Jamaat-E-Ahlesunnat J&K

Jamaat-E-Ahlesunnat J&K Jamaat-E-AhleSunnat J&K is religious and welfare organization registered under Trust Act 1882.

انا للّہ وانا الیہ راجعون ۔۔!مبلغِ جماعت اہلسنّت جمّوں و کشمیر محترم مولانا نصیر صاحب کے والدِ نسبتی، عبد الرحمٰن ملک صا...
17/08/2026

انا للّہ وانا الیہ راجعون ۔۔!
مبلغِ جماعت اہلسنّت جمّوں و کشمیر محترم مولانا نصیر صاحب کے والدِ نسبتی، عبد الرحمٰن ملک صاحب طویل علالت کے بعد وفات پا گئے۔
بانی محترم اور جملہ رفقاءِ کرام، غمزدہ خاندان، بالخصوص محترم نصیر صاحب کی خدمت میں تعزیت پیش کرتے ہیں۔
اللہ پاک مرحوم و مغفور کی کامل مغفرت فرمائے اور تمام لواحقین کو صبر جمیل اور اجرِ عظیم عطا فرمائے۔
(ترجمان جماعتِ اہلِ سنّت جمّوں و کشمیر)

ماہِ ربیع الاوّل شریف امت مسلمہ کے لئے شکر اور تجدیدِ محبتِ رسول ﷺ کا مقدس موقع ہے۔ میلادِ مصطفیٰ ﷺ کی محافل، درود و سلا...
15/08/2026

ماہِ ربیع الاوّل شریف امت مسلمہ کے لئے شکر اور تجدیدِ محبتِ رسول ﷺ کا مقدس موقع ہے۔ میلادِ مصطفیٰ ﷺ کی محافل، درود و سلام، صدقات و خیرات اور اظہارِ مسرت کے دیگر شائستہ ذرائع اپنی جگہ باعثِ خیر ہیں، مگر محبت رسول ﷺ کا حقیقی تقاضا 'سیرت طیبہ کو اپنی زندگی میں نافذ کرنا' ہے۔
بانی جماعتِ اہلِ سنّت جمّوں و کشمیر حضرت مولانا مفتی محمّد منظور رضا نعیمی صاحب حفظہ اللہ نے ربیع الاوّل شریف کی آمد کے موقع پر اپنے ایک پیغام میں فرمایا کہ "اس ماہِ مبارک میں کثرت سے درود و سلام ،سیرتِ مصطفیٰ ﷺ کا مطالعہ،حقوق العباد کی ادائیگی، گناہوں سے توبہ اور اپنے اخلاق و معاملات کو اسوۂ حسنہ کے مطابق ڈھالنے کا پکا عہد کرنا اس ماہ رحمت کا حقیقی خراج عقیدت اور محبت رسول ﷺکا عملی تقاضہ ہے"..........
آئیے! ربیع الاوّل شریف میں صرف چراغاں نہیں، اپنے دل و کردار کو بھی عشقِ مصطفیٰ ﷺ کے نور سے منور کریں، صرف میلاد نہ منائیں بلکہ سیرتِ مصطفیٰ ﷺ کو اپنی زندگی کا دستور بنائیں۔۔۔۔۔۔۔۔۔۔۔
ان شاءاللہ تعالیٰ امسال بھی میلادالنبّیﷺ کی مناسبت سے جماعت اہلسنّت جمّوں و کشمیر کے اہتمام سے سالانہ مجلسِ مولود شریف و تبلیغی مجلس(بعنوان سیرتِ مصطفیٰ ﷺ انسانیت کے لیے کامل رہنمائی) 30 اگست 2026 بروز اتوار بمطابق 16 ربیع الاوّل 1448ھ جامع مسجد شریف خلفاء راشدین اومپورہ بڈگام میں منعقد ہوگی ۔
(ترجمان جماعتِ اہلِ سنّت جمّوں و کشمیر)

گزشتہ روز #1448ھ عالم اسلام کی نابغۂ روزگار شخصیت امام احمد رضا خان صاحب بریلوی رحمۃ اللہ علیہ کا "ایک سو آٹھواں" عرس...
09/08/2026

گزشتہ روز #1448ھ عالم اسلام کی نابغۂ روزگار شخصیت امام احمد رضا خان صاحب بریلوی رحمۃ اللہ علیہ کا "ایک سو آٹھواں" عرس مبارک موسوم بہ نہایت عقیدت و احترام کے ساتھ منایا گیا۔اس موقع پر جماعتِ اہلِسنّت جمّوں و کشمیر کے بانی محترم، مفتی محمّد منظور رضا نعیمی صاحب دامت برکاتہم اور جملہ رفقاءِ کرام کی جانب سے بھی ان ہمہ جہت شخصیت اور محسنِ امت کی بارگاہ میں خراجِ عقیدت پیش کیا گیا۔۔۔۔۔۔
بانی محترم نے اپنے پیغام میں فرمایا کہ
"قرآنیات،حدیث،فقہ،علمِ کلام، منطق و فلسفہ، ادب (خصوصاً نعتیہ شاعری) میں آپ کی علمی و تحقیقی خدمات تاریخِ اسلام کا روشن باب ہے. آپ کا علمی ورثہ جیسے کنزالایمان، فتاویٰ رضویہ، حدائقِ بخشش، الدولۃ المکیۃ بالمادۃ الغیبیۃ، تمہیدِ ایمان اور دیگر کثیر علمی و ادبی تصانیف آپ کے غیر معمولی علمی مقام، وسعتِ نظر اور عشقِ رسولِ اکرم ﷺ کی آئینہ دار ہیں۔ آپ نے اپنے قلم سے باطل نظریات کا مدلل رد کیا اور عقائدِ اہلِ سنّت کی حفاظت کے لیے ایسی علمی خدمات انجام دیں جن کے اثرات آج بھی عالمِ اسلام میں نمایاں ہیں۔اعلیٰ حضرت رحمۃ اللہ علیہ کی زندگی علم، تقویٰ، عشقِ رسول ﷺ، اتباعِ سنّت اور دفاعِ حق کا ایک روشن نمونہ ہے"...........
اللہ تعالیٰ ہمیں اعلیٰ حضرت رحمۃ اللہ علیہ اور دیگر اسلاف کی تعلیمات سے ہمیشہ وابستہ رکھے، دین و سنّیت کی خدمت کرنے اور عشقِ مصطفیٰ ﷺ کو اپنے دلوں میں راسخ کرنے کی توفیق عطا فرمائے۔
آمین بجاہِ سید المرسلین ﷺ
(ترجمان جماعتِ اہلِسنّت جموّں و کشمیر)

جماعتِ اہلسنّت جموں و کشمیر کے بانیِ محترم حضرت مولانا مفتی محمد منظور رضا نعیمی صاحب حفظہ اللہ اور جملہ رفقاءِ کرام،س...
07/08/2026


جماعتِ اہلسنّت جموں و کشمیر کے بانیِ محترم حضرت مولانا مفتی محمد منظور رضا نعیمی صاحب حفظہ اللہ اور جملہ رفقاءِ کرام،سلطان العارفین حضرت شیخ حمزہ مخدوم کشمیری رحمۃ اللہ علیہ کی بارگاہ میں(ان کے عرسِ مبارک کے موقع پر) آپ رحمتہ اللہ علیہ کے بے مثال روحانی کمالات، دینی اور اصلاحی خدمات کو سلام پیش کرتے ہیں۔۔۔۔۔۔
آئیے! حضرت محبوب العالم رحمۃ اللہ علیہ کی تعلیمات کو اپنائیں اور ایک صالح معاشرے کی تعمیر میں اپنا کردار ادا کریں۔۔۔
(ترجمان جماعتِ اہلِسنّت جموّں و کشمیر)

گزشتہ روز متحدہ علماءِ اہلسنّت جموں و کشمیر کے زیرِ اہتمام ہوٹل شہنشاہ، ڈلگیٹ سرینگر میں 'سلطان العارفین حضرت شیخ حمزہ م...
29/07/2026

گزشتہ روز متحدہ علماءِ اہلسنّت جموں و کشمیر کے زیرِ اہتمام ہوٹل شہنشاہ، ڈلگیٹ سرینگر میں 'سلطان العارفین حضرت شیخ حمزہ مخدوم، امام ربانی حضرت مجدد الفِ ثانی شیخ احمد سرہندی اور اعلیٰ حضرت مولانا شاہ احمد رضا خان بریلوی رحمۃ اللہ علیہم' کے عرائسِ مبارکہ کی مناسبت سے ایک علمی اور فکری سیمینار منعقد ہوا ۔
جماعتِ اہلسنّت جموں و کشمیر نے اس منفرد علمی کاوش کو خوش آئند اور لائقِ تحسین قرار دیتے ہوئے اسے وادیٔ کشمیر میں علمی و تحقیقی روایت کے فروغ کی جانب ایک اہم پیش رفت سے تعبیر کیا۔
سیمینار میں مقررین اور اہلِ علم نے ان مجددینِ امت کی دینی، علمی، اصلاحی اور تجدیدی خدمات کو تحقیقی انداز میں اجاگر کیا اور واضح کیا کہ ان عظیم شخصیات نے ہر دور میں کتاب و سنت کی تعلیمات کے فروغ، عقیدۂ اہلِ سنت کے تحفظ اور امت کی دینی رہنمائی میں ناقابلِ فراموش کردار ادا کیا۔
یہ سیمینار اس پلیٹ فارم پر اپنی نوعیت کا پہلا پروگرام تھا، جس میں روایتی خطابت کے بجائے علمی و تحقیقی مقالات کے ذریعے شرکاء تک پیغام پہنچایا گیا۔
اس موقع پر بانی جماعتِ اہلِ سنت جموں و کشمیر، حضرت مولانا مفتی محمد منظور رضا نعیمی صاحب حفظہ اللہ تعالیٰ نے اپنے تاثرات کا اظہار کرتے ہوئے فرمایا کہ اس نوعیت کے علمی و تحقیقی سیمینار کے انعقاد کی خواہش ان کے دل میں عرصہ دراز سے موجود تھی، اور اللہ تعالیٰ کا شکر ہے کہ آج اس دیرینہ آرزو کو عملی جامہ پہنایا گیا۔ انہوں نے اس کامیاب کاوش پر منتظمین، علماء، محققین، دانشوران اور تمام شرکائے سیمینار کو مبارکباد پیش کرتے ہوئے اس امید کا اظہار کیا کہ مستقبل میں بھی ایسے علمی، تحقیقی اور فکری پروگراموں کا تسلسل برقرار رہے گا، تاکہ معاشرے میں سنجیدہ علمی مزاج پروان چڑھے اور اہلِ سنت کی علمی و فکری میراث نئی نسل تک مؤثر انداز میں منتقل ہو۔
(ترجمان جماعتِ اہلسنّت جموں و کشمیر)

24/07/2026

نوگشتہ پیرِ طریقت حضرت سید نثار احمد شاہ صاحب نقشبندی رحمہ اللہ اور بانیِ جماعتِ اہلِ سنّت جمّوں و کشمیر، مکرم مفتی محمد منظور رضا نعیمی صاحب حفظہ اللہ کی بے تکلف، پُرخلوص اور محبت بھری گفتگو کا ایک یادگار منظر۔۔۔۔۔
اللہ پاک حضرت پیر صاحب کے درجات بلند فرمائے اور حضرت مفتی صاحب کو اپنے حفظ و امان میں رکھے۔ آمین۔

إِنَّا لِلّٰهِ وَإِنَّا إِلَيْهِ رَاجِعُونَسوشل میڈیا کی وساطت سے یہ انتہائی المناک خبر موصول ہوئی ہے کہ خطہ پیر پنچال ک...
23/07/2026

إِنَّا لِلّٰهِ وَإِنَّا إِلَيْهِ رَاجِعُونَ
سوشل میڈیا کی وساطت سے یہ انتہائی المناک خبر موصول ہوئی ہے کہ خطہ پیر پنچال کی معروف روحانی شخصیت پیرِ طریقت، حضرت پیر سید نثار حسین شاہ صاحب نقشبندی راجوری(سوکڑا والے) اپنے خالقِ حقیقی سے جا ملے۔۔۔۔۔۔۔
آپ کی رحلت حسرت آیات سے وابستگان سلسلہ،مریدین اور عقیدت مندوں میں گہرے رنج و ملال کی لہر دوڑ گئی ہے۔ حضرت پیر صاحب رحمۃ اللہ علیہ اپنے علم، تقویٰ، روحانی فیوض و برکات اور اصلاحِ خلق کے حوالے سے ایک ممتاز شخصیت تھے، جن کی دینی و روحانی خدمات ہمیشہ یاد رکھی جائیں گی۔
باعثِ سعادت ہے کہ بانی جماعتِ اہلسنّت جمّوں و کشمیر، حضرت مولانا مفتی محمد منظور رضا نعیمی صاحب، حضرت پیر صاحب رحمۃ اللہ علیہ کے خلیفۂ مجاز، منظورِ نظر اور خاص فیض یافتگان میں شامل ہیں۔ حضرت پیر صاحب رحمۃ اللہ علیہ نے مفتی صاحب کو اپنے تبرکات سے بھی نوازا تھا، جو ان کے باہمی روحانی تعلق اور خصوصی اعتماد کی روشن دلیل ہے۔
اس عظیم سانحۂ ارتحال پر جماعتِ اہلسنّت جمّوں و کشمیر کے جملہ رفقاء اور وابستگان، حضرت پیر صاحب رحمۃ اللہ علیہ کے تمام لواحقین، مریدین، متعلقین اور بالخصوص حضرت مفتی صاحب کی خدمت میں دلی تعزیت، اظہارِ ہمدردی اور دعائے صبر پیش کرتے ہیں۔۔۔۔۔۔
اللہ تعالیٰ اپنے فضلِ خاص سے حضرت پیر صاحب رحمۃ اللہ علیہ کی کامل مغفرت فرمائے، ان کے درجات بلند سے بلند تر فرمائے، انہیں جوارِ رحمت میں اعلیٰ مقام عطا فرمائے، اور تمام پسماندگان، مریدین و عقیدت مندوں کو صبرِ جمیل اور اجرِ عظیم نصیب فرمائے۔۔۔۔۔۔۔۔
آمین یا رب العالمین، بجاہِ سید المرسلین ﷺ
الفاتحہ۔۔۔۔۔
(ترجمان و معاون، جماعتِ اہلسنّت جمّوں و کشمیر)

21/07/2026

صوفی مرکز، دربارِ عالیہ یونسیہ نقشبندیہ زرہامہ، کپواڑہ (کشمیر) میں دربار کے سجادہ نشین، حضرت پیر میاں محمد مقبول نقشبندی باجی صاحب دامت برکاتہم کی سرپرستی میں "تعلیماتِ صالحین کانفرنس" نہایت عقیدت و احترام کے ساتھ منعقد ہوئی۔
اس روحانی اجتماع میں ملک و بیرونِ ملک سے تشریف لائے ہوئے ممتاز علماء و مشائخ نے اپنے ایمان افروز اور فکر انگیز خطابات سے حاضرین کو اولیائے کرام کی تعلیمات، تزکیۂ نفس اور اصلاحِ معاشرہ کی اہمیت سے روشناس کرایا۔
اس موقع پر ایک معزز عربی شافعی المذہب عالمِ دین نے عربی زبان میں خطاب فرمایا، جس کا شستہ اور جامع اردو ترجمہ بانی جماعتِ اہلسنّت جموں و کشمیر،حضرت مولانا مفتی محمد منظور رضا نعیمی صاحب حفظہ اللہ تعالیٰ نے فرمایا، جسے حاضرین نے توجہ، شوق اور عقیدت کے ساتھ سماعت کیا۔
(ترجمان)

سرنکوٹ(پونچھ) اور راجوری کے علاقوں میں بادل پھٹنے اور شدید سیلابی صورتحال کے نتیجے میں ہونے والے جانی و مالی نقصانات پر ...
19/07/2026

سرنکوٹ(پونچھ) اور راجوری کے علاقوں میں بادل پھٹنے اور شدید سیلابی صورتحال کے نتیجے میں ہونے والے جانی و مالی نقصانات پر بانیِ جماعتِ اہلسنّت جموں و کشمیر، حضرت مولانا مفتی محمد منظور رضا نعیمی صاحب حفظہ اللہ تعالیٰ اور جماعت کے تمام رفقاء گہرے رنج و غم کا اظہار کرتے ہوئے متاثرہ خاندانوں سے دلی تعزیت و ہمدردی کا اظہار کرتے ہیں۔۔۔۔۔
ہم بارگاہِ الٰہی میں نہایت عاجزی و انکساری کے ساتھ دعا گو ہیں کہ اللہ تعالیٰ تمام مرحومین کو اپنی بے پایاں رحمتوں کے سائے میں شہداء کے اجر و مقام سے سرفراز فرمائے اور تمام سوگوار خاندانوں کو صبرِ جمیل اور اجرِ عظیم عطا فرمائے۔ آمین۔
اللہ رب العزت تمام زخمیوں کو جلد از جلد صحتِ کاملہ عطا فرمائے اور جن افراد کے مکانات، دکانیں، مال مویشی اور دیگر املاک اس آفت کی نذر ہو گئے ہیں، انہیں اپنے فضل و کرم سے بہترین نعم البدل عطا فرمائے اور ان کی غیبی مدد فرمائے۔
جماعتِ اہلسنّت جموں و کشمیر مقامی انتظامیہ، فلاحی و سماجی تنظیموں اور مخیر حضرات سے پُرزور اپیل کرتی ہے کہ متاثرہ علاقوں میں امدادی، طبی اور بحالی کے کاموں کو ہنگامی بنیادوں پر مزید تیز کیا جائے، تاکہ بے گھر، متاثرہ اور پریشان حال خاندانوں کو بروقت سہارا فراہم کیا جا سکے۔
اللہ تعالیٰ ہمارے ملک و وطن کو ہر قسم کی آفاتِ ارضی و سماوی سے اپنی امان میں رکھے۔
آمین بجاہِ سیدِ المرسلین ﷺ
(ترجمان جماعتِ اہلِسنّت جمّوں و کشمیر)

09/07/2026

حُسَيْنٌ مِنِّي وَأَنَا مِنْ حُسَيْنٍ، أَحَبَّ اللَّهُ مَنْ أَحَبَّ حُسَيْنًا، حُسَيْنٌ سِبْطٌ مِنْ الْأَسْبَاطِ
(التخريج: رواه الإمام الترمذي في سننه، والإمام ابن ماجه، والإمام أحمد في المسند.)
حسین مجھ سے ہے اور میں حسین سے ہوں، اللہ اس شخص سے محبت کرتا ہے جو حسین سے محبت کرے، حسین تو نسلوں میں سے ایک نسل (امتوں میں سے ایک امت) ہے۔

Address

Srinagar

Website

Alerts

Be the first to know and let us send you an email when Jamaat-E-Ahlesunnat J&K posts news and promotions. Your email address will not be used for any other purpose, and you can unsubscribe at any time.

Shortcuts

Share

Category