https://www.facebook.com/678000222397249/

Utkal Yadav Mahasabha, Redhakhol (2026)

17/08/2026

ସମ୍ବଲପୁର ଜିଲ୍ଲା ଯାଦବ ମହାସଭା ପକ୍ଷରୁ ଗରିମାମୟ ପରିବେଶରେ ‘ଯାଦବ ପ୍ରତିଭା ସମ୍ମାନ ସମାରୋହ ଓ ବନ୍ଧୁମିଳନ’ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଜିଲ୍ଲା ସଭାପତି ଶ୍ରୀ ଭୋଲାଶଙ୍କର ମହତ୍ତମଙ୍କ ସଭାପତିତ୍ୱରେ ଆୟୋଜିତ ଏହି ସମାରୋହରେ ବହୁ ବିଶିଷ୍ଟ ଅତିଥି ଓ ଯାଦବ ସମାଜର ବରିଷ୍ଠ ନେତୃବୃନ୍ଦ ଯୋଗଦେଇଥିଲେ।

ଉକ୍ତ କାର୍ଯ୍ୟକ୍ରମରେ ଅଖିଳ ଭାରତ ବର୍ଷୀୟ ଯାଦବ ମହାସଭାର ରାଷ୍ଟ୍ରୀୟ ଯୁବ ସଭାପତି ତଥା ଉତ୍କଳ ଯାଦବ ମହାସଭାର ସାଂଗଠନିକ ସମ୍ପାଦକ ଇଂ ପ୍ରଦୀପ ବେହେରା, ସମ୍ବଲପୁର ବିଧାୟକ ଶ୍ରୀ ଜୟନାରାୟଣ ମିଶ୍ର, ରେଙ୍ଗାଲି ବିଧାୟକ ଶ୍ରୀ ସୁଦର୍ଶନ ହରିପାଲ ଓ ପୂର୍ବତନ ବିଧାୟକ ଶ୍ରୀ ନାଉରୀ ନାୟକ ପ୍ରମୁଖ ଯୋଗଦେଇ ଯାଦବ ସମାଜର ସାମାଜିକ, ଶିକ୍ଷାଗତ ଓ ସାଂଗଠନିକ ବିକାଶ ଉପରେ ମତବ୍ୟକ୍ତ କରିଥିଲେ।

ବୀର ଯାଦବମାନଙ୍କ ଭାରତୀୟ ସେନା ପ୍ରତି ଅବଦାନ ଏବଂ ଅହିର ରେଜିମେଣ୍ଟ ସ୍ଥାପନର ଆବଶ୍ୟକତା ଉପରେ ଇଂ ପ୍ରଦୀପ ବେହେରା ଆଲୋକପାତ କରିଥିଲେ। ଶିକ୍ଷା ଓ ପ୍ରତିଭାର ବିକାଶ ହିଁ ସମାଜକୁ ଆଗକୁ ନେବାର ମୁଖ୍ୟ ମାଧ୍ୟମ ବୋଲି ଅତିଥିମାନେ ମତପ୍ରକାଶ କରିଥିଲେ। ଏହି ଅବସରରେ ବିଶିଷ୍ଟ ନୃତ୍ୟଗୁରୁ ଶ୍ରୀ ରଣଜିତ ନାଗଙ୍କୁ ସମ୍ବର୍ଦ୍ଧିତ କରାଯାଇଥିବାବେଳେ, ବିଶିଷ୍ଟ ସଞ୍ଚାର କଳାକାର ଶ୍ରୀମତୀ ବିନୋଦିନୀ ବାଗଙ୍କୁ ଚଳିତ ବର୍ଷର ‘ଯାଦବଶ୍ରୀ ସମ୍ମାନ’ ପ୍ରଦାନ କରାଯାଇଥିଲା।

ଏଥିସହ ଜିଲ୍ଲାର ମେଧାବୀ ଛାତ୍ରଛାତ୍ରୀ ଓ କ୍ରୀଡ଼ା ପ୍ରତିଭାମାନଙ୍କୁ ସମ୍ମାନିତ କରାଯାଇ ସେମାନଙ୍କର ଉଜ୍ଜ୍ୱଳ ଭବିଷ୍ୟତ ପାଇଁ ଶୁଭକାମନା ଜଣାଯାଇଥିଲା। ଏଭଳି ଅଭିନବ ପ୍ରୟାସ ଯୁବପିଢ଼ିଙ୍କୁ ଶିକ୍ଷା, କ୍ରୀଡ଼ା ଓ କଳା କ୍ଷେତ୍ରରେ ଆଗକୁ ବଢ଼ିବାକୁ ନିଶ୍ଚିତ ଭାବେ ପ୍ରେରଣା ଯୋଗାଇବ। ସମ୍ବଲପୁର ଜିଲ୍ଲା ଯାଦବ ମହାସଭାର ସମସ୍ତ କର୍ମକର୍ତ୍ତା, ସଦସ୍ୟ ଓ ଆୟୋଜକମାନଙ୍କୁ ଅନ୍ତରିକ ଧନ୍ୟବାଦ।

27/05/2026

ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅଞ୍ଚଳରେ ଆମ ଯାଦବ ସମାଜର ବ୍ୟକ୍ତିଙ୍କ ପ୍ରତି ଘଟିଥିବା ଅମାନୁଷିକ ଓ ବର୍ବରୋଚିତ ଘଟଣା ବିରୋଧରେ ଉତ୍କଳ ଯାଦବ ମହାସଭାର ସାଙ୍ଗଠାନିକ ସମ୍ପାଦକ ଇଂ ପ୍ରଦୀପ ବେହେରାଙ୍କ ନିର୍ଦ୍ଦେଶ କ୍ରମେ ଯାଦବ ମହାସଭାର ଏକ ପ୍ରତିନିଧି ଦଳ ନବରଙ୍ଗପୁର ଜିଲ୍ଲା ଆରକ୍ଷୀ ଅଧ୍ୟକ୍ଷକ (SP)ଙ୍କ ନିକଟରେ ଫେରାଦ ହୋଇ ଏକ ଦାବିପତ୍ର ଉପସ୍ଥାପନ କରିଛନ୍ତି।

ଓଡ଼ିଶାର ସର୍ବପୁରାତନ ସଂଗଠନ ଉତ୍କଳ ଯାଦବ ମହାସଭା ପକ୍ଷରୁ ଏହି ଘଟଣାରେ ସଂପୃକ୍ତ ଦୋଷୀମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଉତ୍କଳ ଯାଦବ ମହାସଭାର ରାଜ୍ୟ ତଥା ଜିଲ୍ଲା ସ୍ତରୀୟ ବହୁ ବରିଷ୍ଠ ପ୍ରତିନିଧିଙ୍କ ସମେତ ଶତାଧିକ ଯାଦବ କର୍ମୀ ମାନେ ଉପସ୍ଥିତ ଥିଲେ।

ଏଭଳି ବର୍ବରୋଚିତ କାର୍ଯ୍ୟକଳାପ ସଭ୍ୟ ସମାଜରେ ଆଦୌ ଗ୍ରହଣୀୟ ନୁହେଁ। ଏହା ଓଡ଼ିଶା ସରକାରଙ୍କ ଆଇନ ଶୃଙ୍ଖଳା ପରିସ୍ଥିତି ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିବା ସହ ସମଗ୍ର ଭାରତବର୍ଷର ଯାଦବ ସମାଜର ସ୍ଵାଭିମାନ ଉପରେ ଏକ ପ୍ରଚଣ୍ଡ ଆଘାତ ଦେଇଛି। ତେଣୁ ଆଗାମୀ ଦିନରେ ଏହିଭଳି ଘଟଣା ନ ଘଟିବା ପାଇଁ ପ୍ରଶାସନିକ ଅଧିକାରୀଙ୍କୁ ଯାଦବ ମହାସଭା ପକ୍ଷରୁ ଚେତାବନୀ ଦିଆଯାଇଛି ନହେଲେ ଆଗାମୀ ଦିନରେ ଯଦି ଏହିଭଳି ଘଟଣା ପୁନର୍ବାର ଘଟିବ ତାହେଲେ ଉତ୍କଳ ଯାଦବ ମହାସଭା ପକ୍ଷରୁ ସାରା ଓଡ଼ିଶାରୁ ଯାଦବ ଭାଇ ମାନେ ଏକତ୍ରିତ ହୋଇ ରାଜରାସ୍ତାକୁ ଓହ୍ଲାଇବାକୁ ପଛାଇବେ ନାହିଁ।
ଜୟ ମାଧବ ଜୟ ଯାଦବ ✊
ଯାଦବ ଏକତା ଜିନ୍ଦାବାଦ୍ ✊

26/02/2026

ଉତ୍କଳ ଯାଦବ ମହାସଭା ଦ୍ୱାରା ଆୟୋଜିତ ଷଷ୍ଠ ତମ ସ୍ୱେଚ୍ଛାକୃତ ରକ୍ତଦାନ ଶିବିର ଅତ୍ୟନ୍ତ ସଫଳତାର ସହିତ ସମ୍ପନ୍ନ ହୋଇଛି। ଆପଣମାନଙ୍କର ନିଃସ୍ୱାର୍ଥପର ସହଯୋଗ ଯୋଗୁଁ ମୋଟ ୨୧୦ ୟୁନିଟ୍ ରକ୍ତ ସଂଗ୍ରହ କରିବାରେ ସଫଳ ହୋଇଛି।

ଆମର ସମ୍ମାନନୀୟ ରାଜ୍ୟ ସଭାପତି ଡକ୍ଟର ଆଶୀର୍ବାଦ ବେହେରା ମହୋଦୟଙ୍କ ପ୍ରେରଣାଦାୟକ ଦିଗ୍‌ଦର୍ଶନ ଏବଂ ଅଖିଳ ଭାରତ ବର୍ଷୀୟ ଯାଦବ ମହାସଭାର ରାଷ୍ଟ୍ରୀୟ ଯୁବ ସଭାପତି ତଥା ଉତ୍କଳ ଯାଦବ ମହାସଭାର ସାଂଗଠାନିକ ସମ୍ପାଦକ ଇଂ ପ୍ରଦୀପ ବେହେରାଙ୍କ ସୁଦୃଢ଼ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଯୋଗ ଦେଇଥିବା ପ୍ରତ୍ୟେକ ରକ୍ତଦାତା, କର୍ମକର୍ତ୍ତା ଓ ସମସ୍ତ ସ୍ୱେଚ୍ଛାସେବୀଙ୍କୁ ଉତ୍କଳ ଯାଦବ ମହାସଭା ପକ୍ଷରୁ ଅନ୍ତରର ସହିତ ଧନ୍ୟବାଦ୍ ଜଣାଉଛୁ।

ଆପଣଙ୍କ ଦ୍ୱାରା ଦାନ କରାଯାଇଥିବା ଏହି ୨୧୦ ୟୁନିଟ୍ ରକ୍ତ ଅନେକ ଜୀବନ ବଞ୍ଚାଇବାରେ ନିଶ୍ଚିତ ଭାବେ ସହାୟକ ହେବ। ସମାଜ ପ୍ରତି ଆପଣଙ୍କର ଏହି ମାନବିକ ଅବଦାନ ସର୍ବଦା ପ୍ରେରଣାଦାୟକ ହୋଇ ରହିବ। ଆଗାମୀ ଦିନରେ ଏହିପରି ସାମାଜିକ କାର୍ଯ୍ୟରେ ଆପଣମାନଙ୍କର ସହଯୋଗ ଏବଂ ଭଲପାଇବା କାମନା କରୁଛୁ।

ଧନ୍ୟବାଦାନ୍ତେ,
ଉତ୍କଳ ଯାଦବ ମହାସଭା ପରିବାର

18/02/2026

ମାନବ ସେବାକୁ ସର୍ବୋପରି ମାନି Utkal Yadav Mahasabha ପକ୍ଷରୁ ଆସନ୍ତା ଫେବୃୟାରୀ ୨୨ ତାରିଖରେ ଏକ ବିଶାଳ ରକ୍ତଦାନ ଶିବିର ଅନୁଷ୍ଠିତ ହେବାକୁ ଯାଉଅଛି। କଟକ ମହାନଦୀ ବିହାରସ୍ଥିତ ଶ୍ରୀ ଶ୍ରୀ ରାଧା ମୋହନ ଜିୟୁ ମନ୍ଦିର ପ୍ରାଙ୍ଗଣରେ ଏହି ଷଷ୍ଠ ତମ ବାର୍ଷିକ ବିଶାଳ ରକ୍ତଦାନ ଶିବିରର ଆୟୋଜନ କରାଯାଇଛି।

ରାଜ୍ୟରେ ରକ୍ତର ଅଭାବକୁ ଦୂର କରିବା ଏବଂ ରୋଗୀମାନଙ୍କୁ ସଠିକ୍ ସମୟରେ ରକ୍ତ ଯୋଗାଇଦେବା ଲକ୍ଷ୍ୟରେ Utkal Yadav Mahasabha ପକ୍ଷରୁ ପ୍ରତ୍ୟେକ ବର୍ଷ ଏହି ମହତ୍ କାର୍ଯ୍ୟ କରାଯାଉଅଛି। ପ୍ରତିବର୍ଷ ଏହି ଶିବିରରେ ଓଡ଼ିଶାର ବିଭିନ୍ନ ଜିଲ୍ଲା ଓ କଟକ ଆଖପାଖ ଅଞ୍ଚଳର ଶତାଧିକ ରକ୍ତଦାତା ମାନେ ସାମିଲ ହୋଇଥାନ୍ତି।

"ଯୁବପିଢ଼ିଙ୍କୁ ସମାଜସେବା ପ୍ରତି ଆକୃଷ୍ଟ କରିବା ଏବଂ ରକ୍ତଦାନ ଭଳି ମହତ କାର୍ଯ୍ୟରେ ସେମାନଙ୍କର ଅଂଶଗ୍ରହଣ ବଢ଼ାଇବା ଉତ୍କଳ ଯାଦବ ମହାସଭା, ଓଡ଼ିଶାର ମୁଖ୍ୟ ଉଦ୍ଦେଶ୍ୟ।"

06/10/2025

ଉତ୍କଳ ଯାଦବ ମହାସଭାର କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ସୁବାସ ଚନ୍ଦ୍ର ବେହେରା ମହୋଦୟଙ୍କ ଜନ୍ମ ଦିବସ ଅବସରରେ ହାର୍ଦ୍ଧିକ ଶୁଭେଚ୍ଛା ଓ ଅଭିନନ୍ଦନ।

22/09/2025

ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ସମେତ ବିଭିନ୍ନ ବିଭାଗ ତରଫରୁ ଓଡ଼ିଶାର ପ୍ରାଚୀନ, ଆଧ୍ୟାତ୍ମିକ ଲୋକକଳା ଲଉଡ଼ି ଖେଳ, ଓଗାଳ, ରାମତାଳି, ଲଉଡ଼ି ବାଡ଼ି, ବନବାଡ଼ି ଓ ଡାଣ୍ଡିଆ ବାଡ଼ିକୁ ଓଡ଼ିଶା ସରକାର ପ୍ରୋତ୍ସାହିତ କରିବା ସହିତ ବିଭିନ୍ନ ପୂଜା ପର୍ବରେ ନୃତ୍ୟ ପରିବେଷଣ ପାଇଁ ସରକାରୀ ମାନ୍ୟତା ଦିଆଯାଉ ବୋଲି ଦାବି କରିଛନ୍ତି ଯାଦବ ବିଧାୟକ ଶ୍ରୀଯୁକ୍ତ ଲକ୍ଷ୍ମଣ ବାଗ, ଶ୍ରୀଯୁକ୍ତ ପ୍ରଶାନ୍ତ ବେହେରା ଓ ଶ୍ରୀଯୁକ୍ତ କେ ଅନିଲ କୁମାର ମହୋଦୟ। ଆମ ସଂସ୍କୃତି ଓ ପରମ୍ପରାକୁ ସ୍ୱତନ୍ତ୍ରତା ମାନ୍ୟତା ପ୍ରଦାନ ପାଇଁ ଏକତ୍ରିତ ହୋଇଥିବା ଆମ ଯାଦବ ବିଧାୟକଙ୍କୁ ଅଶେଷ ଅଶେଷ ଧନ୍ୟବାଦ୍।

11/09/2025

ଗୋପାଳକ ଓ ଗୋସମ୍ପଦର ସୁରକ୍ଷା ନିମନ୍ତେ ଉତ୍କଳ ଯାଦବ ମହାସଭା ପକ୍ଷରୁ ରାଜ୍ୟ ସଭାପତି ଡ଼କ୍ଟର ଆଶୀର୍ବାଦ ବେହେରାଙ୍କ ସଭାପତିତ୍ୱରେ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଉକ୍ତ ସାମ୍ବାଦିକ ସମ୍ମିଳନୀରେ ଉତ୍କଳ ଯାଦବ ମହାସଭାର କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ସୁବାସ ଚନ୍ଦ୍ର ବେହେରା, ସାଙ୍ଗଠନିକ ସମ୍ପାଦକ ଇଂ ପ୍ରଦୀପ କୁମାର ବେହେରା, କଟକ ଜିଲ୍ଲା ସଭାପତି ଶ୍ରୀଯୁକ୍ତ ସମର ବେହେରା, ମହାନଗର ସଭାପତି ଶ୍ରୀଯୁକ୍ତ କିଶୋର ବେହେରା, କଟକ ଜିଲ୍ଲା ଦୁଗ୍ଧ ଓ ଦୁଗ୍ଧ ଜାତ ଦ୍ରବ୍ୟ ବ୍ୟବସାୟୀ ସଂଗଠନ ଉପସଭାପତି ଶ୍ରୀଯୁକ୍ତ ଅଜୟ ମହାପାତ୍ର, ସମ୍ପାଦକ ଶ୍ରୀଯୁକ୍ତ ତୀର୍ଥବାସି ବେହେରା ପ୍ରମୁଖ ଉପସ୍ଥିତ ଥିଲେ।
ଓଡିଶା ସରକାର କାମଧେନୁ ଯୋଜନା ମାଧ୍ୟମରେ ୬୦ ରୁ ୭୦ ପ୍ରତିଶତ ରିହାତିରେ ଗୋସମ୍ପଦ ଯୋଗାଇଦେଉଥିବାରୁ ଓଡ଼ିଶା ସରକାରଙ୍କ ଏହିଭଳି ଯୋଜନା ପାଇଁ ଉତ୍କଳ ଯାଦବ ମହାସଭା ପକ୍ଷରୁ ଓଡ଼ିଶା ସରକାରଙ୍କୁ ସ୍ୱାଗତ କରାଯାଇଛି ହେଲେ ଦୁଃଖ ଓ ପରିତାପର ବିଷୟ ଓଡ଼ିଶାରେ ଏବେ କାମଧେନୁ ଯୋଜନା ମାଧ୍ୟମରେ ଗୋପାଳକ ମାନେ ବାହାର ରାଜ୍ୟରୁ ଗାଈ ଆଣିବାରେ ଅସୁବିଧାରେ ସମ୍ମୁଖୀନ ହେଉଛନ୍ତି। କିଛି ଅସାମାଜିକ ବ୍ୟକ୍ତିଙ୍କ ପାଇଁ ଗୋପାଳକ ମାନଙ୍କୁ ବିଭିନ୍ନ ପ୍ରକାରର ଅସୁବିଧାରେ ସମ୍ମୁଖୀନ ହେବାକୁ ପଡୁଛି। ତେଣୁ ଏହି ପରିପେକ୍ଷୀରେ ଉତ୍କଳ ଯାଦବ ମହାସଭା ପକ୍ଷରୁ ଓଡ଼ିଶା ସରକାର ଏବଂ ପୋଲିସ ପ୍ରଶାସନଙ୍କୁ ଅବଗତ କରୁଅଛୁ ଆପଣ ଏଥିପ୍ରତି ଦୃଷ୍ଟି ଦେଇ ଦୋଷୀଙ୍କୁ ଦଣ୍ଡ ଦିଅନ୍ତୁ ଏବଂ ଗୋପାଳକଙ୍କୁ ସଠିକ୍ ସୁରକ୍ଷା ଦିଅନ୍ତୁ। ଯଦି ସରକାର ଏବଂ ପୋଲିସ ପ୍ରଶାସନ ଏଥିପ୍ରତି ଦୃଷ୍ଟି ଦେବାରେ ଅବହେଳା କରିବେ ତାହେଲେ ଆଗାମୀ ଦିନରେ ଓଡ଼ିଶାର ଲକ୍ଷ ଲକ୍ଷ ଗୋପାଳ ବା ଯାଦବ ଭାଇମାନଙ୍କ ସ୍ବାର୍ଥ ପାଇଁ ଉତ୍କଳ ଯାଦବ ମହାସଭା ପକ୍ଷରୁ ବିଶାଳ ଆନ୍ଦୋଳନ ରାଜରାସ୍ତାରେ ହେବ ଏବଂ ଲକ୍ଷ ଲକ୍ଷ ଗୋପାଳକ ମାନେ ନିଜର ହକ ପାଇଁ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇବେ ବୋଲି ଆହ୍ବାନ ଦେଇଛନ୍ତି ଉତ୍କଳ ଯାଦବ ମହାସଭାର ସାଙ୍ଗଠନିକ ସମ୍ପାଦକ ଇଂ ପ୍ରଦୀପ କୁମାର ବେହେରା।

22/08/2025

କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଏକମାଣିଆ ଠାରେ ଗତ ତା: ୧୭.୦୮.୨୦୨୫ ରିଖରେ ୮୦ ରୁ ଉର୍ଦ୍ଧ୍ବ ମଇଁଷିଙ୍କର ମୃତ୍ୟୁ ଘଟିଥିଲା। ଏହି ପରିପେକ୍ଷୀରେ ଉତ୍କଳ ଯାଦବ ମହାସଭାର ଏକ ପ୍ରତିନିଧି ମଣ୍ଡଳୀ ରାଜ୍ୟ ସଭାପତି ଡ଼କ୍ଟର ଆଶୀର୍ବାଦ ବେହେରାଙ୍କ ନିର୍ଦ୍ଦେଶ କ୍ରମେ ମତ୍ସ୍ୟ ଓ ପଶୁ ବିଭାଗ ମନ୍ତ୍ରୀ ଶ୍ରୀଯୁକ୍ତ ଗୋକୁଳା ନନ୍ଦ ମଲ୍ଲିକଙ୍କୁ ସାକ୍ଷାତ କରିଥିଲେ। ମଇଁଷି ମାନଙ୍କର ମୃତ୍ୟୁର କାରଣ ଏପର୍ଯ୍ୟନ୍ତ ଅସ୍ପଷ୍ଟ ହୋଇ ରହିଥିବା ବେଳେ ଉକ୍ତ ମଇଁଷି ଗୁଡ଼ିକୁ ହରାଇଥିବା ଚାଷୀ ମାନେ କ୍ଷତି ପୂରଣରୁ ବଞ୍ଚିତ ହୋଇଛନ୍ତି। ଏହି ପରିପ୍ରେକ୍ଷୀରେ ସଂଗଠନର ପ୍ରମୁଖ ମହାସଚିବ ତଥା କଣ୍ଟାବାଞ୍ଜି ବିଧାୟକ ଶ୍ରୀଯୁକ୍ତ ଲକ୍ଷ୍ମଣ ବାଗ ଓ ରାଜ୍ୟ ସାଂଗଠାନିକ ସମ୍ପାଦକ ତଥା ରାଷ୍ଟ୍ରୀୟ ଯୁବ ସଭାପତି ଇଂ ପ୍ରଦୀପ ବେହେରାଙ୍କ ନେତୃତ୍ୱରେ ରାଜ୍ୟ ଯୁବ ସଭାପତି ଶ୍ରୀଯୁକ୍ତ ଅମର ନାୟକ, ଯୁବ ସାଧାରଣ ସମ୍ପାଦକ ଶ୍ରୀଯୁକ୍ତ ଚିତ୍ତରଞ୍ଜନ ଦାସ, କେନ୍ଦ୍ରାପଡ଼ା ଜିଲ୍ଲା ସଭାପତି ପ୍ରଭାକର ପଲାଇ ବିଭାଗୀୟ ମନ୍ତ୍ରୀଙ୍କୁ ତାଙ୍କ ବାସ ଭବନରେ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି। ଯେଉଁଥିରେ ଚାଷୀ ମାନଙ୍କୁ ଆର୍ଥିକ କ୍ଷତିପୂରଣ ସହିତ ବିମା ଯୋଜନାକୁ ତ୍ଵରାନିତ କରିବା ସହିତ ଗୋ ଚାରଣ ଭୂମିର ସୁରକ୍ଷା ପାଇଁ ଆଲୋକପାତ କରିଥିଲେ। କ୍ଷତି ଘଟିଥିବା ଚାଷୀ ମାନଙ୍କୁ ଖୁବ ଶୀଘ୍ର ମୁଖ୍ୟମନ୍ତ୍ରୀ ସହାୟତା ପାଣ୍ଠି ଓ କାମଧେନୁ ଯୋଜନା ମାଧ୍ୟମରେ ଆର୍ଥିକ ସହାୟତା ଯୋଗାଇବା ସହ ଗୋ ସମ୍ପଦ ପ୍ରଦାନ କରିବା ପାଇଁ ବିଭାଗୀୟ ମନ୍ତ୍ରୀ ଉତ୍କଳ ଯାଦବ ମହାସଭାର ପ୍ରତିନିଧି ବୃନ୍ଦଙ୍କୁ ପ୍ରତିଶ୍ରୁତି ଦେଇଛନ୍ତି।

20/08/2025

କେନ୍ଦ୍ରାପଡା ଜିଲ୍ଲା ଆଳି ବ୍ଲକ ଅନ୍ତର୍ଗତ ଏକମାଣିଆ ଠାରେ ଗତ ରବିବାର ଦିନ ୮୦ ରୁ ଉର୍ଦ୍ଧ୍ବ ମଇଁଷିଙ୍କର ଅଜଣା କାରଣରେ ନଦୀରେ ଅକାଳରେ ମୃତ୍ଯୁ ଘଟିଥିଲା। ମଇଁଷିଙ୍କର ମୃତ୍ୟୁର କାରଣ ଅସ୍ପଷ୍ଟ ହୋଇଥିବା ହେତୁ ୫ ଜଣରୁ ଉର୍ଦ୍ଧ୍ବ ଦୁଗ୍ଧ ଚାଷୀ ସମସ୍ତ ମଇଁଷିଙ୍କୁ ହରାଇଛନ୍ତି। ଏହି ପରିପେକ୍ଷୀରେ କେନ୍ଦ୍ରାପଡ଼ା ଜିଲ୍ଲାପାଳଙ୍କୁ ଉତ୍କଳ ଯାଦବ ମହାସଭା ଏବଂ କେନ୍ଦ୍ରାପଡ଼ା ଜିଲ୍ଲା ଯାଦବ ମହାସଭାର ନେତୃମଣ୍ଡଳୀ ଅଖିଳ ଭାରତ ବର୍ଷୀୟ ଯାଦବ ମହାସଭାର ରାଷ୍ଟ୍ରୀୟ ଯୁବ ସଭାପତି ତଥା ରାଜ୍ୟ ସାଂଗଠାନିକ ସମ୍ପାଦକ ଇଂ ପ୍ରଦୀପ ବେହେରା ଯାଦବଙ୍କ ନେତୃତ୍ୱରେ ଭେଟି ଏକ ଦାବିପତ୍ର ପ୍ରଦାନ କରିଥିଲେ ଏବଂ କ୍ଷତିଗ୍ରସ୍ତ ପରିବାରକୁ ତୁରନ୍ତ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡରୁ ୫୦ ଲକ୍ଷ ଟଙ୍କା ସହାୟତା ଯୋଗାଇବା ସହ ମୃତ୍ୟୁ ମଇଁଷି ମାନଙ୍କର କାରଣ ସ୍ପଷ୍ଟ କରିବା ପାଇଁ ଆଲୋକପାତ କରିଥିଲେ। ତତ୍ ସହିତ ଉକ୍ତ ପରିବାର ବର୍ଗଙ୍କ ନିକଟରେ ପହଁଚି ସମବେଦନା ଜଣାଇଥିଲେ।

18/08/2025

କଟକ ଜିଲ୍ଲା ଯାଦବ ମହାସଭା ପକ୍ଷରୁ କଟକ ପୋତାପୋଖରୀ ମହାନଦୀ ବିହାର ସ୍ଥିତ ଶ୍ରୀ ଶ୍ରୀ ରାଧାମୋହନ ଜୀଉ ମନ୍ଦିରରେ ଶ୍ରୀକୃଷ୍ଣ ଜନ୍ମାଷ୍ଟମୀ ଏବଂ ନନ୍ଦୋତ୍ସବ ପାଳନ କରାଯାଇଥିଲା। ଏହି କାର୍ଯ୍ୟକ୍ରମରେ ହଜାର ହଜାର ସଂଖ୍ୟାରେ ଭକ୍ତ ମାନେ ଯୋଗଦେଇଥିଲେ ପ୍ରଭୁକୃପା ଲାଭ କରିଥିଲେ।

Utkal Yadav Mahasabha

17/08/2026

27/05/2026

26/02/2026

18/02/2026

06/10/2025

22/09/2025

11/09/2025

22/08/2025

20/08/2025

18/08/2025

Address

Website

Alerts

Shortcuts

Share

Category

Listing takedown request