Malayalam Film and Television Chamber of Commerce

Directions Website Contact the organization

Malayalam Film and Television Chamber of Commerce സിനിമ ടെലിവിഷൻ രംഗത്ത് പ്രവർത്തിക്ക? ഇത്തരത്തിലുള്ള മലയാളത്തിലെ ആദ്യത്തെ സിനിമ ടെലിവിഷൻ സംഘടനയാണിത്.

ഇവരിൽ ഭൂരിപക്ഷം പേർക്കും എപ്പോഴും ജോലി ഉണ്ടാകാറില്ല.

മലയാളം ഫിലിം ആൻഡ് ടെലിവിഷൻ ചേംബർ ഓഫ് കോമേഴ്‌സ്
====================

തിരുവനന്തപുരം ആസ്ഥാനമാക്കി 2020 ജൂൺ 22 ന് മലയാളം ഫിലിം ടെലിവിഷൻ ചേംബർ പ്രവർത്തനം ആരംഭിച്ചു. മലയാള സിനിമ ടെലിവിഷൻ മേഖലകളിൽ പ്രവർത്തിച്ചിട്ടും മുഖ്യധാരയിൽ എത്താൻ പറ്റാത്തവർക്കും മുഖ്യധാരയിൽ എത്തിയവർക്കും പുതുമുഖങ്ങളായി ഈ രംഗത്തേക്ക് വരാൻ ആഗ്രഹിക്കുന്നവർക്കുംവേണ്ടിയുള്ള പുതിയ സംഘടനയാണിത്.

ലിമിറ്റഡ് കമ്പനിയുടെ ചട്ടക്കൂടിൽ നോൺ പ്രോഫിറ്റ് ഓർഗനൈസേഷനായിട്ടാണ് (NPO) -- ലാഭരഹിത സംഘടനയായിട്ടാണ് -- സംഘടന മിനിസ്ട്രി ഓഫ് കോർപ്പറേറ്റ് അഫയേഴ്‌സിന്റെ (MCA) കീഴിൽ രജിസ്റ്റർ ചെയ്തിരിക്കുന്നത്. സിനിമ ടെലിവിഷൻ മേഖലകളിൽ നിന്നും മറ്റു കലാസാഹിത്യ മേഖലകളിൽ നിന്നും ഉള്ളവരാണ് ഈ സംഘടനയെ നയിക്കുക.

ആർക്കൊക്കെ അംഗമാകാം?
========================

കല, സാഹിത്യം, സംഗീതം, നൃത്തം, അഭിനയം, സംഘാടനം, അദ്ധ്യാപനം, സംവിധാനം, ഛായാഗ്രഹണം, എഡിറ്റിങ്, ചമയം, വസ്ത്രാലങ്കാരം, ചിത്രനിർമാണം, വിതരണം, പ്രദർശനം തുടങ്ങി സിനിമയുടേയും ടെലിവിഷന്റേയും എല്ലാ മേഖലകളിലും പ്രവർത്തിക്കുന്നവർക്കും ഇവയോടെല്ലാം താല്പര്യവും കൂടുതൽ പഠിക്കണമെന്നും മനസ്സിലാക്കണമെന്നും ആഗ്രഹം വെച്ചുപുലർത്തുന്നവർക്കും ഈ സംഘടനയിൽ അംഗമാകാം. കൂടാതെ അനുഷ്ഠാന കലാകാരന്മാർ, ക്ഷേത്രകലാകാരന്മാർ, വാദ്യകലാകാരന്മാർ എന്നിവർക്കും അംഗത്വത്തിന് അപേക്ഷിക്കാം. കലയും കച്ചവടവും സമഞ്ജസമായി യോജിപ്പിച്ചു കൊണ്ടുപോകാൻ കഴിവുള്ള ബിസിനസ്സുകാർക്കും അഭ്യുദയകാംക്ഷികൾക്കും സംഘടനയിലേക്ക് സ്വാഗതം.

മലയാള സിനിമ ടെലിവിഷൻ രംഗത്ത് പല തുറകളിലായി പ്രവർത്തിക്കുന്ന 20,000 ലധികം പേർ ദിവസവേതനം കൈപ്പറ്റുന്നവരുടെ കൂട്ടത്തിലുണ്ട്. ഉള്ളപ്പോൾ ചെയ്യുന്ന ദിവസത്തെ കൂലി മാത്രം ലഭിക്കും. ജോലി ഉള്ളപ്പോൾ പോലും ഇത്ര ദിവസം ഉണ്ടാകുമെന്നതിന് സ്ഥിരതയില്ല. ഇവരുടെ പ്രയാസങ്ങൾ മനസ്സിലാക്കാനോ ഇവർക്കു വേണ്ടി സർക്കാരിൻ്റെ അടുക്കൽ സംഘടനാതലത്തിൽ കാര്യങ്ങൾ അവതരിപ്പിക്കാനോ ആരുമില്ല. ഈ കൊറോണക്കാലത്ത് തൊഴിലില്ലാതെ, വരുമാനമില്ലാതെ, നാളെ ജീവിതഗതി എന്തെന്ന് നിശ്ചയമില്ലാതെ ബുദ്ധിമുട്ടുകയാണ് ഇവരിൽ ഭൂരിപക്ഷം പേരും.

എക്സ്ട്ര ആർട്ടിസ്റ്റ് എന്ന പേരിൽ അറിയപ്പെടുന്ന ബഹുഭൂരിപക്ഷത്തിനും ഇന്നത്തെ സാഹചര്യത്തിൽ അടുത്തൊന്നും ജോലിസാധ്യത ഉണ്ടായിരിക്കില്ല. പക്ഷേ, ഒരർത്ഥത്തിൽ ഇവരും സിനിമയുടെയും ടെലിവിഷൻ പരിപാടികളുംടെയും ഭാഗമാണ്. ഇക്കൂട്ടരെ സാന്ത്വനത്തിന്റെയും പരിഗണനയുടെയും കുടക്കീഴിലാക്കി അവരുടെ ക്ഷേമത്തിനു വേണ്ടി സർക്കാരിന്റെയും സ്പോൺസർമാരുടേയും സന്നദ്ധസംഘടനകളുടേയും മറ്റുള്ളവരുടെയും സഹായത്തോടെയും മാർഗനിർദേശത്തോടെയും സാധ്യമായ വഴികൾ ആരായുകയും പ്രായോഗികമായ കർമപരിപാടികൾ ആവിഷ്കരിക്കുകയും ചെയ്യും. ഇതിനുവേണ്ടി കലാകാരന്മാരെ ഒരുമിപ്പിക്കാനാണ് സംഘടന ലക്ഷ്യമിടുന്നത്. ഇത് ട്രേഡ് യൂണിയനല്ല. അംഗങ്ങളായ സിനിമ ടെലിവിഷൻ പ്രവർത്തകർക്ക് ക്ഷേമപ്രവർത്തനങ്ങൾ നടത്തുന്ന സംഘടനയാണ്.

എല്ലാ കലാകാരന്മാർക്കുമായി മറ്റു സംസ്ഥാനങ്ങളിൽ ഇത്തരം സംഘടനകൾ വർഷങ്ങൾക്ക് മുൻപേ നിലവിൽ വന്നു കഴിഞ്ഞു.

ഇതുവരെ ഒരു സംഘടനയിലും അംഗമാകാൻ സാധിക്കാത്ത സിനിമ ടെലിവിഷൻ കലാകാരന്മാർക്ക് ഈ സംഘടനയിൽ അംഗമാകാം. കേരളത്തിലുള്ളവർക്കും മറുനാട്ടിലുള്ളവർക്കും വിദേശമലയാളികൾക്കും മറ്റു സംഘടനകളിൽ അംഗമായവർക്കും പ്രത്യേക നിബന്ധനകളില്ലാതെ അംഗമാകാം.

മറ്റു സംഘടനകളുമായി മത്സരത്തിനോ ശത്രുതക്കോ ഈ പുതിയ സംഘടന ഉണ്ടായിരിക്കില്ല. എല്ലാ കലാകാരന്മാരുമായി സഹകരണം, വിശ്വാസം, സ്നേഹം, പരസ്പരബഹുമാനം, അംഗീകാരം, സഹായം, സഹവർത്തിത്തം ഇവയാണ് മലയാളം ഫിലിം ടെലിവിഷൻ ചേംബർ ലക്ഷ്യമിടുന്നത്.

🌹🌹 തിരുവനന്തപുരത്ത് തികച്ചും സൗജന്യമായി സിനിമ പഠിക്കാം 🌹🌹മലയാളം ഫിലിം ആൻഡ് ടെലിവിഷൻ ചേംബർ ഓഫ് കോമേഴ്‌സ് വിദ്യാരംഭദിനം മു...
21/09/2026

🌹🌹 തിരുവനന്തപുരത്ത് തികച്ചും സൗജന്യമായി സിനിമ പഠിക്കാം 🌹🌹

മലയാളം ഫിലിം ആൻഡ് ടെലിവിഷൻ ചേംബർ ഓഫ് കോമേഴ്‌സ് വിദ്യാരംഭദിനം മുതൽ 10 ദിവസത്തെ സിനിമ ഓറിയന്റേഷനും സിനിമയിലും ടെലിവിഷനിലും അഭിനയിക്കുന്നതിന്റെ പ്രാരംഭപാഠങ്ങളും തികച്ചും സൗജന്യമായി പഠിപ്പിക്കുന്നു. 18 വയസ്സിന് മീതെ ഏതു പ്രായക്കാർക്കും അപേക്ഷിക്കാം. പ്രവേശനം ആദ്യം അപേക്ഷിക്കുന്ന 15 പേർക്ക് മാത്രം. സ്ഥലം: ധന്യ, കൈമനം-തിരുവല്ലം റോഡ്, ആഴാങ്കൽ ബസ് സ്റ്റോപ്പിന് എതിർവശം, ഇന്ത്യൻ ഓയിൽ പെട്രോൾ പമ്പിന് സമീപം, കൈമനം, തിരുവനന്തപുരം-695040.

Address

Thiruvananthapuram
695014

Opening Hours

Monday 9am - 8pm
Tuesday 9am - 11pm
Wednesday 9am - 11pm
Thursday 9am - 11pm
Friday 9am - 11pm
Saturday 9am - 11pm
Sunday 9am - 11pm

Alerts

Be the first to know and let us send you an email when Malayalam Film and Television Chamber of Commerce posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Malayalam Film and Television Chamber of Commerce:

Shortcuts

Share