05/08/2025
प.पू.स्वस्तिश्री जिनसेन महास्वामी संस्थान मठ, नांदणीतील ‘माधुरी’ हत्तीणीसंदर्भात आज मंगळवार दि.5 ऑगस्ट 2025 रोजी सकाळी 10.30 वा. राज्याचे मुख्यमंत्री नामदार देवेंद्रजी फडणवीस यांच्यासोबत मुख्यमंत्री समितीकक्षामध्ये बैठक संपन्न झाली. या बैठकीमध्ये ‘माधुरी’ हत्तीणीबाबत अत्यंत सकारात्मक प्रतिसाद मिळाला आहे. या केसमध्ये सरकारनेही आता मठासोबत असणार असून हत्तीणी परत आणण्याबरोबरच हत्तीणीला वनताराकडे नेताना निरोपाच्या मिरवणुकीमध्ये सामील झालेल्या मुलांच्यावरील गुन्हे सरकारने त्वरीत मागे घ्यावेत अशी मागणी दक्षिण भारत जैन सभेचे अध्यक्ष मा. श्री. भालचंद्र पाटील यांनी केली. या संदर्भात दक्षिण भारत जैन सभेच्यावतीने श्री. भालचंद्र पाटील व आमदार श्री. राजेंद्र पाटील (यड्रावकर) यांनी निवेदनही मुख्यमंत्री यांना दिले. या महत्त्वपूर्ण बैठकीस पूज्य भट्टारक जिनसेनजी महास्वामी, नांदणी, प.पू. लक्ष्मीसन भट्टारकजी,कोल्हापूर, प.पू. धर्मसन भट्टारकजी वरूर, प.पू. सौरभसेन भट्टारकजी तिजारा, मंत्री गिरीष महाजन, मंत्री चंद्रकांतदादा पाटील, पालकमंत्री प्रकाश आबिटकर, मंत्री हसन मुश्रीफ, खासदार धैर्यशील माने, खासदार विशाल पाटील, आमदार राहूल आवाडे, आमदार सतेज पाटील, आमदार अमल महाडीक, आमदार अशोक माने, आमदार विश्वजीत कदम, माजी खासदार राजू शेट्टी, माजी मंत्री प्रकाश आवाडे, आमदार सदाभाऊ खोत, समित कदम, सावकार मादनाईक, आप्पा भगाटे, सागर शंभूशेटे, प्रशासकीय अधिकारी आदि मान्यवर उपस्थित होते. माननीय मुख्यमंत्री यांनी यासंदर्भात सकारात्मक प्रतिसाद दिला आहे. त्याबद्दल राज्यसरकारचे मन:पूर्वक आभार !
