02/08/2024
സുഹൃത്തുക്കളെ,
വയനാട്ടിലെ ഉരുൾപൊട്ടലിൽ നൂറുകണക്കിനു പേർക്കു ജീവൻ നഷ്ടപ്പെടുകയും ആയിരക്കണക്കിനു ആളുകൾക്ക് തങ്ങളുടെ പാർപ്പിടമുൾപ്പെടെ സർവ്വ സമ്പത്തും ഇല്ലാതാവുകയും ചെയ്ത വിവരം അറിവുള്ളതാണല്ലോ.
വീടു നഷ്ടപ്പെട്ടവരുടെ കൃത്യസംഖ്യ കണക്കായിട്ടില്ലെങ്കിൽ പോലും ആദ്യ ഘട്ടം എന്ന നിലയിൽ ഏറ്റവും അർഹരായ 25 പേർക്ക് വീടു നിർമ്മിച്ചുകൊടുക്കാൻ DYFI സംസ്ഥാന കമ്മറ്റി തീരുമാനിച്ചു,
അതിനാവശ്യമായ തുക പൊതു ജനങ്ങളിൽ നിന്നും സുമനസ്സുകളിൽ നിന്നും ശേഖരിക്കാനാണ് ശ്രമിക്കുന്നത്.
ന്യൂസ് പേപ്പർ ചലഞ്ച്, ആക്രി ചലഞ്ച് തുടങ്ങി വിവിധ ക്യാമ്പയിനുകളിൽ കൂടി ധനശേഖരണം നടത്തുന്നതിനൊപ്പം പൊതുജനങ്ങൾക്ക് ആവശ്യമായ വീട് വൃത്തിയാക്കൽ,പറമ്പ് വൃത്തിയാക്കൽ,തുടങ്ങിയ സേവന പ്രവർത്തനങ്ങൾ നടത്തിയുമാണ് സദ് ഉദ്യമം വിജയിപ്പിക്കാൻ ആവശ്യമായ ധനം സമാഹരിക്കുവാൻ തീരുമാനിച്ചിരിക്കുന്നത്.
ഇതുകൂടാതെ പൊതുജനങ്ങളിൽ നിന്നും ഒരു ദിവസത്തെ വേതനം സ്വീകരിക്കുക തുടങ്ങിയ പദ്ധതികൾ ആലോചിച്ചിട്ടുണ്ട്...
നമ്മുടെ കൂടപ്പിറപ്പുകളുടെ ദുരവസ്ഥയിൽ ആർദ്രതയോടെ സഹായഹസ്തം നീട്ടി കൈത്താങ്ങാവണം എന്ന് അഭ്യർത്ഥിക്കുന്നു.
DYFI റാന്നി ബ്ലോക്ക് കമ്മിറ്റി
