23/08/2025
শিৱসাগৰ প্ৰেছ ক্লাৱৰ সহযোগত আৰু শিক্ষাবিদ ডঃ আচফিয়া চুলতানাৰ পৰিয়ালবৰ্গৰ উদ্যোগত কালীপ্রসাদ চলিহা স্মৃতি ভৱন প্ৰেক্ষাগৃহত আজি এক বৰ্ণাঢ্য কাৰ্যসূচীৰে আমগুৰি মহাবিদ্যালয়ৰ অৱসৰপ্ৰাপ্ত অধ্যক্ষ তথা শিক্ষাবিদ ডঃ আচফিয়া চুলতানাৰ এনভাইৰনমেন্টেল ষ্টাডিজ আৰু ফিল্ড ৰিচাৰ্চ মেথহুডচ এণ্ড টেকনিক্স নামৰ গ্ৰন্থ দুখনি আনুষ্ঠানিকভাৱে উন্মোচন কৰা হয়। উজনিয়াল সত্ৰৰ সত্ৰাধিকাৰ লক্ষ্মীকান্ত মহন্তই মংগলাচৰনে বন্তি প্ৰজ্বলন কৰি শুভাৰম্ভ কৰা অনুষ্ঠানটি উদ্বোধন কৰি জে বি বিশ্ববিদ্যালয়ৰ উপাচাৰ্য ডঃ জ্যোতিপ্রসাদ শইকীয়াই কয় যে, ডঃ আচফিয়া চুলতানাৰ গ্ৰন্থ দুখনে বৌদ্ধিক চিন্তাচচাৰ উত্তৰন ঘটাব বুলি উল্লেখ কৰি ছাত্র- ছাত্রীক উপকৃত কৰিব বুলি ব্যক্ত কৰে। সভাত এনভাইৰনমেন্টেল ষ্টাডিজ গ্ৰন্থখনি উন্মোচন কৰি উপাচাৰ্য ডঃ জীতেন হাজৰিকাই কয় যে, গ্ৰন্থ দুখনে সৰ্বভাৰতত স্হান পাব বুলি উল্লেখ কৰি পদ্ধতিগত ক্ষেত্রভিত্তিক অনুসন্ধানৰ জৰিয়তে বিশ্বৰ সৈতে জড়িত হ'বলৈ বিচৰা শিক্ষার্থী, গৱেষক আৰু অনুশীলনকাৰীসকলৰ বাবে এক ব্যৱহাৰিক আৰু সুলভ পথ প্রদর্শক হিচাপে গ্ৰন্থ দুখন বিবেচনা হব বুলি ব্যক্ত কৰে। ইফালে আনখন গ্ৰন্থ ফিল্ড ৰিচাৰ্চ মেথহুডচ এণ্ড টেকনিক্স নামৰ গ্ৰন্থখনি উন্মোচন কৰি বিশিষ্ট নিবন্ধকাৰ তথা গওগাও মহাবিদ্যালয়ৰ অধ্যক্ষ ডঃ সব্যসাচী মহন্তই ডঃ আচফিয়া চুলতানাৰ কৰ্মদক্ষতাৰ ওপৰত আলোকপাত কৰাৰ লগতে গ্ৰন্থখনিয়ে গৱেষণা শিক্ষাৰ্থীসকলক যথেষ্ট উপকৃত কৰিব বুলি কোৱাৰ লগতে শিক্ষক- ছাত্র- ছাত্রীকো অৰিহণা যোগাব বুলি ব্যক্ত কৰে। নৱনিত হাজৰিকাই আঁত ধৰা এই গ্ৰন্থ উন্মোচনী সভাখনৰ আদৰণি ভাষণ প্ৰদান কৰি ডঃ আচফিয়া চুলতানাই গ্ৰন্থ দুখনি সৃষ্টিৰ আৰৰ কাহিনী ব্যক্ত কৰাৰ লগতে স্বামী লেখক হাজৰিকা, পুত্র নিহাল হাজৰিকাৰ প্ৰেৰণাৰ কথাও ব্যক্ত কৰে। এই গ্ৰন্থ উন্মোচনী সভাখনত উপস্থিত থাকে শিৱসাগৰ বাণিজ্য মহাবিদ্যালয়ৰ অৱসৰপ্ৰাপ্ত অধ্যক্ষা দীপালী চলিহা, কাৰ্তিক চন্দ্ৰ দত্ত আৰু বৰ্তমানৰ অধ্যক্ষ ড০ সৌমাৰ জ্যোতি মহন্তৰ লগতে অসম কবি সন্মিলনৰ প্ৰাক্তন সভাপতি প্ৰেম গগৈ, শিৱসাগৰ ছোৱালী কলেজৰ প্ৰাক্তন অধ্যক্ষ বুদ্ধিন মিশ্ৰ, বৰ্তমানৰ অধ্যক্ষ ড০ প্ৰতীম শৰ্মা, শ্বহীদ পিয়লি ফুকন কলেজৰ অৱসৰপ্ৰাপ্ত অধ্যক্ষ এছ জামান, বৰ্তমানৰ অধ্যক্ষ ধ্ৰুৱজ্যোতি নাথ, দিখৌমুখ কলেজৰ প্ৰাক্তন অধ্যক্ষা ড০ লুটফুন নাহাৰ, বৰ্তমানৰ অধ্যক্ষ ৰঞ্জিত বৰুৱা, শিৱসাগৰ বিশ্ববিদ্যালয়ৰ গ্ৰন্থাগাৰ দেৱ হাজৰিকা, নিতাই পুখুৰী কলেজৰ অধ্যক্ষ বিৰিঞ্চি বৰা, আমগুৰি কলেজৰ অৱসৰপ্ৰাপ্ত অধ্যক্ষ অনিল হাজৰিকা, শিৱসাগৰ বীৰ লাচিত বৰফুকন কলেজৰ অধ্যক্ষ ড০ পংকজ হাজৰিকা, আজানপীৰ দৰগাহ পৰিচালনা সমিতিৰ সভাপতি তথা বিশিষ্ট অধিবক্তা হাৰুনউল ৰছিদ, বিশিষ্টা লেখিকা জুলী শইকীয়া, শিৱসাগৰ বিশ্ববিদ্যালয়ৰ বিত্তীয় আৰু হিচাপ ৰক্ষক পাৰভেজ মুনাফুৰ ৰহমান, অ'এনজিচিৰ সদৌ ভাৰত অনুসূচীত জাতি জনজাতি কৰ্মচাৰী কল্যাণ সন্থাৰ কাৰ্যকৰী সভাপতি ডেম্বিৰাম পাংগিঙ, উদ্যোগী নাৰী প্ৰিয়ম হাজৰিকা, শিৱসাগৰ চৰকাৰী উচ্চতৰ মাধ্যমিক বহুমুখী বিদ্যালয়ৰ অৱসৰপ্ৰাপ্ত অধ্যক্ষ ৰমন শৰ্মা, আছাম ট্ৰিবিউন কাকতৰ প্ৰাক্তন কাৰ্যকৰী সম্পাদক প্ৰশান্ত জ্যোতি বৰুৱা, আমগুৰি কলেজ মেনিজিং কমিটীৰ প্ৰাক্তন সভাপতি দুলাল বৰা, 'আছু' ৰ প্ৰাক্তন শিক্ষা সম্পাদক শৰৎ হাজৰিকা, শিৱসাগৰ প্ৰেছ ক্লাবৰ ভাঃ সম্পাদক হিমাংশু নেওগৰ লগতে ক্লাবৰ সমূহ কৰ্মকৰ্তাৰ আদিৰ লগতে বহু কেইগৰাকী বিশিষ্ট শিক্ষাবিদ, সমাজকৰ্মী উপস্থিত থাকে। শিৱসাগৰ প্ৰেছ ক্লাবৰ ডঃ উৎপল দত্তই শলাগ জ্ঞাপন কৰা সভাখন জাতীয় সংগীত পৰিৱেশনেৰে সামৰনি পৰে।
