10/08/2026
തൊഴിലാളി -കർഷക- കർഷക തൊഴിലാളി സംയുക്ത വേദി അഖിലേന്ത്യാ തലത്തിൽ ആഹ്വാനം ചെയ്ത ഉപരോധ സമര പരിപാടിയുടെ ഭാഗമായി തൃശ്ശൂർ പട്ടണത്തിൽ കേന്ദ്ര സര്‍ക്കാരിന്‍റെ തൊഴിലാളി ദ്രോഹ കര്‍ഷക ദ്രോഹ നയങ്ങള്‍ക്കെതിരെ ത്യശ്ശൂര്‍ പട്ടാളം റോഡ് പോസ്റ്റോഫീസ് രാവിലെ 7 മണിയോടെ ജില്ലാ നേതാക്കളുടെ നേതൃത്വത്തിൽ ഉപരോധിച്ചു.. 9 മണിയോടെ കർഷകരും തൊഴിലാളികളും അടങ്ങുന്ന പ്രതിഷേധ ജാഥ തെക്കേഗോപുരനടയിൽ നിന്നും ഉപരോധ സ്ഥലത്ത് എത്തിയതോടെ പൊതുയോഗം ആരംഭിച്ചു. കേരള കര്‍ഷക സംഘം സംസ്ഥാന സെക്രട്ടറി വത്സന്‍ പനോളി ഉപരോധ സമരം ഉദ്ഘാടനം ചെയ്തു.
സി.ഐ.ടി.യു ജില്ലാ ജനറല്‍ സെക്രട്ടറി യു.പി.ജോസഫ് സ്വാഗതം പറഞ്ഞു. എ.ഐ.ടി.യു.സി. ജില്ലാ സെക്രട്ടറി ടി.കെ.സുധീഷ് അദ്ധ്യക്ഷത വഹിച്ച യോഗത്തില്‍ കെ.എസ്.കെ.ടി.യു അഖിലേന്ത്യാ സെക്രട്ടറി എ. വിജയരാഘവന്‍, കര്‍ഷക തൊഴിലാളി സംസ്ഥാന ജോയിന്‍റ് സെക്രട്ടറി ഏ.സി.മൊയ്തീന്‍, എം കെ കണ്ണൻ (സി ഐ ടി യു സംസ്ഥാന വൈസ് പ്രസിഡൻറ്) , എം കെ പ്രഭാകരൻ (കെ എസ് കെ ടി യു ജില്ലാ പ്രസിഡൻറ്) , എ എസ് രാധാകൃഷ്ണൻ (എച്ച് എം കെ പി), എം എ വാസുദേവൻ (എച്ച് എം കെ പി),കെ എസ് ജോഷി (എച്ച് എം എസ്), എം.കെ.തങ്കപ്പന്‍ (ടി.യു.സി.ഐ) തുടങ്ങിയവർ സംസാരിച്ചു. ഇന്നത്തെ പ്രതിഷേധം ഒരു തുടക്കം മാത്രമാണെന്നും അതിരൂക്ഷമായ സമരം തെരുവിൽ നേരിടേണ്ടി വരുമെന്നും നേതാക്കൾ പറഞ്ഞു.
തൊഴിലാളി വിരുദ്ധ ലേബർ കോഡുകൾ പിൻവലിക്കുക, കർഷക ദ്രോഹനയങ്ങൾ ഉപേക്ഷിക്കുക, ഇന്ത്യ യുഎസ് വ്യാപാര കരാർ ഉപേക്ഷിക്കുക, തൊഴിൽ ഉറപ്പ് പദ്ധതി പുനഃ പരിശോധിച്ചു, ആവശ്യമായ ഫണ്ട് അനുവദിക്കുക, മിനിമം വേതനം 26000 രൂപയാക്കുക രൂപയാക്കി നിശ്ചയിക്കുക തുടങ്ങിയ സുപ്രധാനമായ 21 ആവശ്യങ്ങൾ ഉന്നയിച്ചു കൊണ്ടാണ് 2026 ഓഗസ്റ്റ് 10ന് ജയിൽ നിറക്കൽ സമരത്തിന് ആഹ്വാനം ചെയ്തത്.
തെക്കേ ഗോപുരനടയില്‍ നിന്നും ആരംഭിച്ച മാര്‍ച്ചിന് സിഐടിയു ജില്ലാ ജനറൽ സെക്രട്ടറി യുപി ജോസഫ്,എ ഐ ടി യു സി ജില്ലാ പ്രസിഡൻറ് വി എസ് പ്രിൻസ്, കിസാൻ സഭ ജില്ലാ സെക്രട്ടറി സഖാവ് രാജേന്ദ്ര ബാബു,
കെ കെ രാമചന്ദ്രൻ എംഎൽഎ (സിഐടിയു ജില്ലാ പ്രസിഡൻറ്) ,രാഗേഷ് കണിയാംപറമ്പിൽ (ബി കെ എം യു )പി കെ ഡേവിസ് മാസ്റ്റർ (കർഷകസംഘം), എന്‍.കെ.അക്ബര്‍ എം.എല്‍.എ, സേവ്യര്‍ ചിറ്റിലപ്പിള്ളി എം.എല്‍.എ(സി.ഐ.ടി.യു), വര്‍ഗ്ഗീസ് മാസ്റ്റര്‍, കെ.രവീന്ദ്രന്‍, എം.എം.അവറാച്ചന്‍, ഗീത ഗോപി ( കേരള കര്‍ഷക സംഘം), എ.എസ്.ദിനകരന്‍, പി.മോഹന്‍ദാസ്, പി.എസ്.വിനയന്‍, കെ.എം.അഷ്റഫ്, ബിന്ദു പുരുഷോത്തമന്‍(കെ.എസ്.കെ.ടി.യു), എ.സിയാവുദ്ദീന്‍, ടി.സുധാകരന്‍, എം.ആര്‍.രാജന്‍ (സി.ഐ.ടി.യു) തുടങ്ങിയവര്‍ നേത്യത്വം നല്‍കി.
തുടർന്ന് അറസ്റ്റ് വരിച്ച നേതാക്കളെയും പ്രവർത്തകരെയും തൃശ്ശൂർ പോലീസ് സ്റ്റേഷനിൽ എത്തിച്ച് അറസ്റ്റ് രേഖപ്പെടുത്തി.
