United For Animal Ethics - UFAE

05/09/2026

விலங்குகளிடம் கருணை காட்டுங்கள் (Be Kind to Animal) என்ற விலங்கு நல வாசகத்தை அனைத்து பொது போக்குவரத்து வாகனங்களிலும் காட்சிப்படுத்தக் கோரி முன்மொழியப்பட்ட கடிதத்தை அனைத்து மாநில அரசுகளுக்கும், விலங்குகள் நல வாரியங்களுக்கும், 25.02.2025 அன்று மத்திய சாலை போக்குவரத்து மற்றும் நெடுஞ்சாலைகள் துறை (MoRTH) அமைச்சகம் அனுப்பியிருந்தது.

அந்த கடிதத்தில் தெரிவித்துள்ள வழிகாட்டுதல்களை நடைமுறைப்படுத்த தேவையான நடவடிக்கைகளை எடுக்க வலியுறுத்தி தமிழ்நாடு விலங்குகள் நல வாரியத்திற்கு United For Animal Ethics கடந்த 05.01.2026 மற்றும் 25.03.2026 ஆகிய தேதிகளில் மனுக்களை அனுப்பியிருந்தது.

இதனை தொடர்ந்து தமிழ்நாடு விலங்குகள் நல வாரியம் 24.06.2026 தேதியிட்ட கடிதம் மூலம் தமிழ்நாடு போக்குவரத்து மற்றும் சாலை பாதுகாப்பு ஆணையாளருக்கும், அனைத்து மாவட்ட ஆட்சியர்களுக்கும் கடிதம் அனுப்பியுள்ளது.

- யுனைடெட் ஃபார் அனிமல் எதிக்ஸ்

12/08/2026

காவல் நிலையத்தில் பராமரிக்கப்படும் நடப்புத் தாள் பதிவேடு (Current Register)

06/08/2026

சேலம் மாநகராட்சி, சோனா நகரில் அனுராதா அவர்கள் பாராமரித்துவந்த Pyometra -வால் பாதிப்படைந்த சமூக
நாய் பிடிக்கப்பட்டு, சேலம் Fur and Feather Pet Clinic உதவியுடன் அறுவை சிகிச்சை மற்றும் தொடர்‌ மருத்துவ சிகிச்சைக்கு பின்பு மீண்டும் அதே பகுதியில் விடுவிக்கப்பட்டது.

- யுனைடெட் ஃபார் அனிமல் எதிக்ஸ்

03/08/2026

RTI தகவல் 👇

1, மாவட்ட பிராணிகள் வதை தடுப்பு சங்கத்தில் (SPCA) உள்ள நிர்வாக குழு உறுப்பினர்கள் யார்?
2, தமிழ்நாடு விலங்குகள் நல வாரியத்திலிருந்து மாவட்ட பிராணிகள் வதை தடுப்பு சங்கத்திற்கு வழங்கப்பட்ட நிதி எவ்வளவு?
3, இச்சங்க ஆய்வாளர்கள், உதவி ஆய்வாளர்கள்/ஜவான்களின் அதிகாரம், சம்பளப்படி எவ்வளவு? எவ்வகையில் சம்பளம் பெறுகிறார்கள்?
4, இச்சங்கத்தின் செயல்பாடுகள் என்ன? (தீர்மானங்கள் இணைக்கப்பட்டுள்ளது)

- யுனைடெட் ஃபார் அனிமல் எதிக்ஸ்

______________________________________________________________

RTI Information 👇

1, Who are the members of the Managing Committee of the Society for Prevention of Cruelty to Animals (SPCA)?
2, How much funding has been provided by the Tamil Nadu Animal Welfare Board to the District SPCA?
3, What are the powers and duties of the SPCA Inspectors and Assistant Inspectors/Jawans? What is their pay scale, and from what source is their salary paid?
4, What are the functions and activities of the SPCA? (Resolutiona attached)

- United For Animal Ethics

31/07/2026

சேலம் மாவட்டம் சங்ககிரி நகராட்சியில் கடந்த 05.02.2026 அன்று சங்ககிரி நகராட்சியின்‌ சுகாதார பணியாளர்களால் சமூக நாய் அடித்துக் கொ**லப்பட்டது தொடர்பாக தமிழ்நாடு உள்ளாட்சி அமைப்புகள் முறைமன்ற நடுவத்தில் (Tamil Nadu Urban Local Bodies Ombudsman) UNITED FOR ANIMAL ETHICS சார்பாக தாக்கல் செய்த முறையீட்டு மனு‌ மீது ஆணை

ஆணை‌ :

1, சேலம் மாவட்டம் எடப்பாடி நகராட்சி ஆணையாளர், சங்ககிரி நகராட்சி ஆணையாளராக கூடுதல் பொறுப்பாக பணியாற்றி வருவதால் மனுதாரரின் மனுவிற்கு உரிய காலத்தில் நடவடிக்கை மேற்கொள்ள இயலவில்லை என தெரிவித்துள்ளது ஏற்புடையதல்ல,

2, விலங்கு வதை தடுப்பு சட்டம் 1960 பற்றி சங்ககிரி நகராட்சி துப்புரவு பணியாளர்களுக்கு தெரியப்படுத்தி, இனி வருங்காலங்களில் இதுபோன்ற நிகழ்வுகள் ஏற்படாதவாறு நடவடிக்கை மேற்கொள்ள சங்ககிரி நகராட்சி ஆணையாளருக்கு அறிவுறுத்தல்,

3, சமூக நாயை அடித்துக்கொன்ற சங்ககிரி நகராட்சி பணியாளர்கள் மீது 17(b) நடவடிக்கை எடுக்கப்பட்டுள்ளதாக சங்ககிரி நகராட்சி ஆணையாளரின் வாக்குமூலத்தையடுத்து, அவ்விசாரணை அறிக்கையின் அடிப்படையில் தொடர் நடவடிக்கை மேற்கொள்ளுமாறு ஆணை பிறப்பிப்பு.

22/07/2026

It is shocking to note that, according to the RTI reply letter dated 16.07.2026 received from the Tamil Nadu Animal Welfare Board (TNAWB), only one General Body Meeting and two Executive Committee Meetings have been conducted since the establishment of the Board over the past 7 (seven) years.

As per G.O. (Ms.) No. 208, dated 24.10.2018, at least one General Body Meeting should be conducted annually, and up to three Executive Committee Meetings may be conducted each year, as and when required.

The RTI reply further states that the minutes of these meetings are not available in the TNAWB office.

---------------------------------------------------------------------------------

தமிழ்நாடு விலங்கு நல வாரியத்திடமிருந்து (TNAWB) பெறப்பட்ட 16.07.2026 நாளிட்ட RTI பதிலின்படி, இந்த வாரியம் தொடங்கப்பட்டு கடந்த ஏழு ஆண்டுகள் ஆகியும், இதுவரை ஒரே ஒரு பொதுக்குழு கூட்டமும், இரண்டு செயற்குழு கூட்டங்களும் மட்டுமே நடத்தப்பட்டுள்ளன என்பது அதிர்ச்சியளிக்கிறது.

அரசாணை எண் 208, நாள் 24.10.2018-ன் படி, ஆண்டுக்கு குறைந்தபட்சம் ஒரு பொதுக்குழு கூட்டமும், தேவைக்கேற்ப ஆண்டுக்கு மூன்று செயற்குழு கூட்டங்கள் வரை நடத்தப்பட வேண்டும்.

மேலும், இந்த கூட்ட தீர்மானங்கள் (Minutes of Meetings) எதுவுமே வாரியத்தின் அலுவலகத்தில் இல்லை என பதில் வழங்கப்பட்டுள்ளது.

22/07/2026

⭕ நாய்களுக்கான கருத்தடை பணி என்ற பெயரில் நாகப்பட்டினம் மாவட்டம், வேளாங்கண்ணி பேருராட்சியில் நடைபெற்ற விலங்கு‌ வதையும், விதிமீறலும் ⭕

➡️ கடந்த 05.07.2026 அன்று வேளாங்கண்ணி பேருராட்சியில் கருத்தடை பணிக்காக சமூக நாய்களை குறுகிய இடத்தில் அடைத்து வைக்கப்பட்டிருந்தும், கழுத்தில் டோக்கன் இல்லாததும், அறுவை சிகிச்சை டேபில்கள் ஈக்களால் மொய்க்கப்பட்ட காணொளி காட்சிகளும்‌ வெளியாகின.

➡️ அதனை தொடர்ந்து 06.07.2026 அன்று வேளாங்கண்ணி பீச் ரோட்டில் மர்மமான முறையில் இறந்த இரண்டு நாய்களை குப்பையில் வீசிச் சென்ற புகைப்படங்களும் வெளியாகி அதிர்ச்சியை ஏற்படுத்தியது. இறந்த ஒரு நாய்க்கு கருத்தடை அறுவை சிகிச்சை செய்த அடையாளங்கள் இருந்தன.

➡️ இந்நிலையில் விலங்கு நல அமைப்புகள் அளித்த புகாரின் பேரில், கடந்த 06.07.2026 அன்று நாகப்பட்டினம் மாவட்ட கால்நடை பராமரிப்புத் துறையின் மண்டல இணை இயக்குநர் (ம) மாவட்ட விலங்கு நல அலுவலர் நேரடி ஆய்வு மேற்கொண்டுள்ளனர்.

➡️ விலங்கு நல அலுவலர் தனது அறிக்கையில், இந்த கருத்தடை பணியானது Pet Care Foundation என்ற நிறுவனம் மூலம் முன்னனுமதி பெறாமல் நடைபெற்றுள்ளது எனவும், ஆய்வின்போது இரண்டு காப்பகங்களில் இருந்த 23 நாய்களை கவனித்தப்போது, அவற்றிற்கு போடப்பட்ட தையல் முழுமையாக/சரியாக இல்லாததையும், அறுவைச் சிகிச்சைக்கு பிந்தைய பராமரிப்பு முறையாக செய்யப்பட்டவில்லை எனவும் குறிப்பிட்டு உரிய நடவடிக்கைக்காக தமிழ்நாடு விலங்குகள் நல வாரியத்தின் முதன்மை செயல் அலுவலருக்கு (CEO) அறிக்கை அனுப்பியுள்ளார்.

➡️ மேலும், நாய்கள் மர்மமான முறையில் இறந்தது குறித்து, காவல் துறையில் புகார் அளித்து வழக்கு பதிவு செய்யக்கோரி, நாம் வலியுறுத்தியதின் பேரில் கால்நடை பராமரிப்புத்துறையின் மண்டல இணை இயக்குநர், வேளாங்கண்ணி பேரூராட்சியின் செயல் அலுவலரை கேட்டுக் கொண்டுள்ளார்.

➡️ Pet Care Foundation நிறுவனத்திற்கு வழங்கப்பட்டிருந்த அனுமதி ரத்து செய்யப்பட்டிக்கும் போதிலும், தொடர் விதிமீறல்களில் ஈடுபட்டுவரும் அமைப்புகளை கண்டறிந்து, அவற்றை கறுப்பு பட்டியலில் வைக்கும் நடவடிக்கைகளை மேற்கொள்ளவதும், இதுபோன்ற அமைப்புகளுக்கு ஒப்பந்தங்களை வழங்கக்கூடாது என உள்ளாட்சி அமைப்புகளை சுற்றிக்கை மூலம் தொடர்ந்து அறிவுறுத்துவதும் தமிழ்நாடு விலங்குகள் நல வாரியம் தற்போது செய்யவேண்டிய அவசர மற்றும் அவசியப் பணியாகும்.

- யுனைடெட் ஃபார் அனிமல் எதிக்ஸ்

21/06/2026

பணிக்கு வராதது குறித்து கேள்வி எழுப்பிய ஆத்திரத்தில் நாய்க்குட்டியை அடித்துக் கொ*று வீசியதாகவும், வீட்டுக்கண்ணாடி உடைக்கப்பட்டதாகவும், தனக்கு அச்சுறுத்தல் உள்ளதாகவும் விலங்கு நல ஆர்வலர் ப.தமிழரசி என்பவர் சேலம் மாவட்டம் கருமலைக்கூடல் காவல் நிலையத்தில் புகார்.

சேலம் மாவட்டம், மேட்டூர், இராமன் நகர் அஞ்சல், மின்னகர் அருகே வசித்துவரும் ப.தமிழரசி என்பவர் தனது வீட்டில் வேலை செய்யும் நபரிடம் சரியாக வேலைக்கு வராதது குறித்து கேள்வி எழுப்பியதால், ஆத்திரத்தில் தமிழரசி என்பவரது நாய்குட்டியை அ*த்துக் கொ*று வீட்டின் பின்புறம் வீசிச் சென்றதாகவும், தனக்கு அச்சுறுத்தல் உள்ளதாகவும் கருமலைக்கூடல் காவல் நிலையத்தில் புகார் அளித்துள்ளார். இச்சம்பவத்தின் நீட்சியாக மேற்படி தமிழரசி என்பவரது வீட்டுக்கண்ணாடி உடைக்கப்பட்டுள்ளது. இப்புகார் மீது இதுவரை வழக்கு பதிவு செய்யப்படவில்லை.

யுனைடெட் ஃபார் அனிமல் எதிக்ஸ் மேற்படி புகார் குறித்து சம்பந்தப்பட்ட நபர்கள் மீது வழக்கு பதிவு செய்து விசாரணை மேற்கொள்ளும்படி காவல்துறையிடம் வலியுறுத்தியுள்ளது.

05/06/2026