03/06/2026
অভিনন্দন, অভিনন্দন, অভিনন্দন!
সদৌ অসম গোৰ্খা ছাত্ৰ সন্থা (আগ্ছু)ৰ বিটিচি ক্ষেত্ৰীয় সমিতিৰ উদ্যোগত HSLC আৰু HS পৰীক্ষাত ৯০%তকৈ অধিক নম্বৰ লাভ কৰা কৃতী শিক্ষাৰ্থীসকলক সম্বৰ্ধনা জনোৱা কাৰ্যসূচীত আমাৰ ওদালগুৰি জিলাৰ টংলাস্থিত বুঢ়াগোহাঁইথান গাঁৱৰ কৃতী ছাত্ৰ অবিনাশ ছেত্ৰী সম্বৰ্ধিত হোৱাত আমি অত্যন্ত গৌৰৱান্বিত। শ্ৰীমান চন্দ্ৰ বাহাদুৰ বস্নেত আৰু শ্ৰীমতী ভাগীৰথী দেৱীৰ পুত্ৰ অবিনাশে নিজৰ মেধা, অধ্যৱসায় আৰু কঠোৰ পৰিশ্ৰমৰ বলত এই সাফল্য অৰ্জন কৰিবলৈ সক্ষম হৈছে।
লগতে, বিটিচি ক্ষেত্ৰীয় সমিতিৰ দ্বাৰা HSLC পৰীক্ষাৰ পূৰ্বে আয়োজিত Special Merit Examination-ত বিটিচি অঞ্চলৰ পাঁচখন জিলাৰ ভিতৰত প্ৰথম স্থান দখল কৰি শ্ৰীমান চন্দ্ৰ কুমাৰ থাপা আৰু শ্ৰীমতী চন্দনা থাপা ছেত্ৰীৰ পুত্ৰ বিবেক থাপাই সমগ্ৰ অঞ্চললৈ গৌৰৱ কঢ়িয়াই আনিছে। এই কৃতিত্বৰ স্বীকৃতি স্বৰূপে বিটিচি ক্ষেত্ৰীয় সমিতিয়ে অভিনন্দন পত্ৰ আৰু নগদ ধনেৰে তেখেতক সম্বৰ্ধনা জনাইছে।
টংলা আঞ্চলিক সমিতিৰ পক্ষৰ পৰা দুয়োগৰাকী কৃতী ছাত্ৰলৈ আন্তৰিক অভিনন্দন আৰু শুভেচ্ছা জ্ঞাপন কৰিছোঁ। তোমালোকৰ এই সাফল্যই আগন্তুক দিনত আৰু অধিক উচ্চ শিখৰ স্পৰ্শ কৰিবলৈ অনুপ্ৰেৰণা যোগাওক।
উজ্জ্বল ভৱিষ্যতৰ বাবে আন্তৰিক শুভকামনা।
সদৌ অসম গোৰ্খা ছাত্ৰ সন্থা (আগ্ছু)
টংলা আঞ্চলিক সমিতি ।
All Assam Gorkha Students' Union
