Pravasi Congress

16/04/2026

സോമേട്ടന് വിട .....
ഇന്ന് (വെള്ളിയാഴ്ച) രാവിലെ 9 മണിക് ശാന്തികവാടത്തിൽ അന്ത്യവിശ്രമം...
പ്രണാമം

15/04/2026

പ്രിയരെ,
പ്രവാസികോൺഗ്രസ് സംസ്ഥാന ട്രഷറർ സംഘടനയുടെ സ്ഥാപക നേതാവ് സോമശേഖരൻ നായർ (സോമേട്ടൻ ) നിര്യാതനായി ...
ഈ വിയോഗം ഏറെ ദുഖകരവും നികത്താനാകാത്തതുമാണ്.
സംഘടനക്ക് നൽകിയ കരുത്ത്,പിൻബലം, നിലപാട് ഒക്കെ ... സ്മരിക്കപ്പെടുക തന്നെ ചെയ്യും... വെള്ളിയാഴ്ച രാവിലെ 8 മണിക്ക് തിരുവനന്തപുരത്താണ് സംസ്‌കാര ചടങ്ങുകൾ ..നാളെ (വ്യാഴം) 11 മണി മുതൽ ശാസ്തമംഗലത്തെ വസതിയിൽ പൊതുദർശനമുണ്ടാകും.
സംസ്ഥാന കമ്മിറ്റിയുടെ അനുശോചനവും അഗാധമായ ദുഖവും അറിയിക്കുന്നു.
കുടുംബത്തിൻ്റെ വേദനയിൽ ഹൃദയ പൂർവ്വം പങ്കുചേരുന്നു..
പ്രിയപ്പെട്ടവന് വിട....

02/04/2026

പ്രതിപക്ഷ നേതാവ് വാക്ക് പാലിച്ചു. നന്ദി...
പ്രവാസി കോൺഗ്രസ് സംഘടിപ്പിച്ച മൈഗ്രേഷൻ ഡേയുടെയും, പ്രവാസി കോൺക്ലേവിൻ്റെയും ഉദ്ഘാടന പ്രസംഗത്തിൽ തിരഞ്ഞെടുപ്പ് പ്രകടനപത്രികാ രൂപീകരണത്തിൽ പ്രവാസി കോൺഗ്രസുമായി ചർച്ച ചെയ്യുമെന്ന് അദ്ദേഹം ഉറപ്പ്നൽകിയിരുന്നു.
തുടർന്ന് കഴിഞ്ഞ ദിവസം പ്രതിപക്ഷനേതാവുമായുള്ള കൂടിക്കാഴ്ചയിൽ പ്രവാസി കോൺഗ്രസ്, UDF പ്രകടനപത്രികയിൽ ഉൾപ്പെടുത്തണമെന്നാവശ്യപ്പെട്ട വിവിധ നിർദ്ദേശങ്ങളിൽ ആറെണ്ണം ഉൾപ്പെടുത്തിയതിൽ ഏറെ സന്തോഷമാണുള്ളത്. മുൻകാലങ്ങളിൽ നിന്ന് വെത്യസ്തമായി പ്രവാസി ക്ഷേമവിഷയത്തിൽ UDF കൂടുതൽ ഗൗരവം കാണിക്കുന്നത് പ്രവാസികളെ കരുതലോടെ കാണുന്നു എന്നതാണ്.
ഇവ പ്രാവർത്തികമാകാൻ UDF ൻ്റെ വിജയം അനിവാര്യമാണ്.
UDF നേതൃത്വത്തിന് അഭിനന്ദനങ്ങൾ, വിജയാശംസകൾ....

01/02/2026

22/01/2026

ഈ മാസം 29 മുതൽ നിയമസഭയിൽ നടക്കുന്ന അഞ്ചാം ലോക കേരളസഭയിലേക്ക് പ്രവാസി കോൺഗ്രസ് പ്രതിനിധികളായി സംസ്ഥാന പ്രസിഡൻ്റും സംഘടനാകാര്യ ജന:സെക്രട്ടറിയും നിയമിതരായി.

കഴിഞ്ഞ രണ്ട് സഭയിലും ഇവർ പങ്കെടുത്തിരുന്നു. വളരെ ഫലപ്രദമായ നിർദ്ദേശങ്ങൾ മുൻ സഭകളിൽ വെക്കാനും ചിലത് പ്രാവർത്തികമാക്കാനും മറ്റു ചിലത് സർക്കാരിൻ്റെ പരിഗണനയിലേക്ക് എത്തിക്കാനുമായി...
പ്രവാസിഗ്രാമസഭ എന്ന നിർദ്ദേശം പ്രവാസിമിഷനായി നടപ്പാക്കാനായി . പ്രവാസികൾക്കുള്ള മെഡിക്കൽ ഇൻഷ്വറൻസ് ഇതിൽ തിരികെ വന്നവർക്കുള്ള ഇൻഷ്വറൻസ് നടപ്പാക്കുമെന്ന ഉറപ്പും ലഭിച്ചിട്ടുണ്ട്.
CSR ഫണ്ട് ക്ഷേമനിധി ബോർഡിന് ലഭ്യമാക്കാനുള്ള നിർദ്ദേശവും നടപ്പാക്കാൻ കഴിഞ്ഞു. ഇനിയുമേറെയുണ്ട്..അവ ഈ സഭയിലും ശക്തമായി ഉന്നയിക്കും.
ക്ഷേമ നിധി ബോർഡിൻ്റെ പ്രവർത്തനം കാര്യക്ഷമമാക്കേണ്ടതുണ്ട്. അതുൾപ്പെടെയുള്ള പ്രശ്നപരിഹാരത്തിന് പ്രവാസികൾക്കൊപ്പം ഞങ്ങളുണ്ടാകും...
ഉറപ്പ് .....പിന്തുണയുമായി നിങ്ങൾ കൂടെയുണ്ടാകണം.

17/12/2025

പ്രവാസിക്ഷേമത്തിന് പ്രഥമ പരിഗണ നൽകും. വി.ഡി. സതീശൻ

തിരുവനന്തപുരം: വൻതോതിലുള്ള പ്രവാസി നിക്ഷേപം സംസ്ഥാന വികസനത്തിന് ഉപയോഗപ്പെടുത്താൻ യു.ഡി.എഫ്. സമഗ്ര പദ്ധതിതയ്യാറാക്കും ,ഈ വിഷയത്തിൽ പ്രവാസി കോൺഗ്രസിന്റെ വിദഗ്ധോപദേശം തേടുമെന്നും പ്രതിപക്ഷ നേതാവ് വി.ഡി. സതീശൻ.
പ്രവാസി കോൺഗ്രസ് സംഘടിപ്പിച്ച ഡയസ്പോറാ കോൺക്ലേവും അന്താരാഷ്ട്ര കുടിയേറ്റ ദിനാചരണവും ഉദ്ഘാടനം ചെയ്തു സംസാരിക്കുകയായിരുന്നു പ്രതിപക്ഷ നേതാവ് .
പ്രവാസി വിഷയങ്ങളിൽ പ്രാതിനിധ്യ സ്വഭാവം ഇല്ലാതിരിക്കുന്നത് മൂലം ഇവരുടെ വിഷയം ഗൗരവത്തോടെ അവതരിപ്പിക്കപ്പെടുന്നില്ലെന്നും ലോക കേരളസഭ അതിനുള്ള ഉപാധിയാക്കി മാറ്റണമെന്നും സംസ്ഥാന ഫിനാൻസ് കമ്മീഷൻ ചെയർമാൻ ഡോക്ടർ
കെ.എൻ.ഹരിലാൽ അഭിപ്രായപ്പെട്ടു. പ്രവാസി വിഷയങ്ങൾ പ്രവാസികളുടെത് മാത്രമല്ല എന്നും ഇത് പൊതുസമൂഹത്തിന്റെ സാമ്പത്തിക സാമൂഹ്യ വിഷയമാണെന്നും അദ്ദേഹം പറഞ്ഞു.
പ്രവാസി കോൺഗ്രസ് സംസ്ഥാന പ്രസിഡൻ്റ് ദിനേശ് ചന്ദന അധ്യക്ഷത വഹിച്ചു. ജനറൽ സെക്രട്ടറി സലിം പള്ളിവിള ,പ്രവാസി സംഘം സംസ്ഥാന വൈസ് പ്രസിഡണ്ട് കെ. വിജയകുമാർ, സുധീർഷ പാലോട്, സലാം സിത്താര, ബദ്റുദ്ദീൻ ഗുരുവായൂർ, അനിൽ നന്ദിയോട് ,അഷ്റഫ് വടക്കേവിള, ഹസൻ കുഞ്ഞ്, നൗഷാദ് പാലോട്, പ്രവീൺ ആൻറണി, ഗീവർഗീസ്,ജലാൽ മൈനാഗപ്പള്ളി ,ഫൗസിയ , തുടങ്ങിയവർ സംസാരിച്ചു