25/08/2024
खालार: 25 आगष्ट', 2024
सोनाब तेजपुर दख'रा दुलाराय बर' फरायसा आफादनि बानजायनायाव मानिजारनि गुदि फरायसालियाव "बड'फा गोजोरथियारि सोलायनाय मावथांखि आरो समाज सांग्रांथि मेल" लानाय जायो।
सोनाब तेजपुर दख'रा दुलाराय बर' फरायसा आफादनि आफादगिरि मानगोनां मुस्रि अनथाव बाथाव बर'नि मासि लानानै दैदेननाय मेलनि थांखिखौ मेहेरगोनां बिबुंथिनि गेजेरजों बेखेवनानै होयो सनितपुर जिला दुलाराय बर' फरायसा आफादनि बुंथिगिरि मानगोनां परेस बरमहलिया बिथाङा।
बे मेलावनो हांख्रायहरजानाय गाहाइ आलासि महरै बाहागो लानानै माहारि बाद, सोलोंथाय, राव हारिमु, रांखान्थि बायदि बायदि बिथिंआव बेसेनगोसा बिबिबुंथि लाखिनो हायो सनितपुर जिला दुलाराय बर' फरायसा आफादनि आफादगिरि मानगोनां मुस्रि जित सर्गियारी बिथाङा। बे मेलावनो बाहागो लानो हाबावो सनितपुर जिला दुलाराय बर' फरायसा आफादनिफ्राय लोगो गाहाइ नेहाथारी मानगोनां फोरमायग्रा बसुमतारी, नेहाथारि रुपज'ति बर', सुबुं फोनांजाब नेहाथारि सानजोहोलाव बर', मावख' नेहाथारि दिलिप मोसाहारी ',आरो सोनाब तेजपुर दख'रा एबसुनि बायदि बिबानाव थानाय बिबानगिरि बिथांमोनहा।
