What are the opening hours?

Monday 10:30am - 5:30pm Tuesday 10:30am - 5:30pm Wednesday 10:30am - 5:30pm Thursday 10:30am - 5:30pm Friday 10:30am - 5:30pm Saturday 10:30am - 5:30pm

Nari Samata Manch

Home
India
Pune
Nari Samata Manch

Call Directions Website Contact the organization

Gender equality is not a woman's issue. It is a human issue. It affects us all. With focus on gender we work with men and women for gender sensitization.

Nari Samata Manch has vision of creating a just society in which equality exists in all spheres; equal opportunities, equal rights to resources, equality in justice. We work with marginalized and deprived communities for their development issues and realization of rights. Our approach is based on Democracy, Nonviolence, Secularism and scientific rational process. We have counseling and speak out services for men and women in Pune. We work with Katkari community for assimilation of their children in formal education. We work in rural areas of Pune district to engage men in reducing gender based violence. We also provide consultation for implementation of S*xual Harassment of women at workplace (Prevention, Prohibition and Redressal) Act, 2013. Our members work as NGO representatives at different workplaces. Major initiatives are speak out center for men and women, Daughter of Maharashtra award to women significantly contributed for women's cause, Khelghar for Katkari children in order to assimilate them better in formal education system,

15/09/2026

समाजकार्याची ओळख… एक वेगळं exposure visit

तेजस्विनी प्रकल्पातील Facilitators आणि Peer Leaders यांच्यासाठी ९ सप्टेंबर रोजी सांस फाउंडेशन, पुणे यांच्या कार्याची ओळख करून घेण्यासाठी Exposure Visit आयोजित करण्यात आली.
या भेटीची सुरुवात झाली महात्मा फुले वाड्यापासून!
महात्मा जोतीराव फुले आणि सावित्रीबाई फुले यांच्या कार्यस्थळाला भेट देताना सामाजिक समता, शिक्षण आणि परिवर्तनाच्या विचारांशी पुन्हा एकदा जोडले गेलो. फुलेंनी अस्पृश्य समजल्या जाणाऱ्या समुदायासाठी खुली केलेली विहीर पाहताना त्यांच्या समतेच्या विचारांची जाणीव झाली.
त्यानंतर सांस फाउंडेशनच्या विविध Community Learning Spaces ला भेट दिली. मुलांसाठी कौशल्यविकास, व्यक्त होण्याच्या संधी, अभ्यास आणि स्वतःच्या क्षमता ओळखण्यासाठी दिले जाणारे प्रोत्साहन जवळून पाहता आले.
संगीत, वाद्यवादन, फॅशन डिझायनिंग आणि उत्स्फूर्त Jamming Session मध्ये तेजस्विनीच्या मुलींनी मनमुराद आनंद लुटला!
‘अजेन्सी कब अच्छी लगती है?’ या विषयावरील Opening Circle मध्ये सहभागी होताना मुलांच्या विचारांना आणि अनुभवांना ऐकण्याची संधी मिळाली. गप्पा, संवाद आणि नव्या मैत्रीने ही भेट आणखी खास झाली.
शिकणं केवळ पुस्तकांतून नाही, तर अनुभवांतूनही होतं…
अशाच भेटी होत राहो, नवनवीन अनुभव मिळत राहो!!!

#तेजस्विनी
#महात्माफुले #सावित्रीबाईफुले #फुलेवाडा

03/07/2026

Village Mapping Training – 2.0
२८ जून रोजी शिल्पा बल्लाळ यांच्या मार्गदर्शनाखाली "गाव नकाशांकन – 2.0" हे सत्र उत्साहपूर्ण वातावरणात पार पडले. या कार्यशाळेत पीअर लीडर्सनी गावातील नैसर्गिक, सामाजिक आणि संस्थात्मक संसाधनांचा अभ्यास करत १५ ते ५५ वयोगटातील महिलांच्या दैनंदिन आयुष्याशी त्यांचा असलेला संबंध समजून घेतला.
स्त्री आणि पुरुषांच्या दैनंदिन जबाबदाऱ्यांची तुलना करताना महिलांवर असलेल्या अदृश्य कामाच्या ओझ्यावर अर्थपूर्ण चर्चा झाली. तसेच, व्हेन डायग्रामच्या माध्यमातून शिक्षण, पाणी, आरोग्य, रोजगार, स्वच्छता, वाहतूक आणि मनोरंजन यांसारख्या मूलभूत सुविधा गावात, गावाजवळ आणि गावाबाहेर कशा उपलब्ध आहेत, याचे नकाशांकन करण्यात आले.
या चर्चेतून गावाच्या सर्वांगीण विकासासाठी काही महत्त्वाच्या गरजा स्पष्टपणे समोर आल्या—कचरा व्यवस्थापन, दर्जेदार शिक्षण, सक्षम सार्वजनिक आरोग्य व्यवस्था, लघुउद्योग प्रशिक्षण, स्वच्छता आणि लैंगिक शिक्षण.
सत्राच्या शेवटी सहभागी मुलींना आपल्या गावातील इतर मुलींशी संवाद साधून त्यांच्या समस्या, गरजा आणि गावाच्या विकासासाठीच्या कल्पना जाणून घेण्याचे आवाहन करण्यात आले.
स्थानिक अनुभव, सामूहिक सहभाग आणि संवाद यांच्या बळावरच शाश्वत ग्रामविकासाची दिशा निश्चित होते—याच विश्वासाने हा प्रवास पुढे सुरू आहे.

#समुदायसहभाग

14/05/2026

Play for Peace - Day 1

30/04/2026

Facilitator training - Gender and S*xuality

तेजस्विनी प्रकल्पांतर्गत किशोरवयीन मुलींबरोबर काम करताना आम्ही नियमितपणे मानसिक ताणतणाव, career guidance, स्व-ओळख अशा विविध विषयांवर तज्ञांची सत्रे आयोजित करतो. त्याचबरोबर facilitators ताईंनाही विविध विषयांवर सतत मार्गदर्शन मिळणे आवश्यक असते.

याच शृंखलेत, दिनांक 26 एप्रिल 2026 रोजी “Gender and S*xuality” या महत्त्वाच्या विषयावर एक दिवसीय समन्वयक प्रशिक्षण आयोजित करण्यात आले. प्रयास संस्थेच्या मैत्रेयी आणि स्वप्नील यांनी हे सत्र अत्यंत संवादात्मक आणि विचारप्रवर्तक पद्धतीने घेतले.

दिवसाची सुरुवात ice-breaking activity ने झाली आणि लगेचच वातावरण मोकळं झालं. त्यानंतर लिंग (S*x), लिंगभाव (Gender) आणि लैंगिकता (S*xuality) यांवर चर्चा, अनुभवांची देवाणघेवाण आणि विविध उपक्रमांमधून अनेक महत्त्वाच्या गोष्टी उलगडल्या.

“राहुल आणि अंजली” या काल्पनिक ५ वर्षांच्या मुलांसाठी वाढदिवसाची भेट काय घ्याल या प्रश्नातून समाज आपल्यावर लिंगभाव कसा लादतो हे स्पष्ट झाले. “तळ्यात-मळ्यात” या उपक्रमात – “पुरुषांनाच मिशी असते”, “बाळाला दूध देणे हे स्त्रीच करू शकते”, “बायकांना गाडी चालवता येत नाही” अशा विधानांवर चर्चा करताना स्त्री-पुरुषांमधील फरक हा शारीरिक आहे की सामाजिक, हे समजून घेता आले.

चित्रफिती, गटचर्चा आणि माध्यमांच्या विश्लेषणातून स्त्री, पुरुष आणि ट्रान्स व्यक्तींच्या प्रतिमांवर सखोल विचार करण्यात आला. पितृसत्ता, stereotypes आणि social conditioning यांसारख्या मुद्द्यांवरही चर्चा झाली.

कमला भसीन यांच्या 2016 मधील रामानुजन कॉलेज येथील TEDx talk मधील काही भाग दाखवण्यात आला. त्यामध्ये त्यांनी ‘structural reservation’ आणि ‘emotional castration of men’ यांसारख्या संकल्पना मांडल्या.
“कुदरत भेद बनाती है, भेदभाव नाही बनाती”
“Man of quality is not afraid of equality”
ही त्यांची वाक्ये विचार करायला भाग पाडणारी ठरली.

त्यानंतर स्त्री व पुरुष प्रजनन संस्था, मासिक पाळीचे टप्पे आणि PMS (Premenstrual Syndrome) यांवर चित्रे आणि films च्या माध्यमातून माहितीपूर्ण चर्चा झाली.

या प्रशिक्षणामुळे सहभागींमध्ये अधिक संवेदनशीलता, जागरूकता आणि समज विकसित झाली. समाजातील रूढ चौकटी ओळखून त्यावर प्रश्न विचारण्याची प्रेरणा मिळाली, असे म्हणणे वावगे ठरणार नाही.

03/04/2026

राष्ट्रीय ग्रामीण आरोग्य अभियान अंतर्गत “आरोग्य सेवांवर लोकाधारित देखरेख प्रकल्प” हा या वेळच्या अभ्यासवर्गाचा विषय होता. या सत्रासाठी साथी संस्थेचे हेमराज पाटील हे संसाधन व्यक्ती म्हणून उपस्थित होते.
या अभ्यासवर्गात Community-Based Monitoring and Planning (CBMP) या महत्त्वपूर्ण संकल्पनेवर सखोल चर्चा करण्यात आली. महाराष्ट्रात 2011 पासून सुरू असलेल्या या उपक्रमाचा मुख्य उद्देश म्हणजे आरोग्य व्यवस्थेत पारदर्शकता, उत्तरदायित्व आणि लोकसहभाग वाढविणे हा आहे. आसाम, झारखंड, मध्यप्रदेश, महाराष्ट्र, ओरिसा, राजस्थान, तामिळनाडू आणि कर्नाटक या ९ राज्यांमध्ये हा प्रकल्प राबविण्यात येत असून महाराष्ट्रातील ठाणे, पुणे, उस्मानाबाद, नंदुरबार आणि अमरावती या जिल्ह्यांमध्ये तो प्रभावीपणे कार्यरत आहे.
या उपक्रमाच्या माध्यमातून ग्रामीण भागातील आरोग्य सेवांचे मूल्यमापन केले जाते, नागरिकांना त्यांच्या हक्कांबद्दल जागरूक केले जाते, तसेच आरोग्य यंत्रणेला प्रश्न विचारण्याची आणि संवादातून समस्या सोडवण्याची संधी उपलब्ध करून दिली जाते. विविध स्तरांवर समित्या स्थापन करून माहिती संकलन, रिपोर्ट कार्ड तयार करणे आणि जनसुनवाईच्या माध्यमातून थेट संवाद साधला जातो.
जनसुनवाईमध्ये नागरिक स्वतः त्यांच्या समस्या मांडतात—जसे की पाणी तपासणीचा अभाव, ANC/PNC सेवांची अपुरी उपलब्धता, डॉक्टर वेळेवर न मिळणे, औषधांची कमतरता, इत्यादी. या प्रक्रियेमुळे लोकांमध्ये जागरूकता वाढली असून आरोग्य सेवांची गुणवत्ता सुधारण्यास मदत झाली आहे.
याच पद्धतीने शिक्षणासारख्या इतर क्षेत्रांमध्येही लोकसहभागातून सेवा सुधारणा करणे शक्य आहे. समुदाय आधारित मॉनिटरिंग ही केवळ एक योजना नसून लोकशक्तीच्या बळावर आरोग्य व्यवस्थेला अधिक जबाबदार बनविणारी एक प्रभावी चळवळ आहे, असे निश्चितपणे म्हणता येईल.

#मासिकअभ्यासवर्ग

07/03/2026

Facilitator Training - Legal Awareness

दिनांक १ मार्च २०२६ रोजी आमच्या तेजस्विनी प्रकल्पातील समन्वयकांसाठी किशोरवयीन मुलं/मुली आणि स्त्रिया यांच्यासाठी चे महत्त्वाचे कायदे या विषयावर प्रशिक्षण सत्र आयोजित करण्यात आले. या सत्रासाठी ऍडव्होकेट रमा सरोदे या संसाधन व्यक्ती म्हणून उपस्थित होत्या.
सत्राची सुरुवात सहभागींच्या परिचयाने झाली. त्यानंतर मुलांमध्ये दिसणाऱ्या समस्या आणि अनुभवांवर चर्चा झाली. लहान मुलांमध्ये दिसणारे गैरवर्तन, गुड टच – बॅड टच याबद्दलची जागरूकता आणि मुलांच्या सुरक्षिततेच्या संदर्भात महत्त्वाचे मुद्दे सहभागींसोबत शेअर करण्यात आले.
ऍड. सरोदे यांनी POCSO कायदा, लैंगिक अत्याचाराचे प्रकार, तक्रार नोंदविण्याची प्रक्रिया आणि बालमैत्रीपूर्ण चौकशी प्रणाली याबद्दल सविस्तर माहिती दिली. तसेच बालविवाह, कौटुंबिक हिंसाचार, आणि अशा प्रकरणांमध्ये संस्थांची भूमिका काय असते याबद्दलही मार्गदर्शन केले.
या प्रशिक्षणामुळे सहभागी समन्वयकांना मुलांबरोबर काम करताना कायदेशीर बाबींची अधिक समज मिळाली आणि अशा संवेदनशील प्रकरणांमध्ये योग्य पद्धतीने प्रतिसाद देण्याची तयारी झाली.

05/12/2025

Lemonade with Ice

Address

473, Sadashiv Peth, Off Tilak Road
Pune
411030

Opening Hours

Monday	10:30am - 5:30pm
Tuesday	10:30am - 5:30pm
Wednesday	10:30am - 5:30pm
Thursday	10:30am - 5:30pm
Friday	10:30am - 5:30pm
Saturday	10:30am - 5:30pm

Telephone

020 24494652

Website

https://narisamatamanch.org/

Alerts

Be the first to know and let us send you an email when Nari Samata Manch posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Nari Samata Manch: