KANAL NGO

"Kanal"
കനൽ എന്താണ് എന്ന് ചോദിച്ചവരോട്..
ഞങ്ങളോട് നിങ്ങൾ ക്ഷമിക്കുക,
കാരണം ഞങ്ങൾ ഈ കാലത്തെ പ്രകൃതി സ്നേഹികളല്ല,
മനുഷ്യസ്നേഹികളല്ല,
മത വിശ്വാസികളുമല്ല,
സന്നദ്ധ പ്രവർത്തകരുമല്ല....
പക്ഷെ ഞങ്ങൾക്ക് ചില 'തിരിച്ചറിവുകളുണ്ട്' .
പ്രകൃതിയുടെ കരുണയിലാണ് മനുഷ്യർ ജീവിക്കുന്നത് എന്ന് തിരിച്ചറിവുണ്ട്.
മരം നടീൽ കൊണ്ട് മാത്രം കാലാവസ്ഥ വ്യതിയാനത്തെ ചെറുക്കാനാകില്ല എന്ന തിരിച്ചറിവുണ്ട്. വര്ഷങ്ങളായി നിലനിൽക്ക

ുന്ന ആവാസ വ്യവസ്ഥയെ ആണ് സംരക്ഷിക്കേണ്ടത്‌ എന്ന തിരിച്ചറിവുണ്ട്.
കാട് പോലെ തന്നെ പ്രധാനമാണ് തണ്ണീർത്തടങ്ങളും എന്ന തിരിച്ചറിവുണ്ട്.
മനുഷ്യരെല്ലാം സമന്മാരാണെന്നും എല്ലാവര്ക്കും ഒരുപോലെ വേദനകൾ ഉണ്ടെന്നും ഉള്ള തിരിച്ചറിവുണ്ട്
ഭക്ഷണവും വസ്ത്രവും പാർപ്പിടവും മാത്രമല്ല ആത്മാഭിമാനവും എല്ലാ മനുഷ്യനും ജീവിക്കാൻ വേണ്ടുന്നതാണ് എന്ന തിരിച്ചറിവുണ്ട്.
ആത്മാഭിമാനം വളർത്താൻ മറ്റുള്ളവരെ സഹായിക്കുന്നത് മനുഷ്യസ്നേഹമാണ് എന്ന തിരിച്ചറിവുണ്ട്.
ആ സ്നേഹം ഞങ്ങളുടെ കടമയാണ് എന്ന തിരിച്ചറിവുണ്ട്.
മതം മനുഷ്യ നന്മക്കും പരസ്പര സ്നേഹത്തിനുമുള്ളതാണ് എന്ന തിരിച്ചറിവുണ്ട്.
സ്നേഹവും നന്മയും അല്ലാത്തതൊന്നും മതമല്ല എന്ന തിരിച്ചറിവുണ്ട്.
സഹോദരങ്ങളെ സഹായിക്കുന്നത് സന്നദ്ധ പ്രവർത്തി അല്ലെന്നും അത് എല്ലാവരുടെയും കടമയാണ് എന്നുമുള്ള തിരിച്ചറിവുണ്ട്.
ഈ തിരിച്ചറിവുകളാണ് ഞങ്ങളുടെ ഉള്ളിലെ ജ്വലിക്കുന്ന 'കനൽ'.
ആരോ പറയുന്നവ കേട്ടിട്ടല്ല മറിച്ചു ഞങ്ങളുടെ ചിന്തകൊണ്ടാണ് ഈ കനൽ ജ്വലിക്കുന്നത്...
ഈ കനലാണ് ഞങ്ങളുടെ പ്രവർത്തി..
വാക്കുകൾ കൊണ്ടുള്ള പ്രഹസനമല്ല പ്രവർത്തി കൊണ്ടുള്ള മാറ്റങ്ങളാണ് ഞങ്ങൾക്കിഷ്ട്ടം..