तामुलपुर जिल्ला दुलाराय बर' फरायसा आफाद/Tamulpur District Committee ABSU

28/09/2026

गाहाइ मावख': तामुलपुर जिल्ला एबसु
अक्ट': 28 सेप्तेमबर, 2026 इं

21/09/2026

गाहाइ मावखुलि: तामुलपुर जिल्ला एबसु
अक्ट': 21 सेप्तेमबर, 2026 इं

मैया गुवाहाटीनि "हेमकोश पाब्लिकेसन"जों बेखेवजानाय गोबां रावारि सोदोब बिहुं "হেমকোষৰ পৰিশিষ্ট, শব্দকোষ" आव असमिया हांखोआव बर'' रावखौ लिरनायखौ तामुलपुर जिल्ला दुलाराय बर' फरायसा आफादा दिनै "सोदोब बिहुं" बिजाबखौ अरजों सावनानै खुद्रिसारनायनि गेजेरजों गोख्रोङै हेंथा होयो। बर' रावखौ देब'नागिरि हांखोजों लिरनांगौ आरो बेखौ थाबैनो सोदांफिननानै दिहुनजानाय बिजाबफोरखौ हाथाइआव फाननायखौ बन्द' खालामनांगौ होननानैबो दाबि दैखांनाय जायो। बे हाबाफारियाव तामुलपुर जिल्ला एबसुनि आफादगिरि मुस्रि बासिराम रामसियारि, गाहाइ नेहाथारि जिबन बसुमतारि, बुंथिगिरि अजित बर' आरो जिल्ला एबसुनि बिबानगिरिफोरजों लोगोसे जिल्लानि सिङाव थानाय मोनफ्रोमबो दख'रा आफादफोरनि बिबानगिरि बिथांमोनाबो मैखोमै बाहागो लादोंमोन

08/09/2026

गाहाइ मावखुलि: तामुलपुर जिल्ला एबसु
अक्ट': 8 सेप्तेमबर, 2026 इं

तामुलपुर जिल्ला दुलाराय बर' फरायसा आफादनि बानजायनायाव आरो तामुलपुर फरायसालिमा, गरेस्वर फरायसालिमा आरो तामुलपुर डिग्रि फरायसालिमा दालाइ दुलाराय बर' फरायसा आफादनि हेफाजाबजों तामुलपुर जिल्ला दुलाराय बर' फरायसा आफादनि 1थि "गोदान फरायसा बरायनाय" (1st Freshmen Social Ceremony) हाबाफारिखौ तामुलपुर कलेजनि अडिटरियाम ह'ल आव खुंफुंनाय जायो। मखनो गोनांदि बे हाबाफारियाव गाहाइ आलासि महरै बाहागो लायो मिरु दुलाराय बर' फरायसा आफादनि मानगोनां गाहाइ नेहाथारि मुस्रि खनिन्द्र बसुमतारि बिथाङा। गोदान फरायसा बरायनाय हाबाफारिखौ जागायनायनि सिगां-सिगां आलारि बाथि फोजोंजेनो तामुलपुर सेनियर सेकेन्डारि फरायसालिनि मानगोनां गोरायुं मुस्रि असिम डेका बिथाङा। बेनि उनाव मेहेर गोनां बिबुंथिनि गेजेरजों गोदान फरायसा बरायनाय हाबाफारिखौ बेखेवना होयो बि टि सि एल ए नि मानगोनां बारग' बुंथिगिरि मुस्रि कातिराम बर' बिथाङा। बराय बिबुंथि लाखियो तामुलपुर जिल्ला एबसुनि आफादगिरि मुस्रि बासिराम रामसियारि बिथाङा। हाबाफारियाव बाहागो लाबावो मिरु एबसुनि हारिमु नेहाथारि सुसिल इस्लारि, लोगो थुनलाइ नेहाथारि सानसुमा बर' आरो कलेजनि बिबुंगोरा बिथांमोन, फरायसा बिथांमोन, जिल्ला आरो दख'रा एबसुनि बिबानगिरि बिथांमोन लोगोसे बर'नि मुंदांखा मेथाइ रोजाबगिरि मोनसोम बर' आरो गुबुन-गुबुन। हाबाफारिखौ तामुलपुर जिल्ला एबसुनि गाहाइ नेहाथारि जिबन बसुमतारिया गुदि हमनानै दैदेनदोंमोन।

05/09/2026

गाहाइ मावखुलि: तामुलपुर जिल्ला एबसु
अक्ट': 5 सेप्टेमबर, 2026 इं

27/08/2026

गाहाइ मावखुलि: तामुलपुर जिल्ला दुलाराय बर' फरायसा आफाद
अक्ट': 27 आगष्ट, 2026 इं, तामुलपुर, बि टि आर (आसाम)

15/04/2026

15/02/2026

गाहाइ मावखुलि: तामुलपुर जिला एबसु, तामुलपुर, बि.टि.आर
अक्ट': 15 फेब्रुवारी, 2026 इं

तामुलपुर जिला दुलाराय बर' फरायसा आफादनि बान्जायनायाव दिनै तामुलपुर जिला एबसुनि गाहाइ मावख'आव सानसेनि हाबाफारिजों दुलाराय बर' फरायसा आफादनि 59 थि गायसनथाइ सान फालिनाय जायो।

"दुलाराय बर' फरायसा आफाद आरो बर' माहारिखौ गेरेमसा दाफुंनायाव बेनि गोनांथि" आयदानि सायाव सावराय मेलाव गाहाइ सावरायगिरि आलासि महरै दुलाराय बर' फरायसा आफादनि बोसोनगिरि मानिनां मुस्रि बि.सोमखोर बसुमतारी बिथाङा बाहागो लायो। मेल बेखेवगिरि आलासि महरै बाहागो लायो दुलाराय बर' फरायसा आफादनि बारग' नेहाथारि मुस्रि बिपुल कुमार बसुमतारि बिथाङा। फुंबिलिनि समाव गौथुमारि फिरफिलाखौ बिरहोयो तामुलपुर जिला एबसुनि आफादगिरि मुस्रि बासिराम रामसियारी बिथाङा। बड'फानो बिबार बाउनाय हाबाफारियाव बाहागो लायो बि.ति.आरनि मानगोनां बारग' गाहाइ मावफुं सोद्रोमा मुस्रि प्रमद बर' बिथाङा, 43 नं तामुलपुर बियाबनि MLA मानिनां मुस्रि जलेन दैमारि, दुलाराय बर' फरायसा आफादनि बारग' लोगो आफादगिरि मुस्रि मदन महन मुसाहारी, मुंख्लंफोरनो बिबार बाउनाय हाबाफारियाव बाहागो लायो बागसा जिला दुलाराय बर' फरायसा आफादनि बारग' आफादगिरि मुस्रि सुनिल सुजु बसुमतारी बिथाङा, गोजोननि थाखाय फारौ बिरहोनाय हाबाफारियाव बाहागो लायो दुलाराय बर' फरायसा आफादनि लोगो थुनलाइयारि नेहाथारि मुस्रि सानसुमा बर', तामुलपुर जिला ट्राइबेल संघनि आफादगिरि मुस्रि गजेन नार्जि, बे हाबाफारियावनो बाहागो लाबावो दुलाराय बर' फरायसा आफादनि बारग' बाथ्रा नेहाथारि ड० बिनद कुमार बर', तामुलपुर जिला दुलाराय बर' फरायसा आफादनि बारग' आफादगिरि मुस्रि बानेस्वर नारजारि, बागसा जिला एबसुनि बारग' रां लाथुमगिरि मुस्रि सदानन्द बर' ,बागसा जिला जिला एबसुनि नेहाथारि मुस्रि कमल स्वरगियारि, गुबुन-गुबुन दख'रा एबसुनि बिबानगिरि लोगोसे ओनसोलनि गोबां सानसुमै बिथांमोनाबो बाहागो लायो।

06/02/2026

गाहाइ मावख': मठंगा, तामुलपुर
अक्ट': 6 फेब्रुवारि, 2026 इं

दुलाराय बर' फरायसा आफादनि 58थि थान्दै जख'न्थाइआ 5, 6 आरो 7 फेब्रुवारि सानथामनि मेहेरगोनां हाबाफारिजों अदालगुरि जिलानि सिङाव थानाय सोलोंथाइ फोथार, टंलायाव गाजा-गोमजियै सोलिगासिनो दं। दिनै नैथि सान हाबाफारिनि गांनैसो सावमु।

24/01/2026

गाहाइ मावख': तामुलपुर जिला दुलाराय बर' फरायसा आफाद
अक्ट' : 24 जानुवारी, 2026 इं

तामुलपुर जिला दुलाराय बर' फरायसा आफादजों खुंजानाय 3थि तामुलपुर जिला रोंगौथि सायख' आनजाद (TDJTSE-2025) नि फिथाइखौ दिनै फोसावनाय जाबाय।