Association of It Employees - CITU kerala

24/07/2026

08/07/2026

07/07/2026

തങ്ങളും ചൂഷണം ചെയ്യപ്പെടുന്ന തൊഴിലാളികളാണെന്ന യാഥാർത്ഥ്യം തിരിച്ചറിഞ്ഞ്, തൊഴിൽ സുരക്ഷിതത്വത്തിനായി ഐടി മേഖലയിലും ശക്തമായ സംഘടിത പോരാട്ടങ്ങൾ ഉയർന്നുവരേണ്ടതുണ്ട്.

കോറോ ഹെൽത്തിലെ മുഴുവൻ തൊഴിലാളികൾക്കും തൊഴിലും മാന്യമായ വേതനവും തിരികെ ലഭിക്കുന്നതുവരെ സിഐടിയു ഈ പോരാട്ടത്തിൽ അവർക്കൊപ്പം മുൻപന്തിയിലുണ്ടാകും

07/07/2026

ഐടി മേഖലയിലെ കോർപ്പറേറ്റ് ധാർഷ്ട്യം വെച്ചുപൊറുപ്പിക്കില്ല; കോറോ ഹെൽത്തിലെ കൂട്ടപ്പിരിച്ചുവിടലിനെതിരെ ശക്തമായ
പോരാട്ടം സംഘടിപ്പിക്കും: സിഐടിയു

എറണാകുളം പാലാരിവട്ടം, കോഴിക്കോട് എന്നിവിടങ്ങളിൽ പ്രവർത്തിക്കുന്ന അമേരിക്കൻ കമ്പനിയായ കോറോ ഹെൽത്ത് (CorroHealth) എണ്ണൂറിലധികം ഐടി ജീവനക്കാരെ പെട്ടെന്ന് കൂട്ടപ്പിരിച്ചുവിട്ട നടപടി കടുത്ത കോർപ്പറേറ്റ് ദാഷ്ട്യമാണെന്നും ഇതിനെതിരെ ശക്തമായ ജനകീയ പ്രതിരോധം ഉയർത്തുമെന്നും സിഐടിയു സംസ്ഥാന കമ്മിറ്റി പ്രസ്താവനയിൽ അറിയിച്ചു. ഒരു യൗവനത്തിന്റെ നല്ലൊരു പങ്കും കമ്പനിയുടെ വളർച്ചയ്ക്കായി രാപകലില്ലാതെ അധ്വാനിച്ച ഒരു കൂട്ടം യുവതീ യുവാക്കളെയാണ് ഒരു മുന്നറിയിപ്പുമില്ലാതെ ഒരൊറ്റ ഇമെയിൽ സന്ദേശത്തിലൂടെ തെരുവിലേക്ക് എറിഞ്ഞിരിക്കുന്നത്. നൂറുകണക്കിന് കുടുംബങ്ങളെ കടുത്ത പ്രതിസന്ധിയിലാക്കിയ ഈ നടപടി കേരളത്തിന്റെ മണ്ണിൽ വെച്ചുപൊറുപ്പിക്കാൻ കഴിയുന്നതല്ല.
കേന്ദ്ര സർക്കാർ കൊണ്ടുവന്ന തൊഴിലാളി വിരുദ്ധമായ പുതിയ ലേബർ കോഡുകളുടെ ചുവടുപിടിച്ചാണ് ഇത്തരം കോർപ്പറേറ്റ് കമ്പനികൾ ഈ ദാഷ്ട്യം പ്രകടിപ്പിക്കുന്നത്. തൊഴിലാളികളെ എപ്പോൾ വേണമെങ്കിലും പിരിച്ചുവിടാനും കമ്പനികൾ എളുപ്പത്തിൽ പൂട്ടാനും മുതലാളിമാർക്ക് പരമാധികാരം നൽകുന്നതാണ് കേന്ദ്രത്തിന്റെ നയങ്ങൾ. എന്നാൽ, കഴിഞ്ഞ ഇടതുപക്ഷ സർക്കാർ ഈ കരിനിയമങ്ങൾ നോട്ടിഫൈ ചെയ്ത് നടപ്പിലാക്കാൻ തയ്യാറായില്ല. അതുകൊണ്ടുതന്നെ കേരളത്തിൽ നിലവിലുള്ള 1947-ലെ ഇൻഡസ്ട്രിയൽ ഡിസ്പ്യൂട്ട്‌സ് ആക്ട് പ്രകാരം സർക്കാരിന്റെ മുൻകൂർ അനുമതിയില്ലാതെ നടത്തിയ ഈ കൂട്ടപ്പിരിച്ചുവിടൽ പൂർണ്ണമായും നിയമവിരുദ്ധമാണ്. പുതിയ ലേബർ കോഡിലും 100 പരിധി 300 ആയി വർദ്ധിപ്പിച്ചെങ്കിലും കോറോൻ കമ്പിനി പിരിച്ചു വിട്ടത് 800 തൊഴിലാളികളെയാണ്. ഈ നടപടി നിയമപരമായി നിലനിൽക്കില്ല.

ലേബർ ഡിപ്പാർട്ട്‌മെന്റിന്റെയും ട്രേഡ് യൂയൂണിയനുകളുടെയും വർഗ ബഹുജന സംഘടനകളുടെയും ശക്തമായ ഇടപെടലിനെത്തുടർന്ന് പിരിച്ചുവിടൽ നടപടികൾ താൽക്കാലികമായി മരവിപ്പിക്കാൻ കമ്പനി നിർബന്ധിതമായിട്ടുണ്ട്. ജൂലൈ 10-ന് നടക്കുന്ന ഔദ്യോഗിക ചർച്ചയിൽ തൊഴിലാളികളുടെ അവകാശങ്ങൾ പൂർണ്ണമായി സംരക്ഷിക്കപ്പെടണം.

തങ്ങൾ തൊഴിലാളികളല്ല, 'പ്രൊഫഷണലുകളാണെന്ന' മിഥ്യാധാരണയിൽ കഴിഞ്ഞിരുന്ന ഐടി മേഖലയിലെ യുവത്വത്തിന് വലിയൊരു പാഠമാണ് കോറോ ഹെൽത്തിലെ അനുഭവം നൽകുന്നത്. വർണ്ണപ്പകിട്ടുള്ള ഓഫീസുകൾക്കപ്പുറം തങ്ങളും ചൂഷണം ചെയ്യപ്പെടുന്ന തൊഴിലാളികളാണെന്ന യാഥാർത്ഥ്യം തിരിച്ചറിഞ്ഞ്, തൊഴിൽ സുരക്ഷിതത്വത്തിനായി ഐടി മേഖലയിലും ശക്തമായ സംഘടിത പോരാട്ടങ്ങൾ ഉയർന്നുവരേണ്ടതുണ്ട്. കോറോ ഹെൽത്തിലെ മുഴുവൻ തൊഴിലാളികൾക്കും തൊഴിലും മാന്യമായ വേതനവും തിരികെ ലഭിക്കുന്നതുവരെ സിഐടിയു ഈ പോരാട്ടത്തിൽ അവർക്കൊപ്പം മുൻപന്തിയിലുണ്ടാകുമെന്ന് സിഐടിയു സംസ്ഥാന കമ്മിറ്റി പ്രസ്താവനയിലൂടെ അറിയിച്ചു.

എളമരം കരീം
ജനറൽ സെക്രട്ടറി

05/07/2026

കൊറോ ഹെൽത്ത് എന്ന ഐടി കമ്പനി, കേന്ദ്രസർക്കാർ പാസാക്കിയ പുതിയ ലേബർ കോഡുകളുടെ മറവിൽ നൂറുകണക്കിന് തൊഴിലാളികളെ ഒറ്റയടിക്ക് പിരിച്ചുവിട്ട നടപടി അങ്ങേയറ്റം പ്രതിഷേധാർഹമാണ്.

നൂറോ അതിൽ കൂടുതലോ തൊഴിലാളികളുള്ള സ്ഥാപനങ്ങൾ അടച്ചുപൂട്ടാൻ സർക്കാരിന്റെ മുൻകൂർ അനുമതി വേണമെന്ന നിയമം, പുതിയ ലേബർ കോഡിലൂടെ 300 എന്ന പരിധിയിലേക്ക് ഉയർത്തി തൊഴിൽ സുരക്ഷയെ കേന്ദ്രം അട്ടിമറിച്ചിരിക്കുകയാണ്. ഇതിന്റെ ഫലമാണ് ഇപ്പോൾ കോറോ ഹെൽത്തിൽ കാണുന്നത്.

കടുത്ത തൊഴിൽ ചൂഷണത്തിനെതിരെ പ്രതികരിച്ച തൊഴിലാളികളെ പിരിച്ചുവിടുക എന്ന ലക്ഷ്യത്തോടെയാണ് മാനേജ്‌മെന്റ് ഈ നടപടി സ്വീകരിച്ചിരിക്കുന്നത്. തൊഴിൽ നിയമങ്ങളെ കാറ്റിൽ പറത്തി, ഏകപക്ഷീയമായി നടത്തുന്ന ഇത്തരം പിരിച്ചുവിടലുകൾ കേരളം പോലുള്ള ഒരു സംസ്ഥാനം അംഗീകരിക്കില്ല. സംസ്ഥാനത്ത് വ്യാപകമായി കോഴിക്കോടും എറണാകുളത്തും ഐടി, ഐടി അനുബന്ധ സ്ഥാപനങ്ങളിൽ നടന്നു കൊണ്ടിരിക്കുന്ന തൊഴിലാളി വിരുദ്ധ നീക്കങ്ങൾക്കെതിരെ സിഐടിയു അതിശക്തമായ പ്രക്ഷോഭങ്ങളുമായി മുന്നോട്ടുപോകും.

കഴിഞ്ഞ എൽഡിഎഫ് സർക്കാർ കേന്ദ്ര ലേബർ കോഡുകളെ കുറിച്ച് പഠിക്കാൻ ജസ്റ്റിസ് വി. ഗോപാലഗൗഡ അധ്യക്ഷനായ സമിതിയെ നിയമിച്ചിരുന്നു. ഈ സമിതി റിപ്പോർട്ട് സർക്കാരിന് സമർപ്പിച്ചുകഴിഞ്ഞു. ഈ റിപ്പോർട്ടിന്റെ അടിസ്ഥാനത്തിലുള്ള അടിയന്തര നടപടികൾ സ്വീകരിക്കാൻ സംസ്ഥാന സർക്കാർ തയ്യാറാകണം. തൊഴിൽ വകുപ്പ് ഉദ്യോഗസ്ഥർ കൂടുതൽ ജാഗ്രത പുലർത്തണം. ബിഎംഎസ് ഒഴികെയുള്ള എല്ലാ തൊഴിലാളി സംഘടനകളുടെയും അനുമതിയോടെയാണ് എൽഡിഎഫ് സർക്കാർ ഈ കാര്യത്തിൽ നിലപാട് എടുത്തിട്ടുള്ളത്. അതിനാൽ തൊഴിലാളികളുടെ താൽപ്പര്യം സംരക്ഷിക്കാൻ സർക്കാർ മടിക്കാതെ നടപടി സ്വീകരിക്കണം."

സ. വി ശിവൻകുട്ടി
സംസ്ഥാന സെക്രട്ടറി

25/06/2026

AITE CITU : Resolve contract uncertainty and wage arrears of Project Assistants immediately

The State Convention of the Association of IT Employees Union CITU has demanded that the government urgently resolve the uncertainty over extending the contract tenure of Project Assistants and the months-long delay in their wages. These Project Assistants are working in local self-government institutions across the state for the utilization of Central and State Finance Commission grants. The convention was held at the Azhikodan Memorial Building in Thrissur and was inaugurated by CITU State Vice President M K Kannan.

The resolution passed at the convention called for a policy decision to extend the contract tenure of Project Assistants as long as Finance Commission grants continue.

Association of IT Employees CITU State General Secretary A D Jayan, Project Assistant State Convener Rahul R, State Joint Convener Jayalakshmi P J AITE State Vice President V T Shobhana, and other leaders addressed the convention.

The meeting unanimously elected Khaneesh M V from Thrissur district as the new State Convener of the Project Assistant Sub Committee of the Association of IT Employees. The convention decided to move forward with strong rights struggles in the coming days to ensure job security for employees.

25/06/2026

കരാർ-ദിവസവേതന തൊഴിലാളികളെ പിരിച്ചുവിടുന്ന യു.ഡി.എഫ് നയത്തിനെതിരെ സി.ഐ.ടി.യു സെക്രട്ടറിയേറ്റ് മാർച്ച് നടത്തി

തിരുവനന്തപുരം: സംസ്ഥാനത്തെ വിവിധ വകുപ്പുകളിലും സ്ഥാപനങ്ങളിലും കരാർ-ദിവസവേതന തൊഴിലാളികളെ അകാരണമായി പിരിച്ചുവിടുന്നതിലും, കരാർ പുതുക്കാത്തതിലും പ്രതിഷേധിച്ച് സി.ഐ.ടി.യു സംസ്ഥാന കമ്മിറ്റിയുടെ ആഭിമുഖ്യത്തിൽ സെക്രട്ടറിയേറ്റ് മാർച്ച് സംഘടിപ്പിച്ചു. തൊഴിലാളികളുടെ തൊഴിൽ സുരക്ഷ ഉറപ്പാക്കണമെന്നാവശ്യപ്പെട്ട് നടന്ന മാർച്ച് സി.ഐ.ടി.യു അഖിലേന്ത്യാ വൈസ് പ്രസിഡന്റ് ജെ. മേഴ്സിക്കുട്ടിയമ്മ ഉദ്ഘാടനം ചെയ്തു.
യൂണിയൻ ഭേദമന്യേ പാവപ്പെട്ട കരാർ - ദിവസവേതന തൊഴിലാളികളോട് യു.ഡി.എഫ് സർക്കാർ കാണിക്കുന്ന കടുത്ത അവഗണനയും പ്രതികാര രാഷ്ട്രീയവും അവസാനിപ്പിക്കണമെന്ന് ഉദ്ഘാടന പ്രസംഗത്തിൽ അവർ ആവശ്യപ്പെട്ടു. അധികാരത്തിലേറിയത് മുതൽ തൊഴിലാളി വിരുദ്ധ നയങ്ങളാണ് സർക്കാർ നടപ്പിലാക്കുന്നത്. സാധാരണക്കാരായ തൊഴിലാളികളുടെ ന്യായമായ അവകാശങ്ങളും തൊഴിലും സംരക്ഷിക്കാൻ സർക്കാർ അടിയന്തരമായി ഇടപെടണമെന്നും അല്ലാത്തപക്ഷം ശക്തമായ ജനകീയ പ്രക്ഷോഭങ്ങൾക്ക് സി.ഐ.ടി.യു നേതൃത്വം നൽകുമെന്നും അവർ മുന്നറിയിപ്പ് നൽകി.
സി.ഐ.ടി.യു സംസ്ഥാന സെക്രട്ടറി പി. പി. ചിത്തരഞ്ജൻ ചടങ്ങിൽ അധ്യക്ഷത വഹിച്ചു. സി.ഐ.ടി.യു സംസ്ഥാന സെക്രട്ടറി കെ. എസ്. സുനിൽകുമാർ സ്വാഗതം ആശംസിച്ചു.
തുടർന്ന് നടന്ന യോഗത്തിൽ സി.ഐ.ടി.യു ദേശീയ സെക്രട്ടറി കെ. എൻ. ഗോപിനാഥ്, സംസ്ഥാന സെക്രട്ടറിയും മുൻ തൊഴിൽ വകുപ്പ് മന്ത്രിയുമായ സി. വി. ശിവൻകുട്ടി, സംസ്ഥാന ഭാരവാഹികളായ എസ്. പുഷ്പലത, അഡ്വ. പി. സജി, കടകംപ്പള്ളി സുരേന്ദ്രൻ,നെടുവത്തൂർ സുന്ദരേശൻ എന്നിവർ സമരത്തെ അഭിവാദ്യം ചെയ്ത് സംസാരിച്ചു. സി.ഐ.ടി.യു ജില്ലാ പ്രസിഡന്റ് ആർ. രാമു നന്ദി രേഖപ്പെടുത്തി. യു.ഡി.എഫ് സർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ വിവിധ മേഖലകളിൽ നിന്നുള്ള നൂറുകണക്കിന് തൊഴിലാളികൾ മാർച്ചിൽ അണിനിരന്നു.