Surajya Prakalp

Surajya Prakalp According to a survey, Yerwada is one of the lesser-developed areas of Pune and has a population of more than 4 lakhs. Jayprakash Nagar at Yerwada.
2.

🔸Surajya Sarvangin Vikas Prakalp
A_Holistic_Community_Development_Project

🔹Since :- 1st May, 2001

🔹Founding Member & CEO:-Vijay Shivale

🔹Working at Slums of Yerwada,Vishrantwadi, Viman Nagar

🔹SSVP focuses on empowerment of Children,Youth & Women Surajya Sarvangin Vikas Prakalp, a social organisation, established on1st May,2001, is working in the sevavastis of Yerwada and its surrounding areas

and at Market yard for the last 10 years. A mixed society, where posh buildings and palatial bungalows in the wide lanes of Kalyani Nagar exist alongside poverty stricken slums. There are 35 such Sevavastis with a population of approximately 1,75,000 (One lakh seventy five thousand only). The issues faced by the inhabitants of these sevavastis are many and varied in nature. It is observed that there is a total lack of financial security, education, moral and cultural values as well as health awareness in these sevavastis. In order to eradicate these issues, financial aid as well as proper guidance by Corporates and individual donors, who understand their problems, is called for. Considering all these factors, Surajya commenced its activities from 2001 for the children of the following sevavastis, progressively :

1. Darawde Mala at Koregaon Park
3. Keraba Vasti at Koregaon Park
4. Sanjay Park at Viman Nagar
5. Ekta Nagar at Vishrantwadi
6.Bhim Nagar at Vishrantwadi
7. Ambedkar Nagar at Chandan Nagar
8. Khulewadi at Chandan Nagar
9. Lower Prem Nagar at Market yard
10. Upper Prem Nagar at Market Yard

Starting with 6 sevavastis in 2001, now in 2015,Surajya has its foot prints in 15 sevavastis. We run following major activities *
1. Abhyasika

2. Sanskar Kendra

3. Kishori Prakalp

4. Mahila Bachat G*t

5. Health Camp

26/07/2026

📚सुराज्य अभ्यासिका 📚

🎉🎉 हार्दिक अभिनंदन! हार्दिक अभिनंदन!! हार्दिक अभिनंदन!!! 🎉🎉

आमच्या सुराज्य अभ्यासिका परिवारासाठी अत्यंत अभिमानाचा आणि आनंदाचा क्षण!

आमच्या अभ्यासिकेचे होतकरू, मेहनती व जिद्दी विद्यार्थी श्री. शुभम लहुदास लहाने यांची ग्रामपंचायत अधिकारी (ग्रामसेवक) पदावर ग्रामपंचायत गुहागर, पंचायत समिती गुहागर, जिल्हा रत्नागिरी येथे निवड झाल्याबद्दल त्यांचे मनःपूर्वक हार्दिक अभिनंदन!

त्यांच्या अथक परिश्रम, चिकाटी, सातत्यपूर्ण अभ्यास आणि यशस्वी वाटचालीमुळे हे यश संपादन झाले आहे. त्यांच्या या उल्लेखनीय यशामुळे इतर स्पर्धा परीक्षा देणाऱ्या विद्यार्थ्यांनाही निश्चितच प्रेरणा मिळेल, याचा आम्हाला विश्वास आहे.

त्यांच्या उज्ज्वल भविष्यासाठी, उत्तम आरोग्यासाठी आणि शासकीय सेवेत अधिकाधिक यश संपादन करण्यासाठी मनःपूर्वक शुभेच्छा!

सुराज्य सर्वांगीण विकास प्रकल्प परिवाराच्या वतीने श्री. शुभम लहुदास लहाने यांना पुढील यशस्वी, कर्तृत्ववान आणि उज्ज्वल वाटचालीसाठी हार्दिक शुभेच्छा!

💐 आपल्या यशाचा आम्हाला अभिमान आहे!
💐 असेच यशाच्या नव्या उंची गाठत राहा!

मनःपूर्वक अभिनंदन व हार्दिक शुभेच्छा! 🌹

Surajya Abhyasika

🌼 सुराज्य सर्वांगीण विकास प्रकल्प 🌼आयोजित🙏 संत ज्ञानेश्वर महाराज पालखी सोहळा निमित्त वारकरी सेवा अभियान 🙏"वारकरी सेवा ही...
07/07/2026

🌼 सुराज्य सर्वांगीण विकास प्रकल्प 🌼
आयोजित

🙏 संत ज्ञानेश्वर महाराज पालखी सोहळा निमित्त वारकरी सेवा अभियान 🙏

"वारकरी सेवा हीच विठ्ठल सेवा!"

यंदाही संत ज्ञानेश्वर महाराज पालखी सोहळ्याच्या निमित्ताने हजारो वारकऱ्यांच्या सेवेसाठी सुराज्य सर्वांगीण विकास प्रकल्पातर्फे पुढील सेवा उपक्रम आयोजित करण्यात आले आहेत:

🦶 चरण सेवा – वारकऱ्यांच्या पायांची मालिश करून थकवा दूर करणे.
🩺 आरोग्य सेवा – मोफत आरोग्य तपासणी व औषधांचे वाटप.
🧵 शिवण सेवा – फाटलेले कपडे, पिशव्या व बॅग्स शिवून देणे.

📅 दिनांक: गुरुवार, ९ जुलै २०२६
🕗 वेळ: सकाळी ८.०० ते दुपारी १.००
📍 स्थळ: आळंदी रोड, बुद्ध वाटिका, डॉ. नानासाहेब परुळेकर विद्यालय जवळ, प्रतीक नगर, येरवडा, पुणे – ४११००६

🤝 आपण सर्वांना मनःपूर्वक आवाहन आहे की या पवित्र सेवा कार्यात प्रत्यक्ष सहभागी व्हावे. आपला थोडासा वेळ, श्रम आणि सहकार्य हजारो वारकऱ्यांसाठी मोठा आधार ठरू शकतो.

चला, विठ्ठल भक्तांच्या सेवेत आपले योगदान देऊया.
"वारकरी सेवा हीच खरी विठ्ठल सेवा!" 🙏

कृपया ही माहिती आपल्या मित्रपरिवारात, नातेवाईकांमध्ये व सर्व व्हॉट्सअॅप समूहांमध्ये जास्तीत जास्त शेअर करा, जेणेकरून अधिकाधिक सेवाभावी नागरिक या उपक्रमात सहभागी होतील.

धन्यवाद! 🙏
– सुराज्य सर्वांगीण विकास प्रकल्प

*सुराज्य सर्वांगीण विकास प्रकल्पाचा विद्यार्थी सत्कार व बक्षीस वितरण सोहळा उत्साहात संपन्न*सुराज्य सर्वांगीण विकास प्रकल...
17/06/2026

*सुराज्य सर्वांगीण विकास प्रकल्पाचा विद्यार्थी सत्कार व बक्षीस वितरण सोहळा उत्साहात संपन्न*

सुराज्य सर्वांगीण विकास प्रकल्प आयोजित इयत्ता १० वी व १२ वी उत्तीर्ण विद्यार्थ्यांचा सत्कार समारंभ तसेच कॅरम व बुद्धिबळ स्पर्धेतील विजेत्यांचे बक्षीस वितरण कार्यक्रम शनिवार, दि. १३ जून २०२६ रोजी मोरया उद्यान, विद्यानगर, टिंगरे नगर, पुणे येथे उत्साहपूर्ण वातावरणात संपन्न झाला. कार्यक्रमास ८४ विद्यार्थी, २९ शिक्षक, समन्वयक तसेच विविध क्षेत्रातील मान्यवर उपस्थित होते.

कार्यक्रमाची सुरुवात भारतमाता पूजन व दीपप्रज्वलनाने झाली. प्रमुख पाहुणे व मुख्य वक्ते मा. प्रा. श्री. अनिल कुमार चौहान (संस्थापक, PACIS आंतरराष्ट्रीय शाळा व ज्युनिअर कॉलेज, लोहगाव) यांचे संस्थेचे संस्थापक सदस्य व संचालक श्री. विजय शिवले सर यांच्या हस्ते रौप्यमहोत्सवी "सुराज्य" पुस्तक व पुष्पगुच्छ देऊन स्वागत करण्यात आले. यावेळी येरवडा भाग सहसेवा प्रमुख श्री. प्रदीपजी मोदी, संस्थापक सदस्य श्री. निलेश ओव्हाळ, कोअर कमिटी सदस्य श्री. मुकुंद अय्यर तसेच इतर मान्यवर व्यासपीठावर उपस्थित होते.

कार्यक्रमाचे प्रास्ताविक श्री. दीपक सागर यांनी केले. त्यांनी संस्थेचे विविध उपक्रम, दहावी-बारावी शिक्षणाचे महत्त्व आणि आगामी योजनांची माहिती दिली. त्यानंतर श्री. अक्षय गाडे यांनी "आम्ही गड्या डोंगरचे राहणार" हे प्रेरणादायी गीत सादर करून विद्यार्थ्यांमध्ये उत्साह निर्माण केला.

यानंतर दहावी विशेष वर्ग, अभ्यासिका तसेच बारावीतील गुणवंत विद्यार्थ्यांचा गौरव करण्यात आला. दहावी विशेष वर्गातील निखिल जगदाळे (८२%), साई गायकवाड (८१.८०%) आणि स्वराज गवळी (७६%), अभ्यासिकेतील अदिती राठोड (९२%), महेश्वरी भोसले (८९%) आणि शगुन किरडे (८२.२०%), तर बारावीतील तेजल मोरे (७८%), वैष्णवी सातपुते (७२%) आणि सायली म्हस्के (७२%) या विद्यार्थ्यांचा विशेष सत्कार करण्यात आला. तसेच दहावी विशेष वर्गासाठी योगदान देणाऱ्या शिक्षकांचाही सन्मान करण्यात आला. विद्यार्थ्यांना शालेय बॅग, वह्या, फोल्डर व इतर शैक्षणिक साहित्य भेटस्वरूपात प्रदान करण्यात आले.

यानंतर प्रमुख वक्ते मा. प्रा. श्री. अनिल कुमार चौहान यांनी विद्यार्थ्यांना प्रवेश प्रक्रिया, करिअर निवड, जिद्द, चिकाटी, परिश्रम आणि योग्य दिशेने वाटचाल याविषयी मोलाचे मार्गदर्शन केले. त्यांनी स्वतःच्या अनुभवातून अनेक प्रेरणादायी उदाहरणे देत विद्यार्थ्यांना मोठी स्वप्ने पाहण्याचा व ती पूर्ण करण्यासाठी सातत्याने प्रयत्न करण्याचा संदेश दिला.

त्यानंतर भव्य क्रीडा महोत्सवांतर्गत आयोजित कॅरम व बुद्धिबळ स्पर्धेच्या बक्षीस वितरण सोहळ्याचे आयोजन करण्यात आले. स्पर्धांची प्रस्तावना व माहिती श्री. निंगप्पा यातनूर यांनी दिली.

कॅरम स्पर्धा (छोटा गट)
विजेता – विग्नेश गवळी
उपविजेता – आरव आराडे
उत्तेजनार्थ – रोनित कदम

कॅरम स्पर्धा (मोठा गट)
विजेता – स्वराज गवळी
उपविजेता – सम्राट त्रिभुवन
उत्तेजनार्थ – अर्चिता नायक

बुद्धिबळ स्पर्धा
विजेता – सम्राट त्रिभुवन
उपविजेता – स्वराज गवळी

सर्व विजेत्यांना ट्रॉफी प्रदान करून गौरविण्यात आले.

संपूर्ण कार्यक्रमाचे प्रभावी सूत्रसंचालन प्राची बावस्कर यांनी केले.

कार्यक्रमाचे आभार प्रदर्शन श्री. हेमंत कुसंगे यांनी केले. पसायदानाने कार्यक्रमाची सांगता झाली. त्यानंतर सर्व विद्यार्थी, शिक्षक व उपस्थित मान्यवरांसाठी अल्पोपहाराची व्यवस्था करण्यात आली होती.

– सुराज्य सर्वांगीण विकास प्रकल्प
#सुराज्य

सुराज्य सर्वांगीण विकास प्रकल्पआयोजित🎓 विद्यार्थी सत्कार समारंभ 🎓तसेच🏆 कॅरम व बुद्धिबळ स्पर्धा बक्षीस वितरण सोहळा 🏆शैक्ष...
09/06/2026

सुराज्य सर्वांगीण विकास प्रकल्प
आयोजित

🎓 विद्यार्थी सत्कार समारंभ 🎓
तसेच
🏆 कॅरम व बुद्धिबळ स्पर्धा बक्षीस वितरण सोहळा 🏆

शैक्षणिक वर्ष २०२५–२६ मध्ये संस्थांतर्गत विविध वस्त्यांमध्ये चालणाऱ्या अभ्यासिकांमधील
१० वी व १२ वी परीक्षेत उत्तीर्ण झालेल्या विद्यार्थ्यांचा गौरव सोहळा

तसेच

वर्धापन दिनानिमित्त आयोजित
कॅरम व बुद्धिबळ स्पर्धेतील विजेत्यांचे बक्षीस वितरण

📅 दिनांक : १३ जून २०२६
⏰ वेळ : सायंकाळी ४:०० वाजता
📍 स्थळ : मोरया उद्यान, रोड नं. ७, टिंगरे नगर, विद्यानगर, पुणे – ४११०३२

गुगल लोकेशन: https://maps.app.goo.gl/HjSXeH5n7dXbSANJ7

✨ “विद्यार्थ्यांचा सन्मान म्हणजे उज्ज्वल भविष्याचा गौरव!” ✨

धन्यवाद
सुराज्य सर्वांगीण विकास प्रकल्प

#सुराज्य

04/06/2026

शिवगर्जना | विद्यार्थी सहल - सिंहगड | सुराज्य सर्वांगीण विकास प्रकल्प

🚩 'दुर्ग दिना'निमित्त सिंहगड ऐतिहासिक सहल व दुर्गभ्रमण यशस्वीरित्या संपन्न 🚩सुराज्य सर्वांगीण विकास प्रकल्प यांच्या वतीन...
04/06/2026

🚩 'दुर्ग दिना'निमित्त सिंहगड ऐतिहासिक सहल व दुर्गभ्रमण यशस्वीरित्या संपन्न 🚩

सुराज्य सर्वांगीण विकास प्रकल्प यांच्या वतीने १ जून २०२६ ‘दुर्ग दिन’ निमित्त ऐतिहासिक किल्ले सिंहगड येथे शैक्षणिक व प्रेरणादायी सहलीचे आयोजन करण्यात आले होते. या सहलीमध्ये येरवडा, विश्रांतवाडी, विमान नगर यांसह एकूण ११ सेवा वस्त्यांतील इयत्ता ३ री ते १० वीच्या विद्यार्थ्यांनी उत्स्फूर्त सहभाग नोंदवला. एकूण १३६ विद्यार्थी, शिक्षक, समन्वयक व बी.पी.टी. विद्यार्थी या सहलीत सहभागी झाले होते.

या सहलीचा मुख्य उद्देश विद्यार्थ्यांना महाराष्ट्राचा समृद्ध इतिहास प्रत्यक्ष गडावर नेऊन अनुभवता यावा, गड संवर्धनाची जाणीव निर्माण व्हावी तसेच ट्रेकिंगच्या माध्यमातून साहसी वृत्ती विकसित व्हावी हा होता.

सर्व सहभागी सकाळी सिंहगडाच्या पायथ्याशी पोहोचल्यानंतर सुरक्षिततेच्या दृष्टीने गट विभागणी करण्यात आली व अल्पोपहारानंतर पायवाटेने ट्रेकिंग करत सिंहगड चढाईला सुरुवात झाली. गडावर पोहोचल्यानंतर विद्यार्थ्यांनी देवटाके येथे पाणी भरून घेतले तसेच एकत्र सहभोजन व विश्रांतीचा आनंद घेतला.

यानंतर सिंहगडावरील विविध ऐतिहासिक स्थळांचे दर्शन घेण्यात आले. नरवीर तानाजी मालुसरे यांच्या समाधीस्थळाला अभिवादन करण्यात आले. यावेळी दीपक सरांनी विद्यार्थ्यांना सिंहगडाचा इतिहास व ‘कोंढाणा’चे महत्त्व अतिशय सोप्या भाषेत समजावून सांगितले.

सहलीचे मुख्य आकर्षण म्हणजे शिवगर्जना, ऐतिहासिक पथनाट्य आणि पोवाडा हे होते. अक्षय गाडे यांनी जोशपूर्ण शिवगर्जना घेतली, तर बी.पी.टी. विद्यार्थ्यांनी तानाजी मालुसरे यांच्या पराक्रमावर आधारित पथनाट्य सादर करून इतिहास जिवंत केला. तसेच सादर झालेल्या पोवाड्याने उपस्थितांमध्ये उत्साहाचे वातावरण निर्माण झाले.

दिवसभराचा कार्यक्रम यशस्वीरित्या पार पडल्यानंतर सर्वजण सुखरूप पायथ्याशी उतरले व रात्री ९ वाजेपर्यंत सर्व विद्यार्थी आपल्या घरी सुरक्षित पोहोचले.

या सहलीमुळे विद्यार्थ्यांना पुस्तकी इतिहास प्रत्यक्ष अनुभवण्याची संधी मिळाली. तसेच त्यांच्यामध्ये स्वराज्य, राष्ट्रप्रेम, साहस आणि गड संवर्धनाची भावना निर्माण होण्यास मोठी मदत झाली.

— सुराज्य सर्वांगीण विकास प्रकल्प

📢 इयत्ता १० वीच्या विद्यार्थ्यांसाठी सुवर्णसंधी - प्रवेश मोफत! 📢🎯 १० वी बोर्ड परीक्षेच्या उत्तम तयारीसाठी... प्रवेश सुरू...
04/06/2026

📢 इयत्ता १० वीच्या विद्यार्थ्यांसाठी सुवर्णसंधी - प्रवेश मोफत! 📢

🎯 १० वी बोर्ड परीक्षेच्या उत्तम तयारीसाठी... प्रवेश सुरू! 🎯

घ्या यशाकडे उत्तुंग झेप, सुराज्य सर्वांगीण विकास प्रकल्प संचलित "स्वामी विवेकानंद अभ्यासिका" सोबत!

शैक्षणिक वर्ष २०२६-२७ साठी इयत्ता १० वीच्या विशेष अभ्यासिका वर्गाचे प्रवेश आता अधिकृतपणे सुरू झाले आहेत.

येरवडा आणि वडगावशेरी परिसरातील वस्त्यांमध्ये राहणाऱ्या गरजू आणि होतकरू विद्यार्थ्यांसाठी हा वर्ग पूर्णपणे मोफत (Free) चालवला जातो!

✨ अभ्यासिकेची प्रमुख वैशिष्ट्ये:

💯 दरवर्षी १००% निकाल: अनुभवी मार्गदर्शकांद्वारे विद्यार्थ्यांची परिपूर्ण तयारी.

📝 नियमित सराव परीक्षा: उत्तरपत्रिका लिहिण्याचा सराव आणि वेळेचे नियोजन.

📚 उत्तम वातावरण: अभ्यासासाठी शांत, एकाग्र आणि शिस्तबद्ध वातावरण.

📅 महत्त्वाची माहिती:

🗓️ वर्ग सुरू होण्याची तारीख: १५ जून २०२६ पासून

⏰ वेळ: सायंकाळी ६:०० ते रात्री ८:००

📍 ठिकाण: सुरभी कॉम्प्लेक्स, महाराष्ट्र हौसिंग बोर्ड, येरवडा, पुणे - ४११००६.

📝 प्रवेश कसा घ्यावा?
खालील गुगल फॉर्म लिंकवर क्लिक करून आपली माहिती आजच भरा आणि आपला प्रवेश निश्चित करा:

👉 प्रवेश अर्ज लिंक: https://forms.gle/MN3mSnX4rcQ61JvHA

📞 अधिक माहितीसाठी संपर्क:
📱 ९७३०२६०६६७
📱 ९८३४१०८९७४

सीमित जागा! आजच आपला अर्ज भरा आणि १० वीच्या प्रवासाची सुरुवात आत्मविश्वासाने करा! 🙏

🌿 सुराज्य सर्वांगीण विकास प्रकल्प 🌿रौप्य महोत्सवी वर्षानिमित्त आयोजित✨ आजी–माजी कार्यकर्ता स्नेह मेळावा ✨दिनांक १० मे २०...
14/05/2026

🌿 सुराज्य सर्वांगीण विकास प्रकल्प 🌿

रौप्य महोत्सवी वर्षानिमित्त आयोजित

✨ आजी–माजी कार्यकर्ता स्नेह मेळावा ✨

दिनांक १० मे २०२६ रोजी सुराज्य सर्वांगीण विकास प्रकल्पाच्या रौप्य महोत्सवी वर्षानिमित्त आयोजित “आजी–माजी कार्यकर्ता स्नेह मेळावा” उत्साहपूर्ण आणि भावनिक वातावरणात संपन्न झाला. सुमारे ८० कार्यकर्त्यांच्या उपस्थितीत हा स्नेहसोहळा पार पडला.

कार्यक्रमाची सुरुवात भारतमाता प्रतिमा पूजनाने झाली. त्यानंतर एकात्मता स्तोत्र –

“रत्नाकराधौतपदां हिमालयकिरीटिनीम् ।
ब्रह्मराजर्षिरत्नाढ्याम् वन्दे भारतमातरम् ॥”

यांच्या सामूहिक पठणाने वातावरण भारावून गेले.

यानंतर कार्यक्रमाचे प्रमुख पाहुणे मा. श्री. श्रीकांत मल्लारेडी (कार्यवाह, येरवडा भाग) यांचे स्वागत संस्थेचे अध्यक्ष मा. श्री. नरेश करपे यांच्या हस्ते करण्यात आले. तसेच कार्यक्रमास उपस्थित संस्थेचे सर्व संस्थापक सदस्य आणि कोअर टीम सदस्यांचेही स्वागत करण्यात आले.

कार्यक्रमाचे प्रास्ताविक संस्थेचे संस्थापक सदस्य व संचालक मा. श्री. विजय शिवले सर यांनी केले. त्यांनी कार्यक्रमामागील उद्देश, संस्थेची २५ वर्षांची वाटचाल आणि पुढील दिशा याविषयी उपस्थितांना मार्गदर्शन केले.

यानंतर गेली २५ वर्षे संस्थेच्या कार्यकर्त्यांमध्ये प्रेरणा निर्माण करणारे “जनसेवा ही ईश्वरभक्ती” हे पद्य श्री. दीपक सागर यांनी सादर केले. या माध्यमातून समाजकार्याच्या प्रवासातील अनेक आठवणी पुन्हा उजाळल्या गेल्या.

त्यानंतर संस्थेच्या २५ वर्षांच्या प्रेरणादायी प्रवासावर आधारित चित्रफित (व्हिडिओ डॉक्युमेंटरी) श्री. निंगप्पा यातनूर यांनी सादर आली. या चित्रफितीद्वारे उपस्थित कार्यकर्त्यांना संस्थेच्या सुरुवातीच्या दिवसांपासून आजपर्यंतच्या प्रवासातील अनेक क्षण पुन्हा अनुभवता आले.

यानंतर सौ. सविता भांगरे ताई यांनी संस्थेचा २५ वर्षांचा प्रवास अत्यंत प्रभावीपणे मांडला. संस्थेची सुरुवात, त्यामागील संघर्ष, विविध सामाजिक उपक्रम आणि आजपर्यंत झालेली प्रगती यांचा त्यांनी सविस्तर आढावा घेतला.

कार्यक्रमात जुन्या आठवणींना उजाळा देण्यासाठी त्या काळातील विविध घोषणाही देण्यात आल्या. “लाडी लाडी”, “हम तो सीताराम कहेंगे” यांसारख्या घोषणांमुळे जुन्या दिवसांची आठवण ताजी झाली आणि संपूर्ण वातावरण उत्साहाने भारावून गेले.

यानंतर संस्थेच्या विविध काळातील कार्यकर्त्यांच्या विशेष मुलाखती श्री. प्रशांत वाघ यांनी घेतल्या. यामध्ये सौ. यास्मिन शेख, श्री. रमेश रोडलबंडी, श्री. नेहल शिंदे, श्री. ललित साळुंखे, सौ. अश्विनी हेंद्रे आणि श्री. रुपेश देवरे यांनी आपल्या आठवणी, अनुभव, अडचणी, प्रेरणादायी प्रसंग आणि समाजकार्याच्या प्रवासातील अनुभव उपस्थितांसमोर मांडले. या संवादातून सध्याच्या कार्यकर्त्यांना नवी ऊर्जा आणि प्रेरणा मिळाली.

यानंतर प्रमुख पाहुणे मा. श्री. श्रीकांत मल्लारेडी यांनी “पंच परिवर्तन” या विषयावर मार्गदर्शन केले. त्यांनी –

• कुटुंब प्रबोधन
• पर्यावरण
• नागरी कर्तव्य (शिष्टाचार)
• समरसता
• स्वबोध

या विषयांवर अत्यंत प्रभावी विचार मांडले.

त्यानंतर संस्थेचे अध्यक्ष मा. श्री. नरेश करपे यांनी संस्थेच्या पुढील वाटचालीसंदर्भात मार्गदर्शन केले. विशेषतः समाजकार्यामध्ये तंत्रज्ञान, डिजिटल माध्यमे आणि कृत्रिम बुद्धिमत्ता (AI) यांचा प्रभावी वापर कसा करता येईल याविषयी त्यांनी मार्गदर्शन केले.

कार्यक्रमाच्या शेवटी संस्थेचे संस्थापक सदस्य आणि कोअर टीम सदस्य मा. श्री. निलेश ओव्हाळ यांनी आभार प्रदर्शन केले.

कार्यक्रमाचे सूत्रसंचालन श्री. दीपक सागर यांनी केले.

यावर्षी उपस्थित सर्व कार्यकर्त्यांचा प्रशस्तीपत्र देऊन सन्मान करण्यात आला. तसेच सर्वांसाठी आमरस व स्नेहभोजनाचा विशेष बेत ठेवण्यात आला होता. सर्व कार्यकर्त्यांनी स्नेहभोजनाचा मनापासून आनंद घेत एकमेकांशी संवाद साधला.

सर्व कोअर कमिटी सदस्य, समन्वयक, शिक्षक आणि कार्यकर्त्यांच्या अथक परिश्रमातून हा कार्यक्रम यशस्वीरीत्या संपन्न झाला.

✨ “जुन्या आठवणी, नवी उमेद” या भावनेने संपन्न झालेला हा स्नेहमेळावा सर्वांसाठी अविस्मरणीय ठरला. ✨

#सुराज्य_परिवार #स्नेहमेळावा #रौप्यमहोत्सवीवर्ष #समाजसेवा #सुराज्य

Address

Shop No. 23-24, Surbhi Complex. HSG. Board, Yerwada
Pune
411006

Opening Hours

Monday 11am - 8pm
Tuesday 11am - 8pm
Wednesday 11am - 8pm
Thursday 11am - 8pm
Friday 11am - 8pm
Saturday 11am - 8pm

Telephone

+919371060667

Website

Alerts

Be the first to know and let us send you an email when Surajya Prakalp posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Surajya Prakalp:

Shortcuts

Share

Category