Thripura Ashram Trust

25/09/2026

🔱 ഓം ശ്രീ നാരായണ്യൈ നമഃ 🔱

ശ്രീ ശാരദാ നവരാത്രി മഹോത്സവം 2026

കുളപ്പുള്ളി ത്രിപുരാശ്രമത്തിൽ നടക്കുന്ന ശാരദാ നവരാത്രി മഹോത്സവത്തിന്റെയും ആശ്രമ സ്ഥാപക ആചാര്യ ജയന്തി ആഘോഷത്തിന്റെയും വിശദാംശങ്ങൾ.
എല്ലാ ഭക്തജനങ്ങളെയും സപരിവാരം ഭക്തിപൂർവ്വം സ്വാഗതം ചെയ്യുന്നു.

20/09/2026

🔱 ഓം ശ്രീ നാരായണ്യൈ നമഃ 🔱

2026-ലെ ശാരദാ നവരാത്രി
കന്നി 23 (ഒക്ടോബർ 9, വെള്ളിയാഴ്ച) മുതൽ ആചരിക്കുന്നു.

ശാരദാ നവരാത്രി ആചരണത്തോടനുബന്ധിച്ച്
“നവരാത്രികളും നവദേവതകളും” എന്ന വീഡിയോ സസ്നേഹം പങ്കുവെക്കുന്നു.

വിവിധ കല്പശാസ്ത്രങ്ങളിൽ പ്രതിപാദിക്കുന്ന നവരാത്രി കാലങ്ങളിലെ ദേവതാ നാമരൂപ സങ്കൽപ്പങ്ങളെക്കുറിച്ചുള്ള ഒരു സംക്ഷിപ്ത പരിചയമാണ് ഈ വീഡിയോ.

🎥
https://youtu.be/JIfaReAKr_w?si=7kAIdX160IP0ywEW

വീഡിയോയുടെ വിവരണത്തിൽ “ദുർഗ്ഗാ കല്പവല്ലരി” ഗ്രന്ഥത്തിന്റെ PDF ലിങ്കും ചേർത്തിരിക്കുന്നു. താൽപ്പര്യമുള്ളവർക്ക് പ്രയോജനപ്പെടുത്താവുന്നതാണ്.

നമുക്കെല്ലാവർക്കും മംഗളം ഭവിക്കട്ടെ.

ലോകാഃ സമസ്താഃ സുഖിനോ ഭവന്തു।

ഓം ശാന്തിഃ ശാന്തിഃ ശാന്തിഃ

“ഏകം സത് വിപ്രാ ബഹുധാ വദന്തി” — പരമസത്യം ഏകമായിരിക്കുമ്പോഴും, ഋഷിമാ...

17/09/2026

വിശ്വകർമ ജയന്തി – വിശ്വാസം, ആചരണം, യാഥാർത്ഥ്യം
ഓം ശ്രീ നാരായണ്യൈ നമഃ
ഓം ശ്രീ വിരാട് വിശ്വകർമ്മണേ നമഃ।

വിശ്വകർമൻ ദേവശില്പിയും ദിവ്യ വാസ്തുശില്പിയും സൃഷ്ടിപരമായ കർമ്മശക്തിയുടെ ദൈവിക പ്രതീകവുമായാണ് വേദ – പുരാണ പാരമ്പര്യങ്ങളിൽ വിശേഷിപ്പിക്കപ്പെടുന്നത്. ദേവാലയങ്ങൾ, ദിവ്യപുരങ്ങൾ, രഥങ്ങൾ, ആയുധങ്ങൾ എന്നിവയുടെ നിർമ്മാതാവായും ദേവന്മാരുടെ ശില്പാചാര്യനായും വിശ്വകർമനെ ആദരിക്കുന്നു.

ഭാരതത്തിൽ വിശ്വകർമാരാധനയ്ക്ക് വ്യത്യസ്ത പാരമ്പര്യങ്ങൾ നിലനിൽക്കുന്നു. ചില പ്രദേശങ്ങളിൽ ഭാദ്രപദ ശുക്ലപക്ഷ പഞ്ചമി (ഋഷിപഞ്ചമി) ദിനത്തോടനുബന്ധിച്ചും, മറ്റു പല പ്രദേശങ്ങളിൽ സൂര്യന്‍റെ കന്നി സംക്രാന്തിയെ അടിസ്ഥാനമാക്കിയുള്ള വിശ്വകർമ പൂജയായും ഈ ആചരണം നിലനിൽക്കുന്നു. അതിനാൽ പ്രദേശഭേദമനുസരിച്ച് ആചാരരീതിയിലും ദിനനിർണയത്തിലും വ്യത്യാസങ്ങൾ കാണപ്പെടുന്നത് സ്വാഭാവികമാണ്.

ഈ ദിനത്തിൽ തൊഴിൽ, ശില്പം, വിജ്ഞാനം, സാങ്കേതികവിദ്യ, നിർമ്മാണം എന്നിവയുമായി ബന്ധപ്പെട്ട ഉപകരണങ്ങളും യന്ത്രങ്ങളും ആദരപൂർവ്വം പൂജിക്കുന്നു. ഇതിന്‍റെ അന്തർലീനമായ സന്ദേശം തൊഴിൽ ദൈവികമാണ്, സൃഷ്ടിപരമായ കർമ്മം ഒരു യജ്ഞമാണ് എന്നതാണ്.

നമ്മുടെ ദർശനത്തിൽ ആത്മീയതയും ലൗകികതയും രണ്ടല്ല, ഒന്നാണ്. ഒരു നാണയത്തിന്‍റെ രണ്ട് വശങ്ങൾ പോലെ, ജീവിതത്തിന്‍റെ പൂർണതയ്ക്ക് ആത്മീയമൂല്യങ്ങളും ലൗകികകർമ്മങ്ങളും ഒരുപോലെ ആവശ്യമാണ്.

അതുകൊണ്ട് തൊഴിലും വിജ്ഞാനവും ശാസ്ത്രവും സാങ്കേതികവിദ്യയും ധർമ്മബോധത്തോടെയും ലോകക്ഷേമദർശനത്തോടെയും പ്രയോഗിക്കപ്പെടുമ്പോഴാണ് വിശ്വകർമാരാധനയുടെ യഥാർത്ഥ സാരാംശം സഫലമാകുന്നത്.

വിശ്വാസം മനുഷ്യനെ മൂല്യങ്ങളിലേക്ക് നയിക്കട്ടെ.
ആചരണം ജീവിതത്തെ ശുദ്ധീകരിക്കട്ടെ.
യാഥാർത്ഥ്യബോധം സമൂഹത്തിൽ ഐക്യവും പരസ്പര ബഹുമാനവും വളർത്തട്ടെ.

മംഗളം ഭവിക്കട്ടെ.
ലോകാഃ സമസ്താഃ സുഖിനോ ഭവന്തു॥
ഓം ശാന്തിഃ ശാന്തിഃ ശാന്തിഃ॥
സ്വാമി നിജാനന്ദ സരസ്വതി

14/09/2026

ശ്രീ ഗണപതി നിമജ്ജനം – ആചാരത്തിന്‍റെ തത്ത്വം
ഓം ശ്രീ നാരായണ്യൈ നമഃ

വിനായക ചതുർത്ഥിയോടനുബന്ധിച്ച് ഗണപതി വിഗ്രഹം ജലത്തിൽ നിമജ്ജനം ചെയ്യുന്ന ആചാരത്തിന് ആഴത്തിലുള്ള ഒരു തത്ത്വമുണ്ട്.

1. നിരാകാരത്തിൽ നിന്ന് സാകാരത്തിലേക്കും, തിരിച്ചും

പരമതത്ത്വം നിരാകാരമാണ്. ഭക്തിയുടെ സൗകര്യത്തിനായി മണ്ണുകൊണ്ട് ഒരു സാകാര രൂപം നിർമ്മിച്ച് ഭഗവാനെ ആരാധിക്കുന്നു. പൂജയ്ക്കുശേഷം ആ രൂപം വീണ്ടും പ്രകൃതിയിൽ ലയിപ്പിക്കുന്നു.

ഇത് സൃഷ്ടി – സ്ഥിതി – ലയ തത്ത്വത്തെ ഓർമ്മപ്പെടുത്തുന്നു.

2. പാർത്ഥിവ പൂജയുടെ തത്ത്വം

(മണ്ണുകൊണ്ട് നിർമ്മിച്ച വിഗ്രഹാരാധനയുടെ തത്ത്വം)

മണ്ണുകൊണ്ട് നിർമ്മിച്ച ഗണപതി വിഗ്രഹം പഞ്ചഭൂതങ്ങളിൽ ഒന്നായ പൃഥ്വിതത്ത്വത്തിൽ നിന്ന് ഉദ്ഭവിച്ചതാണ്. പിന്നീട് ജലതത്ത്വത്തിൽ ലയിക്കുന്നു.
“പ്രകൃതിയിൽ നിന്ന് ഉദ്ഭവിച്ചതെല്ലാം പ്രകൃതിയിൽ തന്നെ ലയിക്കുന്നു എന്ന സൃഷ്ടി–സ്ഥിതി–ലയ തത്ത്വത്തിന്‍റെ മഹത്തായ സന്ദേശമാണ് ഇത് നൽകുന്നത്.
3. വിസർജ്ജനത്തിന്‍റെ അന്തർഭാവം

ഭക്തിയോടെ നിർമ്മിച്ച് അലങ്കരിച്ച് ആരാധിച്ച വിഗ്രഹത്തെ ഒടുവിൽ വിസർജ്ജനം ചെയ്യുന്നത്, രൂപത്തോടുള്ള അമിതമായ ആസക്തി വിട്ട് ഭഗവാന്റെ സാന്നിധ്യം ഹൃദയത്തിൽ അനുഭവിക്കണമെന്ന ഓർമ്മപ്പെടുത്തലാണ്.

അഹങ്കാരവും ആസക്തിയും ലയിപ്പിച്ച് വിനയത്തോടെയും സമർപ്പണത്തോടെയും ജീവിക്കാനുള്ള സന്ദേശമാണ് ഇതിലുള്ളത്.

4. ജലതത്ത്വത്തിന്‍റെ മഹത്വം

ജലം ജീവന്‍റെ ആധാരമാണ്. പ്രകൃതിയോടുള്ള ആദരവും സംരക്ഷണവും ഈ ആചാരത്തിന്‍റെ ഭാഗമാണ്.

അതുകൊണ്ട് തന്നെ പരിസ്ഥിതിക്ക് അനുയോജ്യമായ പ്രകൃതിദത്ത മണ്ണുകൊണ്ടുള്ള വിഗ്രഹങ്ങളുടെ ഉപയോഗം വിഗ്രഹം നിമജ്ജനം ചെയ്യുന്ന വിഷയത്തില്‍ പ്രോത്സാഹിപ്പിക്കേണ്ടതാണ്.

ചുരുക്കത്തിൽ:

രൂപമുള്ളത് ഒരിക്കൽ അരൂപത്തിലേക്ക് ലയിക്കുന്നു. എന്നാൽ ഭഗവത് സാന്നിധ്യം എന്നും നമ്മുടെ ഹൃദയത്തിൽ നിലനിൽക്കുന്നു എന്ന മഹത്തായ ഓർമ്മപ്പെടുത്തലാണ് ശ്രീ ഗണപതി നിമജ്ജനം.

സ്വാമി നിജാനന്ദ സരസ്വതി

ഓം ഗം ഗണപതയേ നമഃ

14/09/2026

വിനായക ചതുര്‍ത്ഥി തിഥി നിർണയം

ഓം ശ്രീ നാരായണ്യൈ നമഃ.

ഭാദ്രപദ മാസത്തിലെ ശുക്ലപക്ഷ ചതുര്‍ത്ഥി തിഥിയാണ് വിനായക ചതുര്‍ത്ഥിയായി ആചരിക്കുന്നത്.

വിനായക ചതുര്‍ത്ഥിയുടെ ആചരണത്തിൽ തിഥി നിർണയം ചെയ്യുന്നത് സാധാരണ ഉദയവ്യാപിനിയായ തിഥി മാത്രം പരിഗണിച്ചല്ല; ഗണപതി ഭഗവാന്റെ ആവിർഭാവവുമായി ബന്ധപ്പെട്ട മധ്യാഹ്നവ്യാപിനിയായ ചതുര്‍ത്ഥി തിഥിയാണ് പ്രധാനമായി പരിഗണിക്കുന്നത്.

അതുകൊണ്ടുതന്നെ ചില സ്ഥലങ്ങളിൽ തിഥിയുടെ ആരംഭവും അവസാനവും അനുസരിച്ച് വ്യത്യാസം കാണിച്ചാലും, ആചാരപരമ്പരയും പഞ്ചാംഗ നിർണയവും അനുസരിച്ച് മധ്യാഹ്നത്തിൽ ചതുര്‍ത്ഥി ലഭിക്കുന്ന ദിനമാണ് വിനായക ചതുര്‍ത്ഥിയായി സ്വീകരിക്കുന്നത്.

എല്ലാവർക്കും ശ്രീ ഗണേശ ഭഗവാന്റെ അനുഗ്രഹവും വിഘ്നനിവൃത്തിയും ഐശ്വര്യവും ഉണ്ടാകട്ടെ.

ഓം ഗം ഗണപതയേ നമഃ.

സ്വാമി നിജാനന്ദ സരസ്വതി

11/09/2026

ഓം ശ്രീ നാരായണ്യൈ നമഃ

വിനായക ചതുർത്ഥി ആചരണത്തിന്റെ പുണ്യവേളയിൽ ഭഗവാൻ ശ്രീഗണപതിയോടുള്ള ഈ ഭക്തിപൂർവ്വമായ "വക്രതുണ്ഡ മഹാകായ" പ്രാർത്ഥന പങ്കുവെക്കുന്നു.

ഗുരുവിലും മന്ത്രദേവതയിലും ഭഗവാൻ ഗണപതിയിലും വിശ്വാസമുള്ള എല്ലാവർക്കും ഭക്തിപൂർവ്വം കേൾക്കുവാനും പാരായണം ചെയ്യുവാനും കഴിയുന്ന പ്രാർത്ഥന.

എല്ലാവരുടെയും ജീവിതത്തിൽ വിഘ്നങ്ങൾ അകന്നു ധാർമ്മികമായ ശുഭകാര്യങ്ങൾ സഫലമാകട്ടെ.

🎥 വീഡിയോ:

https://youtu.be/y1DHao6xUWQ?si=jMJRZbSUrDDbmb6-



ലോകാഃ സമസ്താഃ സുഖിനോ ഭവന്തു।
ഓം ശാന്തിഃ ശാന്തിഃ ശാന്തിഃ॥

ഓം ശ്രീ നാരായണ്യൈ നമഃവക്രതുണ്ഡ മഹാകായ സൂര്യകോടി സമപ്രഭ ।അവിഘ്നം ...

08/09/2026

ഓം ശ്രീ നാരായണ്യൈ നമഃ 🙏

ശ്രീ വിനായക ചതുർത്ഥി മഹോത്സവം
2026 സെപ്റ്റംബർ 14-ന് ഭക്തിപൂർവ്വം ആചരിക്കുന്നു.

ശ്രീ മഹാഗണപതിയുടെ അനുഗ്രഹം ഏവർക്കും ലഭ്യമാകട്ടെ. 🙏

ഓം ഗം ഗണപതയേ നമഃ

#വിനായകചതുർത്ഥി #ത്രിപുരാശ്രമം #ഓംശ്രീനാരായണ്യൈനമഃ

08/09/2026

🙌 ഓം ശ്രീ നാരായണ്യൈ നമഃ 🙏

ഇന്ന് പരമേഷ്ഠി ഗുരു ശ്രീ സ്വാമി ശിവാനന്ദ സരസ്വതി മഹാരാജിന്റെ ജയന്തിദിനം.

ഗുരു ശ്രീ സ്വാമി ശിവാനന്ദ സരസ്വതി മഹാരാജിന് സാഷ്ടാംഗ പ്രണാമങ്ങൾ അർപ്പിക്കുന്നു.

സ്വാമികളുടെ മാർഗദർശനങ്ങളും സേവനപാരമ്പര്യവും ഇന്നും അനേകം സാധകരുടെ ജീവിതത്തിന് പ്രചോദനമാണ്.

വീഡിയോ കാണുക:

https://youtu.be/TzOEHLXRdPs?si=chBiGKL-n2naGyl0

ഓം ശാന്തിഃ ശാന്തിഃ ശാന്തിഃ ॥

#ശ്രീശിവാനന്ദസരസ്വതി #ഗുരുജയന്തി

#ജ്ഞാനാനന്ദസര...

06/09/2026

🙏 ശ്രീ മഹാഗണപതിയുടെ അനുഗ്രഹം ഏവർക്കും ലഭിക്കട്ടെ.

🪔 വിനായക ചതുർത്ഥി ആചരണത്തിന്റെ പുണ്യവേളയിൽ

📖 ശ്രീവിദ്യാക്രമ ശ്രീമഹാഗണേശ പൂജാപദ്ധതി

ശ്രീവിദ്യാ ഉപാസനാ പരമ്പരയിൽ ശ്രീ മഹാഗണപതി ഉപാസനയുടെ പ്രാധാന്യം മനസ്സിലാക്കുന്നതിനും, കർമ്മകാണ്ഡം, ജ്ഞാനകാണ്ഡം, സാധനാക്രമം എന്നിവയുടെ സമന്വയബോധം വളർത്തുന്നതിനുമായി തയ്യാറാക്കിയിരിക്കുന്ന ഒരു ഡിജിറ്റൽ സാധനാഗ്രന്ഥമാണിത്.

ഭാരതീയ ഉപാസനാ പാരമ്പര്യത്തിലെ ഈ അമൂല്യമായ വിജ്ഞാനം ശരിയായ ബോധത്തോടെ സാധകരിലേക്ക് എത്തിക്കുക എന്ന ഉദ്ദേശ്യത്തോടെ, ത്രിപുരാശ്രമത്തിന്‍റെ പഠനസഹായിയായി ഈ ഗ്രന്ഥം സമർപ്പിക്കുന്നു.

തന്ത്ര–ഉപാസനാ വിഷയങ്ങൾ ശ്രീഗുരുവിന്റെ ഉപദേശവും യഥാവിധി മാർഗ്ഗനിർദ്ദേശവും സ്വീകരിച്ചശേഷം മനസ്സിലാക്കി അനുഷ്ഠിക്കേണ്ടവയാണ്. ഈ സാധനാമാർഗ്ഗത്തിൽ താൽപ്പര്യമുള്ള ഉപാസകർക്ക് ഗ്രന്ഥം പരിചയപ്പെടുന്നതിനും ആവശ്യമായ മാർഗ്ഗനിർദ്ദേശങ്ങൾക്കുമായി ത്രിപുരാശ്രമവുമായി ബന്ധപ്പെടാവുന്നതാണ്.

ശ്രീ ഗണേശ പ്രസാദത്താൽ ആത്മീയവും ലൗകികവുമായ ജീവിതത്തിൽ ശ്രേയസ്സും വിജയവും കൈവരിക്കുവാൻ എല്ലാ ഉപാസകർക്കും അനുഗ്രഹമുണ്ടാകട്ടെ എന്ന പ്രാർത്ഥനയോടെ.

📖 പഠനഗ്രന്ഥം ലഭിക്കുന്നതിനായി: 👉
https://store.pothi.com/book/ebook-%E0%B4%B6%E0%B5%8D%E0%B4%B0%E0%B5%80%E0%B4%B2%E0%B4%B6%E0%B5%8D%E0%B4%B0%E0%B5%80-%E0%B4%B8%E0%B5%8D%E0%B4%B5%E0%B4%BE%E0%B4%AE%E0%B4%BF-%E0%B4%A8%E0%B4%BF%E0%B4%9C%E0%B4%BE%E0%B4%A8%E0%B4%A8%E0%B5%8D%E0%B4%A6-%E0%B4%B8%E0%B4%B0%E0%B4%B8%E0%B5%8D%E0%B4%B5%E0%B4%A4%E0%B4%BF%E0%B4%95%E0%B4%B3%E0%B5%8D%E2%80%8D-%E0%B4%B6%E0%B5%8D%E0%B4%B0%E0%B5%80%E0%B4%B5%E0%B4%BF%E0%B4%A6%E0%B5%8D%E0%B4%AF%E0%B4%BE-%E0%B4%95%E0%B5%8D%E0%B4%B0%E0%B4%AE-%E0%B4%B6%E0%B5%8D%E0%B4%B0%E0%B5%80%E0%B4%AE%E0%B4%B9%E0%B4%BE-%E0%B4%97%E0%B4%A3%E0%B5%87%E0%B4%B6-%E0%B4%AA%E0%B5%82%E0%B4%9C%E0%B4%BE-%E0%B4%AA%E0%B4%A6%E0%B5%8D%E0%B4%A7%E0%B4%A4%E0%B4%BF/?fbclid=IwY2xjawMR9Z5leHRuA2FlbQIxMQABHmcKEmwrx0tPVSgp7zJtf1ol9snX0Lazd0BgjCRVeqtLK0BmWwTATk_I9opi_aem_Fi8QN8TAmY-yFsDwaUjliA

ഓം ഗം ഗണപതയേ നമഃ।

ഓം ശ്രീ നാരായണ്യൈ നമഃ।

സ്വാമി നിജാനന്ദ സരസ്വതി

Buy ശ്രീവിദ്യാക്രമ ശ്രീമഹാഗണേശ പൂജാപദ്ധതി.: Srividyakarma SrimahaGnaesha PoojaPadhathi. by Swami Nijanandasaraswathi in India. ശ്രീവിദ്യാക്രമ ശ്രീമഹാഗണേശ പൂജാപദ്ധ.....

06/09/2026

🙏 ശ്രീ വിനായക ചതുർത്ഥി മംഗളസന്ദേശം 🙏

ശ്രീ മഹാഗണപതിയുടെ അനുഗ്രഹം സ്മരിച്ചുകൊണ്ട്, വിനായക ചതുർത്ഥിയുടെ ആത്മീയ പ്രസക്തിയും, ശ്രീ ഗണേശപുരാണത്തിലെ തത്ത്വങ്ങളും, ആചരണവിധിയും, ഭഗവത് സന്ദേശവും വിശദീകരിക്കുന്ന ഈ ആത്മീയ പഠന ക്ലാസ് സസ്നേഹം സമർപ്പിക്കുന്നു.

ശ്രീ ഗണപതി ഉപാസനയിലൂടെ ജ്ഞാനം, വിവേകം, ആത്മനിയന്ത്രണം, ജീവിതത്തിലെ വിഘ്നങ്ങളെ അതിജീവിക്കാനുള്ള ആത്മശക്തി എന്നിവ എങ്ങനെ വളർത്താം എന്ന സന്ദേശമാണ് ഈ പഠന ക്ലാസിൽ അവതരിപ്പിക്കുന്നത്.

🎥 ആത്മീയ പഠന ക്ലാസ്:

https://youtu.be/V6a35rGx0pA?si=dXWAJjothCg-NlFu

ശ്രീ മഹാഗണപതിയുടെ അനുഗ്രഹം ഏവരുടെയും ജീവിതത്തിൽ ജ്ഞാനവും സമാധാനവും ഐശ്വര്യവും നിറയ്ക്കട്ടെ.

ഓം ഗം ഗണപതയേ നമഃ
ഓം ശ്രീ നാരായണ്യൈ നമഃ

വിനായക ചതുർത്ഥി ഒരു ഉത്സവം മാത്രമല്ല; ജ്ഞാനം, വിവേകം, ആത്മനിയന്ത്രണ...