Shivsahyadri

18/05/2026

उच्च शिक्षण, परदेशी शिक्षण संधी व विविध दाखल्यांवरील मोफत कार्यशाळेला उत्स्फूर्त प्रतिसाद

पुणे, दि. १७ : शिवसह्याद्री चॅरिटेबल फाउंडेशनच्या वतीने इयत्ता १० वी व १२ वी नंतरच्या उच्च शिक्षणासाठी देश-विदेशातील शिक्षणाच्या संधी, शैक्षणिक प्रवेश प्रक्रिया तसेच विविध आवश्यक दाखल्यांविषयी मोफत मार्गदर्शन कार्यशाळेचे आयोजन सरहद कॉलेज हॉल, कात्रज डेअरी जवळ, धनकवडी येथे करण्यात आले. या कार्यशाळेला विद्यार्थी व पालकांचा उत्स्फूर्त प्रतिसाद लाभला.

कार्यशाळेत विद्यार्थ्यांना देश व परदेशातील शिक्षणाच्या विविध संधी, प्रवेश प्रक्रिया, शिष्यवृत्ती योजना तसेच करिअरच्या नव्या वाटांविषयी सविस्तर मार्गदर्शन करण्यात आले. मा. प्रकाश बच्छाव, सहसंचालक उच्च शिक्षण यांनी उच्च शिक्षणातील विविध पर्याय व शासकीय योजनांविषयी माहिती दिली. मा. दत्तात्रय जाधव, Joint Director Technical Education यांनी तांत्रिक शिक्षणातील संधी, प्रवेश प्रक्रिया व विद्यार्थ्यांसाठी उपलब्ध असलेल्या सुविधांबाबत मार्गदर्शन केले.

तसेच श्री. प्रविण बांबळे व श्री. संतोष जाधव (सारथी) यांनी विद्यार्थ्यांसाठी उपलब्ध विविध शिष्यवृत्ती योजना, आर्थिक सहाय्य व शासनाच्या उपक्रमांविषयी सखोल माहिती दिली.

कार्यक्रमात सचिन वडघुले यांनी विद्यार्थ्यांना शैक्षणिक प्रवेश प्रक्रियेसाठी आवश्यक असणारे विविध दाखले, त्यांची पूर्तता, अर्ज प्रक्रिया तसेच विद्यार्थ्यांनी घ्यावयाची काळजी याविषयी सविस्तर माहिती दिली. त्यांच्या मार्गदर्शनाचा विद्यार्थ्यांना मोठा लाभ झाला.

सदर कार्यशाळा शिवसह्याद्री चॅरिटेबल फाउंडेशनतर्फे राबविण्यात आली. यावेळी संस्थापक अध्यक्ष राजेंद्र कोंढरे तसेच विश्वस्त विक्रमसिंह लावंड, सागर शेडगे व रामचंद्र चोरगे उपस्थित होते. कार्यक्रमाचे नियोजन व आयोजन यशस्वीरीत्या पार पाडण्यात आले. विद्यार्थ्यांच्या भविष्यासाठी अशा प्रकारच्या मार्गदर्शनपर उपक्रमांचे आयोजन पुढेही करण्यात येणार असल्याचे आयोजकांनी सांगितले.

13/05/2026

🎓 10 वी, 12 वी नंतर पुढे काय? शिक्षणाच्या संधी तुमच्या दारी! 🌍📚

देशात किंवा परदेशात उच्चशिक्षण घ्यायचंय? प्रवेश प्रक्रिया, स्कॉलरशिप, आवश्यक दाखले, करिअरच्या संधी… या सगळ्या प्रश्नांची उत्तरे मिळवा मोफत मार्गदर्शन कार्यशाळेत!

📌 मोफत शैक्षणिक कार्यशाळा
🗓️ रविवार, दि. 17 मे 2026
⏰ सकाळी 10:30 वाजता
📍 सरहद कॉलेज हॉल, कात्रज डेअरी जवळ, धनकवडी, पुणे 43

📝 नावनोंदणी करा: 📞 अधिक माहितीसाठी: 7322900900 (सकाळी 11 ते सायं. 6)

🌐 www.shivsahyadri.org

आजचा योग्य निर्णय ठरवेल तुमचं उद्याचं यश!
विद्यार्थी आणि पालकांनी ही संधी नक्की घ्यावी.

10/05/2026

09/04/2026

https://www.facebook.com/share/r/1AD3BhkLu9/?mibextid=wwXIfr

17/03/2026

वारस कायदे बाबत प्रश्न

वडील मरण पावल्यावर जमीन आपोआप मुलांच्या नावावर जाते का?

मुलीला वडिलांच्या शेतीमध्ये समान हक्क असतो का?

वारस नोंदणी न करता जमीन विक्री केल्यास व्यवहार वैध राहतो का?

वसीयत (Will) असेल तर वारस कायद्याचा परिणाम कसा बदलतो?

वडिलांनी जिवंतपणी एका मुलालाच जमीन दिली असेल तर इतर मुलांचा हक्क राहतो का?
या व अनेक मुद्द्यांवर माहिती आणि चर्चा सहभागी व्हा..

16/03/2026

फेरफार नोंदी (Mutation Entry)
बाबत प्रश्न -
फेरफार नोंद मंजूर होण्यापूर्वी जमीन विक्री करता येते का?

फेरफार नोंद मंजूर होण्यासाठी तलाठी आणि मंडळ अधिकारी यांची नेमकी भूमिका काय असते?

वारसा फेरफार नोंद किती दिवसात मंजूर होते?

फेरफार नोंदीला हरकत (Objection) घेतल्यास पुढील प्रक्रिया काय असते?

फेरफार नोंद झाली पण सातबाऱ्यावर नाव लागले नाही तर काय करावे?

यासह अधिक माहिती व प्रश्न समस्या माहितीसाठी सहभागी व्हा नोंदणी करा

16/03/2026

सातबारा (7/12) संदर्भात प्रश्न.

सातबाऱ्यावर नाव असणे म्हणजेच त्या व्यक्तीची पूर्ण मालकी सिद्ध होते का?

सातबाऱ्यावर इतराचे नाव चुकून लागले असेल तर ते काढण्याची प्रक्रिया काय आहे?

7/12 वर पीक नोंद (Crop Entry) चुकीची असेल तर ती बदलता येते का?

डिजिटल सातबारा (Mahabhulekh) आणि मूळ सातबारा यात काय फरक असतो?

सातबाऱ्यावर कर्जाची नोंद (Bank Charge) लागल्यावर जमीन विक्री करता येते का ?

यासाठी कार्यशाळेत सहभागी होण्यासाठी नोंदणी करा

23/02/2026

https://www.facebook.com/share/v/183kX9KqsX/?mibextid=wwXIfr

23/02/2026

7/12 वर नोंदी घेताना चुका करणाऱ्या अधिकाऱ्यांवर कारवाई

पुणे : सात-बारा उताऱ्यामध्ये फेरफाराची नोंद करताना होणाऱ्या चुकांची दखल जिल्हा प्रशासनाकडून घेण्यात आली आहे. चुका करणाऱ्या मंडल अधिकाऱ्यांसह ग्राम महसूल अधिकाऱ्यांवर यापुढे शिस्तभंगाची कारवाई करण्याचा आदेश जिल्हा प्रशासनाने दिला आहे. तसेच, तहसीलदार, प्रांताधिकाऱ्यांनी वेळोवेळी दफ्तर तपासणी करावी, असेही आदेशात नमूद करण्यात आले आहे.

महाराष्ट्र जमीन महसूल कायद्याच्या कलम १५५ चा वापर सात-बाऱ्यात अनवधानाने झालेल्या चुका दुरुस्तीसाठी करण्यात येतो. त्यानुसार दुरुस्ती करण्यात येते. मात्र, मालकी अथवा इतर हक्कामधील

बदलासाठी या कलमाचा वापर करता येत नाही. कलम १५५ चा वापर करून मालकी हक्क, कब्जे, क्षेत्र धारणाप्रकार आणि इतर नोंदी बदलण्यासाठी होत असल्याचे जिल्हा प्रशासनाच्या निदर्शनास आले होते.

दुय्यम निबंधक कार्यालयात झालेल्या दस्तनोंदणीनंतर ई- फेरफारात थेट नोंदी दाखल होतात. त्या फेरफाराची नोंद सात- बारावर घेताना हेतूपुरस्सरपणे नोंदीतील मजकुरात अंशतः चूक केली जाते. त्यामुळे महाराष्ट्र जमीन महसूल संहिता १९६६ मधील कलम १५५ नुसार, अशी प्रकरणे न्यायप्रविष्ट ठरतात. त्यामुळे सातबारा उताऱ्यामध्ये फेरफाराची नोंद करताना चुका करणाऱ्या संबंधित ग्राममहसूल अधिकारी किंवा मंडल अधिकाऱ्यांना नोटीस बजावून

त्यांच्याकडून खुलासा घ्यावा. तसेच, दोषी आढळल्यास त्यांच्यावर शिस्तभंगाची कारवाई करावी, असेही जिल्हा प्रशासनाने काढलेल्या परिपत्रकात स्पष्ट केले आहे.

संबंधित तहसीलदार, मंडल अधिकारी, ग्राम महसूल अधिकाऱ्यांचे दफ्तर तपासून वरील प्रकार आढळल्यास त्यांच्याकडून खुलासा मागवून घ्यावा. तसेच संबंधितांवर जबाबदारी निश्चित करावी. त्याबाबतची माहिती जिल्हा प्रशासनाला द्यावी, अशा सूचना उपविभागीय अधिकाऱ्यांना देण्यात आल्या आहेत. दौऱ्यावेळी ग्राम महसूल अधिकारी, मंडल अधिकाऱ्यांसह तहसीलदार दफ्तर तपासणी करावी, असेही या आदेशात नमूद करण्यात आले आहे.