28/05/2026
लोकमंगल परिवाराच्या बालसंस्कार शिबिराची उत्साहात सुरुवात…
📍 वडाळा, सोलापूर
सोलापूर सोशल फाउंडेशन आणि लोकमंगल फाउंडेशन यांच्या संयुक्त विद्यमाने वडाळा येथे आयोजित निवासी बालसंस्कार शिबिराचे उद्घाटन अत्यंत उत्साहपूर्ण आणि भक्तिमय वातावरणात संपन्न झाले.
लोकमंगल महाविद्यालय परिसरातील राम मंदिरात आरती करून कार्यक्रमाची सुरुवात करण्यात आली. यावेळी संपूर्ण परिसर भक्तिमय वातावरणाने भारावून गेला.
या तीन दिवसीय निवासी शिबिरामध्ये सामाजिक, आध्यात्मिक आणि शारीरिक शिक्षणासह पखवाज वादन, गायन आणि कीर्तन सेवेचे प्रशिक्षण दिले जाणार आहे.
भगवंताचे नामस्मरण, आई-वडिलांचा सन्मान, एकमेकांना मदत करण्याची वृत्ती, पर्यावरण संवर्धन आणि स्वच्छता यांसारखे संस्कार बालकांमध्ये रुजविणे आजच्या काळाची गरज आहे. “बालगोपाल हेच माझे भगवंत आहेत” ही भावना जपत आई-वडिलांचा सन्मान, निसर्ग संवर्धन आणि सामाजिक जबाबदारी हीच खऱ्या संस्कारांची पायाभरणी आहे.
या शिबिरातून संस्कारक्षम पिढी घडत आहे, ही अत्यंत आनंदाची आणि समाधानाची बाब आहे. या उपक्रमासाठी पालकांनी आपल्या पाल्यांना सहभागी करून घेतल्याबद्दल मनःपूर्वक आभार.
यावेळी ह.भ.प. अरुण पाटील यांनी प्रस्ताविक मनोगतात बालसंस्कार केंद्रांच्या विस्ताराबाबत माहिती दिली. ह.भ.प. विजय बिज्जरगी महाराज यांनी संतपरंपरा आणि अध्यात्म यांचे महत्त्व अधोरेखित केले. माजी पोलीस अधिकारी श्री. मल्लिकार्जुन सुरवसे यांनी बालके ही ईश्वररूप असून त्यांच्यावर संस्कार घडविणे हे राष्ट्रनिर्माणाचे कार्य असल्याचे सांगितले.
या कार्यक्रमास श्री. बालाजी पवार, श्री. नेताजी सुरवसे, लोकमंगल फाउंडेशनचे संचालक श्री. उत्तम शिंदे, श्री. मारुती तोडकर, श्रीमती सुजाता सुतार, श्री. बाळासाहेब घोडके, श्री. बाळासाहेब पाटील तसेच मोठ्या संख्येने पालक आणि वारकरी उपस्थित होते.
#बालसंस्कारशिबिर #लोकमंगलपरिवार #सोलापूर #संस्कारक्षमपिढी #वारकरीसंस्कृती #आध्यात्मिकविकास #सामाजिककार्य
