Shree Modh Vanik Yuva Group - Rajkot

14/08/2026

27/07/2026

મોઢ વણિક યુવા ગ્રુપ , રાજકોટનો નવો પ્રકલ્પ
આત્મનિર્ભર શિક્ષણ યોજના

આત્મીય જ્ઞાતિજનો,
જય શ્રી કૃષ્ણ,

શ્રી મોઢ વણિક યુવા ગ્રુપનો અભિગમ ભવિષ્યદર્શી રહ્યો છે જે આપ સૌને વિદિત છે.

પ્રવર્તમાન સમયમાં ઉચ્ચઅભ્યાસનો વિસ્તાર અને તકો વધી છે અને સાથે સાથે ફી સ્વરૂપે કિંમત પણ વધી છે.

આ સંજોગોમાં ઘણા તેજસ્વી બાળકોને પોતાની મનગમતી અને યોગ્ય કારકિર્દી લેવા માં નાણાંકીય ભીડ બાધારૂપ બનતી હોય છે અને આ દિશા માં અમારો સાચો ઉકેલ શોધવા નો પ્રયાસ એટલે.......

આત્મ નિર્ભર શિક્ષણ યોજના

નાણાકીય સંસ્થાઓ લોન આપવા ઉત્સુક છે ...વિધાર્થી પણ ભરવા તૈયાર ..અમારો અનુભવ એવું કહે છે ..પૂરતી માહિતી નો અભાવએ સૌ થી મોટી અડચણ છે અને તેથી જ આ યોજના અમે વિધાર્થી અને નાણાકીય સંસ્થા વચ્ચે સેતુરૂપ બનીશું.

અમારા ગ્રુપનાં પ્રમુખ શ્રી કિરેન છાપિયા તેમના વર્ષોના અનુભવનો નિચોડ સૌ જ્ઞાતજનોના હિતમાં વપરાય તે રીતે ,સૌ ને તેમની યોગ્યતા મુજબ લોન મેળવવામાં , ઓછામાં ઓછી અડચણ પડે અને વધુમાં વધુ લોનની અરજી સ્વીકાર થાય તેવી શક્યત મદદ કરીશુ.

તાજેતર માં અમારા પ્રમુખ શ્રી કીરેન છાપિયા દ્રારા જ્ઞાતિજનો માટે શિક્ષણ પ્રત્યેની પ્રતિબદ્ધતા અને સહકાર ની ભાવના થી આપણાં સમાજનાં ત્રણ વિદ્યાર્થીઓ ને ઉચ્ચતર અભ્યાસ માટે ખૂબ જ ટૂંકા ગાળામાં તેમની જરૂરિયાત મુજબની લોન મંજૂર કરાવી આપેલ છે.

હવે આપણા સમાજ નાં કોઇ પણ સ્વજન ને વિદ્યાર્થી નાં ઉચ્ચ અભ્યાસાર્થે લોન જોઈતી હોય તો અમારા દ્વારા પ્રયત્ન કરાવશો અને સ્વભાવિક છે આ અમારી આવડત નો ઉપયોગ નિઃશુલ્ક જ રહેશે.

વિશેષ માહિતી માટે સંપર્ક

કિરેન છાપીયા
મો. નં. ૯૮૨૫૧૭૫૮૯૦

કેતન પારેખ
મો. નં ૯૮૭૦૦૯૭૫૬૦

જીજ્ઞેશ મેસ્વાણી
મો. નં. ૯૪૨૬૨૨૨૦૮૬

- શ્રી મોઢ વણિક યુવા ગ્રુપ કમિટી મેમ્બરો નાં વંદન

16/04/2026

મોઢ વણિક જ્ઞાતિ ગૌરવ
અંતર નાં ખૂબ ખૂબ અભિનંદન

મોઢ વણિક યુવા ગ્રુપ, રાજકોટના કારોબારી સભ્યશ્રી જીગ્નેશભાઈ મેસ્વાણીના પુત્ર ચિ. ડો. જીલને આજરોજ ગુજરાત યુનિવર્સિટી દ્રારા બી. જે. મેડીકલ કોલેજ - અમદાવાદ ખાતે યોજવામા આવેલ દીક્ષાંત સમારોહમાં M. S. ( Orthopedic) બ્રાન્ચમાં પ્રથમ સ્થાન પ્રાપ્ત કરતા ગોલ્ડ 🥇 🪙 મેડલ મેળવેલ છે. ડો. જીલ એ MBBS તથા M.S. (Orthopedic) નો અભ્યાસ તથા S.R. Ship (Senior Residency) B.J. Medical College - અમદાવાદ ખાતે કરેલ છે.

ચી. ડો. જીલની સફળતા માટે અમો ખુશી વ્યક્ત કરી ગૌરવની લાગણી અનુભવી ખૂબ અભિનંદન પાઠવીએ છીએ. 👏

ડો. જીલ આગામી જીવનમાં દરેક ક્ષેત્રે ઉતરોતર પ્રગતિનાં સોપાન સર કરી કુટુંબ , સમાજનું ગૌરવ વધારે તેવા શુભાશિષ 💐

મોઢ વણિક યુવા ગ્રુપ , રાજકોટ
મોઢ વણિક મહાજન , રાજકોટ
મોઢ વણિક સમાજ,રાજકોટ
સમસ્ત મોઢ વણિક સમાજ મહીલા મંડળ, રાજકોટ
માતંગી પાટોત્સવ સમિતિ, રાજકોટ
MYO, રાજકોટ
મોઢ વણિક વિદ્યાર્થી ભવન, રાજકોટ
મોઢ વણિક મિત્ર મંડળ , રાજકોટ

13/04/2026

શ્રી મોઢ વણિક યુવા ગ્રુપ- રાજકોટ દ્રારા આપણા જ સમાજના અંગ તેવા ૪૧ પરિવારમાં પણ ખુશી અને આનંદનો માહોલ જળવાઈ રહે , સૌના જીવનમાં બધા જ રસ માણી શકાય એ અનુસંધાનમાં આપણે આ પરિવારજનોને આખા વર્ષ માટે મસાલા કીટમાં મરચું પાઉડર , હળદર પાવડર , ધાણાજીરું પાવડર , ગરમ મસાલો , હિંગ , રાઈ , મેથી , મીઠું , તમાલપત્ર , જીરૂ , મરી પાઉડર , સૂંઠ પાઉડર , સાબુદાણાનું વિતરણ સમાજના ઋણ સ્વીકાર સ્વરૂપે અને ઠાકોરજીના પ્રસાદરૂપે કરવામાં આવ્યું.

શ્રી મોઢ વણિક યુવા ગ્રુપ ,રાજકોટ દ્વારા ૪૧ કુટુંબોને વિતરણ દાતા સ્વ શ્રીમતી ઉર્મિલાબેન બી. શાહ હ. શ્રી યોગેશભાઈ શાહ લંડન, શ્રી કિરીટ ભાઇ પારેખ , શ્રી વિજયભાઈ ચંપકભાઈ મણીયાર , સ્વ. અનસુયાબેન ચંદુભાઈ પટેલ , શ્રી અજયભાઇ ગઢીયા , શ્રી હિતેશભાઈ પરીખ , શ્રી પ્રવીણભાઈ રાણભાણ , શ્રી જિતેન્દ્રભાઇ ગાંધી , શ્રીમતિ ચૈતાલીબેન મહેતા તથા મોઢ વણિક યુવા ગ્રુપ, રાજકોટના સહયોગથી કરવામાં આવ્યુ.

મોઢ વણિક યુવા ગ્રુપ , રાજકોટ સૌ દાતાઓનો આભાર માને છે.

વિતરણ વ્યવસ્થા કિરેન છાપિયા , કેતન પારેખ , કેતન મેસ્વાણી , ડો. કમલેશ પારેખ , જિજ્ઞેશ મેસ્વાણી , રશ્મિભાઇ શાહ સહિતનાં સૌ સભ્યોએ સંભાળેલ...

શ્રી મોઢ વણિક યુવા ગ્રુપ, રાજકોટ

04/03/2026

આત્મીય જ્ઞાતિજનો,

જય શ્રી કૃષ્ણ,

મોઢ વણિક યુવા ગ્રુપ રાજકોટ દ્વારા આપ સૌને હોળી - ધુળેટી ના પાવન પર્વની ખુબ ખુબ શુભેચ્છાઓ...

મોઢ વણિક યુવા ગ્રુપ- રાજકોટ દ્રારા હોળી - ધુળેટી પર્વના તહેવારને અનુલક્ષી ને આપણા જ સમાજના અંગ તેવા 45 પરિવારમાં પણ હોળી - ધુળેટી પર્વની ખુશી અને આનંદનો માહોલ જળવાઈ રહે , સૌ ના જીવનમાં બધા જ રસ માણી શકાય એ અનુસંધાનમાં નિઃશુલ્ક ઘાણી , દાળિયા , ખજૂર , મમરા વિ.ની કીટ સમાજ શ્રે‌ષ્ઠી તથા શ્રી કિશોરભાઈ ગાંગડીયાના સહયોગથી તથા રોજબરોજ માં ઉપયોગી વસ્તુ જેવી કે ટુવાલ, નેપકીન, સાબુ , શેમ્પૂ, વિક્સ , લોસન.. વિ ..ની કીટ સમાાજશ્રે‌ષ્ઠીના સહયોગથી સમાજના ઋણ સ્વીકાર સ્વરૂપે અને ઠાકોરજીના પ્રસાદ રૂપે આ પરિવારજનોમાં વિતરણ કરવામાં આવ્યું.