16/01/2026
'मैत्री'च्या मंगळवारच्या साप्ताहिक बैठकीत मी पहिल्यांदा आलो होतो २००८ मध्ये. पण प्रत्यक्ष काम करायची संधी यायला २०१३ साल उजाडावं लागलं. जानेवारी २०१३ मध्ये मी मेळघाटात तिथे नव्याने निवडून आलेल्या ग्रामपंचायत आणि पंचायत समिती सदस्यांना प्रशिक्षण द्यायला आम्ही गेलो होतो. अर्थात प्रशिक्षण द्यायला गेलेलो मी, त्यांच्याचकडून अनेक गोष्टी शिकून आलो, असा तो समृद्ध अनुभव!
पुढे माझा आणि मैत्रीचा संबंध येत राहिला नैसर्गिक आपत्ती आल्या त्या त्या वेळी. उत्तराखंडमध्ये आलेल्या ढगफुटी आणि पुरानंतर मैत्रीचा कार्यकर्ता म्हणून मी सलग १५-२० दिवस पुनर्वसनाच्या कामासाठी गेलो होतो. त्यानंतर केरळ, पश्चिम महाराष्ट्र, कोकण या ठिकाणी आलेल्या पुराच्या वेळेसही मदतकार्यात मी सहभागी झालो. नैसर्गिक आपत्तीच्या वेळेस सोशल मिडिया फोटो पुरते मदतकार्य करणारे अनेक असतात. पण त्या पलीकडे जात सूत्रबद्ध नियोजन करून, नेमके गरजू शोधून लांब पल्ल्याचे काम शांतपणे उभारायचा विचार मैत्री करते हे विशेष कौतुकास्पद आहे. 'कामासाठी काम', 'प्रसिद्धीसाठी काम' अशा दुष्टचक्रात अडकलेल्या सामाजिक संस्था अनेक असताना 'परिणामासाठी काम' करणारी मैत्री वेगळी ठरते. ठरवून घेतलेली आर्थिक शिस्त, व्यवहारात पारदर्शकता यामुळे संस्थेची विश्वासार्हता वादातीत आहे."
- तन्मय कानिटकर, पुणे (संचालक- अनुरूप विवाहसंस्था)
येत्या रविवारी होणाऱ्या मुंबई मॅरेथॉनमध्ये मैत्री सहभागी होत आहे आणि मेळघाटातील कामांसाठी निधी संकलन करत आहे. आपणही यात सहभागी व्हावं. देणगीसाठीची लिंक पहिल्या कमेंटमध्ये.
Tata Mumbai Marathon
