06/10/2025
ദൈവകൃപയാൽ അനുഗ്രഹിക്കപ്പെട്ട രീതിയിൽ യുവജനവാരം ആചരിക്കുവാൻ തക്കവണ്ണം സർവ്വശക്തനായ ദൈവം നമ്മുടെ യുവജനപ്രസ്ഥാനത്തെ ഇടയാക്കി. കഴിഞ്ഞ ഞായറാഴ്ച ആരാധനയ്ക്ക് ശേഷം ഇടവക വികാരി റവ. മാത്യു വി പോൾ അച്ചൻ
പതാക ഉയർത്തുകയും ശേഷം രാഷ്ട്രദീപിക പത്രത്തിൻ്റെ സബ് എഡിറ്ററും സഭാംഗവുമായ ശ്രീ ടിജോ മാത്യുവിൻ്റെ നേതൃത്വത്തിൽ ചരിത്ര പഠനക്ലാസിലൂടെ യുവജന വാരത്തിൻ്റെ ഉദ്ഘാടന മീറ്റിംഗ് നടത്തപ്പെട്ടു. തുടർന്നുള്ള ദിനങ്ങളിൽ പള്ളിയുടെ പരിസരം വൃത്തിയാക്കുകയും സേവനനിലയത്തിൽ ഒരു ദിവസത്തെ ഉച്ചഭക്ഷണം നൽകുകയും കൂടാതെ എറികാട് യൂത്ത് ഗോസ്പൽ ടീമിൻ്റെ നേതൃത്വത്തിൽ യൂത്ത് പ്രയർ ക്രമീകരിക്കുകയും ഒരാഴ്ചയായി ഭവന സന്ദർശനം നടത്തുകയും ചെയ്തു. യുവജന വാരത്തിൻ്റെ സമാപന മീറ്റിംഗിൽ സഭാംഗമായ ശ്രീ ഏശാവ് ഇരട്ടക്കുളത്തിൻ്റെ നേതൃത്വത്തിൽ ലഹരി വിരുദ്ധ ബോധവൽക്കരണ ക്ലാസിന് ശേഷം അച്ചൻ പതാക താഴ്ത്തുകയും തുടർന്ന് യുവജന വാരാചരണം അച്ചൻ പ്രാർത്ഥിച്ച് സമാപിക്കുകയും ചെയ്തു.
