https://www.facebook.com/105378174622104/

Saura Sikhya Youth Association - SSYA, Kasturi Nagar 6th Lane, Rayagada (2026)

30/08/2026

ଆସ ଯୋଡ଼ିହେବା ଆମ ସଉରା ଭାଷାର ସୁରକ୍ଷା ଅଭିଯାନ ରେ।
Saura Sikhya Youth Association - SSYA

28/08/2026

ଶବର ପଲ୍ଲୀରେ ସୌରା ପୁସ୍ତକ ଉନ୍ମୋଚନ

ସୌରା ଭାଷା ଓ ସଂସ୍କୃତି ସୁରକ୍ଷା ଦିଗରେ SSYAର ଅଭିନବ ପଦକ୍ଷେପ

ରାମନାଗୁଡ଼ା, ୨୮/୦୮: ରାୟଗଡ଼ା ଜିଲ୍ଲାର ରାମନାଗୁଡ଼ା ବ୍ଲକ୍ ଅନ୍ତର୍ଗତ ପାରିଖିତି ପଞ୍ଚାୟତର ଶବର ପଲ୍ଲୀ ଗ୍ରାମରେ ସୌରା ଭାଷା ଓ ସଂସ୍କୃତିର ସଂରକ୍ଷଣ, ପ୍ରଚାର ଓ ପ୍ରସାର ଉଦ୍ଦେଶ୍ୟରେ ଏକ ସୌରା ପୁସ୍ତକ ଉନ୍ମୋଚନ ସମାରୋହ ଅନୁଷ୍ଠିତ ହୋଇଥିଲା। ସୌରା ଶିକ୍ଷା ୟୁଥ ଆସୋସିଏସନ (SSYA)ର ଆନୁକୂଲ୍ୟରେ ଆୟୋଜିତ ଏହି ସାରସ୍ୱତ କାର୍ଯ୍ୟକ୍ରମରେ ସ୍ଥାନୀୟ ଜନସାଧାରଣଙ୍କ ସମେତ ୧୨୫ ଜଣ ଛାତ୍ରଛାତ୍ରୀ ଯୋଗଦେଇଥିଲେ।

ଓସେପା (OSEPA)ର ବହୁଭାଷୀ ଶିକ୍ଷା (MLE) କାର୍ଯ୍ୟକ୍ରମର ରିସୋର୍ସ ପର୍ସନ ତଥା ପ୍ରଧାନଶିକ୍ଷକ ଓ ବିଶିଷ୍ଟ ସୌରା ପୁସ୍ତକ ଲେଖକ ଶ୍ରୀ ଇନାମ ଗମାଙ୍ଗଙ୍କ ଦ୍ୱାରା ପ୍ରସ୍ତୁତ ଏହି ପୁସ୍ତକ ସୌରା ଭାଷା, ସାହିତ୍ୟ ଓ ସଂସ୍କୃତିର ସଂରକ୍ଷଣ ଦିଗରେ ଏକ ଉଲ୍ଲେଖନୀୟ ପଦକ୍ଷେପ ବୋଲି ମତ ପ୍ରକାଶ ପାଇଥିଲା।

କାର୍ଯ୍ୟକ୍ରମରେ ଆସୋସିଏସନର ସଭାପତି ଶ୍ରୀ ବିଶ୍ୱନାଥ ଶବର ଅଧ୍ୟକ୍ଷତା କରିଥିବା ବେଳେ ଉପ-ସଭାପତି ଶ୍ରୀ ଗିରିକିମି ଶବର, ସମ୍ପାଦକ ଶ୍ରୀମତୀ ସତ୍ୟସାବିତ୍ରୀ ଶବର ଏବଂ ଆୟୋଜକ ଶ୍ରୀ ଜଗାରାଓ ବିଡ଼ିକା କାର୍ଯ୍ୟକ୍ରମ ପରିଚାଳନାରେ ସକ୍ରିୟ ସହଯୋଗ କରିଥିଲେ।

ସମାରୋହରେ ମୁଖ୍ୟ ଅତିଥି ଭାବେ ଜିଲ୍ଲା ସ୍କୁଲ ପରିଦର୍ଶକ ଶ୍ରୀ ଶ୍ୟାମଘନ ଭୂୟାଁ ଯୋଗଦେଇ ପୁସ୍ତକଟିକୁ ଔପଚାରିକ ଭାବେ ଉନ୍ମୋଚନ କରିଥିଲେ। ସମ୍ମାନିତ ଅତିଥି ଭାବେ ତହସିଲଦାର ଶ୍ରୀ ପ୍ରାଣକୃଷ୍ଣ ପାଣିଗ୍ରାହୀ, ଅତିରିକ୍ତ କଲ୍ୟାଣ ଅଧିକାରୀ ଶ୍ରୀ ନୀଳକଣ୍ଠ ଶବର, ସୌରା ଭାଷା ବିଶେଷଜ୍ଞ କୁମାରୀ ଲକ୍ଷ୍ମୀ ଗମାଙ୍ଗ, ଶ୍ରୀ ଘାସିରାମ ମାଜି, ଜିଲ୍ଲା ସଂଯୋଜକ ଶ୍ରୀ ଜୁୱାଲ ଶବର, ସମାଜସେବୀ ଶ୍ରୀ ୱାଇରୁପିନ ଶବର ଏବଂ ଟ୍ରେନର ଶ୍ରୀ ନାଗେନ୍ଦ୍ର ଶବର ଯୋଗଦେଇଥିଲେ।

ଏଥିସହ ବ୍ଲକ୍ ସଂଯୋଜକ ଭାବେ ଶ୍ରୀ ନାଗେଶ୍ୱର ହାରାକା, ଶ୍ରୀମତୀ ସାଇରେଣ୍ଡ୍ରି ଶବର, ଶ୍ରୀ ଭାଲାଜୀ ଶବର ଏବଂ ଶ୍ରୀମତୀ ବିଜୟଲକ୍ଷ୍ମୀ ତୋଇକା ଉପସ୍ଥିତ ଥିଲେ।

ଏହି ସାରସ୍ୱତ କାର୍ଯ୍ୟକ୍ରମରେ ୧୨୫ ଜଣ ଛାତ୍ରଛାତ୍ରୀଙ୍କ ଯୋଗଦାନ ବିଶେଷ ଆକର୍ଷଣର କେନ୍ଦ୍ର ପାଲଟିଥିଲା। ଛାତ୍ରଛାତ୍ରୀଙ୍କ ମଧ୍ୟରେ ସୌରା ଭାଷା ଓ ସାହିତ୍ୟ ପ୍ରତି ଆଗ୍ରହ ବୃଦ୍ଧି କରିବା ସହ ନିଜ ଭାଷା ଓ ସାଂସ୍କୃତିକ ପରିଚୟର ସୁରକ୍ଷା ନେଇ ଆଲୋଚନା କରାଯାଇଥିଲା।

ଆସୋସିଏସନର ସ୍ୱେଚ୍ଛାସେବୀ ବାସୁଦେବ ଶବର, ଶରତ ଶବର, ସନ୍ତୋଷ ପାତିକା, ମୁରାଙ୍ଗ ଶବର ଏବଂ ଅର୍ଜୁନ ଶବରଙ୍କ ସକ୍ରିୟ ସହଯୋଗରେ ସମାରୋହଟି ସୁଚାରୁ ରୂପେ ସମ୍ପନ୍ନ ହୋଇଥିଲା। ସ୍ଥାନୀୟ ଜନସାଧାରଣଙ୍କ ଉତ୍ସାହପୂର୍ଣ୍ଣ ଉପସ୍ଥିତି କାର୍ଯ୍ୟକ୍ରମକୁ ଆହୁରି ସଫଳ ଓ ଅର୍ଥପୂର୍ଣ୍ଣ କରିଥିଲା।

ସୌରା ଭାଷା ଓ ସଂସ୍କୃତିକୁ ଆଗାମୀ ପିଢ଼ି ନିକଟରେ ପହଞ୍ଚାଇବା ସହ ଏହାର ସାହିତ୍ୟିକ ଭିତ୍ତିକୁ ଆହୁରି ସୁଦୃଢ଼ କରିବା ଦିଗରେ ଏଭଳି ପ୍ରୟାସ ଆଗାମୀ ଦିନରେ ମଧ୍ୟ ଜାରି ରହିବା ଆବଶ୍ୟକ ବୋଲି ଉପସ୍ଥିତ ଅତିଥି ଓ ଅଂଶଗ୍ରହଣକାରୀମାନେ ମତ ପ୍ରକାଶ କରିଥିଲେ।

ଶେଷରେ ଧନ୍ୟବାଦ ଅର୍ପଣ କରାଯିବା ପରେ ସଭାର ସମାପ୍ତି ଘୋଷଣା କରାଯାଇଥିଲା।

31/05/2026

ପ୍ରିୟ ଛାତ୍ରଛାତ୍ରୀ ଏବଂ ଭାଇଭଉଣୀମାନେ,ଆମ ଲିପି ଆମ ଭାଷା ପାଇଁ ଆମେ ବହୁତ ଗର୍ବ କରୁଛୁ। ଆମର ଏହି ଦୀର୍ଘ ଟ୍ରେନିଙ୍ଗ୍ କାର୍ଯ୍ୟକ୍ରମରେ ଆପଣମାନେ ଯେଉଁ ନିଷ୍ଠା ଓ ସନ୍ତୋଷ ସହ ଆମ ଭାଷା ଏବଂ ସଂସ୍କୃତିକୁ ଆଗକୁ ବଢ଼ାଇବା ପାଇଁ ଚେଷ୍ଟା କରିଛନ୍ତି, ତାହା ପ୍ରଶଂସନୀୟ।26/05/2026 ରୁ ଆରମ୍ଭ ହୋଇଥିବା ଆମର ଏହି ପ୍ରଶିକ୍ଷଣ ଯାତ୍ରା ଗତକାଲି (30/05/2026) ସଫଳତାର ସହ ଶେଷ ହୋଇଛି। ଆଶା କରୁଛି ସମସ୍ତେ (ସାନ ଏବଂ ବଡ଼) ନିଜ ନିଜ ଘରେ ସୁରକ୍ଷିତ ଭାବେ ପହଞ୍ଚି ସାରିଥିବେ। ଘରେ ପହଞ୍ଚିବା ପରେ ଦୟାକରି ଏହି ଗ୍ରୁପ୍‌ରେ ଗୋଟିଏ ମେସେଜ୍ କରି ନିଶ୍ଚିତ ଜଣାନ୍ତୁ।ଆମ ଭାଷା ଏବଂ ଲିପିର ସୁରକ୍ଷା ଓ ବିକାଶ ପାଇଁ ଏହି ଶିକ୍ଷା ଆପଣମାନଙ୍କୁ ଆଗକୁ ବହୁତ ସାହାଯ୍ୟ କରିବ। ସମସ୍ତଙ୍କୁ ଆନ୍ତରିକ ଧନ୍ୟବାଦ ଏବଂ ଉଜ୍ଜ୍ୱଳ ଭବିଷ୍ୟତ ପାଇଁ ଅନେକ ଶୁଭକାମନା! 🙏 #ରାମନାଗୁଡା_SSYA💐"

28/02/2026

Ssya ଆରମ୍ଭ ସମୟରେ ଏହି ଗୀତ ଧରି ଆରମ୍ଭ ହେଇଥିଲା,ଆଜି ତାହା ସଫଳ ହେବାକୁ ଯାଉଅଛି।

20/02/2026

Limtabin Everyone,
Today is a historic and proud moment for all of us ❤️
Our Souara Shikshya Youth Association (SSYA) is now officially registered. This success is not possible without the unity, dedication, and continuous support of all our respected members.
This is not only our dream — it is our collective responsibility to preserve, protect, and promote our Souara language, culture, tradition, and identity for the coming generations.
From every discussion to every step of the process, your effort, time, and belief made this possible. This registration is just the beginning… together we will move forward for education, awareness, and community empowerment.
Heartfelt thanks to all SSYA members for making this milestone a reality.
Let us stay united and work stronger for our society ✊🌿
Jai Souara ✨
Jai SSYA

06/01/2026

ଆମ ଭାଷା ଆମ ସୁରକ୍ଷା।
ନିଜେ କିଛି ଶବ୍ଦ ଶିଖି କମେଣ୍ଟ ରେ ଲେଖାନ୍ତୁ।

11/12/2025

ସଉରା ପଣ୍ଡିତ ସ୍ୱର୍ଗତ ମାଙ୍ଗାଇ ଗମାଙ୍ଗ (ଗ୍ରାମ: ମରିଚଗୁଡ଼ା, ପଦ୍ମପୁର ବ୍ଲକ, ରାୟଗଡା) ଙ୍କ ସୁପୁତ୍ର, ପ୍ରିୟ ଶିକ୍ଷକ ଶ୍ରୀ ଦିଗାଂଶ୍ମି ଗମାଙ୍ଗ ଆଜି ଆମ ମଧ୍ୟରେ ନାହାନ୍ତି।
ସମସ୍ତଙ୍କୁ ଶୋକସାଗରରେ ବିହ୍ୱଳ କରି ସେ ଚିରନିବାସ ପୂର୍ବପୁରୁଷଙ୍କ ନିକଟକୁ ଗମନ କରିଛନ୍ତି।

ସଉରା ଭାଷାର ସୁରକ୍ଷା ପାଇଁ ତାଙ୍କର ଅବଦାନ, ଚେଷ୍ଟା ଓ କାର୍ଯ୍ୟକୁ ଆମ ସମାଜ ସଦା ସର୍ବଦା ସ୍ମରଣରେ ରଖିବ।

ତାଙ୍କ ଅମର ଆତ୍ମାର ସଦଗତି ହେଉ। ପ୍ରକୃତି ମାତା ପାଖରେ ସମାଜ ତରଫରୁ ପ୍ରାର୍ଥନା।

01/12/2025

🌎 ଆଦିବାସୀ ସୌରା ସମାଜର ମୂଳ ବିଶ୍ୱାସ: ମାତ୍ ତାର ବାନମ୍
ସୌରା ଆଦିବାସୀଙ୍କ ମୂଳ ଦର୍ଶନ ' ମାତ୍ ତାର ବାନମ୍' ଉପରେ ଆଧାରିତ। ଏହି ତତ୍ତ୍ୱ ଅନୁଯାୟୀ,
* ମାତ୍ ଅର୍ଥ ଆଖି (ଦର୍ଶନ)।
* ତାର ମାନେ ଅର୍ଥ ଆଲୋକ (ବିଶ୍ୱାସ ଓ ଅନୁଭବ)।
* ବାନମ୍ ଅର୍ଥ ଯୋଡ଼ିବା (ସଂଯୋଗ)।
ଆଦିବାସୀ ସୌରା ସମାଜରେ ଆଖିରେ ଦେଖାଯାଉଥିବା, ଆଲୋକ ଭାବରେ ଅନୁଭୂତ ଓ ବିଶ୍ୱାସ କରାଯାଉଥିବା ଏବଂ ମୁଣ୍ଡରେ ଧରାଯାଉଥିବା ନିୟମକୁ ହିଁ ନିଜର ଧର୍ମ ଏବଂ ଭଗବାନ ବା ଇଶ୍ୱର ରୂପେ ମାନିଥାଏ।
🙏 ଗୁରୁ ଓ ପ୍ରାପ୍ତି
ଯେଉଁ ମହାପୁରୁଷଙ୍କୁ ମଣିଷ ଜାତି ଗୁରୁ ରୂପରେ ଗ୍ରହଣ କରିଛି, ସେ ହେଉଛନ୍ତି ପଣ୍ଡିତ ଏସ.ପି. ମାଙ୍ଗେଇ ଗମାଙ୍ଗ। ଆମ ସୌରା ଆଦିବାସୀ ସମାଜ ତାଙ୍କରି ମାଧ୍ୟମରେ ଭଗବାନ 'ମାତ୍ ତାର ବାନମ୍'ଙ୍କୁ ପ୍ରାପ୍ତ କରିଛି। ଏହି ପ୍ରାପ୍ତି ପରେ ଆମେ ୨୫ଟି ଅକ୍ଷର ପାଇଲୁ, ଯାହା ଦ୍ୱାରା ଜଗତର ଭଗବାନଙ୍କୁ ଅନୁଭବ କରାଯାଇପାରିଲା।
🌱 ପ୍ରକୃତି ହିଁ ଭଗବାନ
ଭଗବାନ 'ମାତ୍ ତାର ବାନମ୍' ହେଉଛନ୍ତି ସ୍ୱୟଂ ପ୍ରକୃତି ବା ସୃଷ୍ଟି। ଏହି ପ୍ରକୃତି (ସୃଷ୍ଟି) ହେଉଛି ପୃଥିବୀ। ପୃଥିବୀର ଅଙ୍ଗ ହେଉଛି:
* ଭୂମି
* ଜଳ
* ବାୟୁ
* ଗଗନ
ଏହି ଚାରୋଟି ଉପାଦାନ ବିନା ଜୀବଜଗତ ବଞ୍ଚିବା ଅସମ୍ଭବ। ଏହି ମହାନ୍ ସୃଷ୍ଟିକୁ (ପ୍ରକୃତିକୁ) ପୂଜା କରୁଥିବା ଲୋକ ହେଉଛନ୍ତି ଆଦିବାସୀ।
📜 ଧର୍ମର ପୁନର୍ଜାଗରଣ
ଆଦିବାସୀ ହେଉଛନ୍ତି ଜଗତର ପ୍ରଥମ ମଣିଷ। କିନ୍ତୁ ଅନେକ ବର୍ଷ ଧରି ନିଜର ମୂଳ ଭଗବାନଙ୍କୁ ନଜାଣି, ଆମେ ବାଟବଣା ହୋଇ ଅନ୍ୟ ଧର୍ମରେ ରହିଥିଲୁ। ହଜାର ହଜାର ବର୍ଷ ପରେ ଆଜି ଆମେ ନିଜର ଭଗବାନ 'ମାତ ତାର ବାନମ୍'ଙ୍କୁ ପୁନଃ ଜାଣିପାରିଲୁ।
ଗତ ୨୫ ବର୍ଷ ହେଲା ଆମେ ଏହି ଦିବ୍ୟ ତତ୍ତ୍ୱକୁ ଜାଣିବା ସହ ଲାଉଗୁଡ଼ା ମନ୍ଦିର (ତାମ୍ପୁର୍ସିଙ୍ଗ) ପରି ଅନେକ ସ୍ଥାନ ନିର୍ମାଣ କରିଛୁ ଏବଂ ପ୍ରତିବର୍ଷ ଡିସେମ୍ବର ୧ ତାରିଖକୁ ପବିତ୍ର ଦିବସ ରୂପେ ପାଳନ କରୁଛୁ।
🌟 ଶପଥ ଓ ସଂକଳ୍ପ
ଆସନ୍ତୁ, ଆଦିବାସୀ ସୌରା ସମାଜର ସମସ୍ତେ ମିଶି ନିଜର କଳା, ସଂସ୍କୃତି, ପରମ୍ପରା ଏବଂ ଭାଷାକୁ ବଞ୍ଚାଇ ରଖିବା ପାଇଁ ଭଗବାନ 'ମାତ୍ ତାର ବାନମ୍' (ପ୍ରକୃତି)ଙ୍କ ନିକଟରେ ଶପଥ ନେବା।

#ସୋରସୋପେଙ୍ଗ
#ରାୟଗଡ଼

Saura Sikhya Youth Association - SSYA

30/08/2026

28/08/2026

31/05/2026

28/02/2026

20/02/2026

06/01/2026

11/12/2025

01/12/2025

Address

Website

Alerts

Shortcuts

Share

Category

Listing takedown request