Akanksha Educational Foundation,Shirur

21/01/2026

दै. लोकमत

18/01/2026

तेव्हा तिथं उपस्थित असलेला प्रत्येकजण गहिवरला होता…

काल गोलेगाव येथे तेजस्विनी फाऊंडेशन यांच्या स्नेह मेळाव्यानिमित्त विशेष व्याख्यानाचे आयोजन करण्यात आले होते. या कार्यक्रमात आई ते सामाजिक कार्यकर्ती या विषयावर बोलण्याची संधी मिळाली.

खरंतर, विशेष आईचा जीवनप्रवास मांडणे आणि तो शब्दांत व्यक्त करणे इतके सोपे नसते. मात्र व्याख्यान सुरू असतानाच आईचा संघर्ष, जिद्द आणि समाजासाठी केलेला प्रवास ऐकताना उपस्थित प्रत्येकजण भावूक झाला.संपूर्ण कार्यक्रमात क्षणाक्षणाला निर्माण होणारी शांतता आणि डोळ्यांत साठलेले अश्रू या प्रवासाची खोली सांगत होते.या प्रसंगी तेजस्विनी फाऊंडेशनच्या वतीने वैशाली चव्हाण यांनी आकांक्षा फाऊंडेशन चा विशेष सन्मान करून सामाजिक कार्याची दखल घेतली. हा सन्मान केवळ एका संस्थेचा नव्हता, तर अनेक आईंच्या संघर्षाला मिळालेली पावती होती.
कार्यक्रमाच्या उत्तरार्धात महिलांसाठी हळदीकुंकू तसेच विविध सांस्कृतिक उपक्रमांचे आयोजन करण्यात आले. उत्साह, आत्मीयता आणि सामाजिक बांधिलकी यांचा सुंदर संगम साधत हा स्नेह मेळावा संस्मरणीय ठरला.
------ ॲड. राणीताई चोरे, आकांक्षा एज्युकेशनल फाऊंडेशन, शिरूर

26/09/2025

04/09/2025

रांजणगाव एमआयडीसी येथील पोलिस स्टेशन चे पोलीस निरीक्षक महादेव वाघमोडे यांनी आकांक्षा फाऊंडेशन च्या गणराया च्या आरतीस आठव्या दिवशी हजेरी लावली.यावेळी त्यांनी आपुलकीने संस्थेची माहिती घेत मुलांशी संवाद साधला.संस्थेच्या संस्थापिका राणीताई चोरे यांनी यावेळी स्वागत संस्थेच्या भविष्यकालीन उपक्रमाविषयी माहिती दिली.यावेळी संस्थेचे सर्व शिक्षक,विद्यार्थी,स्टाफ उपस्थित होता.

04/09/2025

शिरूर पोलिस स्टेशन चे पोलिस उपनिरीक्षक राहुल भागवत यांनी आकांक्षा एज्युकेशनल फाऊंडेशन मधील गणरायाच्या आरतीस नुकतीच उपस्थिती लावली.यावेळी संस्थेतील मुलांची चौकशी करून सर्वतोपरी सहकार्य करण्याचे आश्वासन दिले.यावेळी संस्थेच्या संस्थापिका राणीताई चोरे यांनी त्यांचे स्वागत करून आभार व्यक्त केले.

04/09/2025

आकांक्षाची आरती
आकांक्षा एज्युकेशनल फाऊंडेशन मध्ये दरवर्षी गणरायाच्या आगमनानंतर उत्साहाचे वातावरण असते.शिरूर येथील स्नेहाताई राजुरकर व मयुरीताई महाजन यांनी नुकतीच संस्थेस भेट दिली. आरती केल्यानंतर मुलांची आपुलकीने संवाद साधला.यावेळी संस्थेच्या संस्थापिका राणीताई चोरे यांनी त्यांचा सन्मान केला.यावेळी संस्थेचे सर्व विद्यार्थी, स्टाफ, शिक्षक उपस्थित होते.

11/03/2025

जागतिक महिला दिनाच्या निमित्ताने शिरूर शहर राष्ट्रवादी काँग्रेस महिला आघाडीच्या वतीने आकांक्षा एज्युकेशनल फाऊंडेशनच्या संस्थापिका राणीताई चोरे यांना विशेष मानपत्र, शाल श्रीफळ देऊन गौरव करण्यात आला.यावेळी महिला आघाडीच्या श्रुतिका रंजन झांबरे यांसह पदाधिकारी उपस्थित होते.

10/03/2025

घोडनदी बार असोसिएशनच्यावतीने जागतिक महिला दिनानिमित ॲड.गणेश शिरसाठ यांच्या हस्ते विशेष सन्मानचिन्ह देऊन आकांक्षा एज्युकेशनल फाऊंडेशनच्या प्रमुख ॲड. राणीताई चोरे यांचा सन्मान करण्यात आला.यावेळी घोडनदी बार असोसिएशन चे पदाधिकारी व शहरातील वकील पदाधिकारी उपस्थित होते.

26/01/2025

आकांक्षा फाउंडेशन मध्ये प्रजासत्ताक दिनानिमित्त विविध कार्यक्रमाचे आयोजन करण्यात आले होते यावेळी उपस्थित मान्यवरांचा संस्थेच्या वतीने सन्मान करण्यात आला या कार्यक्रमाचे सूत्रसंचालन संस्थेच्या विशेष शिक्षिका वैशाली भुजबळ यांनी केले तर आभार संस्थेच्या संस्थापिका राणीताई चोरे यांनी केले.

26/01/2025

आज आकांक्षा एज्युकेशनल फाऊंडेशन मध्ये प्रजासत्ताक दिनानिमित्त ध्वजारोहणाचा मान फियाट इंडिया कंपनीचे डिव्हिजनल मॅनेजर योगेश मुजगोंड यांना मिळाला.यावेळी देशसेवेत कार्यरत असलेले मेजर संदीप जाधव, संस्थेचे विश्वस्त मनसुखलाल गुगळे दत्तात्रय केदारी, ग्रामपंचायत सदस्य शंकर दादा गायकवाड, सनी जाधव आदी उपस्थित होते.

24/12/2024