15/02/2025
*सामान्य ज्ञान स्पर्धा परीक्षेत मोठ्या गटात गौरवी सचिन डुकरे तर लहान गटात घनश्याम गणेश येवले प्रथम*
डॉ.के एस खराडे फाउंडेशन यांच्या वतीने महात्मा गांधी विद्यालय येथे सामान्य ज्ञान स्पर्धा परीक्षा पार पडली होती . या स्पर्धेत मोठ्या गटात गौरवी सचिन डुकरे हिने प्रथम ,सिद्धी प्रकाश डुकरे हिने द्वितीय तर श्लेषा शंकर भोर हिने तृतीय क्रमांक पटकावला तसेच लहान गटात घनश्याम गणेश येवले याने प्रथम ,शरयू भागवत नढे हिने द्वियीय व स्वराज तुषार येवले यांने तृतीय क्रमांक मिळविला.
सर्व उत्तीर्ण विद्यार्थ्यांना श्री समर्थ मल्टीस्पेशालिटी हॉस्पिटल डॉ.दत्तात्रय चव्हाण यांच्या वतीने शालेय बॅग व ट्रॉफी देऊन गौरविण्यात आले तसेच जिल्हा परिषद शाळेतील विद्यार्थ्यांना 100 प्रति ,व महात्मा गांधी विद्यालयातील विद्यार्थ्यांना 200 प्रति भेट देण्यात आल्या.
कार्यक्रमाच्या अध्यक्षस्थानी डॉ.दत्तात्रय चव्हाण होते. पारगाव तर्फे आळे गावच्या प्रथम नागरिक रेश्माताई बोटकर, उपसरपंच रामचंद्रशेठ डुकरे ,डॉ.के.एस खराडे फाउंडेशन चे अध्यक्ष भिकाजी चव्हाण,महात्मा गांधी विद्यालयाच्या प्राचार्या, मेहेर मॅडम ,उद्योजक संभाजीशेठ चव्हाण,शालेय व्यवस्थापन समिती अध्यक्ष, शंकर भोर,वि.वि.का.सोसायटीचे माजी चेअरमन सचिन डुकरे ,कैलास तट्टू, सर्व शिक्षक व पालक ,ग्रामस्थ तसेच फाउंडेशन सर्व पदाधिकारी उपस्थित होते.
मुलांना स्पर्धा परीक्षेची गोडी लागावी तसेच स्पर्धा परीक्षेत कशा प्रकारे प्रश्न येतात ,याची ओळख व्हावी यासाठी या परीक्षेचे आयोजन करण्यात आले होते या परीक्षेचे हे पहिलेच वर्ष होते.
यापुढील काळातही फाउंडेशन च्या वतीने शैक्षणिक ,व आरोग्यविषयक उपक्रम राबविले जातील असे फाउंडेशन चे शैक्षणिक उपक्रमाचे प्रमुख निवृत्त प्राध्यापक सुभाष चव्हाण सर ,निलेश येवले सर यांनी सांगितले.
