17/07/2025
ਸੰਦੀਪ ਰੈਡੀਮੇਡ ਗਾਰਮੈਂਟਸ ਵਾਲਿਆਂ ਨੇ ਆਪਣੀ ਦੁਕਾਨ ਨੂੰ ਇੱਕ ਮਹੀਨੇ ਲਈ ਲਿਆ ਗੋਦ
ਰੂਪਨਗਰ : ਨੈਣਾ ਜੀਵਨ ਜਯੋਤੀ ਕਲੱਬ ਵੱਲੋਂ ਚਲਾਈ ਜਾ ਰਹੀ ਆਪਣੀ ਦੁਕਾਨ 'ਜਿੱਥੇ ਜਰੂਰਤ ਮੰਦਾਂ ਨੂੰ ਮਿਲਦਾ ਹੈ ਮੁਫਤ ਸਮਾਨ' ਨੂੰ ਇੱਕ ਮਹੀਨੇ ਲਈ ਰੂਪਨਗਰ ਸ਼ਹਿਰ ਦੇ ਮੇਨ ਬਾਜ਼ਾਰ ਵਿੱਚ ਸਥਿਤ ਸੰਦੀਪ ਰੇਡੀਮੇਡ ਗਾਰਮੈਂਟਸ ਵਾਲਿਆਂ ਨੇ ਗੋਦ ਲੈਣ ਦੀ ਸੇਵਾ ਨਿਭਾਈ। ਸੰਦੀਪ ਰੇਡੀਮੇਡ ਗਾਰਮੈਂਟਸ ਦੇ ਮਾਲਕ ਸੰਦੀਪ ਤਨੇਜਾ ਦੱਸਿਆ ਕੀ ਉਹ ਨੈਨਾ ਜੀਵਨ ਜਯੋਤੀ ਕਲੱਬ ਦੇ ਸਮਾਜ ਭਲਾਈ ਅਤੇ ਸੇਵਾ ਕਾਰਜਾਂ ਨੂੰ ਪਿਛਲੇ ਕਾਫੀ ਸਮੇਂ ਤੋਂ ਨਿਰੰਤਰ ਦੇਖਦੇ ਆ ਰਹੇ ਹਨ ਜਿਨਾਂ ਤੋਂ ਪ੍ਰੇਰਿਤ ਹੋ ਕੇ ਉਹਨਾਂ ਨੇ ਨੈਣਾ ਜੀਵਨ ਜਯੋਤੀ ਕਲੱਬ ਵੱਲੋਂ ਚਲਾਈ ਜਾ ਰਹੀ ਆਪਣੀ ਦੁਕਾਨ ਦਾ ਇਕ ਮਹੀਨੇ ਦਾ ਖਰਚਾ ਡੋਨੇਟ ਕਰਕੇ ਆਪਣੀ ਦੁਕਾਨ ਨੂੰ ਗੋਦ ਦੇ ਲਿਆ। ਸੰਦੀਪ ਤਨੇਜਾ ਜੀ ਨੇ ਆਪਣੀ ਦੁਕਾਨ ਜੋ ਕਿ ਗਾਂਧੀ ਸਕੂਲ ਦੇ ਨਾਲ ਪ੍ਰੇਮਜੀ ਫਲੈਕਸ ਦੇ ਬਿਲਕੁਲ ਸਾਹਮਣੇ ਹੈ' ਤੇ ਆਪ ਪਹੁੰਚ ਕੇ ਆਪਣੀ ਦੁਕਾਨ ਦੇ ਸੇਵਾ ਕਾਰਜਾਂ ਦਾ ਜਾਇਜ਼ਾ ਲਿਆ ਅਤੇ ਕਲੱਬ ਵੱਲੋਂ ਕੀਤੇ ਜਾ ਰਹੇ ਸਮਾਜ ਭਲਾਈ ਦੇ ਕਾਰਜਾਂ ਅਤੇ ਹੋਰ ਸੇਵਾ ਕਾਰਜਾ ਨੇਤਰਦਾਨ ਜਾਗਰੂਕਤਾ, ਖੂਨਦਾਨ ਮੁਹਿਮ, ਸਾਈਕਲਿੰਗ, ਰੁੱਖ ਲਗਾਉਣ ਦੀ ਸੇਵਾ, ਨੈਣਾ ਜੀਵਨ ਜਯੋਤੀ ਚੌਂਕ ਦੀ ਦੇਖਭਾਲ ਆਦਿ ਕੰਮਾਂ ਦੀ ਸਲਾਂਘਾ ਕੀਤੀ, ਅਤੇ ਕਲੱਬ ਦੇ ਮੈਂਬਰਾ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਕਲੱਬ ਨਾਲ ਹਮੇਸ਼ਾ ਮੋਢੇ ਨਾਲ ਮੋਢਾ ਜੋੜ ਕੇ ਖੜੇ ਹਨ। ਸੰਦੀਪ ਤਨੇਜਾ ਜੀ ਪਹਿਲਾਂ ਵੀ ਸਮਾਜਿਕ ਕੰਮਾਂ ਵਿੱਚ ਵੱਧ ਚੜ ਕੇ ਸਹਿਯੋਗ ਪਾਉਂਦੇ ਰਹਿੰਦੇ ਹਨ ਅਤੇ 15 ਤੋ 20 ਬਾਰ ਖੂਨਦਾਨ ਕਰ ਚੁੱਕੇ ਹਨ।
ਜ਼ਿਕਰ ਯੋਗ ਹੈ ਕਿ ਆਪਣੀ ਦੁਕਾਨ ਪਿਛਲੇ 8 ਸਾਲਾਂ ਤੋਂ ਨੈਣਾ ਜੀਵਨ ਜਯੋਤੀ ਕਲੱਬ ਵੱਲੋ ਚਲਾਈ ਜਾ ਰਹੀ ਹੈ ਅਤੇ ਹੁਣ ਤੱਕ ਆਪਣੀ ਦੁਕਾਨ ਤੋਂ ਲੱਖਾਂ ਜਰੂਰਤਮੰਦ ਫਾਇਦਾ ਲੈ ਚੁੱਕੇ ਹਨ।
ਇਸ ਮੌਕੇ ਤੇ ਸੰਦੀਪ ਤਨੇਜਾ ਜੀ ਦਾ ਸਵਾਗਤ ਕਰਨ ਲਈ ਨੈਨਾ ਜੀਵਨ ਜਯੋਤੀ ਕਲੱਬ ਵਲੋ ਇੰਜੀਨੀਅਰ ਪਰਮਿੰਦਰ ਕੁਮਾਰ, ਧਰੂਵ ਨਾਰੰਗ, ਅਤਿੰਦਰ ਪਾਲ ਸਿੰਘ, ਵਰਿੰਦਰ ਵਿਆਸ ਅਤੇ ਡਾਕਟਰ ਤਜਿੰਦਰ ਸਿੰਘ ਮੁਖ ਤੌਰ ਤੇ ਮੌਜੂਦ ਸਨ।
