02/10/2026
नमस्कार मंडळी,
शाळेच्या पुस्तकात येणारा अर्थसाक्षरतेचा धडा… गेल्या अनेक वर्षांपासून अजित फाऊंडेशनची मुलं हे प्रत्यक्ष अनुभवत आहेत.!
आज सकाळी "सकाळ" पेपर वाचायला घेतला तेवढ्यात दोन नंबर च्या पानावर होतो कि, शाळेत वयात मिळणार अर्थसाक्षरचे धडे हे वाचल्यावर मनापासून आनंद झाला गेल्या १५ वर्षांपासून मुलांना शालेय पाठ्यपुस्तकासोबत, व्यवहारिक ज्ञान, skill education देत आहोत तेच आता देशाच्या शालेय शिक्षण पद्धतीत समाविष्ट करत आहेत. मुलांना लहान वयातच पैशाची किंमत, बचत, बजेट, खर्चाचं नियोजन आणि आर्थिक जबाबदारी समजायला हवी, हा विचार आज शिक्षणव्यवस्थेतही महत्त्वाचा ठरत आहे. अजित फाऊंडेशनमध्ये मात्र हा विचार अनेक वर्षांपासून कृतीतून रुजवला जातो.
मुलं स्वतः मासिक बजेट करतात, हिशेब ठेवतात, विद्यार्थी बँकेचे व्यवहार करतात, खरेदी-विक्री आणि व्यवसायाचे प्रयोग करतात. त्यातून पैशासोबतच निर्णय घेणं आणि त्या निर्णयाची जबाबदारी घेणं शिकतात. ग्रामसभा, निवडणुका, नगरपरिषद, बाल न्यायालय, वृक्षबँक,जेवणाचा अभिप्राय अशा उपक्रमांतून लोकशाही, स्वावलंबन आणि नेतृत्व शिकतात. स्वयंपाक, खरेदी, स्वच्छता, पाण्याचं नियोजन… रोजच्या छोट्या कामांतून जीवनाचं मोठं शिक्षण घेतात.
कारण अजित फाऊंडेशनमध्ये मुलांना केवळ परिस्थितीतून बाहेर काढायचं नाही;
तर उद्या कोणत्याही परिस्थितीत स्वतःच्या पायावर उभं राहता यावं, एवढं सक्षम करायचं आहे.
पुस्तकातला धडा संपतो…पण इथं मुलांना मिळालेले धडे खऱ्या आयुष्यात पदोपदी उपयोगाला पडेल, याची खात्री वाटते.
अजित फाऊंडेशन,तळेगाव दाभाडे
