Kalapini, Talegaon

21/10/2026

08/10/2026

तीन पिढ्यांच्या उपस्थित सुगम व नाट्य संगीत स्पर्धा उद्घाटन सोहळा दिमाखात संपन्न.....
कलापिनी तर्फे आयोजित होणाऱ्या कै. पद्माकर प्रधान स्मृती सुगम व नाट्य संगीत स्पर्धेचे हे पन्नासवे वर्ष होते. स्पर्धेच्या सुरुवातीच्या वर्षांमध्ये ज्यांनी स्पर्धेचे आयोजन संयोजन केले त्या श्री दत्तात्रय मेढी आणि श्री विलास एरंडे यांना प्रमुख पाहुणे म्हणून उद्घाटन प्रसंगी आमंत्रित केले गेले होते. त्यांच्या हस्ते नटराज पूजन करून स्पर्धेचे उद्घाटन झाले. स्वागतपर भाषणामध्ये डॉक्टर अनंत परांजपे यांनी या संयोजकांनी या स्पर्धेसाठी किती कष्ट घेतले याची जाणीव सगळ्यांना करून दिली. सोशल मीडिया किंवा कुठलीही अद्ययावत सेवा नसताना सुद्धा त्याकाळी खूप मोठ्या प्रमाणावर स्पर्धा आयोजित होत होत्या. शाळाशाळांमध्ये स्वतः जाऊन स्पर्धांचे पत्रक वाटणे , स्पर्धकांच्या याद्या बनवणे आणि अशा इतर अनेक व्यवस्था स्वतः करून स्पर्धा यशस्वी करणे हे खूप जबाबदारीचे आणि अवघड काम या स्पर्धा संयोजकांनी पेललं असे ते म्हणाले. श्री मेढी आणि श्री एरंडे यांच्याबरोबर काम पाहणारे श्री भालचंद्र कुलकर्णी आणि श्री किरण परळीकर ह्यांचे देखील आभार त्यांनी मानले.
सत्कार स्वीकारताना श्री विलास एरंडे यांनी कलापिनी प्रती कृतज्ञता व्यक्त केली आणि कलापिनीमुळे संगीत क्षेत्रात मी काम करू शकलो आणि माझी संगीत कलेची तहान भागवू शकलो अस ते म्हणाले. याप्रसंगी त्यांच्या पत्नी सौ सुनीता एरंडे सुद्धा उपस्थित होत्या. श्री दत्तात्रय मेढी यांनी देखील जुन्या आठवणींना उजाळा दिला आणि त्यांनी स्वतः संगीतबद्ध केलेली मालकंस रागातील एक सुंदर अशी कविता सादर केली. त्यानंतर तीन पिढ्यांचा सत्कार व्यासपीठावर केला गेला पूर्वीचे संयोजक ,सध्याचे संयोजक आणि पुढील पिढीचे संयोजक असा त्रिवेणी संगम पाहून सगळे जण खूप भावनाप्रधान झाले. असा हा हृद्य सोहळा सर्व स्पर्धक पालक शिक्षक मन लावून पाहत होते.
पात्रता फेरीचे परीक्षक निशा अभ्यंकर विनायक लिमये, मंगेश राजहंस आणि लीना परगी यांचे
सत्कार दत्तात्रेय मेढे आणि विलास एरंडे यांच्या हस्ते केले गेले.
तसेच अंतिम स्पर्धेच्या पहिल्या दिवशी परीक्षक म्हणून सौ सीमा भोळे व श्री राजेश पंड्या यांचा परिचय करून त्यांचे स्वागत सत्कार केले गेले.
उद्घाटनाचा कार्यक्रमाला कार्याध्यक्ष अंजली सहस्त्रबुद्धे उपाध्यक्ष अशोक बकरे खजिनदार श्रीशैल गद्रे सहसचिव विनायक भालेराव उपस्थित होते. त्यानंतर स्पर्धेचे नियम सांगून शालेय गटाच्या स्पर्धा स्पर्धा लगेचच सुरू झाल्या.
उद्घाटनाचे सूत्रसंचालन लीना परगी यांनी केले, सुमेर नंदेश्वर यांचे ध्वनी संयोजन तर हितेश शिंदे यांनी फोटोग्राफी केली.
एकूणच 50 व्या वर्षीच्या या सुगम संगीत स्पर्धेचा उद्घाटन सोहळा अतिशय हृद्य आणि खास असा झाला.

05/10/2026

कै. पद्माकर प्रधान स्मृती सुगम व नाट्यसंगीत स्पर्धा २०२६ ( वर्ष ५० वे. )

*** निकाल पत्र ***

~~~ १ ली ते २ री ~~~
प्रथम : मल्हार ढोरे व्यंकटेश हायस्कूल
द्वितीय : गौरी वैभव गुळवे पैसा फंड प्राथ. शाळा
तृतीय : राजवर्धन दाभाडे जैन इंग्लिश स्कूल
उत्तेजनार्थ : मीरा किरण चव्हाण पोद्दार इंटरनॅशनल स्कूल
उत्तेजनार्थ : आर्वी चेतन जावळेकर पैसा फंड प्राथ शाळा
प्रोत्साहनपर : यशराज बाळु बारहाते एस ई सी नायगाव
प्रोत्साहनपर : प्रिन्स संदीप चाबुकस्वार जय वकील स्कूल

~~~ ३ री ते ४ थी ~~~
प्रथम : आयुष बनसुडे जैन इंग्लिश स्कूल
द्वितीय : जिनिशा गदिया व्यंकटेश्वरा हायस्कूल
तृतीय : दित्या योगेश पन्हाळे जैन इंग्लिश स्कूल
उत्तेजनार्थ : आलिया सय्यद व्यंकटेश्वरा हायस्कूल
उत्तेजनार्थ : अर्जुन सर्वेश पिंगळे मामासाहेब खांडगे स्कूल
प्रोत्साहनपर : रेयांश संदीप गुजर जि. प. पिंपळोली
प्रोत्साहनपर : भार्गवी श्याम घोटकुले बालविकास विद्यालय

~~~ ५ वी ते ७ वी ~~~
प्रथम : खुशी लोहार जैन इंग्लिश स्कूल
द्वितीय : तेजस्वी मारुती मोहन सरस्वती विद्या मंदिर
तृतीय : शांभवी सागर धर्माधिकारी बालविकास विद्यालय
उत्तेजनार्थ : स्वरा चिन्मय कुलकर्णी बालविकास विद्यालय
उत्तेजनार्थ : राधा केदार वळसंगकर नगरपरिषद शाळा क्र ५
प्रोत्साहनपर : वैदेही देशमुख बालविकास विद्यालय
प्रोत्साहनपर : काव्या मिरटकर प्रज्ञान बोधिनी शिरगाव
प्रोत्साहनपर : शालोक राहुल वानखेडे एस ई सी नायगाव
प्रोत्साहनपर : अर्णव शिंदे नगर पालिका शाळा क्र ३

कै दादासाहेब चांदेकर स्मृती प्रतिभाशाली कलाकार
रेवा आनंद कशेळकर एम्प्रॉस हाय स्कूल

~~~ ८ वी ते १० वी ~~~
प्रथम : विवान रूपनवर पोद्दार इंटरनॅशनल स्कूल
द्वितीय : सृष्टी शंकर वीर स्वामी विवेकानंद स्कूल
तृतीय : सृष्टी गणेश शिवणेकर सरस्वती विद्यामंदिर
उत्तेजनार्थ : मधुरा महेश जगदाळे बालविकास विद्यालय
उत्तेजनार्थ : अदिती लंबे जैन इंग्लिश स्कूल
प्रोत्साहनपर : स्वरा योगेश पन्हाळे जैन इंग्लिश स्कूल

~~~ युवक गट ~~~
प्रथम : तेजस जोशी
द्वितीय : श्रावणी देशमुख
तृतीय : प्रज्ञा बेहरे
उत्तेजनार्थ : अनिरुद्ध जोशी
उत्तेजनार्थ : अजिंक्य गुरव
प्रोत्साहनपर : दिपीका चोरमले
प्रोत्साहनपर: अपेक्षा पाटील

~~~ प्रौढ गट ~~~
प्रथम : कौस्तुभ ठोसर
द्वितीय : अमृता झा
तृतीय : आनंद श्रीपाद कशेळकर
उत्तेजनार्थ : प्राची गुप्ते
उत्तेजनार्थ : सर्वज्ञा सोलापूरकर
प्रोत्साहनपर : सिकिंदर माने
प्रोत्साहनपर : अविनाश शिंदे

~~~ ज्येष्ठ गट ~~~
प्रथम : प्रशांत देशपांडे
द्वितीय : मेधा मिलिंद रानडे
तृतीय : दर्शना वाकणकर
उत्तेजनार्थ : समीर महाजन
उत्तेजनार्थ : सोनाली पाडळकर
प्रोत्साहनपर : स्मिता गजभिव
प्रोत्साहनपर : पुष्पा आगाशे

~~~ नाट्य संगीत शालेय गट ~~~
प्रथम : खुशी लोहार
द्वितीय : स्वरा नितीन माळी
तृतीय : विवान रूपनवर

~~~ नाट्य संगीत खुला गट ~~~
प्रथम : डॉ अश्विनी परांजपे
द्वितीय : मेधा रानडे
तृतीय : सर्वज्ञा सोलापूरकर
उत्तेजनार्थ : कौस्तुभ ठोसर
उत्तेजनार्थ : अरुंधती देशपांडे
प्रोत्साहनपर : किर्ती घाणेकर

05/10/2026

“संगीत म्हणजे रसिकांशी साधलेला संवाद” : डॉ. वैशाली जुंदरे
कै. पद्माकर प्रधान स्मृती सुगम संगीत स्पर्धेचा सुवर्णमहोत्सवी समारंभ उत्साहात संपन्न
तळेगाव दाभाडे दि. :
“संगीत म्हणजे सूर, ताल आणि लय इतकंच नसून तो रसिकांशी साधलेला संवाद आहे. कलापिनी या संस्कारांच्या विद्यापीठात येऊन जीवन कौशल्य शिकण्याची संधी अजिबात सोडू नका.” असे मत डॉ. वैशाली जुंदरे यांनी व्यक्त केले.
कलापिनी आयोजित, कै. पद्माकर प्रधान स्मृती सुगम संगीत स्पर्धेच्या सुवर्णमहोत्सवी वर्षानिमित्त पारितोषिक वितरण समारंभात त्या बोलत होत्या. हा सोहळा उत्साहपूर्ण वातावरणात संपन्न झाला. गेली पन्नास वर्षे संगीताची आवड जोपासत नवोदित गायकांना व्यासपीठ उपलब्ध करून देणाऱ्या या स्पर्धेच्या सुवर्णमहोत्सवी सोहळ्याला संगीतप्रेमींचा उत्स्फूर्त प्रतिसाद लाभला.
यावेळी व्यासपीठावर या प्रसंगी लायनेस अमृता कुलकर्णी, पं. किरण परळीकर, प्रकाश प्रधान, अजित प्रधान, श्यामल प्रधान, शुभा प्रधान, अंजली सहस्रबुद्धे, अशोक बकरे, परीक्षक संतोष देशमुख, सदानंद गोखले आदी मान्यवर उपस्थित होते.
कार्यक्रमाची सुरुवात उपस्थित मान्यवरांच्या हस्ते नटराज पूजन व दीपप्रज्वलनाने झाली. त्यानंतर शुभा प्रधान यांनी अभंग सादर केला. तसेच ‘जमेल तेव्हा जमेल त्याने’ हे गीत सादर करण्यात आले. अंजली सहस्रबुद्धे यांनी उपस्थित मान्यवरांचे स्वागत केले, तर स्पर्धाप्रमुख अशोक बकरे यांनी प्रास्ताविकातून स्पर्धेची परंपरा, वाटचाल आणि सुवर्णमहोत्सवी वर्षाचे महत्त्व विशद केले.
डॉ. अनंत परांजपे यांनी मनोगतातून स्पर्धक आणि पालक यांना प्रोत्साहन दिले. अमृता कुलकर्णी म्हणाल्या, “अशा स्पर्धांमुळे संगीताची परंपरा जतन होण्याबरोबरच नव्या पिढीतील कलाकारांना प्रोत्साहन मिळते.” यावेळी परीक्षकांनी स्पर्धेतील गायन, सादरीकरण आणि स्पर्धकांच्या संगीतविषयक तयारीविषयी आपली मते व्यक्त केली.
प्रकाश प्रधान यांनी आपल्या वडिलांच्या स्मृती प्रीत्यर्थ घेण्यात येणाऱ्या स्पर्धेच्या आयोजना बाबत कलापिनी परिवाराचे आभार मानले. कलापिनीच्या संगीत विभागाला त्यांच्या वतीने ढोलकी भेट म्हणून देण्यात आली. दीपाली गांगल, डॉ. वैशाली जुंदरे आणि भूषण जुंदरे यांनी कै. विद्या अंबिके आणि सुरेश अंबिके यांच्या स्मुर्ती प्रीत्यर्थ पुरस्कार देणार असल्याचे यावेळी जाहीर केले.
संगीत सादरीकरणात महत्त्वाची भूमिका बजावणारे गुणी वादक लक्ष्मीकांत धोंगडे, अनिरुद्ध जोशी, प्रदीप जोशी, चैतन्य लोवळेकर, चैतन्य कुरुंदवाड, कौस्तुभ ओक आणि योगीराज राजहंस यांचाही गौरव करण्यात आला.
डॉ. विनया केसकर, अशोक बकरे, स्मिता दिवेकर आणि लीना परगी यांनी पारितोषिक वितरण समारंभाचे सूत्रसंचालन केले. कार्यक्रमाच्या यशस्वीतेसाठी कलापिनीच्या कार्यकारिणी सदस्य आणि कार्यकर्त्यांनी परिश्रम घेतले.
स्पर्धेचा निकाल पुढीलप्रमाणे – (प्रथम, द्वितीय, तृतीय, उत्तेजनार्थ आणि प्रोत्साहनपर याप्रमाणे)
१ली २री
मल्हार ढोरे (व्यंकटेश हायस्कूल), गौरी वैभव गुळवे (पैसा फंड प्राथ. शाळा), राजवर्धन दाभाडे (जैन इंग्लिश स्कूल)
उत्तेजनार्थ : मीरा किरण चव्हाण (पोद्दार इंटरनॅशनल स्कूल) , आर्वी चेतन जावळेकर (पैसा फंड प्राथ शाळा)
प्रोत्साहनपर : यशराज बाळु बारहाते (एस ई सी नायगाव) , प्रिन्स संदीप चाबुकस्वार (जय वकील स्कूल)
३री ते ४थी
आयुष बनसुडे (जैन इंग्लिश स्कूल), जिनिशा गदिया (व्यंकटेश्वरा हायस्कूल), दित्या योगेश पन्हाळे (जैन इंग्लिश स्कूल)
उत्तेजनार्थ : आलिया सय्यद (व्यंकटेश्वरा हायस्कूल), अर्जुन सर्वेश पिंगळे (मामासाहेब खांडगे स्कूल)
प्रोत्साहनपर : रेयांश संदीप गुजर (जि. प. पिंपळोली), भार्गवी श्याम घोटकुले (बालविकास विद्यालय)

५वी ते - ७ वी
खुशी लोहार (जैन इंग्लिश स्कूल), तेजस्वी मारुती मोहन (सरस्वती विद्या मंदिर), शांभवी सागर धर्माधिकारी (बालविकास विद्यालय)
उत्तेजनार्थ : स्वरा चिन्मय कुलकर्णी (बालविकास विद्यालय), राधा केदार वळसंगकर (नगरपरिषद शाळा क्र ५)
प्रोत्साहनपर : वैदेही देशमुख (बालविकास विद्यालय), काव्या मिरटकर (प्रज्ञान बोधिनी शिरगाव)
प्रोत्साहनपर : शालोक राहुल वानखेडे (एस ई सी नायगाव), अर्णव शिंदे (नगरपालिका शाळा क्र ३)
कै दादासाहेब चांदेकर स्मृती प्रतिभाशाली कलाकार - रेवा आनंद कशेळकर (एम्प्रॉस हायस्कूल)
८वी ते -१० वी
विवान रूपनवर (पोद्दार इंटरनॅशनल स्कूल) , सृष्टी शंकर वीर (स्वामी विवेकानंद स्कूल), सृष्टी गणेश शिवणेकर (सरस्वती विद्यामंदिर)
उत्तेजनार्थ : मधुरा महेश जगदाळे (बालविकास विद्यालय), अदिती लंबे (जैन इंग्लिश स्कूल)
प्रोत्साहनपर : स्वरा योगेश पन्हाळे (जैन इंग्लिश स्कूल)
युवक गट
तेजस जोशी, श्रावणी देशमुख, प्रज्ञा बेहरे
उत्तेजनार्थ : अनिरुद्ध जोशी, अजिंक्य गुरव
प्रोत्साहनपर : दिपीका चोरमले, अपेक्षा पाटील
प्रौढ गट
कौस्तुभ ठोसर, अमृता झा, आनंद श्रीपाद कशेळकर
उत्तेजनार्थ : प्राची गुप्ते, सर्वज्ञा सोलापूरकर
प्रोत्साहनपर : सिकिंदर माने, अविनाश शिंदे
ज्येष्ठ गट
प्रशांत देशपांडे, मेधा मिलिंद रानडे, दर्शना वाकणकर
उत्तेजनार्थ : समीर महाजन, सोनाली पाडळकर
प्रोत्साहनपर : स्मिता गजभिव, पुष्पा आगाशे
नाट्य संगीत (शालेय गट)
खुशी लोहार , स्वरा नितीन माळी, विवान रूपनवर
नाट्य संगीत (खुला गट)
डॉ अश्विनी परांजपे, मेधा रानडे, सर्वज्ञा सोलापूरकर
उत्तेजनार्थ : कौस्तुभ ठोसर, अरुंधती देशपांडे
प्रोत्साहनपर : किर्ती घाणेकर

30/09/2026

कै. पद्माकर प्रधान स्मृती सुगम संगीत स्पर्धेच्या अंतिम फेरीपूर्वी कार्यशाळा उत्साहात संपन्न
तळेगाव दाभाडे : कै. पद्माकर प्रधान स्मृती सुगम संगीत स्पर्धेची पात्रता फेरी ६ सप्टेंबर रोजी उत्साहात पार पडली. या पात्रता फेरीत तब्बल २०० स्पर्धकांनी सहभाग घेतला. विविध वयोगटांतील स्पर्धकांनी उत्स्फूर्त सहभाग नोंदविला. पात्रता फेरीअंती एकूण १०४ स्पर्धकांची अंतिम फेरीसाठी निवड करण्यात आली.
इयत्ता पहिली, दुसरी तसेच इयत्ता पाचवी ते सातवी या गटांसाठी निशा अभ्यंकर आणि लीना परगी यांनी परीक्षक म्हणून काम पाहिले. इयत्ता तिसरी, चौथी तसेच इयत्ता आठवी ते दहावी या गटासाठी विनायक लिमये आणि मंगेश राजहंस यांनी परीक्षण केले. प्रौढ, युवक आणि ज्येष्ठ या गटांसाठी विनायक लिमये आणि विनय कशेळकर यांनी परीक्षक म्हणून जबाबदारी सांभाळली.
अंतिम फेरीसाठी पात्र ठरलेल्या स्पर्धकांसाठी २७ सप्टेंबर रोजी विशेष मार्गदर्शन कार्यशाळेचे आयोजन करण्यात आले. कार्यशाळेला उपस्थितांचे स्वागत तसेच प्रशिक्षकांचा परिचय लीना परगी यांनी करून दिला.
यावेळी विनायक लिमये, निशा अभ्यंकर आणि मंगेश राजहंस यांनी स्पर्धकांना सुगम संगीत सादरीकरणाबाबत मार्गदर्शन केले.
विनायक लिमये यांनी गाण्यातील शब्दोच्चारांचे महत्त्व अधोरेखित केले. ऱ्हस्व, दीर्घ, जोडाक्षरे यांचे योग्य उच्चार गाताना कसे करावेत, हे त्यांनी उदाहरणांसह स्पष्ट केले. “गाणं सतत शिकत राहिलं पाहिजे. सूर आणि अर्थाचा विचार करून गाणं सादर करा. मनाने स्वच्छ आणि निर्मळ रहा, चांगला माणूस होण्याचा प्रयत्न करा. तुम्ही उत्तम कलाकार व्हालच,” असे त्यांनी सांगितले. नियमित सराव आणि सातत्याला त्यांनी विशेष महत्त्व दिले.
निशा अभ्यंकर यांनी विविध वयोगटांतील स्पर्धकांना त्यांच्या वयानुसार आणि क्षमतेनुसार मार्गदर्शन केले. लहान मुलांसाठी सोपे शब्द आणि सोपी गाणी निवडावीत, ताल समजण्यासाठी टाळ्यांच्या साहाय्याने गाणे शिकवावे, तसेच सादरीकरणाच्या वेळी देहबोलीकडे लक्ष द्यावे, असे त्यांनी पालकांना सांगितले. स्टेजवर आल्यानंतर वादकांना नमस्कार करून त्यांचे आशीर्वाद घ्यावेत, असेही त्यांनी नमूद केले.
मध्यम वयोगटातील स्पर्धकांनी गाण्याची पूर्ण मनाने तयारी करून ते आत्मसात करण्याचा प्रयत्न करावा, मराठी शब्दांचे अर्थ अनुभवसंपन्न व्यक्तींकडून समजून घ्यावेत आणि एखादे गाणे किमान दहा वेळा ऐकून त्यातील बारकावे समजून घ्यावेत, असा सल्ला त्यांनी दिला. “आपण स्वतः कसे गातोय, याची स्वतःशीच तुलना करून त्यात सुधारणा करत राहा,” असे त्यांनी सांगितले.
युवक गटाला मार्गदर्शन करताना निशाताईंनी आजच्या काळातील लाइव्ह आणि कराओके गायनाचा संदर्भ देत गाणे तोंडपाठ असण्याचे महत्त्व सांगितले. गाणी लिहून ठेवावीत, गाण्यावर प्रेम करावे आणि आनंदाने गावे. भक्ती, प्रेम आणि आनंद हे भाव गाण्यातून श्रोत्यांपर्यंत पोहोचले पाहिजेत, असे त्यांनी सांगितले.
ज्येष्ठ स्पर्धकांना मार्गदर्शन करताना त्यांनी मोठ्या संख्येने सहभाग घेतल्याबद्दल त्यांचे कौतुक केले. “आपल्या वयाला झेपेल तेच गाणे निवडा. श्वासाच्या जागा माहीत असल्या पाहिजेत आणि स्पर्धेपूर्वी भरपूर सराव करा,” असे त्यांनी सांगितले.
मंगेश राजहंस यांनी “सुगम संगीत म्हणजे काय?” या प्रश्नातून मार्गदर्शनाला सुरुवात केली. सूर, ताल आणि गाण्याचा संगम म्हणजे सुगम संगीत, असे स्पष्ट करताना स्पर्धकाला सूर आणि तालाचे ज्ञान असणे आवश्यक असल्याचे त्यांनी सांगितले. चांगले गाणे शिकण्यासाठी मार्गदर्शकाची गरज असते. आपल्या आवाजाची पट्टी, तालाचे ज्ञान आणि गाण्याची योग्य जाण असणे महत्त्वाचे आहे, असे त्यांनी स्पष्ट केले.
संगीत नैसर्गिक असले तरी त्यासाठी सातत्यपूर्ण अभ्यास आणि सराव आवश्यक आहे. ज्यांच्याकडे उपजत संगीताची जाण आहे त्यांनी ती जपली पाहिजे, दररोज सराव केला पाहिजे आणि गाण्याचा अर्थ व भाव समजून सादरीकरण केले पाहिजे, असे राजहंस यांनी सांगितले. सातत्य आणि उत्तम सादरीकरण हे स्पर्धकाच्या यशातील महत्त्वाचे घटक आहेत, असेही त्यांनी नमूद केले.
कार्यशाळेला उपस्थित स्पर्धकांनी प्रशिक्षकांनी केलेल्या मार्गदर्शनाबद्दल कृतज्ञता व्यक्त केली. स्पर्धेपूर्वी मिळालेल्या या मार्गदर्शनामुळे गाण्याचे सादरीकरण, शब्दोच्चार, सूर-ताल, भाव आणि स्टेजवरील आत्मविश्वास याबाबत अधिक स्पष्टता मिळाल्याची भावना स्पर्धकांनी व्यक्त केली. कार्यक्रमाच्या यशस्वीतेसाठी कलापिनीच्या कार्यकर्त्यांनी प्रयत्न केले.

22/09/2026

कलापिनी गणेशोत्सव
कलापिनी, तळेगाव दाभाडे आयोजित दि. १४,१५,१६ सप्टेंबर या तीन दिवसीय गणेशोत्सवामध्ये तळेगावातील उद्योगधाम, श्रीरंग कलानिकेतन, लेकशोर सोसायटी अशा तीन ठिकाणी कलापिनी कुमार भवन व कलापिनी महिला मंच आणि बालभवन यांच्यातर्फे आपली मराठी संस्कृती जपणारे विविध गुणदर्शन कार्यक्रम विविध सादर करण्यात आले.
कुमार भवन च्या मुलांनी श्रीराम जय राम जय जय राम या भजनाने कार्यक्रमाची शानदार सुरुवात केली. या भजनाची रचना अगदी वेगळ्या पद्धतीने नयना डोळस यांनी केली होती. या भजनाला संगीत दिलं होतं प्राची गुप्ते यांनी. संवादिनीला साथ केली होती समीर महाजन यांनी आणि तबल्याला साथ केली होती शौर्य क्षीरसागर याने. सर्व मुलांनी अतिशय तालासुरात हे भजन सादर केले.
खूप जुने पण अतिशय श्रवणीय असे जो आवडतो सर्वांना या गाण्यावर अतिशय चांगला संदेश देणारे नृत्य कुमारभवनच्या मुलांनी सादर केले याचे नृत्य दिग्दर्शन नयना डोळस यांनी केले होते. या नृत्याला प्रेक्षकांची उत्तम दाद मिळाली.
श्रेष्ठ कोण या नाट्यप्रवेशातून कोणी एक जण श्रेष्ठ नसतो तर सगळ्यांनी मिळून एकत्र काम केले तरच यश मिळते. हा संदेश मुलांनी दिला. चोख पाठांतर, उत्तम अभिनय यामुळे या नाट्यप्रवेशाला ही प्रेक्षकांची टाळ्यांची दाद मिळाली.
आणि या नाट्यप्रवेशाचे वैशिष्ट्य म्हणजे याचे लेखन आणि पार्श्व संगीत कुमार भवन प्रशिक्षिका रश्मी अस्वले यांनी केले होते. याचे समर्पक असे नेपथ्य कुमार भवनचे पालक डॉक्टर वळसंगकर यांनी केले होते. आणि या सगळ्याची एकत्र गुंफण म्हणजेच दिग्दर्शन अंजली सहस्त्रबुद्धे यांनी केले होते.
राधा वळसंगकर, रेणू सहस्रबुद्धे, अवनीश काशीद, ओजस कुलकर्णी, सुमेध कडवे, अदिती कटरे, अद्वैक पाटील, चिन्मय फल्ले, विश्वानंद डोंगवे, सिद्धी देशपांडे, अधिरा खोपकर, अन्वय फुटाणे, ध्रुव वीर, ऋग्वेद आपटे या सर्व कुमार भवनच्या मुलांनी सहभाग घेतला होता.
बालभवनच्या अद्वैत नामजोशी या छोट्या विद्यार्थ्याने एक सुंदर विनोदी नाट्यछटा सादर करून प्रेक्षकांना हसवले आणि सगळ्यांची मने जिंकून घेतली.
कलापिनी महिला मंच मधील अनघा बुरसे यांनी झाडे लावा झाडे जगवा हा संदेश देणारी बियावाली आई हे एक पात्री सादरीकरण केले. दिपाली जोशी यांनी सरसेनापती उमाबाई दाभाडे हे एकपात्री सादरीकरण केले.
लीना परगी, मेधा रानडे, स्मिता दिवेकर, रश्मी असवले यांनी बालगीतांची सुंदर मेडले सादर केली.
कुमार भवनच्या मुलांनी अतिशय सुंदर असे बाप्पा मोरया रे हे गणेश नृत्य सादर केले. याचे नृत्य दिग्दर्शन आर्या पंडित हिचे होते. या नृत्याने कार्यक्रमाचा समारोप झाला.
या कार्यक्रमाचे सूत्रसंचालन विद्या अडसुळे यांनी केले.
संपूर्ण कार्यक्रमाचे संयोजन अंजली सहस्त्रबुद्धे यांनी केले.
सध्या हिंदी गाण्यावर नृत्य सादर करण्याच्या ट्रेंडमध्ये आपल्या कलापिनीचा मराठमोळा हा कार्यक्रम सर्व रसिक प्रेक्षकांना एक सुखद अनुभव देऊन गेला.
-रश्मी अस्वले

09/09/2026

कै पद्माकर प्रधान स्मृती मराठी सुगम संगीत व नाट्यसंगीत स्पर्धा २०२६ ( वर्ष ५० वे )
( फक्त मावळ तालुका पातळीवर )

कलापिनी सांस्कृतिक केंद्राच्या वतीने गेली 49 वर्षे तळेगाव व मावळ परिसरात संगीत स्पर्धा आयोजित केल्या जातात. या स्पर्धांमधून अनेक कलाकार तयार होऊन संगीत क्षेत्रात चमकले आहेत. स्पर्धेत आपली कला सादर करणारा स्पर्धक पुढे संगीताचा साधक व्हावा याकरिता त्याला योग्य प्रेरणा व मार्गदर्शन देण्याचे
कार्यही संस्थेतर्फे केले जाते. आपल्यातील गायन कलेला उत्तम स्वरमंच मिळून देण्यासाठी त्वरित नाव नोंदणी करून स्पर्धेत सहभागी व्हावे.

या स्पर्धेचे हे सुवर्ण महोत्सवी वर्ष ! त्यानिमित्त यावर्षी 'नाट्यसंगीत स्पर्धा ' घेत आहोत. ही नाट्यसंगीत स्पर्धा इयत्ता पाचवी ते दहावी व खुला गट यांच्यासाठी असेल. नाट्यसंगीत गाण्यासाठी वेळ शालेय गट चार ते पाच मिनिटे आणि खुला गट पाच ते सात मिनिटे असेल. स्पर्धक सुगम संगीत व नाट्य संगीत दोन्ही स्पर्धांमध्ये सहभागी होऊ शकेल.यासाठी स्वतंत्र प्रवेश शुल्क भरणे आवश्यक आहे.पात्रता फेरी मात्र फक्त सुगम संगीत स्पर्धेसाठी च घेण्यात येईल. पात्रता फेरीतून निवड झालेल्या स्पर्धकांसाठी व नाट्य संगीतातील स्पर्धकांसाठी रविवार दि. २७-९-२०२६ तारखेला दुपारी चार वाजता होणारी *मार्गदर्शन कार्यशाळा * अनिवार्य आहे , याची कृपया नोंद घ्यावी.
नाट्यसंगीत स्पर्धा रविवार
दि. ४ ऑक्टोबर २०२६ रोजी दुपारी दोन वाजता घेण्यात येतील.
नाव नोंदणीसाठी अंतिम मुदत 24 सप्टेंबर 2026 आहे.
स्पर्धा शुल्क :- रोख स्वरूपात स्विकारले जाईल.
शालेय गट. :- ₹१००/- प्रत्येकी,
युवक/प्रौढ/जेष्ठ व खुला गट यासाठी साठी
₹ २००/- प्रत्येकी.
मराठी सुगम संगीत स्पर्धेसाठी १ली ते ४थी पर्यंत चे स्पर्धकांसाठी गीत विषय आहे बालगीत किंवा भक्तिगीत.
इतरांना म्हणजे ५ वी ते १० वी
शालेय गट, युवक,प्रौढ व जेष्ठ गट यांचेसाठी अभंग, भक्तीगीत,भावगीत, लोकसंगीत व देशभक्तीपर गीतांपैकी एक.
मराठी सुगम संगीत अंतिम फेरीचा कार्यक्रम संगीत कार्यशाळेच्या वेळी दिनांक २७ सप्टेंबर २०२६ रोजी जाहीर केला जाईल.
अंतिम फेरी
३ ऑक्टोबर २०२६ व
४ ऑक्टोबर २०२६ रोजी होईल.

पात्रता फेरीसाठी वेळापत्रक:-
शनिवार दि.२६-९-२०२६ -
सकाळी १० वा. =
गट १ : इ.१ली, २ री
गट २ : इ. ३ री, ४ थी.
सकाळी ११.३० वा. =
गट ३ : इ.५ वी ते ७ वी.
गट ४ : इ.८ वी ते १० वी
मध्यांतर .
दुपारी २ वा. :
प्रौढ ( वयोगट ३१ ते ५० वर्षे ).
दुपारी २.४५ :
जेष्ठ ( वयोगट ५० वर्षांपुढील )
दुपारी ४ वाजता :
युवक ( वयोगट १६ ते ३० वर्षे)

रविवार दि.२७-९-२०२६ -

दुपारी ४ वाजता
संगीत कार्यशाळा
मराठी सुगम संगीत अंतिम फेरीचा कार्यक्रम यावेळी जाहीर केला जाईल.
रविवार दि.४-१०-२०२६ रोजी सायंकाळी ५.३० वा.सुवर्ण महोत्सवी सुगम व नाट्यसंगीत स्पर्धेचा शानदार पारितोषिक वितरण सोहळा मान्यवरांच्या उपस्थितीत संपन्न होईल.
बहूसंख्येने उपस्थित रहा ही नम्र विनंती.
नाव नोंदणीसाठी संपर्क:-
श्रीपाद बुरसे : ८९७५७०९२३१
दिपाली जोशी :
९८२३९५९१६९.
अशोक बकरे,
स्पर्धा प्रमुख, कलापिनी