Rehmatan lil Aalameen Foundation international

10/06/2026

01/06/2026

زیرِ حراست نوجوانوں کی رہائی کے لیے قیادت متحد ہو کر کردار ادا کرے: شیخ فردوس علی

چیئرمین رحمت للعالمین فاؤنڈیشن شیخ فردوس علی نے حالیہ دنوں مختلف علاقوں سے متعدد نوجوانوں کی گرفتاریوں اور ان کی مسلسل حراست پر شدید تشویش کا اظہار کرتے ہوئے کہا ہے کہ اس نازک اور حساس معاملے پر متعلقہ قیادت کی خاموشی انتہائی افسوسناک اور قابلِ تشویش ہے۔

اپنے ایک تفصیلی بیان میں انہوں نے کہا کہ ان کے فرزند عاقب حسین سمیت متعدد نوجوانوں کو حالیہ ایام میں پولیس کی جانب سے حراست میں لیا گیا ہے۔ ان کے مطابق ان نوجوانوں کے خلاف کوئی سنگین جرم ثابت نہیں ہوا، بلکہ وہ ایک احتجاجی سرگرمی کا حصہ تھے جس کا مقصد ایران کے شہداء اور مظلوم اقوام کے ساتھ اظہارِ یکجہتی کرنا تھا۔

شیخ فردوس علی نے کہا کہ ان کا مقصد صرف اپنے فرزند کی رہائی کا مطالبہ کرنا نہیں بلکہ ان تمام نوجوانوں کی آواز بننا ہے جو اس وقت مختلف مقامات پر زیرِ حراست ہیں اور جن کے اہلِ خانہ شدید ذہنی اذیت اور اضطراب کا شکار ہیں۔ انہوں نے کہا کہ انصاف کا تقاضا ہے کہ تمام متاثرہ خاندانوں کے ساتھ یکساں ہمدردی اور تعاون کا مظاہرہ کیا جائے۔

انہوں نے افسوس کا اظہار کرتے ہوئے کہا کہ ایسے وقت میں جب نوجوانوں کے مستقبل اور عوامی جذبات کا معاملہ درپیش ہے، ہماری سماجی، مذہبی اور سیاسی قیادت کو یکجہتی کا مظاہرہ کرنا چاہیے تھا، لیکن بدقسمتی سے اکثر حلقے خاموش تماشائی بنے ہوئے ہیں جبکہ بعض افراد مسئلے کے حل کے بجائے ایک دوسرے پر تنقید اور الزام تراشی میں مصروف ہیں۔ انہوں نے کہا کہ قوم ایسی قیادت سے مثبت کردار کی توقع رکھتی ہے جو عوامی مسائل کے حل کے لیے آگے بڑھے۔

چیئرمین رحمت للعالمین فاؤنڈیشن نے کہا کہ وہ گزشتہ ایک دہائی سے زائد عرصے سے سماجی خدمت کے میدان میں سرگرم عمل ہیں اور منشیات کے شکار نوجوانوں کی بحالی، غریب اور مستحق خاندانوں کی امداد، یتیموں اور ضرورت مند افراد کی فلاح و بہبود کے لیے اپنی بساط کے مطابق خدمات انجام دیتے رہے ہیں۔ انہوں نے کہا کہ وہ خود کو کسی عہدے یا حیثیت سے نہیں بلکہ قوم کے ایک ادنیٰ خادم کے طور پر دیکھتے ہیں۔

انہوں نے مزید کہا کہ قید و بند اور آزمائشیں ہماری تاریخ اور ہماری وراثت کا حصہ رہی ہیں، اس لیے وہ ذاتی طور پر صبر و استقامت کا دامن تھامے ہوئے ہیں، تاہم انہیں اس بات کا دکھ ہے کہ زیرِ حراست نوجوانوں کے حق میں مؤثر اور متحد آواز بلند نہیں کی جا رہی۔

آخر میں شیخ فردوس علی نے تمام زیرِ حراست نوجوانوں کی جلد از جلد رہائی کے لیے دعا کرتے ہوئے سماجی، مذہبی اور سیاسی قیادت سے پرزور اپیل کی کہ وہ باہمی اختلافات کو بالائے طاق رکھ کر ایک مشترکہ لائحۂ عمل اختیار کریں اور اس مسئلے کے مستقل، منصفانہ اور باوقار حل کے لیے سنجیدہ اقدامات کریں۔

انہوں نے کہا کہ قوم کی توقعات کا محور قیادت ہوتی ہے، اور آج وقت کا تقاضا ہے کہ قیادت اپنی ذمہ داریوں کا احساس کرتے ہوئے عوام کے دکھ درد میں عملی طور پر شریک ہو۔💔💔💔💔💔🤝🤝🤝🤝

27/05/2026

Eid Mubarak to everyone.

On the auspicious occasion of Eid-ul-Azha, the Chairman of Rehmatal Lil Aalameen Foundation extends heartfelt greetings and best wishes to all people.
While celebrating this blessed festival, we must remember to observe Eid with austerity and simplicity, keeping in view the prevailing situation of the valley. Eid teaches us the values of sacrifice, compassion, and solidarity with humanity.
Let us make this Eid meaningful by taking care of the poor, needy, widows, orphans, and all those who are facing hardships. Sharing our happiness with the underprivileged is the true spirit of Eid.
May Almighty Allah accept our prayers and sacrifices, bless our valley with peace, prosperity, and harmony, and shower His mercy upon everyone.

Eid Mubarak once again to all.

26/05/2026

💔💔💔💔🇮🇷🇮🇷🇮🇷