Seva Arogya Foundation, Pune

15/06/2026

🎒 स्कूल किट वितरण उपक्रमाचा शुभारंभ! 📚
मे महिन्यात आपण राष्ट्रीय स्वयंसेवक संघ, बावधन यांच्या सहकार्याने बावधन परिसरातील संस्कार वर्ग तसेच मुळशी तालुक्यातील जिल्हा परिषद शाळांमधील विद्यार्थ्यांना स्कूल किट देण्याचा संकल्प केला होता. आपल्या सर्वांच्या सहकार्यामुळे यंदा २५० विद्यार्थ्यांपर्यंत स्कूल किट्स पोहोचविण्याचे उद्दिष्ट आपण पूर्ण करत आहोत.
या उपक्रमासाठी मागील आठवड्यात स्वयंसेवकांनी एकत्र येऊन स्कूल किट असेंब्लीचे काम पूर्ण केले आणि काल वितरणाच्या पहिल्या टप्प्याला सुरुवात झाली.
📍 विज्ञान नगर वस्ती, बावधन येथील संस्कार वर्गातील २५ विद्यार्थ्यांना स्कूल किट आणि शालेय साहित्याचे वाटप करण्यात आले. कार्यक्रमाची सुरुवात छत्रपती शिवाजी महाराजांच्या प्रतिमेला वंदन करून झाली. विद्यार्थ्यांनी प्रार्थना सादर केली, तर सौ. स्मिता बोकील यांनी संस्कार वर्गातील विविध उपक्रमांची माहिती दिली.
यावेळी उपस्थित मान्यवरांनी विद्यार्थ्यांशी संवाद साधत शिक्षण, संस्कार, खेळ आणि आदर्श नागरिकत्व यांविषयी मार्गदर्शन केले. देणगीदारांतर्फे उपस्थित असलेल्या मिजार कुटुंबीयांनी संस्कार वर्ग चालवणाऱ्या ताईंच्या कार्याचे आणि विद्यार्थ्यांच्या उत्साहाचे कौतुक केले.
या उपक्रमांतर्गत काही स्कूल किट्स ग्रामीण विकास केंद्र, जामखेड, महाराष्ट्र विद्यामंदिर शाळा, पुणे, वसुंधरा, कोथरूड आणि आरोग्यवर्धिनी यांनाही देण्यात येणार आहेत.
🏫 पुढील टप्प्यात, २० जून रोजी आपण मुळशी तालुक्यातील पाच शाळांना प्रत्यक्ष भेट देऊन विद्यार्थ्यांना स्कूल किट्सचे वितरण करणार आहोत. या उपक्रमाविषयी अधिक माहिती लवकरच शेअर करू.
विद्यार्थ्यांच्या शिक्षणाच्या प्रवासात छोटासा हातभार लावण्याची संधी आम्हाला मिळाली, याचा आनंद आहे. या उपक्रमासाठी योगदान देणाऱ्या सर्व देणगीदार, स्वयंसेवक आणि हितचिंतकांचे मनःपूर्वक आभार. आपल्या सहकार्यामुळे अनेक विद्यार्थ्यांच्या चेहऱ्यावर आनंदाचे हास्य फुलत आहे आणि हेच आमच्या कार्याची खरी प्रेरणा आहे. 🙏✨
#सेवा_आरोग्य_फाउंडेशन 🎒📚

08/06/2026

पावसाळी आजार प्रशिक्षण सत्र
शनिवार, दि. ६ जून

सेवा आरोग्य फाउंडेशन – आरोग्यवर्धन प्रकल्प

सेवा आरोग्य फाउंडेशनच्या आरोग्यवर्धन प्रकल्पांतर्गत पावसाळ्यात होणाऱ्या विविध आजारांबाबत प्रशिक्षण सत्राचे आयोजन करण्यात आले. हे प्रशिक्षण सत्र संस्थेचे चीफ मेडिकल ऑफिसर डॉ. तुषार भेलके सर यांनी घेतले.

प्रशिक्षणामध्ये पावसाळ्यात साचलेल्या पाण्यामुळे व डासांमुळे होणारे आजार, त्यांची लक्षणे, प्रतिबंधात्मक उपाययोजना आणि जनजागृती याविषयी सविस्तर माहिती देण्यात आली. विशेषतः डेंग्यू, मलेरिया, टायफॉईड यांसारख्या आजारांबाबत मार्गदर्शन करण्यात आले. तसेच या आजारांपासून बचाव करण्यासाठी वैयक्तिक व परिसर स्वच्छतेचे महत्त्व अधोरेखित करण्यात आले.

डॉ. भेलके सरांनी वस्तीपातळीवर आरोग्यविषयक समुपदेशन कसे करावे, नागरिकांना कोणते संदेश द्यावेत आणि स्वच्छतेबाबत जागृती कशी निर्माण करावी याविषयी मार्गदर्शन केले. त्यानंतर आरोग्य मैत्रिणींनी वस्तीमध्ये कोणत्या पद्धतीने समुपदेशन करणार आहेत याविषयी आपले विचार मांडले.

पावसाळ्यातील आहाराबाबतही महत्त्वपूर्ण माहिती देण्यात आली. पपई, केळी, मोड आलेली कडधान्ये व डाळी यांचा आहारात समावेश करण्याचा सल्ला देण्यात आला. जुलाब झाल्यास केळी खाणे फायदेशीर असल्याचे सांगण्यात आले. तसेच शिळे, तेलकट व बाहेरील पदार्थ टाळून नेहमी ताजे व स्वच्छ अन्न सेवन करण्याचे महत्त्व पटवून दिले.

रोगप्रतिकारशक्ती वाढविण्यासाठी नियमित योग, प्राणायाम, संतुलित आहार आणि पुरेशी झोप आवश्यक असल्याचे सांगण्यात आले. डासांपासून संरक्षणासाठी सायंकाळी ७ वाजण्यापूर्वी घरातील दारे व खिडक्या बंद ठेवण्याचा सल्ला देण्यात आला.

पावसाळ्यात पाण्याद्वारे पसरणाऱ्या आजारांपासून बचाव करण्यासाठी पाणी उकळून गार करून पिणे हा सर्वोत्तम उपाय असल्याचे सांगण्यात आले. तसेच घर व परिसरात पाणी साचणार नाही याची काळजी घेण्याचे आवाहन करण्यात आले. पत्र्यांवर, भंगार टायरमध्ये, नारळाच्या करवंट्यांमध्ये, कुंड्यांमध्ये किंवा इतर वस्तूंमध्ये साचलेले पाणी त्वरित काढून टाकावे, असे मार्गदर्शन करण्यात आले.

सत्राच्या शेवटी आरोग्य मैत्रिणींना वस्तीमध्ये पावसाळी आजारांबाबत जनजागृती करताना कोणते मुद्दे मांडावेत याबाबत चर्चा करण्यात आली. सर्वांनी उत्स्फूर्त सहभाग घेतला

29/05/2026

🌼 सेवा आरोग्य फाउंडेशनचा वार्षिक प्रशिक्षण कार्यक्रम यशस्वीरित्या संपन्न! 🌼

दिनांक २८ मे २०२६ रोजी समाज मंदिर सभागृह, हिंगणे होम कॉलनी, पुणे येथे सेवा आरोग्य फाउंडेशनच्या वस्तीमध्ये कार्यरत ७८ महिला कार्यकर्त्यांसाठी वार्षिक प्रशिक्षण कार्यक्रम आयोजित करण्यात आला.

कार्यक्रमाची सुरुवात स्मिता बेलापूरकर, डॉ. संपदा तांबोळकर आणि दीपक अष्टपुत्रे यांच्या हस्ते प्रतिमापूजनाने झाली. कार्यक्रमाचे प्रास्ताविक सेवा आरोग्य फाउंडेशनच्या संचालिका डॉ. हर्षदा पाध्ये यांनी केले. त्यांनी महिला कार्यकर्त्यांची समाजातील भूमिका अधोरेखित करत प्रशिक्षणामागील उद्देश स्पष्ट केला.

AACCI संस्थेच्या तज्ञ डॉक्टर आणि सहकाऱ्यांनी जीवन कौशल्ये, मानसिक स्वास्थ्य, भावना व्यवस्थापन, संवाद कौशल्ये आणि किशोरवयीन मुलांच्या समस्या हाताळण्याचे तंत्र याविषयी सविस्तर मार्गदर्शन केले. स्व-जाणीव, SWOT विश्लेषण, भावनांचे व्यवस्थापन, ताण-तणाव नियंत्रण, किशोरवयीन मेंदूचा विकास आणि मानसिक आरोग्याचे महत्त्व यांसारख्या विषयांवर सहभागी महिलांशी संवाद साधण्यात आला

12/05/2026

सेवा आरोग्य फाऊंडेशन - “सांगाती” विद्यार्थी समुपदेशन योजना

सेवा आरोग्य फाऊंडेशन च्या सांगाती विद्यार्थी समुपदेशन योजना या उपक्रमा अंतर्गत इ ८ वी ते १० या ३ वर्षात मुलांच्या सर्वांगीण विकासावर काम केले गेले. त्यांच्या शालेय प्रगतीवर विशेष लक्ष दिले गेले.या उपक्रमातील पहिल्या बॅच मधील 11 विद्यार्थी मागील वर्षी उत्तम गुणांनी उत्तीर्ण झाले होते. या वर्षी ही 2 ऱ्या बॅच चे सगळे विद्यार्थी उत्तम गुण मिळवून १० वी उत्तीर्ण झाले आहेत.

यशस्वी विद्यार्थ्यांचे कौतुक व सेवा आरोग्य सांगाती उपक्रमातील कार्यकर्त्यांचे, पालकांचे व समुपदेशक यांचे अभिनंदन!!!

08/05/2026

🎒सेवा वस्तीतील मुलांसाठी स्कूल किट वाटप - 2026🎒

📝 सेवा आरोग्य फाऊंडेशन च्या माध्यमातून गेली अनेक वर्षे कर्वेनगर, वारजे, उत्तमनगर, कोथरुड या भागातील 45 वस्त्यांमध्ये विविध उपक्रम चालू आहेत.

📝 *दर वर्षीप्रमाणे समृद्धी वर्ग,घे भरारी (किशोर विकास प्रकल्प ), सांगाती या प्रकल्पातील साधारण 1000 विद्यार्थ्यांना स्कूल किटचे वितरण करण्याचे नियोजन केले आहे.

📝 आपण आपल्या कुटुंबियांसोबत या उपक्रमात नक्की सहभागी व्हावे व नातेवाईक व मित्रपरिवार यांनाही सहकार्याचे आवाहन करावे.

📝 आपण 3 प्रकारे यामध्ये सहभागी होऊ शकता

📚 एका किटसाठी रु. ६५० इतका निधी आवश्यक असून, इच्छेनुसार 1 किंवा अधिक कीटस् पुरस्कृत करण्यसाठी ६५० च्या पटीत योगदान देता येईल.
📚 स्कूल किट असेंब्ली करण्यासाठी एक दिवसाच्या उपक्रमाचे नियोजन करतो त्यामध्ये आपण सहकुटुंब प्रत्यक्ष उपस्थित राहू शकता.
📚 प्रत्यक्ष वस्तीमध्ये आपल्या परिवारासह गरजू विद्यार्थ्यांना साहित्य वितरीत करण्यासाठी उपस्थित राहू शकता.

सेवा आरोग्य च्या कार्यास निधी देण्यासाठी सोबत स्कॅनर जोडला आहे किंवा वेबसाईट वर जाऊन Donate us वर क्लिक करुन निधी देऊ शकता.

टीप :- आपण दिलेली देणगी 80-G अंतर्गत कर सवलतीस पात्र राहील.

🔗वेबसाईट: https://sevaarogya.org

कृपया निधी जमा केल्यानंतर आपले नाव, संपर्क क्रमांक व ई-मेल आयडी या 9075081977 या क्रमांकावर कळवावे ही विनंती.

▪️संपर्क :- 9075081977
सेवा आरोग्य फाऊंडेशन

03/05/2026

सेवा आरोग्य फाउंडेशन १० वा वर्धापन दिन

21/04/2026

16/04/2026

https://docs.google.com/forms/d/e/1FAIpQLSfzXcVJNA5nVjHoBvE8sTawX8guRSwTbTuORO3YZcZIe3bAig/viewform?usp=publish-editor

*नमस्कार* 🙏🏻
*सेवा आरोग्य फाऊंडेशन आपला १० वा वर्धापन दिवस १८ एप्रिल २०२६ संध्याकाळी ६ ते ८ या वेळेत साजरा करत आहे. या आनंदाच्या क्षणी सेवा आरोग्य परिवारात वेगवेगळ्या उपक्रमांद्वारे तसेच वेगवेगळ्या कारणांनी प्रत्यक्ष,अप्रत्यक्ष जोडल्या गेलेल्या स्नेहीजनांच्या शुभेच्छा आणि उपस्थिती प्रार्थनीय आहे. तरी सर्वांनी संस्थेच्या आनंदात सहभागी व्हावे ही आग्रहाची विनंती. आपल्या आगमनाच्या प्रतीक्षेत..*

*टीम सेवा आरोग्य फाऊंडेशन* 😊🙏🏻

🕉️ *कार्यक्रम वेळेवर सुरू होईल कृपया याची नोंद घ्यावी.*

🕉️ *आपण येणार असल्यास सोबतचा गुगल फॉर्म भरून कळवावे.*

25/03/2026

सेवा आरोग्य फाउंडेशन आणि तपस्या संस्थेच्या संयुक्त विद्यमाने शासकीय योजनांची माहिती सत्र यशस्वी

सेवा आरोग्य फाउंडेशन आणि तपस्या संस्थेच्या संयुक्त विद्यमाने आज शासकीय योजनांविषयी मार्गदर्शन सत्र आयोजित करण्यात आले. यावेळी तपस्या संस्थेच्या कार्यकर्त्या सौ. भाग्यश्री निंबाळकर आणि सौ. पूजा धुमाळ या उपस्थित होत्या.

या सत्रामध्ये त्यांनी विविध शासकीय योजनांची सविस्तर माहिती देत लाभार्थ्यांना मार्गदर्शन केले.

मुख्य योजनांची माहिती पुढीलप्रमाणे:
1. आयुष्मान भारत योजना – प्रति कुटुंब दरवर्षी ₹5 लाखांपर्यंत मोफत वैद्यकीय उपचारांचा लाभ.
2. ई-श्रम (e-Shram) कार्ड – ₹2 लाखांपर्यंत अपघाती विमा संरक्षण.

कार्यक्रमादरम्यान महिलांनी उत्स्फूर्तपणे सहभाग घेत विविध योजनांबाबत प्रश्न विचारले. तसेच आवश्यक कागदपत्रे कशी तयार करावी याबाबतही मार्गदर्शन घेण्यात आले.

आजच्या सत्रामध्ये एकूण २९ लाभार्थ्यांची आयुष्मान भारत योजनेअंतर्गत नोंदणी तसेच ई-श्रम कार्ड तयार करण्यात आले.

पुढील आठवड्यात सर्व लाभार्थ्यांना त्यांचे कार्ड लॅमिनेशनसह सेवा आरोग्य फाउंडेशन येथे उपलब्ध करून देण्यात येणार आहे.

तसेच, जे लाभार्थी या सत्रात सहभागी होऊ शकले नाहीत, त्यांच्यासाठी लवकरच पुन्हा अशाच प्रकारचे सत्र आयोजित करण्यात येणार आहे.

09/02/2026

🔯 सेवा आरोग्य फाऊंडेशन
आरोग्यवर्धन प्रकल्प

🚑 आरोग्य तपासणी शिबिर
(फिजिओथेरपी व नेत्र तपासणी शिबिर)

सेवा आरोग्य फाऊंडेशन,
Bekaert CSR कंपनी
आणि
डेक्कन एज्युकेशन सोसायटीचे ब्रिजलाल जिंदाल कॉलेज ऑफ फिजिओथेरेपी

यांच्या संयुक्त विद्यमाने कर्वेनगर येथील कामना वसाहतीत महिलांसाठी विशेष आरोग्य तपासणी शिबिराचे आयोजन करण्यात आले.

या शिबिरामध्ये महिलांमधील
▪️ शरीरातील कॅल्शियमचे प्रमाण (Bone Density) तपासणी
▪️ नेत्र तपासणी
अशा एकत्रित आरोग्य सेवा पुरविण्यात आल्या.

📅 दिनांक : ६ फेब्रुवारी २०२६
⏰ वेळ : दुपारी २.०० ते सायंकाळी ५.३०
📍 स्थळ : कामना वसाहत, कर्वेनगर

👨‍⚕️ उपस्थित डॉक्टर व वैद्यकीय टीम

▪️ डॉ. शंतनु सर
▪️ ब्रिजलाल जिंदाल कॉलेजचे एकूण ११ डॉक्टर
▪️ सेवा आरोग्य फाऊंडेशनचे मेडिकल चीफ ऑफिसर – डॉ. तुषार भेलके सर
▪️ संजीवन हॉस्पिटल – डॉ. वैशाली ओक मॅडम व डॉ. पूर्वा मॅडम
▪️ मदतनीस – सारिका ताई

📊 शिबिराचा संक्षिप्त अहवाल

▪️ एकूण सहभागी : १०२
▪️ महिला : ८५
▪️ पुरुष : १७

▪️ Bone Density तपासणी : १०१

👁️ नेत्र तपासणी तपशील

▪️ एकूण नेत्र तपासणी : ९३
▪️ जवळचे चष्मे सुचविले : ३६
▪️ लांबचे चष्मे सुचविले : १२
▪️ मोतीबिंदू ऑपरेशनसाठी संदर्भ : ६
▪️ हॉस्पिटलमध्ये पुढील उपचारासाठी पाठविले : १९
▪️ Eye Drops देण्यात आले : ६
▪️ Use Glass सल्ला : ७
▪️ Normal : ७

◼️ या शिबिरामध्ये सेवा आरोग्य फाऊंडेशनची संपूर्ण आरोग्यवर्धन टीम सक्रियपणे सहभागी होती.

🙏🏻 सहकार्य करणाऱ्या सर्व संस्था, डॉक्टर व स्वयंसेवकांचे मनःपूर्वक आभार.