Charaka Shramajeevi Ashram

27/09/2026

Today at charaka shramajeevi ashrama, gandi sante today till 8 pm

31/08/2026

ಆತ್ಮೀಯರೇ,
ನಮಸ್ಕಾರಗಳು.
ಮಹಾತ್ಮ ಗಾಂಧೀಜಿಯವರ ಸ್ವದೇಶಿ, ಸ್ವಾವಲಂಬನೆ ಮತ್ತು ಶ್ರಮದ ಗೌರವದ ಆದರ್ಶಗಳನ್ನು ಅಳವಡಿಸಿಕೊಳ್ಳುವ ಪ್ರಯತ್ನದಲ್ಲಿರುವ ಚರಕ ಮಹಿಳಾ ವಿವಿಧೋದ್ದೇಶ ಕೈಗಾರಿಕಾ ಸಹಕಾರ ಸಂಘ, ಕವಿ- ಕಾವ್ಯ ಟ್ರಸ್ಟ್ ಸಂಯುಕ್ತವಾಗಿ 2026ರ ಸೆಪ್ಟೆಂಬರ್ 26 ಮತ್ತು 27ರಂದು ''ಗಾಂಧಿ ಸಂತೆ'ಯನ್ನು ಹೊನ್ನೇಸರದ ಚರಕದ ಶ್ರಮಜೀವಿ ಆಶ್ರಮದಲ್ಲಿ ಆಯೋಜಿಸಲಾಗಿದೆ.
ಇದು ಕೇವಲ ಒಂದು ವಸ್ತುಪ್ರದರ್ಶನ ಅಥವಾ ಮಾರಾಟ ಮೇಳವಲ್ಲ; ಉತ್ಪಾದಕ ಮತ್ತು ಗ್ರಾಹಕರನ್ನು ಮುಖಾಮುಖಿಯಾಗಿಸುವ, ಶ್ರಮ, ಕಲೆ, ಪ್ರಕೃತಿ ಮತ್ತು ಸ್ವದೇಶಿ ಬದುಕಿನ ಮೌಲ್ಯಗಳನ್ನು ಸಂಭ್ರಮಿಸುವ ವಿಶಿಷ್ಟ ಸಮಾಗಮವಾಗಿದೆ.
ಈ ಎರಡು ದಿನಗಳ ಸಂತೆಯಲ್ಲಿ:
ಕೊಡು–ಕೊಳ್ಳುವವರ ಸಮಾವೇಶ (Buyer–Seller Meet)
• ಚರಕದ ಅಪ್ಪಟ ಹತ್ತಿ ಕೈಮಗ್ಗ ಹಾಗೂ ನೈಸರ್ಗಿಕ ಬಣ್ಣದ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ
• ರಾಜ್ಯದ ವಿವಿಧ ಭಾಗಗಳ ಕರಕುಶಲ, ಗ್ರಾಮೀಣ ಹಾಗೂ ನೈಸರ್ಗಿಕ ಉತ್ಪನ್ನಗಳ ಮೇಳ
• ಉತ್ಪಾದಕರು ಮತ್ತು ಗ್ರಾಹಕರ ನೇರ ಸಂವಾದ
• ನೈಸರ್ಗಿಕ ಬಣ್ಣಗಾರಿಕೆಯ ಪ್ರಾತ್ಯಕ್ಷಿಕೆಗಳು
• ವಿಚಾರಸಂಕಿರಣಗಳು ಮತ್ತು ಸಂವಾದಗಳು
• ಯುವಜನರನ್ನು ಸೆಳೆಯುವ ಕೈಮಗ್ಗ ಫ್ಯಾಷನ್ ಪ್ರದರ್ಶನ
• ಸಂಗೀತ, ನೃತ್ಯ ಸೇರಿದಂತೆ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಗಳು
• ಸಾಂಪ್ರದಾಯಿಕ ಮತ್ತು ಸ್ಥಳೀಯ ಆಹಾರ ಮೇಳ
ಹೀಗೆ ಅನೇಕ ವಿಶೇಷ ಕಾರ್ಯಕ್ರಮಗಳು ನಡೆಯಲಿವೆ.
ನಿಮ್ಮ ಅಮೂಲ್ಯ ಉಪಸ್ಥಿತಿಯು ಈ ಕಾರ್ಯಕ್ರಮಕ್ಕೆ ಇನ್ನಷ್ಟು ಅರ್ಥಪೂರ್ಣತೆಯನ್ನು ನೀಡುತ್ತದೆ. ತಾವು ತಮ್ಮ ಕುಟುಂಬ, ಸ್ನೇಹಿತರು ಹಾಗೂ ಸಹೋದ್ಯೋಗಿಗಳೊಂದಿಗೆ ಆಗಮಿಸಿ, ಸ್ವದೇಶಿ ಬದುಕಿನ ಈ ಹಬ್ಬದಲ್ಲಿ ಭಾಗವಹಿಸಿ, ಉತ್ಪಾದಕರನ್ನು ಪ್ರೋತ್ಸಾಹಿಸಿ, ಗಾಂಧೀಜಿಯವರ ಕನಸಿನ ಸುಸ್ಥಿರ ಸಮಾಜ ನಿರ್ಮಾಣದ ಈ ಪ್ರಯತ್ನಕ್ಕೆ ಕೈಜೋಡಿಸಬೇಕಾಗಿ ಆತ್ಮೀಯವಾಗಿ ಆಹ್ವಾನಿಸುತ್ತೇವೆ. ನಿಮ್ಮ ವಿವರಗಳನ್ನು ಕೆಳಕಂಡ ಅರ್ಜಿಯಲ್ಲಿ ನಮೂದಿಸಿ ಹೆಸರು ನೋಂದಾಯಿಸಿಕೊಳ್ಳಿ. ಬನ್ನಿ, ಭಾಗವಹಿಸಿ.

https://docs.google.com/forms/d/e/1FAIpQLSd1gZqOmqtjUKyRbqENNU7idU0jdDFsjWoLeX3bimTxzTcqEA/viewform?usp=publish-editor

15/08/2026

ಭೀಮನಕೋಣೆಯ ಚರಕದ ಆವರಣದಲ್ಲಿ ಇಂದು ಸ್ವಾತಂತ್ರ್ಯ ದಿನಾಚರಣೆಯಲ್ಲಿ ಧ್ವಜಾರೋಹಣ ನೆರವೇರಿಸಲಾಯಿತು.

14/08/2026

ಚರಕ ಶ್ರಮಜೀವಿ ಆಶ್ರಮದಲ್ಲಿ ರಾಜ್ಯ ಸರ್ಕಾರದ ಪ್ರವಾಸೋದ್ಯಮ ಇಲಾಖೆಯ ಗಾಂಧಿ ಪ್ರವಾಸ ಯೋಜನೆಯಡಿ ಈಚೆಗೆ ಹಮ್ಮಿಕೊಂಡಿದ್ದ ಕೈತೋಟ ನಿರ್ವಹಣೆ ಕುರಿತ ಕಾರ್ಯಾಗಾರದಲ್ಲಿ ಶಿರಸಿ ವನ ಸ್ತ್ರೀ ಸಂಸ್ಥೆಯ ಸಂಪನ್ಮೂಲ ವ್ಯಕ್ತಿ ಸಂತೋಷ್‌ ಎಸ್‌.ನಾಯ್ಕ ಅವರು ಮಾಹಿತಿ ನೀಡಿದರು.

11/08/2026