20/08/2026
रविवार दि. १६ ऑगस्ट २०२६ रोजी अॅड. केशवराव चौगुले सभागृह, सांगली येथे दक्षिण भारत जैन सभेच्या जैन महिला परिषदेतर्फे भव्य ‘यशस्विनी महिला उद्योजिका मेळावा’ संपन्न झाला. सुप्रसिद्ध उद्योजिका, मराठी रेस्टॉरंट चेन पूर्णब्रम्हच्या संस्थापिका, झी. टी. व्ही. फेम सौ. जयंती कठाळे बेंगलोर या प्रमुख मार्गदर्शक म्हणून उपस्थित होत्या.
सौ. शोभा चौगुले भोसे यांच्या सुरेल मंगलाचरणाने कार्यक्रमाची सुरुवात झाली. मा. आमदार श्री. राजेंद्र पाटील यड्रावकर यांचे अमृतहस्ते झाडाला पाणी घालून मेळाव्याचे उद्घाटन झाले. जैन महिला परिषद चेअरमन सौ. अनिता वि. पाटील यांनी सर्वांचे स्वागत केले. दक्षिण भारत जैन सभा व जैन महिला परिषदेची उद्दिष्टे सांगून सध्या करीत असलेल्या कार्याची माहिती दिली. यशस्विनी उद्योजिका मेळावा महिलांच्या कर्तुत्वाला, स्वप्नांना आणि आत्मनिर्भरतेला एक नवी दिशा देण्यासाठी आयोजित केला आहे असे सांगून , स्वावलंबी महिला एक सक्षम कुटुंब व समृद्ध समाज निर्माण करू शकते असा विश्वास व्यक्त केला. व्हा. चेअरमन सौ. नूतन जनाज यांनी सौ. जयंती कठाळे यांची तर सेक्रेटरी सौ. सरिता चौगुले यांनी सौ. विद्या कुलकर्णी यांची ओळख करून दिली.
आमदार श्री. राजेंद्र पाटील यड्रावकर यांनी महिलांना शासनाच्या अनेक सुविधा उपलब्ध आहेत, त्याचा त्यांनी लाभ घ्यावा तसेच स्त्रिया स्वबळावर आर्थिक दृष्ट्या स्वावलंबी झाल्या तर समाजाचा दर्जा सुधारायला मदत होईल असे सांगितले. श्री भालचंद्र पाटील अध्यक्ष, दक्षिण भारत जैन सभा यांनी दक्षिण भारत जैन सभा माहिलांना उद्योग वाढीसाठी सर्वतोपरी सहाय्य करेल तसेच जैन महिला परिषदेला त्यांच्या उपक्रमामध्ये वेळोवेळी मार्गदर्शन लाभेल असे सांगून शुभेच्छा दिल्या. मार्गदर्शिका सौ. विद्या कुलकर्णी महाव्यवस्थापक जिल्हा उद्योग केंद्र सांगली यांनी महिलांसाठी असलेल्या विविध शासकीय योजनांची सविस्तर माहिती देऊन सहकार्य करण्याचे आश्वासन दिले.
या कार्यक्रमास मुख्य महामंत्री मा. श्री. अनिल बागणे ,अरिहंत उद्योग समूह बोरगावच्या श्रीमती मिनाक्षीताई पाटील, स्वरूपाताई पाटील यड्रावकर , कर्मवीर पातसंस्थेच्या चेअरमन श्रीमती भारती चोपडे , कोल्हापूर विभाग महिला महामंत्री सौ. सरोजिनी खोत, पुणे विभाग महिला महामंत्री सौ.प्रीती पाटील, वीर महिला मंडळ चेअरमन सौ. अर्चना मगदूम _गाठ आदि मान्यवरांनी उपस्थित होते. अतिशय नेटके नियोजन , बैठक व्यवस्था , सुसंगत व्यवस्थापन यामुळे कार्यक्रम उत्तम झाला . जंयती कठाळे यांचे आत्मविश्वास पूर्ण बोलणे त्यानंतरची प्रश्नोत्तरे लाजबाब होती . त्यांचे मार्गदर्शन छोट्या मोठ्या जैन उद्योजिकांना प्रेरणादायी ठरले . महिलांची गर्दी , उत्तम मार्गदर्शन , सौ राजश्री शेटे यांचे खुमासदार सूत्रसंचलन यांनी कार्यक्रम दर्जेदार ठरला .
समाजातील अनेक संस्थांनी व लोकांनी प्रायोजकत्व स्वीकारून दातृत्व दाखविले व हा मेळावा यशस्वी करण्यात हातभार लावला. त्याबद्दल जैन महिला परिषदे कडून त्यांचे आभार मानले. शेवटी जॉ. सेक्रेटरी सौ. संगीता चौगुले यांनी सर्वांचे आभार मानले. उपस्थित सर्व माहिलांना कापडी पिशव्यांमधून स्नॅक्स वाटप करण्यात आले.
