11/04/2026
*महात्मा फुले प्रेरणा पर्व यशस्वी संपन्न*✊
*छात्र भारती, पुणे जिल्ह्याच्या वतीने महात्मा ज्योतिराव फुले यांच्या द्विजन्मशताब्दी निमित्ताने दिनांक 10 एप्रिल 2026 रोजी “महात्मा फुले प्रेरणा पर्व” हा कार्यक्रम उत्साहात व यशस्वीपणे संपन्न झाला*
कार्यक्रमासाठी प्रा. प्रदीपकुमार माने, डॉ. रुची ठाकूर (वरिष्ठ स्त्रीरोगतज्ञ, अपोलो हॉस्पिटल), डॉ. अभिजीत बागडे (शिशुरोगतज्ञ) आणि मा. प्रवीण अडकमोल (युवा उद्योजक) हे प्रमुख पाहुणे उपस्थित होते. सौरव शिंपी ( राज्य सदस्य, छात्रभारती ) यांनी सूत्रसंचालन खूप छान प्रकारे पार पडलं.
कार्यक्रमांची सुरुवात पल्लवी पिंपळकर, वैष्णवी शिंपी, क्रांती पवार, सौरव शिंपी आणि वैष्णवी कोळी यांनी सादर केलेल्या “स्त्री जातीच्या मुक्तीसाठी आले महात्मा फुले” या गीताने झाली. त्यानंतर महात्मा ज्योतिराव फुले व सावित्रीबाई फुले यांच्या प्रतिमेला पुष्प अर्पण करून अभिवादन करण्यात आले व पाहुण्यांचा संविधानाची प्रत, पुष्प व पुस्तक देऊन सत्कार करण्यात आला. पुढे जमुना सोळंके यांनी “फुलेंच्या विचारांची सावली” हा एकपात्री प्रयोग प्रभावीपणे सादर केला. यानंतर प्रा. प्रदीपकुमार माने यांनी महात्मा फुले यांच्या जीवनातील प्रेरणादायी प्रसंग मांडले, डॉ. अभिजीत बागडे यांनी विद्यार्थ्यांच्या मानसिक आरोग्यावर मार्गदर्शन केले व संवाद साधला, तसेच डॉ. रुची ठाकूर यांनी विद्यार्थिनींना मासिक पाळी व आरोग्य विषयक सविस्तर मार्गदर्शन केले. कार्यक्रमादरम्यान साने गुरुजी शाळेतील विद्यार्थिनींना सॅनिटरी नॅपकिनचे वितरण करण्यात आले. या कार्यक्रमास साने गुरुजी शाळेचे प्राचार्य अनिल कांबळे सर, तुकाराम डोईफोडे (राज्य उपाध्यक्ष), सौरव शिंपी (राज्य सदस्य), जमुना सोळंके (पुणे जिल्हा अध्यक्ष), वैष्णवी कोळी (युवती संघटिका), संघर्ष पवार (संघटक), महेश पवार (सहसंघटक), बुद्धभूषण बगाडे (जिल्हा उपाध्यक्ष), पल्लवी पिंपळकर (जिल्हा सचिव), वैष्णवी शिंपी( जिल्हा सदस्य ), ओमकार वाघमारे (जिल्हा सदस्य) सानिका भुजबळ (जिल्हा सदस्य), क्रांती यादव, क्रांती पवार, साहिल गज्जलवार ( मीडिया प्रमुख ) प्रणय, विवेक तसेच साने गुरुजी शाळेतील शिक्षक-शिक्षिका, विद्यार्थिनी व सेवा दल अभ्यासिकेचे विद्यार्थिनी मोठ्या संख्येने उपस्थित होते. कार्यक्रमानंतर सर्वांनी नाश्त्याचा लाभ घेतला. अश्या प्रकारे कार्यक्रम संपन्न झाला.या कार्यक्रमाच्या यशस्वीतेसाठी योगदान देणाऱ्या सर्वांचे मनःपूर्वक आभार✊✊
जिंदाबाद ✊
