07/06/2026
✨ समृद्धी प्रकल्प – गम्मत शिबीर वृत्त २०२६✨
स्वानंद जनकल्याण प्रतिष्ठान तर्फे वस्ती विभागातील ८ ते १४ वयोगटातील मुला-मुलींसाठी एक दिवसीय गम्मत शिबीर रविवार, दि. ३१ मे २०२६ रोजी महर्षी कर्वे शिक्षण संस्थेच्या शाळेत सकाळी ७.०० ते सायंकाळी ५.०० या वेळेत उत्साहपूर्ण वातावरणात संपन्न झाले.
🌱 *गटविभागणी व खेळ*
शिबिरास उपस्थित विद्यार्थ्यांची सुमारे २२ जणांच्या गटांमध्ये विभागणी करण्यात आली. प्रत्येक गटासाठी दोन शिक्षिका व एक कार्यकर्त्यांची जोडणी करण्यात आली. लहान व मोठ्या गटांना सर्जनशीलता आणि प्राचीन शहरांची नावे देण्यात आली होती. सुमारे दीड तास विविध मैदानी व समूह खेळ घेण्यात आले. मुलांनी या खेळांचा मनसोक्त आनंद घेतला.
🌱 *उद्घाटन सत्र*
उद्घाटन समारंभासाठी प्रमुख पाहुणे म्हणून श्रीराम देशमुख (महापारेषण) आणि अधिराज गाडगीळ (समर्थ भारत) उपस्थित होते. तसेच संस्थेचे अध्यक्ष श्री. सुधीरजी काळकर, विश्वस्त श्री. सचिनजी नागपुरे आणि समृद्धी वर्ग प्रकल्प प्रमुख सौ. वर्षा ताई देशपांडे तसेच इतर विश्वस्त आणि कार्यकर्ते यांची उपस्थित होती.
कार्यक्रमाचे प्रास्ताविक वर्षा ताई देशपांडे यांनी केले. त्यानंतर प्रमुख पाहुण्यांनी विद्यार्थ्यांना प्रेरणादायी मार्गदर्शन करत शिक्षण, संस्कार आणि व्यक्तिमत्त्व विकासाचे महत्त्व पटवून दिले.
🌱 *पहिले सत्र*
विद्यार्थ्यांची लहान व मोठ्या गटांमध्ये विभागणी करून विविध सर्जनशील उपक्रम घेण्यात आले. *लहान गटासाठी*. १. क्लेपासून विविध वस्तू तयार करणे - हे सत्र रुपाली बेदरकर यांनी घेतले २. कागदापासून मास्क तयार करणे - हे सत्र अंजलीताई पाटील व अश्विनीताई पाटील यांनी घेतले.
*मोठ्या गटासाठी*. १. कोस्टर पेंटिंग - हे सत्र अवंती ताई यांनी घेतले. २. मशीन मेकिंग - हे सत्र राधिकाताई शिंगणापूरकर व वर्षाताई देशपांडे यांनी घेतले. या उपक्रमांमधून विद्यार्थ्यांच्या कल्पकतेला व सर्जनशीलतेला वाव मिळाला.
🌱 *दुसरे सत्र*
दुसऱ्या सत्रात वैशालीताई जोशी यांनी संगीत कार्यशाळा घेतली. विद्यार्थ्यांनी गाणी, ताल आणि संगीताच्या माध्यमातून आनंददायी अनुभव घेतला. त्यानंतर सर्वांनी स्वादिष्ट भोजनाचा आस्वाद घेतला.
🌱 *दुपारचे सत्र*
दुपारच्या सत्रात अंबादास कनकट्टी यांनी ‘हास्यदर्पण’ या कार्यक्रमातून चार्लीचे पात्र साकारत मुलांचे भरभरून मनोरंजन केले.
यानंतर श्रीधर कुलकर्णी यांनी ‘गोष्टरंग’ या सत्राद्वारे विविध प्रेरणादायी आणि मनोरंजक गोष्टी सांगून विद्यार्थ्यांची संवाद साधला.
🌱 *शेवटचे सत्र*
शिबिराच्या शेवटच्या सत्रात मृणाल शिरशीकर ताई यांनी झुंबाचे सत्र घेतले. विद्यार्थ्यांनी गाण्यांच्या ठेक्यावर उत्साहाने नृत्य करत या सत्राचा मनसोक्त आनंद लुटला.
🌱 *समारोप सत्र*
समारोप कार्यक्रमासाठी संस्थेचे सचिव श्री. रवींद्र शिंगणापूरकर आणि विश्वस्त श्री. सुरेश महल्ले, सारिका ताई उपस्थित होते. त्यांनी विद्यार्थ्यांशी संवाद साधत त्यांच्या अनुभवांविषयी जाणून घेतले तसेच शिक्षिका आणि कार्यकर्त्यांच्या कार्याचे कौतुक केले.
दिवसभराच्या कार्यक्रमाचे सूत्रसंचालन नैपुण्य वर्गातील शंकर मरगळे, किशोर दर्पण ची शारेन दमके यांनी केले, तर आभार प्रदर्शन सारीकाताई वाघ यांनी केले. पसायदान सादर करून शिबिराची सांगता करण्यात आली.
🌱 *उपस्थिती*
*शिबिराची एकूण उपस्थिती: ५३४*
* ४१० विद्यार्थी
* ५० शिक्षिका
* २५ कार्यकर्ते
* नैपुण्य वर्गाचे १० विद्यार्थी
* किशोर दर्पणच्या २९ मुली
* १० समन्वयक
* स्वयंसेवक, हितचिंतक व मान्यवर
उपस्थित होते.
*टीम,*
*स्वानंद जनकल्याण प्रतिष्ठान* 🌿
