14/09/2026
BLOOD 4 LIFE സംഘടനയിൽ നിന്നും മാസം 2500 രൂപ വീതം "അമൃതധാര "പെൻഷൻ നൽകി വരുന്ന 16 കുടുംബങ്ങൾ (31.8.2026)
1. മനോജ്‌ കുമാർ,
കുണ്ടുമൺ കടവ്. 23 വർഷമായി കിടപ്പുരോഗി. അച്ഛനമ്മമാരും ഏക സഹോദരനും മരണപ്പെട്ടതിനാൽ തനിച്ച് വാടകവീട്ടിൽ താമസം. ബ്ലഡ്‌ 4 ലൈഫിൽ നിന്നും 7 വർഷമായി പെൻഷൻ നൽകിവരുന്നു.
2 .ബിന്ദുകുമാരി, ചിറയിൻകീഴ് :ജന്മനാ ഭിന്നശേഷിക്കാരിയും അന്ധയും. അച്ഛൻ മരണപ്പെട്ടു. വൃദ്ധയും രോഗിയുമായ അമ്മ ഏക ആശ്രയം
3 .മായമോൾ, ചിറയിൻകീഴ് :കൂലിപ്പണിക്കാരനായ അച്ഛൻ കുടുംബം നോക്കാത്ത മദ്യപാനി. മായമോൾ ജന്മനാ ഭിന്നശേഷിക്കാരി. വളർന്ന മകളെ സുരക്ഷയില്ലാത്ത വീട്ടിൽ തനിച്ചാക്കി ജോലിയ്ക്ക് പോകുവാൻ കഴിയാത്ത അമ്മ.
4. ശ്യാമള രാജേന്ദ്രൻ, ഇടനാട് : ഭർത്താവ് കിടപ്പുരോഗിയായിരുന്നപ്പോൾ പെൻഷൻ നൽകിതുടങ്ങിയതാണ്. അദ്ദേഹം 2020 മാർച്ച്‌ മാസത്തിൽ മരണപ്പെട്ടു. മാനസികവും ശാരീരികവുമായി ഭാഗികമായി വൈകല്യങ്ങളുള്ള വിവാഹമോചിതരായ 2 പെണ്മക്കളെയും അവരുടെ 4 കുഞ്ഞുങ്ങളെയും നോക്കേണ്ട ഉത്തരവാദിത്തം രോഗിയായ ശ്യാമളച്ചേച്ചിയ്ക്ക് നൽകുന്ന സമ്മർദ്ദം മനസ്സിലാക്കിയതിനാൽ പെൻഷൻ തുടർന്നും നൽകി വരുന്നു.
5. ധനശ്രീ, ധനലക്ഷ്മി, കല്ലറ : അമ്മ മരണപ്പെട്ടു. അച്ഛൻ നേരത്തെ തന്നെ ഉപേക്ഷിച്ചു പോയി. വൃദ്ധരും രോഗികളുമായ അപ്പൂപ്പന്റെയും അമ്മുമ്മയുടെയും തണലിൽ തീരെ സുരക്ഷയില്ലാത്ത വീട്ടിൽ താമസം
6. ആവണിമോൾ, കൊല്ലം :ജന്മനാ കിടപ്പുരോഗി. അച്ഛൻ ഉപേക്ഷിച്ചു . അമ്മ പുനർവിവാഹം ചെയ്തുപോയതിനാൽ അമ്മുമ്മയുടെ സംരക്ഷണയിൽ വാടകവീട്ടിൽ കഴിയുന്നു.
7. സീനത്ത് ഉമ്മ
കൊല്ലം :കരീക്കോടുള്ള സീനത്ത് ഉമ്മ കാൻസർ ബാധിതയാണ്. ഭർത്താവും മക്കളും ഇല്ലാത്തതിനാൽ സാമ്പത്തികമായി വളരെ ബുദ്ധിമുട്ടുന്ന സഹോദരിയുടെ കുടുംബത്തോടൊപ്പമാണ് താമസം.3 വർഷമായി പെൻഷൻ നൽകി വരുന്നു.
8. പ്രവീൺ
തിരുവനന്തപുരം പള്ളിച്ചൽ തിരുവനന്തപുരം :പള്ളിച്ചൽ സ്വദേശിയായ 36 വയസ്സുകാരനായ പ്രവീൺ ഒരു ആക്സിഡന്റിൽ കഴുത്തിന് താഴേക്ക്‌ തളർന്ന അവസ്ഥയിൽ 4 വർഷമായി കിടപ്പിലാണ്. സഹായിയ്ക്കുവാൻ രോഗിയായ അമ്മ മാത്രമാണുള്ളത്. വാടക കൊടുക്കുവാൻ മാർഗ്ഗമില്ലാതെ വീട്ടുടമസ്ഥൻ ഇറക്കി വിടുമെന്ന അവസ്ഥയിൽ വാടക കൊടുക്കുവാനുള്ള സഹായമായാണ് പെൻഷൻ നൽകി തുടങ്ങിയത്. രണ്ട് വർഷമായി പെൻഷൻ നൽകി വരുന്നു.
9. ശ്രീജിത്ത്‌ പേയാട്
ഒരു അപകടത്തെ തുടർന്ന് 11 വർഷമായി കിടപ്പുരോഗിയായ ശ്രീജിത്തിന് സഹായിയ്ക്കുവാൻ ഹൃദ്രോഗിയായ അമ്മ മാത്രമാണുള്ളത്.
10. സാൻഡ്രിൻ ജോസഫ്, സാന്റിനോ ജോസഫ്
കോട്ടയം ജില്ലയിൽ കൊഴുവനാൽ പഞ്ചായത്തിലുള്ള മനു ജോസഫ്, സ്മിത ദമ്പതിമാരുടെ മക്കളായ സാൻഡ്രിൻ ജോസഫ്, സാന്റിനോ ജോസഫ് എന്നിവർ SWCAHP (Salt Wasting Congenital Adrenal Hyper Palasia) എന്ന രോഗാവസ്ഥയുള്ളവരും ഒരാൾ ഓട്ടിസം ഉള്ള കുഞ്ഞുമാണ്.
12. രാമചന്ദ്രൻ
കോട്ടയം നെടുംകുന്നത്തുള്ള രാമചന്ദ്രൻ പോളിയോ ബാധിതനായി വീൽചെയറിൽ കഴിയുന്ന വ്യക്തിയും ഭാര്യ പലവിധ രോഗങ്ങളാൽ ബുദ്ധിമുട്ടുന്ന വ്യക്തിയുമാണ്.വിദ്യാർത്ഥികളായ മക്കൾ ഉൾപ്പെടുന്ന കുടുംബത്തിന്റെ സാമ്പത്തിക ബുദ്ധിമുട്ടുകൾ പരിഗണിച്ച് ബ്ലഡ്‌ 4 ലൈഫ് ചാരിറ്റബിൾ ട്രസ്റ്റിന്റെ അമൃതധാര പെൻഷൻ നൽകിത്തുടങ്ങി.
12. ദൗലത് ഉമ്മ
കൊല്ലം പള്ളിമുക്കിൽ വാടകയ്ക്ക് താമസിയ്ക്കുന്ന ഷഫീക്കിന്റെ രണ്ട് പെണ്മക്കളും ഹൃദയസംബന്ധമായ രോഗത്തിനും ജന്മനാലുള്ള വൈകല്യത്തിനുമായി തിരുവനന്തപുരം മെഡിക്കൽ കോളേജിലും ഉമ്മ ദൗലത് ക്യാൻസറിന് RCC യിലും ചികിത്സയിലാണ് . ആ കുടുംബത്തിന് ആശ്വാസമായി ബ്ലഡ്‌ 4 ലൈഫ് ചാരിറ്റബിൾ ട്രസ്റ്റിന്റെ അമൃതധാര പെൻഷൻ നൽകിത്തുടങ്ങി.
13. സിന്ധുയാത്ര, വിഴിഞ്ഞം : ജന്മനാ ഇടുപ്പിന് താഴെ സ്വാധീനമില്ലാത്തതിനാൽ ഇഴഞ്ഞുനീങ്ങി ജീവിതം മുന്നോട്ട് കൊണ്ടുപോകുന്നു. വിധവയും 17 വയസായ ഒരു മോളുടെ അമ്മയുമാണ് ഇടിഞ്ഞുപൊളിയാറായ വാടക വീട്ടിൽ കഴിയുന്ന സിന്ധു.
14. തിരുവനന്തപുരം കരകുളം സ്വദേശിയായ സതിയുടെ 23 വയസ്സുള്ള ഏകമകൻ അനന്തു മാനസിക വളർച്ചയില്ലാത്ത കുട്ടിയാണ്. സാമ്പത്തിക ബുദ്ധിമുട്ടിലാവുകയും ചെയ്തു.
15. താര. തിരുവനന്തപുരം നെടുമങ്ങാട് സ്വദേശിനിയായ താരയുടെ ഭർത്താവ് ഒരു ആക്സിഡന്റിൽ മരണപ്പെട്ടു. പതിനൊന്നും നാലും വയസ്സുള്ള രണ്ട് മക്കളും വൃദ്ധരും രോഗികളുമായ മാതാപിതാക്കളും, താരയ്ക്ക് ഒരു സ്വകാര്യ സ്ഥാപനത്തിൽ നിന്നും ലഭിക്കുന്ന തുച്ഛമായ വരുമാനത്തിൽ ഒരു വാടക വീട്ടിലാണ് കഴിയുന്നത്.
