अर्धसैनिक परिवार कल्याण असोशिएशन, महाराष्ट्र

17/10/2026

🇮🇳 CAPF जवानांना व त्यांच्या कुटुंबीयांना भेडसावणाऱ्या समस्या

१. कौटुंबिक समस्या

1. कौटुंबिक वाद व मतभेद
2. पत्नी व कुटुंबीयांशी संबंधित समस्या
3. मुलांच्या शिक्षणासंबंधी अडचणी
4. वृद्ध आई-वडिलांच्या देखभालीच्या समस्या
5. जवान ड्युटीवर असताना कुटुंबीयांना होणारा त्रास
6. कुटुंबीयांच्या सुरक्षिततेचा प्रश्न
7. कौटुंबिक हिंसाचार व छळ
8. कौटुंबिक जबाबदाऱ्या पार पाडताना येणाऱ्या अडचणी

२. जमीन व मालमत्तेसंबंधी समस्या

1. जमिनीवर अतिक्रमण
2. जमीन व हद्दीचे वाद
3. शेतात जाण्याचा रस्ता किंवा वहिवाट बंद करणे
4. जमीन बळकावणे किंवा बेकायदेशीर कब्जा
5. 7/12 उतारा व फेरफार नोंदींसंबंधी अडचणी
6. वारस नोंद व वारसाहक्काचे वाद
7. जमीन मोजणी व हद्द निश्चितीच्या समस्या
8. शेतीच्या जमिनीची बेकायदेशीर विक्री किंवा व्यवहार
9. ग्रामपंचायत व महसूल कार्यालयातील प्रलंबित प्रकरणे
10. जवान ड्युटीवर असताना त्याच्या अनुपस्थितीचा गैरफायदा घेणे

३. पोलीस व कायदेशीर समस्या

1. धमकी देणे व जीवे मारण्याची धमकी
2. मारहाण व शारीरिक हल्ले
3. फसवणूक व आर्थिक गैरव्यवहार
4. मालमत्तेसंबंधी कायदेशीर वाद
5. कौटुंबिक हिंसाचार व छळ
6. पोलीस ठाण्यात तक्रार दाखल करण्यासंबंधी अडचणी
7. FIR नोंदवून घेण्यासंबंधी समस्या
8. तक्रारीवर कारवाई न होणे
9. कायदेशीर मार्गदर्शन मिळण्यात अडचणी
10. स्थानिक पातळीवर न्याय मिळवताना येणाऱ्या अडचणी

४. निवृत्त CAPF जवानांच्या समस्या

1. पेन्शनसंबंधी अडचणी
2. निवृत्ती लाभ मिळण्यास विलंब
3. वैद्यकीय सुविधा व उपचारांसंबंधी समस्या
4. सेवा पुस्तिका व सेवा कागदपत्रांतील त्रुटी
5. प्रलंबित शासकीय लाभ
6. पुनर्वसन व पुनर्नियोजनाच्या समस्या
7. रोजगार व नोकरीतील आरक्षणासंबंधी अडचणी
8. वयोमर्यादेतील सवलतींसंबंधी समस्या
9. जमीन व मालमत्तेसंबंधी वाद
10. कौटुंबिक व कायदेशीर अडचणी
11. शासकीय कार्यालयांमध्ये प्रलंबित अर्ज व तक्रारी
12. निवृत्त जवानांच्या हक्कांबाबत माहितीचा अभाव.

ह्या सर्व समस्या सोडवण्यासाठी त्या जवानाला एकट्यालाच लढावं लागत. याच समाधान एकच आहे एकमेकांच्या संकटात सर्व सभोवतालचे CAPF जवान एकत्र पिडीत जवानाच्या सोबत उभे राहायचे. #संघटित

09/10/2026

जय हिंद 👮🏻‍♂️

शिस्त, नियम आणि जवानांचा हक्क — एक सामूहिक आवाहन

सकाळच्या मार्निंगपासून ते रोलकॉलपर्यंत,
ड्युटीवर रुजू झाल्यापासून ते सुट्टीवर जाण्यापर्यंत—
CAPF जवानाच्या आयुष्यात एकच गोष्ट सातत्याने शिकवली जाते—

“Discipline, Rules & Regulations.”

नियमांचे पालन करा, आदेशांचे पालन करा, शिस्त राखा—
हे जवानाच्या सेवाजीवनाचा अविभाज्य भाग असतो.

जवानाला शिकवले जाते की, नियम व्यक्तीनुसार बदलत नाहीत; परिस्थिती कोणतीही असो, कर्तव्य आणि शिस्त सर्वोच्च असते.

पण समाज आणि जवानांच्या प्रश्नांवर काम करताना एक वेगळीच बाजू आमच्या अनुभवास येते.

CAPF जवानांच्या विविध समस्या आणि तक्रारी आमच्या संस्थेकडे सातत्याने येत असतात.
त्या तक्रारींच्या निराकरणासाठी संबंधित अधिकारी व प्रशासनातील व्यक्तींशी संवाद साधण्याची, चर्चा करण्याची आणि पाठपुरावा करण्याची वेळ येते.

अशा वेळी केवळ कागदावरील नियम नव्हे, तर त्या नियमांकडे प्रत्यक्ष व्यवहारात कसे पाहिले जाते, त्यांची अंमलबजावणी कशी केली जाते आणि निर्णय घेताना कोणता दृष्टिकोन ठेवला जातो, याचा अनुभव आम्हाला मिळतो.

आणि तिथेच एक गंभीर प्रश्न मनात निर्माण होतो—

सर्वांच्या कल्याणासाठी बनवलेला नियम एखाद्या सामान्य जवानाच्या हक्कासाठी लागू करण्याची वेळ आली, आणि त्या नियमामुळे स्वतःचा स्वार्थ किंवा सोय साधली जात नसेल, तर त्याच नियमातून पळवाट शोधण्याची मानसिकता का निर्माण होते?

नियम हा सामान्य माणसासाठी कठोर आणि स्वतःच्या सोयीच्या वेळी लवचिक—
अशी दुहेरी भूमिका निर्माण झाली, तर जवानाला शिकवली जाणारी शिस्त आणि प्रत्यक्ष व्यवस्थेतील व्यवहार यांच्यात मोठी दरी निर्माण होते.

जवान मात्र आपल्या आयुष्याच्या प्रत्येक टप्प्यावर नियम पाळतो.

कधी स्वतःच्या सोयीचा विचार न करता आदेशाचे पालन करतो,
कधी कुटुंबापासून दूर राहतो,
कधी प्रतिकूल परिस्थितीतही कर्तव्य बजावतो,
तर कधी स्वतःच्या अडचणी बाजूला ठेवून देशाच्या सुरक्षेला प्राधान्य देतो.

म्हणूनच त्याची अपेक्षा फार मोठी नाही.

त्याला विशेष सवलत नको, विशेष अधिकार नको—
त्याला फक्त त्याचा हक्क नियमाप्रमाणे, न्यायाने आणि सन्मानाने मिळावा.

ज्या नियमांचे पालन जवान करतो,
तेच नियम त्याच्या हक्कांच्या वेळीही प्रामाणिकपणे आणि समानतेने लागू झाले पाहिजेत.

कारण नियमांची खरी ताकद त्यांच्या कठोरतेत नसते;
तर ते कोणत्याही व्यक्तीच्या पद, प्रभाव, संबंध किंवा स्वार्थापलीकडे जाऊन समानपणे लागू करण्यात असते.

आज CAPF जवानांच्या तक्रारी सोडवताना आम्हाला वारंवार जाणवते की—

समस्या नेहमी नियमांमध्ये नसते;
कधी कधी समस्या नियमांकडे पाहण्याच्या दृष्टिकोनात असते.

आणि म्हणूनच प्रत्येकाने स्वतःला एक प्रश्न विचारायला हवा—

“नियम माझ्या फायद्यासाठी असतील तेव्हा मी त्यांचे समर्थन करतो;
पण ते माझ्या स्वार्थाच्या आड येतील तेव्हा त्यातून पळवाट शोधतो का?”

या प्रश्नाचे प्रामाणिक उत्तर जर आपण स्वतःला दिले, तर शिस्त, न्याय आणि नियमांच्या समान अंमलबजावणीचा खरा अर्थ आपल्याला समजेल.

आता गरज आहे ती केवळ विचार करण्याची नाही—तर कृती करण्याची.

एका जवानाची समस्या ही केवळ त्या एका जवानाची समस्या नसते.
आज त्याच्यासमोर उभी असलेली अडचण उद्या तुमच्यासमोर, तुमच्या सहकाऱ्यासमोर किंवा तुमच्या कुटुंबासमोरही उभी राहू शकते.

म्हणून आपल्या हक्कांबाबत जागरूक व्हा.
आपल्या सहकाऱ्याच्या अडचणीत त्याच्या पाठीशी उभे राहा.
अन्याय किंवा नियमांच्या असमान अंमलबजावणीचा अनुभव आल्यास मौन बाळगू नका; योग्य, वैधानिक आणि शिस्तबद्ध मार्गाने आवाज उठवा.

आपली समस्या योग्य मंचावर मांडा.
आवश्यक पुरावे जतन करा.
कायदेशीर आणि प्रशासकीय मार्गांचा वापर करा.
आणि न्याय मिळेपर्यंत शांत, संयमी पण ठामपणे पाठपुरावा करा.

कारण—

एकाचा प्रश्न वैयक्तिक असू शकतो;
पण त्याच प्रश्नावर अनेकजण एकत्र उभे राहिले, तर तो सामूहिक हक्काचा विषय बनतो.

ही लढाई कोणत्याही व्यक्तीविरुद्ध नाही.
ही लढाई अन्यायाविरुद्ध, असमानतेविरुद्ध आणि नियमांच्या दुहेरी निकषांविरुद्ध आहे.

आपल्याला व्यवस्था तोडायची नाही;
व्यवस्था अधिक न्याय्य, पारदर्शक, संवेदनशील आणि उत्तरदायी व्हावी यासाठी प्रयत्न करायचे आहेत.

म्हणून चला—

जागरूक होऊया.
एकत्र येऊया.
आपले हक्क जाणून घेऊया.
सहकाऱ्यांच्या हक्कासाठीही उभे राहूया.
आणि प्रत्येक प्रश्नाला कायदेशीर, शिस्तबद्ध व लोकशाही मार्गाने योग्य व्यासपीठावर घेऊन जाऊया.

कारण—

एक जवानाचा आवाज दुर्लक्षित होऊ शकतो;
पण जागरूक, शिस्तबद्ध आणि संघटित जवानांचा आवाज दुर्लक्षित करणे सोपे नसते.

🇮🇳 शिस्त आमची ओळख.
कर्तव्य आमचा धर्म.
एकजूट आमची शक्ती.
न्यायासाठीचा संघर्ष आमची बांधिलकी.
आणि प्रत्येक जवानाचा सन्मान—आमचा सामूहिक संकल्प!

“जवानाला विशेष सवलत नको;
त्याला फक्त त्याचा हक्क नियमाप्रमाणे हवा आहे.”

जय हिंद जय महाराष्ट्र 🇮🇳

संस्थापक कार्यकारी मंडळ,
अर्धसैनिक परिवार कल्याण असोसिएशन, महाराष्ट्र

04/10/2026

*संत फौज्या महाराज म्हणे -

सत्य न्याय हक्कापायीं । कोणी भांडतसे जन ।
तेथे जवानांनी आपुले । द्यावे खुले समर्थन ॥१॥

आम्ही कोणाचे खाऊनि । झालो नाही मिंदे ।
खोट्यासी खोटे म्हणावया । मान ताठचि असु द्यावी ॥२॥

वर्दी अंगी शोभतसे । परी आत्मा विकू नये ।
अन्याय देखोनि डोळा । मौन कदा धरू नये ॥३॥

फौज्या म्हणे जवानाहो । भय टाका समूळ ।
सत्याचिया बाजूसंगे । उभे रहा निर्भय ॥४॥_*

02/10/2026

अर्धसैनिक परिवार कल्याण असोसिएशन, महाराष्ट्र* च्या वतीने एका बापाची व्यथा... एका जवानाचे सत्य!

--------------

NDTV नुसार कठुआत जे घडलं... ते फक्त 4 मृत्यू नाहीत, तर एका बापाचा आक्रोश होता जो कोणी ऐकलाच नाही.*

विचार करा...
नवरा-बायको दोघेही देशासाठी ड्युटीवर. दोघेही हेड कॉन्स्टेबल. शिफ्ट वेगवेगळ्या. घरी लहान मूल रडतंय... त्याला सांभाळायला कोणी नाही.

एक बाप आपल्या लेकराला छातीशी धरून ड्युटीवर येतो... एका हातात रायफल, दुसऱ्या हातात आपल्या काळजाचा तुकडा. तो गुन्हा करतोय का? तो फक्त त्याच्या बायकोकडे मूल सोपवायला आलाय.

पण साहेबांना हे नाही दिसलं. साहेबांना दिसली ती फक्त "तक्रार" करण्याची संधी.

अरे साहेब, एकदा त्या बापाच्या जागी स्वतःला ठेवून पाहिलं असतं तर?*
त्याला चार शब्द मायेचे दिले असते, त्याच्या मुलासाठी पाळणाघराची सोय केली असती, तर आज 5 घरं उजाडली नसती. आज आम्हाला 4 जवानांना श्रद्धांजली द्यावी लागली नसती.

::हे आहे CAPF जवानाचं EMOTIONAL TRUTH :-

आज जवान सीमेवर गोळीने मरत नाही, तर आतल्या सिस्टमने मरतोय.

*MESS मध्ये* जवानाच्या घासातून कमिशन खाल्लं जातं. CIVIL सप्लायर कडून टक्केवारी घेऊन निकृष्ट जेवण दिलं जातं. जवान फक्त गप्प सहन करतो.

*WELFARE... ACCOMMODATION...* हे शब्द फक्त दिल्लीच्या फाईलीत चांगले वाटतात. GC, BN, Transit Camp मध्ये प्रत्यक्षात जवान जनावरासारखा राहतो. चांगल्या सुविधा फक्त अधिकाऱ्यांच्या बंगल्यासाठी.

आणि जर कोणी तोंड उघडलंच तर? त्याची अवस्था तेज बहादूर सारखी केली जाते. चोराची तक्रार चोराकडेच करायची, तर न्याय मिळणार कसा?

तो जवान राक्षस नव्हता... तो एक हतबल बाप होता, ज्याला सिस्टमने गुन्हेगार बनवलं.

या घटनेला जबाबदार फक्त अवधेश नाही, तर ती मुजोर व्यवस्था आहे जी जवानाला माणूसच समजत नाही.

*सरकार जागे होईल का?*

भावपूर्ण श्रद्धांजली त्या 4 निष्पाप जवानांना... आणि त्या लेकरालाही, ज्याने बालपणातच बाप गमावला. 💔

*- अर्धसैनिक परिवार कल्याण असोसिएशन, महाराष्ट्र*
* *

Jawan Who Killed 4 Colleagues In J&K Had Argued Over Bringing Child To Office

Four CISF personnel were killed after their colleague -- Head Constable Avdesh Kumar Singh -- fired 18 rounds from his service weapon after an argument.

27/05/2026

📢 अर्धसैनिक परिवार कल्याण असोसिएशन, महाराष्ट्र 📢

॥ जय हिंद, जय महाराष्ट्र ॥

🔥 जवानाच्या न्यायासाठी पोलिसांशी भिडणाऱ्या ITBP च्या वाघाला महाराष्ट्र अर्धसैनिक परिवाराचा कडक सॅल्यूट! 🔥
देशाच्या सीमा सुरक्षित ठेवणाऱ्या एका जवानाच्या आईवर रुग्णालयाच्या हलगर्जीपणामुळे हात कापण्याची वेळ येते... आणि दुर्दैवाने तो जवान ३ दिवस आपल्या आईचा कापलेला हात प्लास्टिकच्या डब्यात घेऊन FIR दाखल करण्यासाठी उत्तर प्रदेश पोलिसांचे उंबरठे झिजवतो! ही अत्यंत लाजीरवाणी आणि संतापजनक बाब आहे.
स्थानिक पोलीस आणि आरोग्य प्रशासनाने (CMO) संगनमत करून खाजगी रुग्णालयाला दिलेली 'क्लीन चिट' ही संपूर्ण व्यवस्थेचा बुरखा टराटरा फाडणारी होती.
रुग्णालयाची मनमानी आणि पोलिसांची दडपशाही मोडून काढण्यासाठी मैदानात उतरले - ITBP चे कमांडंट गौरव प्रसाद! 🫡
आपल्या जवानाचा सन्मान आणि कुटुंबाचा अधिकार जपण्यासाठी त्यांनी स्वतः आपल्या ५० सशस्त्र सहकाऱ्यांसह कानपूर पोलीस आयुक्तांच्या कार्यालयाला वेढा घातला. त्यांनी दाखवून दिले की, केंद्रीय अर्धसैनिक दल (CAPF) हा केवळ एक विभाग नाही, तर तो एक 'परिवार' आहे! आणि परिवारावर संकट आल्यास अधिकारी आपल्या सैनिकाला कधीही एकटे सोडत नाहीत.
अर्धसैनिक परिवार कल्याण असोसिएशन, महाराष्ट्र ची स्पष्ट भूमिका:
1️⃣ दोषींवर कठोर कारवाई व्हावी: ज्या डॉक्टरांच्या बेजबाबदारपणामुळे जवानाच्या आईला अपंगत्व आले, त्यांच्यावर तात्काळ फौजदारी गुन्हे दाखल करून कडक कारवाई झाली पाहिजे.
2️⃣ असोसिएशन कमांडंट यांच्या पाठीशी: जर या न्याय्य लढ्यासाठी कमांडंट गौरव प्रसाद यांच्यावर कोणत्याही प्रकारची प्रशासकीय किंवा राजकीय दबावातून कारवाई करण्याचा प्रयत्न झाला, तर संपूर्ण देशातील अर्धसैनिक परिवार याविरोधात रस्त्यावर उतरेल.
कमांडंट गौरव प्रसाद यांच्यासारखे कर्तव्यदक्ष अधिकारी हेच भारतीय सैन्याचे खरे बलस्थान आहेत. त्यांच्या या धाडसामुळे शेवटी का होईना, प्रशासनाला गुडघे टेकावे लागले आणि पुन्हा चौकशीचे आदेश द्यावे लागले.
कमांडंट गौरव प्रसाद आगे बढो, संपूर्ण अर्धसैनिक परिवार तुमच्या सोबत आहे! 💪🇮🇳🪖

संस्थापक कार्यकारी मंडळ.
📌 - अर्धसैनिक परिवार कल्याण असोसिएशन, महाराष्ट्र
------------------------------

26/05/2026

🇮🇳 अर्धसैनिक परिवार कल्याण असोसिएशन, महाराष्ट्र 🇮🇳
👉 खास अधिकृत माहितीपत्रक: 'CAPF सामान्य प्रशासन विधेयक, २०२६' जवानांच्या हिताचे कसे आहे?
केंद्रीय सशस्त्र पोलीस दलाच्या (CAPF) प्रशासकीय सुधारणांसाठी संसदेने मंजूर केलेले 'केंद्रीय सशस्त्र पोलीस दल (सामान्य प्रशासन) विधेयक, २०२६' हे आपल्या देशाच्या आणि विशेषतः आपल्या लाखो आघाडीवर लढणाऱ्या जवानांच्या (NGO Ranks) हिताचे ठरणार आहे.
असोसिएशनच्या वतीने या कायद्यातील जवानांच्या आणि प्रशासनाच्या हिताचे प्रमुख सकारात्मक मुद्दे खालीलप्रमाणे प्रसिद्ध करण्यात येत आहेत:
⚙️ १. पारदर्शक प्रशासन आणि गतिमान कारभार:
या एकाच छत्र कायद्यामुळे (Unified Law) पाचही निमलष्करी दलांमधील (CRPF, BSF, CISF, ITBP, SSB) जुने विखुरलेले नियम संपून एक सुटसुटीत प्रशासकीय व्यवस्था निर्माण होईल. यामुळे जवानांच्या बदल्या, सुट्ट्या आणि दैनंदिन अर्जांचा निपटारा वेळेत होईल.
📈 २. पदोन्नती प्रक्रियेतील अडथळे दूर होणार:
नवीन केडर मॅनेजमेंट नियमांमुळे खालच्या रँकच्या (Constable ते Inspector) जवानांच्या पदोन्नती प्रक्रियेला गती मिळेल. प्रशासकीय स्पष्टतेमुळे केडर रिव्ह्यू वेळेवर होऊन जवानांसाठी भविष्यात अधिक पदे उपलब्ध होतील.
💰 ३. आर्थिक लाभ आणि भत्ते सुरक्षित:
नवीन कायद्यानुसार जवानांना मिळणारे सर्व जुने आर्थिक लाभ, जोखीम भत्ते (Risk Allowances) आणि कल्याणकारी योजना सुरक्षित राहतील. सर्व दलांमधील अंतर्गत वेतन विसंगती दूर होण्यास मदत होईल.
🤝 ४. ऑन-ड्यूटी सुरक्षा आणि राज्यांशी उत्तम समन्वय:
सर्वोच्च पातळीवर आयपीएस (IPS) अधिकाऱ्यांच्या अनुभवी नेतृत्वामुळे, नक्षलवाद विरोधी मोहिमा किंवा अंतर्गत सुरक्षेच्या वेळी स्थानिक राज्य पोलीस आणि केंद्रीय जवान यांच्यात उत्कृष्ट ताळमेळ राहील. यामुळे प्रत्यक्ष मैदानात लढणाऱ्या जवानांची सुरक्षितता अधिक मजबूत होईल.
⚖️ ५. तक्रार निवारण यंत्रणा अधिक मजबूत:
जवानांच्या सेवा शर्तींचे नियमन थेट एकाच केंद्रीय चौकटीत आल्यामुळे जवानांच्या तक्रारींचे (Grievance Redressal) सर्वोच्च पातळीवर जलद आणि निष्पक्षपणे निवारण केले जाईल.
------------------------------
अर्धसैनिक परिवार कल्याण असोसिएशन, महाराष्ट्र नेहमीच देशाच्या सुरक्षेसाठी आणि आपल्या वीर जवानांच्या न्याय्य हक्कांसाठी कटिबद्ध आहे! सरकारचे हे पाऊल जवानांचे मनोधैर्य वाढवणारे ठरेल, अशी आम्हास आशा आहे.
जय हिंद! जय जवान! 🫡
------------------------------

26/05/2026

जय हिंद जय महाराष्ट्र 🇮🇳

सर्व CAPF जवान व परिवार यांना नमस्कार.

--------------------------
📊 जुनी पेन्शन योजना (OPS) विरुद्ध राष्ट्रीय पेन्शन प्रणाली (NPS) - फायदे आणि नुकसान
--------------------------
🛡️ भाग १: जुनी पेन्शन योजना (OPS - Old Pension Scheme)
ही योजना १ जानेवारी २००४ पूर्वी भरती झालेल्या कर्मचाऱ्यांसाठी होती.
✅ फायदे (Advantages):

* निश्चित पेन्शनची हमी: सेवानिवृत्त होताना जवानाला त्याच्या शेवटच्या मूळ वेतनाच्या (Basic Salary) ५०% रक्कम निश्चित पेन्शन म्हणून मिळते.
* पगारातून कपात नाही: जवानाच्या मासिक पगारातून पेन्शनसाठी एक रुपयाही कापला जात नाही. सर्व खर्च सरकार आपल्या तिजोरीतून करते.
* महागाई भत्त्याचा (DA) लाभ: केंद्र सरकार जेव्हा जेव्हा महागाई भत्ता (Dearness Allowance) वाढवते, तेव्हा पेन्शनधारकांच्या पेन्शनमध्येही वाढ होते. त्यामुळे महागाई वाढली तरी फरक पडत नाही.
* सुरक्षित फॅमिली पेन्शन: जवानाच्या मृत्यूनंतर त्याच्या पत्नीला किंवा आश्रितांना नियमानुसार पेन्शन (Family Pension) चालू राहते.
* वेतन आयोगाचा लाभ: नवीन वेतन आयोग (उदा. ८ वा वेतन आयोग) लागू झाल्यास मूळ पेन्शनमध्ये थेट वाढ होते.
* भविष्य निर्वाह निधी (GPF): जवानांना जीपीएफची सुविधा मिळते, ज्यावर सरकार सुरक्षित आणि चांगला व्याजदर देते.

❌ नुकसान (Disadvantages - सरकारच्या दृष्टीने):

* खजिन्यावर भार: जवानांसाठी वैयक्तिक कोणतेही नुकसान नाही, परंतु सर्व खर्च सरकारला स्वतः करावा लागत असल्यामुळे सरकारी तिजोरीवर आर्थिक ताण पडतो, असा सरकारचा युक्तिवाद आहे.

--------------------------
⚠️ भाग २: राष्ट्रीय पेन्शन प्रणाली (NPS - National Pension System)
ही योजना १ जानेवारी २००४ नंतर भरती झालेल्या सर्व CAPF जवानांवर सक्तीने लादण्यात आली आहे.
✅ फायदे (Advantages - नावापुरते):

* कर सवलत (Tax Benefit): पगारातून कापल्या जाणाऱ्या १०% रकमेवर आयकर (Income Tax) कायद्यांतर्गत काही प्रमाणात सूट मिळते.
* निधी व्यवस्थापक निवडण्याची मुभा: जवान आपला पैसा कोणत्या फंड मॅनेजरकडे किंवा सरकारी बाँड्समध्ये गुंतवायचा, हे काही प्रमाणात ठरवू शकतात.
* फंड ट्रान्सफर: जवान एका दलातून दुसऱ्या दलात किंवा इतर सरकारी नोकरीत गेल्यास त्यांचे पीआरएएन (PRAN) अकाउंट आणि निधी तसाच पुढे चालू राहतो.

❌ नुकसान (Disadvantages - जवानांचे मोठे नुकसान):

* पगारातून सक्तीची कपात: दर महिन्याला जवानाच्या मूळ पगारातून आणि महागाई भत्त्यातून १०% रक्कम सक्तीने कापली जाते.
* पेन्शनची कोणतीही हमी नाही: निवृत्तीनंतर पेन्शन किती मिळेल, याची कोणतीही निश्चित हमी (No Assured Pension) नसते. ते पूर्णपणे शेअर मार्केटच्या चढ-उतारावर अवलंबून असते.
* तुटपुंजी पेन्शन: बाजारातील जोखमीमुळे सध्या एनपीएस (NPS) मधून निवृत्त होणाऱ्या जवानांना अवघी ₹२,००० ते ₹४,००० प्रतिमहिना पेन्शन मिळत आहे, जी जगण्यासाठी अत्यंत अपुरी आहे.
* महागाई भत्त्याचा (DA) लाभ नाही: एनपीएस अंतर्गत मिळणाऱ्या पेन्शनवर दर ६ महिन्यांनी वाढणारा सरकारी महागाई भत्ता (DA) मिळत नाही. यामुळे भविष्यात महागाई वाढली, तरी पेन्शन तेवढीच राहते.
* वेतन आयोगाचा फायदा नाही: नवीन वेतन आयोग लागू झाला, तरी एनपीएस पेन्शनधारकांना त्याचा कोणताही फायदा मिळत नाही.
* पैशांची ब्लॉक चेन: निवृत्तीच्या वेळी जमा झालेल्या रक्कमेपैकी फक्त ६०% रक्कम जवानाला रोख मिळते. उर्वरित ४०% रक्कम सरकारकडेच ब्लॉक राहते (अ‍ॅन्युइटी खरेदीसाठी), ज्यावर मिळणाऱ्या व्याजातून ती तुटपुंजी पेन्शन दिली जाते.
* जीपीएफ (GPF) सुविधा नाही: २००४ नंतरच्या जवानांना सुरक्षित भविष्य निर्वाह निधीची (GPF) सुविधा उपलब्ध नाही.

-------------------------
💡 थोडक्यात सांगायचे तर:

* OPS म्हणजे: जवानाच्या संपूर्ण कुटुंबासाठी आयुष्यभराची '१००% सामाजिक आणि आर्थिक सुरक्षा'.
* NPS म्हणजे: जवानाच्या कष्टाचा पैसा 'शेअर मार्केटच्या जोखमीच्या स्वाधीन' करणे आणि म्हातारपण अंधारात ढकलणे.

हाच तो भेदभाव आहे जो आपल्या अर्धसैनिक जवानांचे भविष्य असुरक्षित करत आहे. हा तक्ता आणि माहिती जास्तीत जास्त जवानांच्या कुटुंबांपर्यंत पोहोचवा, जेणेकरून त्यांना आपल्या लढ्याचे महत्त्व समजेल!
📌 संस्थापक कार्यकारी मंडळ,
अर्धसैनिक परिवार कल्याण असोसिएशन.

22/05/2026

*विषय: BAJAJ FINANCIAL DISTRIBUTORS LTD मार्फत माजी CAPF जवानांसाठी नोकरीची संधी – अधिकृत सूचना*

अर्धसैनिक परिवार कल्याण असोसिएशन, महाराष्ट्र मार्फत सर्व माजी CAPF जवानांना कळविण्यात येते की, Bajaj Financial Distributors Ltd (BFDL), पुणे येथे सुरक्षा रक्षक / वाहनचालक या पदांसाठी माजी सैनिक व माजी CAPF जवानांची तातडीने भरती करण्यात येत आहे.

सद्यस्थितीत केंद्र शासन अथवा महाराष्ट्र राज्य शासनाच्या कोणत्याही शासकीय, निमशासकीय किंवा नामांकित खाजगी आस्थापनांमध्ये 20 वर्षे सेवा पूर्ण करून सेवानिवृत्त झालेल्या CAPF जवानांसाठी नोकरीमध्ये विशेष आरक्षणाची तरतूद उपलब्ध नाही.

अशा परिस्थितीत, संस्थेचे मुख्य कार्यकारी अधिकारी मा. श्री. संदीप रामचंद्र कडुसकर यांनी CAPF जवानांच्या कल्याणासाठी BAJAJ FINANCIAL DISTRIBUTORS LTD व्यवस्थापनाकडे प्रभावीपणे बाजू मांडून, आकर्षक वार्षिक पॅकेजसह सदर नोकरीच्या संधी उपलब्ध करून दिल्या आहेत.

*पदाचा तपशील*
- *पद*: सुरक्षा रक्षक / वाहनचालक
- *स्थान*: येरवडा, पुणे
- *वेतन*: ₹6.88 LPA + पेट्रोल भत्ता, स्वतः व कुटुंबासाठी वैद्यकीय विमा, संपूर्ण गणवेश किट

*पात्रता व अटी*
- *पात्रता*: माजी सैनिक/माजी CAPF, वैध डिस्चार्ज प्रमाणपत्र आवश्यक
- *वयोमर्यादा*: 31 मे 2026 रोजी 45 वर्षांपर्यंत
- *परवाना*: वैध 4-चाकी वाहन परवाना (Manual/Automatic) अनिवार्य
- *शारीरिक पात्रता*: शारीरिक व वैद्यकीयदृष्ट्या तंदुरुस्त असणे आवश्यक

*निवड प्रक्रिया*: शारीरिक क्षमता चाचणी, वाहन चालक चाचणी, वैद्यकीय तपासणी, कागदपत्र पडताळणी व लेखी परीक्षा

*महत्त्वाच्या तारखा*
- *अर्ज करण्याची अंतिम तारीख*: 10 जून 2026
- *भरती कालावधी*: 15 जून 2026 ते 25 जून 2026 दरम्यान, पुणे

इच्छुक माजी CAPF जवानांनी जाहिरातीत नमूद केलेला विहित नमुन्यातील अर्ज PDF स्वरूपात भरून संस्थेचे मुख्य कार्यकारी अधिकारी मा. श्री. संदीप रा. कडुसकर यांच्या मोबाईल क्रमांक 7503022027 किंवा ईमेल [email protected] वर पाठवावा.

अर्धसैनिक परिवार कल्याण असोसिएशन, महाराष्ट्र CAPF जवानांच्या कल्याणासाठी सदैव कटिबद्ध आहे.

धन्यवाद.

संस्थापक कार्यकारी मंडळ
अर्धसैनिक परिवार कल्याण असोसिएशन, महाराष्ट्र

22/04/2026

*महाराष्ट्राचा गौरव आणि कर्तव्यनिष्ठेचा जागर*महाराष्ट्राच्या मातीत स्वराज्याचा, स्वाभिमानाचा आणि त्यागाचा इतिहास कोरला गेला आहे. छत्रपती शिवाजी महाराजांपासून ते आजच्या सीमेवरील प्रत्येक सैनिकापर्यंत, मराठी माणसाने देशप्रेम, निष्ठा आणि बलिदानाची परंपरा अखंड जपली आहे. ही परंपरा केवळ इतिहासाच्या पानांवर नाही, तर आजही देशाच्या प्रत्येक कानाकोपऱ्यात तैनात असलेल्या महाराष्ट्र सुपुत्रांच्या शौर्यातून जग अनुभवत आहे.महाराष्ट्रातील केंद्रीय सशस्त्र पोलीस दलाचे जवान – हिमालयाच्या बर्फाळ शिखरांपासून ते वाळवंटातील तप्त सीमेपर्यंत, दहशतवादग्रस्त खोऱ्यांपासून ते नक्षलग्रस्त जंगलांपर्यंत – प्राणांची बाजी लावून उभे आहेत. भारतमातेची अखंडता अबाधित राहावी, देशांतर्गत शांतता नांदावी आणि बाह्य आक्रमणाचा प्रत्येक वार परतवून लावावा, या एकाच ध्येयाने ते अहोरात्र कर्तव्यावर तटस्थ आहेत.त्यांचा हा त्याग केवळ वर्दीपुरता मर्यादित नाही, तर तो महाराष्ट्राच्या संस्कारांचा, आई-वडिलांच्या शिकवणीचा आणि मातीशी असलेल्या नाळेचा हुंकार आहे. प्रत्येक जवानाच्या हृदयात ‘राष्ट्र प्रथम’ हा मंत्र कोरलेला आहे आणि त्यासाठी सर्वोच्च बलिदान देण्याची तयारी त्यांनी जन्मापासूनच केली आहे.*महाराष्ट्रातील जनतेला आमचे आवाहन आहे* – आपल्या या वीर सुपुत्रांच्या पाठीशी खंबीरपणे उभे राहा. त्यांच्या कुटुंबियांची काळजी घेणे, त्यांच्या समस्यांना वाचा फोडणे आणि त्यांना सन्मानाची वागणूक देणे, हे आपले राष्ट्रीय कर्तव्य आहे. कारण सीमेवर लढणारा जवान निर्धास्त राहिला, तरच देश सुरक्षित राहील.*जय हिंद! जय महाराष्ट्र!

21/08/2025

जय हिंद जय महाराष्ट्र

संस्थेचे खान्देश विभाग प्रमुख व वाद निवारण अधिकारी (DSO) श्री सुरेश पाटील यांच्याद्वारे जळगांव चे CRPF जवान उपनिरीक्षक/जी0डी0 मकसूद खान व त्यांचे शेजारी शेतकरी माळी, पाटील यांच्यामध्ये शेतामधून जाणाऱ्या रस्त्याचे वाद अनैक वर्षांपासून चालू होते. सदर विषयी संबंधी संस्थेकडे CRPF जवान उपनिरीक्षक/जी0डी0 मकसूद खान यांनी या विषयावर ठाम असे पर्यायी मार्ग काढून भेटावे असे संस्थेकडे रीतसर तक्रार अर्ज सादर केले. सदर तक्रार अर्जाचे गांभीर्याने दखल घेत संस्थेचे वाद निवारण अधिकारी श्री सुरेश पाटील सरांनी तात्काळ सदर विवाद स्थळी भेट दिले व दोन्ही पक्ष कारांची बाजु ऐकत आमोरा समोर समंजस पणाने पर्यायी मार्ग काढून दिले. त्या नंतर दोन्ही पक्षकारांनी आपले ते मान्य करत सहमती दर्शवली. त्या प्रसंगीचे कांही फोटोज व व्हिडिओ आपणास सर्वांना माहिती करिता.

धन्यवाद🙏

अर्धसैनिक परिवार कल्याण असोसिएशन, महाराष्ट्र