https://www.facebook.com/147662041932841/

S.R. Girls' high School, Sevasadan, Solapur., 101 A Sarswati Chowk, Murarji Peth, Solapur (2026)

26/01/2026

*सेवासदन संस्था सोलापूर येथे प्रजासत्ताक दिन साजरा*
सेवासदन प्रशाला येथे प्रजासत्ताक दिन विविध उपक्रमांनी साजरा करण्यात आला. प्रमुख पाहुणे मा. विद्या लिमये यांच्या हस्ते ध्वजारोहण करण्यात आले. राष्ट्रगीत, राज्यगीत,झंडा गीत, सारे जहाँ से अच्छा, गीत बँड च्या तालावर विद्यार्थिनींनी सादर केले. भारतीय संविधान प्रतिज्ञा घेण्यात आली . भारतीय संविधान फलकाचे पूजन करण्यात आले . त्यानंतर माध्यमिक विभागातील आर. एस. पी.च्या विद्यार्थिनींनी प्राथमिकच्या विद्यार्थिनींनी सुंदर कवायत संचलन केले . प्रशालेचे शिक्षक श्री. रेवणसिद्ध कट्टे यांनी मार्गदर्शन केले. प्रशालेतील स्काऊट गाईडच्या विद्यार्थिनीनी देशभक्ती गीतावर सुंदर कवायत संचलन केले. प्रशालेतील शिक्षिका सौ. अश्विनी वाघमोडे, सौ. रत्नप्रभा हजारे व सौ.अश्विनी उपाध्ये यांनी मार्गदर्शन केले.'असाक्षर मुक्त गाव 'शपथ विद्यार्थिनींकडून घेण्यात आली. कु. गौरी लोंढे हिला कराटे मध्ये सिल्वर मेडल मिळाल्याबद्दल प्रमुख पाहुण्यांच्या हस्ते सत्कार करण्यात आला . प्रमुख पाहुणे मा. विद्या लिमये यांनी आपल्या मनोगतमध्ये सांगितले की विद्यार्थिनींनी स्वच्छता,शालेय शिस्त, जबाबदारीने वागणे हे गुण लहानपणापासून अंगी घेतले पाहिजे.भावी पिढी ने भारताचे भविष्य घडवण्यासाठी सतत जागरूक राहणे गरजेचे आहे.
कार्यक्रम प्रसंगी सेवासदन संस्था सचिव सौ. वीणा पतकी, माध्यमिक विभाग शालेय समिती अध्यक्ष सौ. विद्या लिमये, कनिष्ठ महाविद्यालय प्राचार्य डॉ. सतीश कुलकर्णी, पर्यवेक्षक श्री. पद्मकुमार उपाध्ये, माध्यमिक विभाग पर्यवेक्षिका सौ. स्वाती पोतदार, प्राथमिक विभाग मुख्याध्यापिका सौ. संजीवनी नगरकर, बालवर्ग विभाग मुख्याध्यापिका सौ. मनीषा दिकोंडा, माजी सहसचिव श्री. केदार केसकर तसेच माजी पर्यवेक्षिका श्रीमती दिपाली गोन्यल , शिक्षिका श्रीमती छाया साखरे ,शिक्षक शिक्षकेतर कर्मचारी पालक ,पत्रकार विद्यार्थिनी उपस्थित होते .
कार्यक्रमाचे सूत्रसंचलन व आभार प्रदर्शन क्रीडा प्रमुख श्री. ज्ञानेश्वर काळे यांनी केले. वंदेमातरम गीताने कार्यक्रमाची सांगता झाली .

25/12/2025

*राष्ट्रीय गणित दिवस सेवासदन प्रशाला येथे विविध उपक्रमांनी साजरा*
२२ डिसेंबर राष्ट्रीय गणित दिनानिमित्त प्रशालेत डॉ. श्रीनिवास रामानुजन यांच्या प्रतिमेचे पूजन पर्यवेक्षिका स्वाती पोतदार यांच्या हस्ते करण्यात आले . गणित प्रमुख सौ गीतांजली पेशवे यांनी श्रीनिवास रामानुजन यांच्या जीवन कार्य गणितीय शोध यांची माहिती सांगितली . ५ ते १० वी तील विद्यार्थिनींनी तयार केलेले गणितीय प्रतिकृती ,मॉडेल ,प्रयोग यांचे प्रदर्शन भरवण्यात आले .गणितीय कोडी सूत्रांच्या गंमती जमती भौमितिक आकार यांची माहिती देण्यात आली .
गणित प्रमुख सौ रुपाली पवार ,गणित शिक्षक श्री रेवणसिद्ध कट्टे ,सौ. स्मिता कोर्टीकर , सौ. रोहिणी निराळे, सौ. वैशाली काळे , श्री अमित देशपांडे , श्री. सुधीर देशमुख , सौ. अर्चना नाईक सौ. प्राजक्ता टिळेकर ,सौ. प्रणोती रायखेलकर ,सौ. संध्या सुतार ,सौ. संगीता नगरकर सौ. रत्नप्रभा हजारे ,सौ. रेखा पायगुडे ,पूजा बिराजदार यांनी विद्यार्थिनींना मार्गदर्शन केले . गणित विषय मनोरंजनातून खेळातून कसा सोपा करता येईल यासाठी विविध शैक्षणिक साहित्याची मांडणी करण्यात आली५ वी ते १०वी तील विद्याथिंनींनी प्रदर्शनाचा लाभ घेतला .
गणितीय रांगोळ्या देखील विद्यार्थिनींनी काढल्या . मॉडेलमधून उत्कृष्ट मॉडेलचा नंबर काढून विद्यार्थिनींना बक्षिसे देण्यात आली . गणित प्रज्ञा परीक्षेतील उत्तुंग यशाबद्दल कु .श्रीनिधी कुलकर्णी, ईशानी गरड, विरा रजपूत ,सानवी चव्हाण, श्रावणी कोरके यांचा सत्कार करण्यात आला .
गणित प्रमुख सौ . गीतांजली पेशवे व सौ . रूपाली पवार यांनी कायक्रमाचे नियोजन केले .

28/11/2025

*सेवासदन प्रशाला येथे संविधान दिन उत्साहात साजरा*
सेवासदन प्रशाला येथे संविधान दिन अतिशय उत्साहात साजरा करण्यात आला. इयत्ता ८वी तील विद्यार्थिनींसाठी 'भारतीय संविधान 'या विषयावर पोस्टर स्पर्धा घेण्यात आली . इयत्ता ९ वी व १०वी विद्यार्थिनींसाठी घोषवाक्य स्पर्धा घेण्यात आली . विद्यार्थिनींची हातात फलक घेऊन हुतात्मा पुतळा ते प्रशाला रॅली काढण्यात आली . प्रशालेत ५ वी ते १० वी तील विद्यार्थिनी कडून संविधानाचे सामूहिक वाचन करून घेण्यात आले . शिक्षक प्रतिनिधी मीरा जमादार यांनी विद्यार्थिनींना संविधान दिनाची माहिती दिली .
संविधान दिनाचे महत्त्व व संविधानातील मूलभूत हक्क व कर्तव्य यांचे विद्यार्थिनींना माहिती व्हावी यासाठी इतिहास लेखक व सेवासदन संस्था कार्यकारिणी सदस्य डॉ .श्री. श्रीकांत येळेगावकर यांच्या अध्यक्षते खाली कार्यक्रम संपन्न झाला . कार्यक्रमाचे प्रास्ताविक प्रशालेच्या मुख्याध्यापिका सौ . राजेश्री रणपिसे यांनी केले प्रमुख पाहुण्यांची ओळख श्री सतीश घंटेनवरू यांनी करून दिली प्रमुख पाहुण्यांचा सत्कार सौ .राजेश्री रणपिसे यांच्या हस्ते करण्यात आला . अध्यक्षीय भाषणात डॉ श्रीकांत येळेगावकर यांनी सांगितले की संविधान अभ्यासून त्यांतील मूलभूत कर्तव्ये हक्क यांची माहिती करून घ्यावी समानता ,बंधुता ,धर्मनिरपेक्षता सहिष्णुता या गुणांचा विकास बालवयातच घडून यावा संविधान हे लिखित स्वरूपात असून २६ नोव्हेंबर १९४९ रोजी स्वीकार केला व लोकशाही राष्ट्रनिर्मिती झाली . कार्य क्रमप्रसंगी प्रशालेच्या मुख्याध्यापिका सौ राजेश्री रणपिसे , उपमुख्याध्यापिका सौ नंदिनी बारभाई , शिक्षक प्रतिनिधी मीरा जमादार उपस्थित होते . कार्यक्रमाचे सूत्रसंचलन व आभारप्रदर्शन श्री रेवणसिध्द कट्टे यांनी केले .
कार्यक्रमाच्या यशस्वीतेसाठी इतिहास प्रमुख सौ मीनल उदनूर ,इतिहास शिक्षक श्री वसंत पवार सौ. स्मिता कोर्टीकर , सौ. देव , सौ. मीरा केंदे ,सौ. रत्नप्रभा हजारे ,सौ. रेखा पायगुडे सौ. रानभरे तसेच सेवक वृंद यांचे सहकार्याने कार्यक्रम संपन्न झाला .

10/11/2025

सेवासदन प्रशालेत वार्षिक क्रीडासप्ताहाला सुरुवात.!
----------–-----
सोलापूर दि. ८ -सेवासदन प्रशाला, सोलापूर येथे वार्षिक क्रीडासप्ताहाचे उद्घाटन शाळेतील संगीत शिक्षक विलास कुलकर्णी यांच्या हस्ते क्रीडाज्योत पेटवून करण्यात आले.
याप्रसंगी आंतरराष्ट्रीय खेळाडू कु. वृंदा बोधुल आणि राज्यस्तरीय खेळाडू कु. ऋतुजा काळे यांनी क्रीडाज्योत घेऊन सर्व विभागीय, राज्य आणि राष्ट्रीय खेळाडूंचे नेत्रदीपक संचलन सादर केले. कार्यक्रमासाठी प्रशालेच्या मुख्याध्यापिका राजेश्री रणपिसे, पर्यवेक्षिका स्वाती पोतदार, प्रमुख पाहुणे विलास कुलकर्णी तसेच शिक्षक प्रतिनिधी मीरा जमादार यांची प्रमुख उपस्थिती होती.
प्रशालेच्या शिक्षिका डॉ. अंजली शिरसी यांनी प्रमुख पाहुणे. विलास कुलकर्णी यांचा परिचय करून दिला. त्यानंतर मीनल उदनूर यांनी विद्यार्थिनींकडून खेळाडूंची शपथ घेतली.
क्रीडाप्रमुख ज्ञानेश्वर काळे यांनी क्रीडा स्पर्धेचा अहवाल वाचून दाखवला. विविध क्रीडा प्रकारांत विभागीय, राज्य आणि राष्ट्रीय स्तरावर निवड झालेल्या विद्यार्थिनींच्या उल्लेखनीय कामगिरीचे व यशाबद्दल यावेळी अभिनंदन करण्यात आले.
यावेळी उल्लेखनीय कामगिरी करणाऱ्या विद्यार्थिनींचा सत्कार प्रमुख पाहुण्यांच्या हस्ते करण्यात आला. राज्यस्तरीय स्पर्धेसाठी निवड झालेल्या कु. ऋतुजा काळे हिचा सत्कार करण्यात आला, तसेच आंतरराष्ट्रीय खेळाडू कु. वृंदा बोद्दूल हिचा सत्कार मुख्याध्यापिका राजेश्री रणपिसे यांच्या हस्ते करण्यात आला.
गतका खेळात कु. ज्ञानेश्वरी मोरे, तृप्ती आलदर, गिरीजा भोसले, किर्तीशिंदे, श्रेया पाटील, अक्षरा जाधव तसेच ज्यूदो आणि कुस्तीमध्ये ज्ञानेश्वरी मोरे, तृप्ती आलदर, संस्कृती बटाने, रोलबॉल मध्ये समृद्धी घंटे यांनी चमकदार कामगिरी केली. यासह बुद्धिबळ, व्हॉलीबॉल, कुस्ती, योगासन आणि डॉजबॉल, आर्चरी या उल्लेखनीय कामगिरी करणाऱ्या खेळाडूंचा सत्कार प्रशालेतर्फे भेटवस्तू व पुष्पगुच्छ देऊन गौरवण्यात आले.
विलास कुलकर्णी यांनी आपले मनोगत व्यक्त केले आणि विद्यार्थिनींना शुभेच्छा दिल्या. त्यांनी याप्रसंगी एक सुंदर गीतही सादर केले. या क्रीडास्पर्धेसाठी सेवासदन संस्था अध्यक्ष श्रीमती शीला मिस्त्री, उपाध्यक्ष डॉ. राजीव प्रधान, सचिव वीणा पतकी, शालेय समिती अध्यक्ष श्रीमती विद्या लिमये यांचे मार्गदर्शन व शुभेच्छा लाभल्या.
या स्पर्धेत धावणे, लंगडी, दोरीवरील उड्या, स्लो सायकल, डॉजबॉल अशा विविध स्पर्धांचे आयोजन करण्यात येणार आहे.
कार्यक्रमाचे सूत्रसंचालन अश्विनी उपाध्ये यांनी केले, तर पर्यवेक्षिका स्वाती पोतदार यांनी उपस्थितांचे आभार मानले.

-------------------

Address

101 A Sarswati Chowk, Murarji Peth
Solapur
413002

Telephone

+912172725756

Website

facebook.com

Alerts

Be the first to know and let us send you an email when S.R. Girls' high School, Sevasadan, Solapur. posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to S.R. Girls' high School, Sevasadan, Solapur.:

S.R. Girls' high School, Sevasadan, Solapur.