29/05/2023
വടവുകോട് ബസ്സേലിയോസ് ചിൽഡ്രൻസ് ഹോമിന് അഭിമാന നിമിഷം
മലങ്കര ഓർത്തഡോക്സ് സുറിയാനി സഭയുടെ കീഴിൽ പ്രവർത്തിക്കുന്ന മാർ ബസേലിയോസ് ചിൽഡ്രൻസ് ഹോം സാമ്പത്തികമായി പിന്നോക്കം നിൽക്കുന്ന കുടുംബങ്ങൾക്ക് 40 വർഷത്തിലധികമായി ഒരത്താണിയാണ്. വ്യത്യസ്ത സാഹചര്യങ്ങളിൽ ജനിച്ച് വളർന്ന അനേകായിരം കുഞ്ഞുങ്ങൾക്ക് ഉപജീവനത്തിനും സ്വയം പര്യാപ്തതയ്ക്കും ഇന്നവർ അനുഭവിക്കുന്ന അനുഗ്രഹങ്ങളിലേയക്ക് കൈപിടിച്ചുയർത്തുവാൻ ഈ സ്ഥാപനത്തിന് കഴിഞ്ഞതിൽ ദൈവത്തെ നമുക്ക് മഹത്വപ്പെടുത്താം. ഈ വർഷത്തെ SSLC പരീക്ഷയിൽ ബോയ്സ് ഹോമിലെ ആഞ്ചലോ ആൻറണി മുഴുവനും വിഷയങ്ങൾക്കും A+ വാങ്ങി വിജയിച്ചിരിക്കുകയാണ്. അശ്വിൻ ബിനു (81%), നവീൻ എസ് (89%) എന്നിവരും ഉന്നത വിജയം കരസ്ഥമാക്കിയത് ബോയ്സ് ഹോമിന് അഭിമാനമാണ്. മക്കളെ അനുമോദിക്കുകയും ദൈവസന്നിധിയിൽ സമർപ്പിക്കുകയും ചെയുന്നു. ഈ സ്ഥാപനത്തെ നെഞ്ചോട് ചേർത്തുപിടിക്കുന്ന, ദൈനംദിന പ്രവർത്തനങ്ങളിൽ ഞങ്ങൾക്ക് കൈത്താങ്ങ് നൽകുന്ന എല്ലാവർക്കും ഹൃദയപൂർവ്വം നന്മകൾ നേരുന്നു. നിങ്ങളുടെ പ്രാർത്ഥനയിൽ ഈ സ്ഥാപനത്തെയും നമ്മുടെ കുഞ്ഞുങ്ങളെയും ഓർക്കണമേ എന്ന് അപേക്ഷിക്കുന്നു. ജിത്തു അച്ചൻ.
