16/10/2024
பெண்கள் தியானம் கற்றுக் கொள்ளலாமா?
இது ஒரு முக்கியமான கேள்வி..
அடிப்படையில் தியானப் பயிற்சிகளுக்கு பாலின பாகுபாடு தேவையில்லை என்பது என் தனிப்பட்டக் கருத்து.
இன்றைய அவசர வாழ்வியல் சூழலை நாம் அனைவரும் சேர்ந்து உருவாக்கிக் கொண்டிருக்கும் நிலையில் மன நல மேம்பாட்டிற்கென இயற்கை கொடுத்த கொடையான உறக்கத்தையும் நம்மில் பலர் இழந்த விட்ட நிலையில்...
நாம் இதற்கான தீர்வைத் தேட வேண்டிய கட்டாயத்தில் இருக்கிறோம் என்பதே உண்மை. அதிலும் பெண்கள் சந்திக்கும் சிக்கல்கள் மேலும் வாழ்வியல் தாக்கத்தையும் சமூகத்தில் பெரும் தாக்கத்தையும் ஏற்படுத்தக் கூடியவை என்பதனை உணர்ந்தவர்கள் இந்தக் கேள்வியை நிச்சயம் கேட்கத் தேவை இருக்காது.
மன நிம்மதி, மன மகிழ்ச்சி, மன அமைதி என்பது அனைவருக்கும் தேவையான ஒன்றென்பதால் நிச்சயமாக பெண்கள் தியானப் பயிற்சிகளைக் கற்றுத் தேர்ந்து, தமது தினசரி வாழ்வில் பயன்படுத்தி பலன் பெற வேண்டும் என்பதே என்னுடைய நேரிடையான பதில்.
இதற்கு குடும்பத்தில் உள்ள அனைவரும் ஒத்துழைப்பு நல்க வேண்டும் என்பதும் என்னுடைய வேண்டுகோள்.
இது குடும்பத்தின் நலனுக்கும், சமூகத்தின் நலனுக்கும் பெரும் பங்களிப்பு செய்யும்.
உங்களின் கருத்துக்களையும் பகிர்ந்து கொள்ளுங்கள்
அன்புடன்
ரா. மகேந்திரன் (எ) கருவெளி ராச. மகேந்திரன்)
Inner Peace Meditation அக அமைதி தியானம்
