ADAPT

16/08/2026

പ്രത്യേക പരിഗണന അർഹിക്കുന്ന കുട്ടികൾ പാചക പരിശീലനത്തിൻ്റെ ഭാഗമായി വെളിച്ചെണ്ണയിൽ മാത്രം നിർമ്മിച്ച ചിപ്സ് (Round + 4 cut + Sarkara varatty) ഓർഡർ എടുക്കുന്നു .9447524962

12/08/2026

11/08/2026

പുരസ്‌കാര തുക ഭിന്നശേഷിക്കാരുടെ അതിജീവനത്തിന്

തൃശ്ശൂർ: ബാലസാഹിത്യ അക്കാദമി അവാർഡ് ലഭിച്ച ലോക പ്രശസ്ത കവി സച്ചിദാനന്ദൻ മാഷ് പുരസ്കാര തുക പ്രത്യേക പരിഗണന അർഹിക്കുന്ന കുട്ടികൾക്ക് സൗജന്യ പരിശീലനം നൽകുന്ന വെങ്ങിണിശ്ശേരി അഡാപ്‌റ്റ് സൊസൈറ്റിക്ക് കൈമാറി.

11/08/2026

അഭിനന്ദനങ്ങൾ
ആശംസകൾ

തൃശ്ശൂർ അഡാപ്റ്റ് സൊസൈറ്റിയിലെ പരിശീലനം പൂർത്തീകരിച്ച് ഗവ ആർട്സ് കോളേജിൽ അഡ്മിഷൻ നേടിയ ശ്രീ ജസ്റ്റിൻ .

03/08/2026

പ്രത്യേക പരിഗണന അർഹിക്കുന്ന കുട്ടികൾക്ക് 11 വർഷമായി സൗജന്യ പരിശീലനം നൽകുന്ന തൃശ്ശൂർ അഡാപ്‌റ്റ് സൊസൈറ്റി വിവിധ പരിശീലനങ്ങളുടെ ഭാഗമായി നിർമ്മിച്ച ഉൽപന്നങ്ങൾ പൊതു സമൂഹത്തിൻ്റെ ശ്രദ്ധയിലെത്തിക്കാൻ അഡാപ്റ്റബിലിറ്റി ഹബ് ആരംഭിച്ചിരിക്കുന്നു. കായ ചിപ്സ്, അരിപൊടി , പുട്ടുപൊടി, അവലോസ്, മുളക് കൊണ്ടാട്ടം, കയ്പക്ക കൊണ്ടാട്ടം, നെല്ലിക്ക അച്ചാർ, നാരങ്ങ അച്ചാർ, കാന്താരി അച്ചാർ, വടുകപുളി അച്ചാർ, ജാതിക്ക അച്ചാർ, വെളുത്തുള്ളി അച്ചാർ, മുളക് പൊടി മല്ലിപൊടി , കാശ്മീരി മുളക്പൊടി, ചതച്ച മുളക്, കറി മസാല, സാമ്പാർ പൊടി,രസംപൊടി , മഞ്ഞൾപൊടി, പുല്ല് പൊടി, ചോളം പൊടി, കടലമാവ്, കുടംപുളി, നാളീകേരം, കിച്ചൻ ടവൽ, കിച്ചൻ ഏപ്രൺ, പില്ലൊ കവർ, തുണി സഞ്ചി, വീടിനകത്തും പുറത്തും വളർത്തുന്ന ചെടികൾ, വേപ്പ്, സ്‌റ്റാർ ഫ്രൂട്ട്, പീനട്ട് ബട്ടർ ഫ്രൂട്ട് ചെടികൾ എന്നിവയെല്ലാo ലഭിക്കുന്ന ഈ പ്രദർശന വിപണന മേള സന്ദർശിക്കാൻ എല്ലാ മനുഷ്യസ്‌നേഹികളേയും ക്ഷണിക്കുന്നു. സന്ദർശകരെ സ്വീകരിക്കുന്നതും അപരിചിതരോട് പെരുമാറുന്നതും ഉൽപന്നങ്ങൾ പരിചയപെടുത്തുന്നതും പണം വാങ്ങുന്നതും ബാലൻസ് നൽകുന്നതും റസീപ്റ്റ് എഴുതുന്നതും കൂടി ഈ പ്രദർശന വിപണന മേളയിലൂടെ കുട്ടികൾ പരിശീലിക്കുന്നു .

25/07/2026

പ്രത്യേക പരിഗണന അർഹിക്കുന്ന കുട്ടികൾ തൃശ്ശൂർ വെങ്ങിണിശ്ശേരിയിലെ സൗജന്യ സേവന കേന്ദ്രത്തിൽ തൊഴിൽ പരിശീലനത്തിൻ്റെ ഭാഗമായി നിർമ്മിച്ച വിവിധ ഉൽപന്നങ്ങളുടെ പ്രദർശനവും വിപണനവും 27-ാം തിയതി തിങ്കളാഴ്ച രാവിലെ 10 ന് പാലയ്ക്കൽ - വെങ്ങിണിശ്ശേരി റോഡിൽ ധനലക്ഷ്മി ബാങ്കിനും ഓയിൽ മില്ലിനും ഇടയിൽ ഒരു മനുഷ്യസ്‌നേഹി ഒരുക്കി തന്ന സ്ഥലത്ത് ആരംഭിക്കുകയാണ്. ഓണം വരെ നീളുന്ന ഈ പ്രദർശന വിപണന കേന്ദ്രത്തിൻ്റെ ഉദ്ഘാടനത്തിലും തുടർന്ന് വരുന്ന ദിവസങ്ങളിലും താങ്കൾ കുടുംബത്തോടൊപ്പം കൂട്ടുകാരെയുംകൂട്ടി സന്ദർശിക്കുവാൻ ക്ഷണിക്കുന്നു. സഹതാപം കൊണ്ടല്ല അനുകമ്പ കൊണ്ട് ഇതൊരു തുടക്കമാണ് ജീവിതത്തിലേക്ക് അന്തസോടെ അഭിമാനത്തോടെ കടന്ന് വരുവാനുള്ള ഒരു വഴി . ആ വഴിത്താരയിൽ നമുക്കൊരു പ്രോത്‌സാഹനമാവാം.

25/07/2026

അഡാപ്‌റ്റ് സൊസൈറ്റി തിങ്കളാഴ്ച ആരംഭിക്കാൻ പോകുന്ന വൈവിദ്ധ്യ അഡാപ്റ്റബിലിറ്റി ഹമ്പ് (പ്രദർശന വിപണന കേന്ദ്രം) നെ കുറിച്ച് തൃശ്ശൂർ ജില്ലാ കളക്ടർ ശ്രീമതി ശിഖ സുരേന്ദ്രനുമായി അദ്ധ്യാപകരായ ബിന്ദു കിഷോർ, ഹരിത അനൂപ് എന്നിവർ ആശയവിനിമയം നടത്തി.

16/06/2026

കമ്പ്യൂട്ടർ പരിശീലനം പൂർത്തികരിച്ച കുട്ടികൾക്കുള്ള സർട്ടിഫിക്കറ്റ് വിതരണത്തിനിടയിൽ അഡാപ്റ്റ് അംഗങ്ങൾ തൃശ്ശൂർ ജില്ലാ കളക്ടർ ശ്രീമതി ശിഖ സുരേന്ദ്രന് ഉപഹാരം നൽകിയപ്പോൾ