക.

ക്രിയായോഗസാധനകളാൽ ശരീരം, മനസ്സ്,സ്പിരിറ്റ് എന്നിവ ഐക്യപ്പെടാനുള്ള സാദ്ധ്യത വർദ്ധിയ്ക്കുന്നു.
ഇത് ആരോഗ്യം,ആത്മവിശ്വാസം,ദിശാബോധം, പ്രതിസന്ധികളെ പ്രായോഗികമായി ഉൾക്കൊള്ളാനും അതിജീവിയ്ക്കുവാനുമുള്ള കഴിവ് എന്നിവ നല്കുന്നതായി കാണുന്നു.

സാധനാപരിശീലനം ശരീരത്തിലെ അസ്ഥിവ്യവസ്ഥ, ശ്വസനവ്യവസ്ഥ, രക്തപര്യയനവ്യവസ്ഥ,ദഹനവ്യവസ്ഥ,വിസർജ്ജനവ്യവസ്ഥ,ഹോർമോൺ വ്യവസ്ഥ,ശരീരരസതന്ത്രം തുടങ്ങിയ സകലമാന ശരീരവ്യവസ്ഥകളേയും ആരോഗ്യകരമായവിധത്തിൽ പ്രവർത്തിയ്ക്കുന്നതിനും, ശരീരം ബലിഷ്ഠവും, ആരോഗ്യമുള്ളതും ആക്കിത്തീർക്കുന്നതിനും മനസ്സിനെ ശാന്തമാക്കുന്നതിനും സഹായിയ്ക്കുന്നു.
പ്രാണവായുവിന്റെ അളവ് വർദ്ധിയ്ക്കുന്നു.ഇത് കൂടുതൽ ഊർജ്ജവും, കാര്യക്ഷമതയും നല്കുന്നു.

സാധനയാൽ ഊർജ്ജിതപ്പെടുന്ന കുണ്ഡലിനീശക്തിയാൽ ബോധനിലവാരം വർദ്ധിയ്ക്കുന്നു. സ്പന്ദനനില, ഊർജ്ജനില വർദ്ധിയ്ക്കുന്നു, ശരീരത്തിനുചുറ്റുമുള്ള പ്രകാശവലയ ത്തിന്റെ( Aura) വ്യാപ്തി വർദ്ധിയ്ക്കുന്നു.

കുണ്ഡലിനിശക്തിയുടെ സ്പന്ദനം ഷഡാധാരചക്രകളുടെ സ്പന്ദനത്തെ ഊർജ്ജിതപ്പെടുത്തുകയും ഇത്
അവയുമായി ബന്ധപ്പെടുന്ന വികാരങ്ങളെ ആരോഗ്യകരമായവിധത്തിൽ സ്വാധീനിയ്ക്കാൻ സഹായിയ്ക്കുകയും ചെയ്യുന്നു.

ഇതൊരു സ്വയം ശുദ്ധീകരണ, ശാക്തീകരണവിദ്യയാണു. അറിഞ്ഞൊ അറിയാതേയോ താൻ ചെയ്തിട്ടുണ്ടാകാവുന്ന കാര്യങ്ങൾ അഥവാ കർമ്മഫലങ്ങളെ സാധനകളിലൂടെ ഭസ്മീകരിച്ച് പരിണാമത്തിന്റെ ഗതിയെ തീവ്രമാക്കുന്ന വിദ്യയാണു . അതുകൊണ്ടുതന്നെ ക്ഷമാപൂർണ്ണമായ നിരന്തരപരിശീലനം ഇതിനു അത്യന്താപേക്ഷിതവുമാണു.

സത്യത്തിൽ ഹംസയോഗത്താൽ ഉണരുന്ന കുണ്ഡലിനിശക്തിയുടെ സ്പന്ദനം ചക്രകളുമായിബന്ധപ്പെടുന്ന വികാരങ്ങൾ, മസ്തിഷ്ക്കപ്രവർത്തനങ്ങൾ,നാഡികളുടെ പ്രവർത്തനങ്ങൾ, സ്പന്ദനം ചക്രകളുടെ സ്ഥാനത്തുള്ള എൻഡൊക്രയിൻ ഗ്രന്ഥികളുടെ പ്രവർത്തനം, ഹോർമോൺ വ്യവസ്ഥ, ശരീരരസതന്ത്രം,എന്നിവയെ ക്രമീകരിയ്ക്കാൻ സഹായക്കുന്നതിലൂടെയാണു മുകളിൽ പ്രസ്ഥാവിച്ചിട്ടുള്ള സകലമാനഗുണങ്ങളും സിദ്ധിയ്ക്കുന്നത്.

ഈ സത്യത്തെ മനസ്സിലാക്കാനും, ഉൾക്കൊള്ളാനും സാധിയ്ക്കുന്ന സാധകർക്ക് ജീവിതത്തെ കൂടുതൽ കാര്യക്ഷമതയിലേയ്ക്ക് കൊണ്ടുവരാൻ കഴിയുന്നെവെന്നുതന്നെയാണു സാധനയിൽ ഉറച്ചുനില്ക്കുന്ന സാധകർക്കു പറയുവാൻ കഴിയുന്നത്.

ചിലസാധകർക്ക് സാധനയുടെ ഗുണങ്ങൾ പ്രത്യക്ഷത്തിൽ അനുഭവപ്പെടാൻ ബുദ്ധിമുട്ടു നേരിടാമെങ്കിലും, സാധകന്റെ ഓരോ ശ്വാസനിശ്വാസങ്ങളിലും അവനിൽ പരിണാമവും പുരോഗതിയും ഉണ്ടാകുന്നുണ്ട് എന്നതിനാൽ ഈ പരമമായ ആത്മവിദ്യയെ ഉപേക്ഷിയ്ക്കാതിരിയ്ക്കുന്നതാണു ബുദ്ധിയെന്നു നിരന്തരപരിശീലകരായ അനുഭവസ്ഥർ സാക്ഷ്യപ്പെടുത്തുന്നുണ്ട്.

Sohum Babaji’s Kriya Yoga
WhatsApp9447352666
***************************

04/07/2025

Kriya Yoga Online SathSangh

Address

Thrissur

Telephone

+919447352666

Website

facebook.com

Alerts

Be the first to know and let us send you an email when Sohum Babaji's Kriya Yoga posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Thrissur?

Sohum Babaji's Kriya Yoga

16/02/2026

17/01/2026

17/01/2026

17/01/2026

17/01/2026

04/07/2025

Address

Telephone

Website

Alerts

Shortcuts

Share

Category