ATTSA Baruanagar Sub branch

Home
India
Sapekhati
ATTSA Baruanagar Sub branch

Contact information, map and directions, contact form, opening hours, services, ratings, photos, videos and announcements from ATTSA Baruanagar Sub branch, Community Organization, Baruanagar, sapekhati, Sapekhati.

"We believe we can accelerate our acumen, performance and success by leveraging our associations and spending time with people" This is the power of gathering: it inspires us, delightfully, to be more hopeful, more joyful, more thoughtful:

11/08/2026

🌿🥁 কৰম সন্মিলন ২০২৬ 🥁🌿
আমাৰ ঐতিহ্য, সংস্কৃতি আৰু পৰম্পৰাৰ গৌৰৱময় উৎসৱ—দ্বাদশ বাৰ্ষিক বৰুৱানগৰ আঞ্চলিক কৰম সন্মিলন-২০২৬। ❤️🌿
অসম চাহ জনজাতি ছাত্ৰ সন্থা (ATTSA), বৰুৱানগৰ উপ-শাখা সমিতিৰ উদ্যোগত, লক্ষ্মীজান চাহ বাগিচাৰ আতিথ্যত আৰু স্থানীয় চাহ বাগিচা তথা বৰুৱানগৰবাসী ৰাইজৰ সহযোগত আয়োজন কৰা হৈছে এই বৰ্ণাঢ্য কৰম সন্মিলন।
📅 তাৰিখ: ৩ আৰু ৪ অক্টোবৰ, ২০২৬
📍 স্থান: লক্ষ্মীজান চাহ বাগিচা খেলপথাৰ
আহক, সকলোৱে মিলি কৰমৰ ঐতিহ্যক জীয়াই ৰাখোঁ, সংস্কৃতিক আগুৱাই লৈ যাওঁ আৰু ঐক্যৰ বান্ধোন অধিক শক্তিশালী কৰোঁ। 🤝🌿❤️🥁
#কৰমসন্মিলন২০২৬ #দ্বাদশতমকৰমসন্মিলন #বৰুৱানগৰউপশাখা #চাহজনজাতিৰসংস্কৃতি #কৰমপূজা #ঐক্য_সংস্কৃতি_পৰম্পৰা

31/07/2026

📚 ১৫ দিনীয়া বিনামূলীয়া পাঠদান কৰ্মশালাৰ সামৰণি অনুষ্ঠান সফলতাৰে সম্পন্ন।

আজি ATTSA বৰুৱানগৰ উপ-শাখাৰ উদ্যোগত আৰু আটছা সুন্দৰপুৰ প্ৰাথমিক গোটৰ সহযোগত আয়োজিত ১৫ দিনীয়া বিনামূলীয়া পাঠদান কৰ্মশালাৰ সামৰণি অনুষ্ঠান সকলোৰে সন্মানীয় উপস্থিতি, আশীৰ্বাদ আৰু আন্তৰিক সহযোগিতাৰ মাজেৰে সফলতাৰে সম্পন্ন হ'ল।

এই শুভক্ষণত উপস্থিত থাকি অনুষ্ঠানখন গৌৰৱান্বিত কৰা অসম জাতীয় সন্মিলনীৰ অধ্যক্ষ শ্ৰীযুত গণেশ গোৱালা ডাঙৰীয়া, আটছা সাপেখাতী শাখাৰ সভাপতি শ্ৰীযুত বিপিন তেলী ডাঙৰীয়া, নামৰূপ থাৰ্মেল উচ্চ মাধ্যমিক বিদ্যালয়ৰ অৱসৰপ্ৰাপ্ত শিক্ষক, বিশিষ্ট প্ৰাচীন কীৰ্তিচিহ্ন সংৰক্ষণ কৰ্মী তথা আমাৰ সকলোৰে শ্ৰদ্ধাৰ শ্ৰীযুত তুলসী নেওগ ডাঙৰীয়া, আটছা চৰাইদেউ জিলা সমিতিৰ সভাপতি শ্ৰীযুত অজিত উৰাং ডাঙৰীয়া, জিলা সমিতিৰ শিক্ষা সম্পাদক শ্ৰীযুত অমৃত কয়া ডাঙৰীয়া,আটছা কেন্দ্ৰীয় কাৰ্যনিৰ্বাহক সদস্য শ্ৰীযুত সহদেৱ ধানোৱাৰ ডাঙৰীয়া,সুন্দৰপুৰ প্ৰাথমিক বিদ্যালয়ৰ প্ৰধান শিক্ষক শ্ৰী ঘন ফুকন দেৱ, বিশিষ্ট সমাজকৰ্মী শ্ৰী ৰাম তাঁতী দেৱ, সুন্দৰপুৰ ACMS প্ৰাথমিক গোটৰ সভাপতি আৰু সম্পাদক, লগতে শালকাঠনি উপ-শাখাৰ সম্পাদকলৈ আন্তৰিক কৃতজ্ঞতা জ্ঞাপন কৰিছোঁ।

তেখেতসকলৰ মূল্যৱান পৰামৰ্শ, আশীৰ্বাদ আৰু উৎসাহে আমাৰ এই সৰু প্ৰয়াসক অধিক শক্তিশালী কৰি তুলিছে। এই ১৫ দিনত শিক্ষাৰ্থীসকলৰ মাজত দেখা পোৱা আগ্ৰহ, শৃংখলা আৰু শিকাৰ মানসিকতাই আমাৰ সকলোকে নতুন আশাৰ বাট দেখুৱাইছে।

এই কৰ্মশালাৰ সফল ৰূপায়ণত সহায়-সহযোগিতা আগবঢ়োৱা সকলো শুভাকাংক্ষী, অভিভাৱক, শিক্ষক, স্বেচ্ছাসেৱক আৰু অঞ্চলবাসীলৈও আন্তৰিক ধন্যবাদ জ্ঞাপন কৰিছোঁ। আপোনালোকৰ সহযোগিতা আৰু বিশ্বাসেই আমাৰ আটাইতকৈ ডাঙৰ শক্তি।

শিক্ষিত সমাজেই এখন সুন্দৰ সমাজৰ ভেটি। আহক, আমি সকলোৱে একেলগে জ্ঞানৰ পোহৰ প্ৰতিটো ঘৰলৈ কঢ়িয়াই নিয়াৰ সংকল্প লওঁ।

ধন্যবাদ।

জয় আই অসম।
জয়তু ATTSA।

29/07/2026

📚✨ ১৫ দিনীয়া বিনামূলীয়া পাঠদান কৰ্মশালাৰ সফল সামৰণি ✨📚
শিক্ষাই সমাজ গঢ়ে, আৰু সেই লক্ষ্যকে সন্মুখত ৰাখি অসম চাহ জনজাতি ছাত্ৰ সন্থা (আটছা), বৰুৱানগৰ উপ-শাখাৰ উদ্যোগত আৰু আটছা সুন্দৰপুৰ প্ৰাথমিক গোটৰ সহযোগত আয়োজন কৰা ১৫ দিনীয়া বিনামূলীয়া পাঠদান কৰ্মশালাৰ সামৰণি অনুষ্ঠান অহা ৩০ জুলাই ২০২৬ তাৰিখে সুন্দৰপুৰ প্ৰাথমিক বিদ্যালয়ত অনুষ্ঠিত হ'ব।
এই যাত্ৰাত সহযোগিতা আগবঢ়োৱা সকলো শিক্ষক-শিক্ষয়িত্ৰী, অভিভাৱক, শুভাকাংক্ষী আৰু ছাত্ৰ-ছাত্ৰীলৈ আন্তৰিক কৃতজ্ঞতা জ্ঞাপন কৰিলোঁ। আহক, এই সামৰণি অনুষ্ঠানত উপস্থিত থাকি ছাত্ৰ-ছাত্ৰীসকলক উৎসাহিত কৰোঁ আৰু শিক্ষাৰ এই সামাজিক অভিযানক অধিক শক্তিশালী কৰি তোলোঁ।
"শিক্ষাই সমাজৰ সৰ্বশ্ৰেষ্ঠ সম্পদ।" 🌿

23/07/2026

🌊❤️ মানৱতাৰ বাবে একত্ৰিত প্ৰয়াস।
আজি অসম চাহ জনজাতি ছাত্ৰ সন্থা (ATTSA) চৰাইদেউ জিলা সমিতিৰ,সাপেখাটী শাখাৰ অন্তৰ্গত বৰুৱানগৰ,বৰপাত্ৰ, শালকাঠনি উপ-শাখাই, সুন্দৰপুৰ, বৰুৱাখাত, মুক্তাবাৰি ACMS ইউনিট আৰু সকলো সচেতন ৰাইজৰ আন্তৰিক সহযোগিতাত বানপীড়িত সকলো আই মাতৃ,পিতৃ ভাতৃ,ভনী বাইদেউ সকলৰ বাবে সাহায্য সামগ্ৰী লৈ আগবাঢ়িছোঁ।
এই মহৎ কাৰ্যসূচীত আৰ্থিক আৰু মানসিকভাৱে সহায়-সহযোগিতা আগবঢ়োৱা প্ৰতিজন শুভাকাংক্ষীলৈ আন্তৰিক কৃতজ্ঞতা জ্ঞাপন কৰিছোঁ। আপোনালোকৰ সহায় আৰু বিশ্বাসৰ বাবেই এই সৰু প্ৰয়াস সম্ভৱ হৈছে।
"একেলগে আগবাঢ়িলে, দুখৰ সময়তো আশাৰ পোহৰ জ্বলাব পাৰি।" 🤝
সকলো সহায়কাৰী,আৰু সমূহ ৰাইজলৈ পুনৰাই আন্তৰিক ধন্যবাদ। ❤️
#মানৱতা #একতাই_শক্তি

21/07/2026

📚 বিনামূলীয়া শিক্ষা কৰ্মশালা | ৫ম দিন
পাঁচ দিনৰ এই যাত্ৰাই আমাক বুজাই দিলে—সুযোগ পালে প্ৰতিটো শিশুৱেই শিকিব বিচাৰে।
এয়া কেৱল এটা পাঠদান কাৰ্যসূচী নহয়, শিক্ষাৰ জৰিয়তে এখন সচেতন আৰু শক্তিশালী সমাজ গঢ়াৰ এক সৰু প্ৰয়াস।
আমাৰ এই পদক্ষেপত কাষত থিয় দিয়া সকলো শুভাকাংক্ষী, অভিভাৱক আৰু সমাজবাসীক আন্তৰিক ধন্যবাদ।
আহক, একেলগে শিক্ষাৰ পোহৰ প্ৰতিটো শিশুৰ কাষলৈ লৈ যাওঁ। ❤️📖

#বিনামূলীয়া_শিক্ষা_কৰ্মশালা
#শিক্ষাই_পৰিৱৰ্তনৰ_ভিত্তি

17/07/2026

📖 বিনামূলীয়া পাঠদান কৰ্মশালাৰ দ্বিতীয় দিন ।

সকলোৰে সহযোগিতা, নিষ্ঠা আৰু ছাত্ৰ-ছাত্ৰীৰ আগ্ৰহে এই উদ্যোগক অধিক সফল কৰি তুলিছে।

#বৰুৱানগৰউপশাখা
#বিনামূলীয়াপাঠদান
#কৰ্মশালা
#ষ্টুডেণ্ট

16/07/2026

বিনামূলীয়া শিক্ষা কৰ্মশালাৰ প্ৰথম দিন সফলতাৰে সম্পন্ন।
"আজি প্ৰথম খোজ, কাইলৈ সফলতাৰ পথ।" ❤️
#বিনামূলীয়া_শিক্ষা_কৰ্মশালা #শিক্ষাই_শক্তি #বৰুৱানগৰ_উপশাখা

15/07/2026

🌱 শিক্ষা হ’ল সমাজ সলনি কৰাৰ আটাইতকৈ শক্তিশালী অস্ত্ৰ।

অসম চাহ জনজাতি ছাত্ৰ সন্থা (আটছা), বৰুৱানগৰ উপ শাখাৰ উদ্যোগত আৰু সুন্দৰপুৰ প্ৰাথমিক গোটৰ সহযোগত আয়োজিত ১৫ দিনীয়া বিনামূলীয়া পাঠদান কৰ্মশালা । অঞ্চলটোৰ সকলো ছাত্ৰ-ছাত্ৰীক আন্তৰিকভাৱে অংশগ্ৰহণ কৰিবলৈ আহ্বান জনালোঁ।

📚 প্ৰথমৰ পৰা দশম শ্ৰেণীলৈকে ছাত্ৰ-ছাত্ৰীৰ বাবে এই কৰ্মশালাত থাকিব—
✨ ছবি আৰু পাঠ্যপুথিৰ সহজ পাঠদান
✨ ইংৰাজী ব্যাকৰণ
✨ গণিতৰ মৌলিক ধাৰণা
✨ শিক্ষাৰ প্ৰতি উৎসাহ আৰু আত্মবিশ্বাস গঢ়ি তোলাৰ প্ৰয়াস

আমাৰ লক্ষ্য কেৱল পাঠদান নহয়, সমাজৰ প্ৰতিটো শিশুক আগুৱাই নিয়াৰ এক সৎ প্ৰচেষ্টা।
আহক, একেলগে জ্ঞানৰ পোহৰেৰে এখন সুন্দৰ সমাজ গঢ়ি তোলোঁ। ❤️

📍 স্থানঃ সুন্দৰপুৰ প্ৰাথমিক বিদ্যালয়
📅 ১৫ জুলাইৰ পৰা ৩০ জুলাই, ২০২৬
🕘 সময়ঃ পুৱা ৯ বজাৰ পৰা ১২ বজালৈ

Address

Baruanagar, Sapekhati
Sapekhati

Website

http://www.attsabaruanagarsubbranch.com/

Alerts

Be the first to know and let us send you an email when ATTSA Baruanagar Sub branch posts news and promotions. Your email address will not be used for any other purpose, and you can unsubscribe at any time.