21/09/2026
গিরীগিথানি আমি হাবিয়েই হারপাসি এমারিকার সেনসাস এহান আমারকা কতিহান গুরুত্বপূর্ণ। সেনসাসর পইলাকার ধাপ উহান চলের মাহার ১৫ তারিখে লমইল। দ্বিতীয় ধাপ উহান আহের ফেব্রুয়ারি মাহাত অইতই যেহানাত আমার মাতৃভাষা, ভাষা বার' জাতর তথ্য শুদ্ধ অয়া রেকর্ড অনি অত্যন্ত জরুরি।
এমারিকার সেনসাস এহান সরকারে ডিজিটাল করিয়া স্ব-গণনা (self enumeration) করিল ব্যবস্থা আহান থ'দেনাই আমারকা বুলিয়া বরদানহান পারা অয়া আহেসে। উহানরে হবাকরে কামে লাগা পারলে আমার হাবিত্ব ডাঙর সামাজিক সমস্যাহান সমাধান অনি য়াকরের।
সমাজ এহান আসাম-ত্রিপুরা তিলয়া নিয়ামপারা ডাঙর। গাঙ অনেক নিয়াম। স্ব-গণনারকা সময় ১৫/১৬ দিন থার। এসাদে কম সময়ে উতা হাবি গাঙ ফৌৱনি সংস্থা আগর পক্ষে সম্ভব নাগই।
স্ব-গণনা আমি করলে এহানাত আমার আরাক লাভ আহান আসে। আমার সমাজে উদুরর সাদানে লুকেয়া আসি উদুর পুরিয়া উতাউ হারপানি যিতৈগা। লগে উদুর পুরিয়া-মেকুর পুরিয়া তিলয়া কতিগ' অইতারা উহানর হিসাব আহান পানি য়াকরতই।
তার' আহের মাহার পইলাকার লামৈচিংর দিনে (৪/১০/২৬ ইং) আমার সংস্থাগই আসাম-ত্রিপুরার হাবি সামাজিক সংস্থারেল মিটিং আহান হাঞ্জাসি। ঔ মিটিঙে সামাজিক সংস্থা ছাড়া সমাজর বুদ্ধিজীবী বার' আর আর সমাজনিংপা গিরীগিথানি য়ৱদিয়া মুঙেদে আহের সেনসাসর দ্বিতীয় ধাপে নেসিগা কাকেই উহানাত সফল অ'পারিল পরামর্শ দেনার হেইচা থয়ার।
*শত্রুর তুল' মোকাবলা করানিত একতার গজে আর শক্তি নেই।*
