Maharshi Karve Stree Shikshan Samstha_Official

14/08/2026

महर्षी कर्वे आश्रमशाळा (कामशेत)चा अनोखा उपक्रम - तिरंगा सन्मान पदयात्रा २०२६

भारतीय स्वातंत्र्य दिनाच्या पूर्वदिनी महर्षी कर्वे आश्रमशाळा, अखिल भारतीय विद्यार्थी परिषद, सह्याद्री प्रतिष्ठान आणि कामशेत ग्रामस्थ यांच्या संयुक्त विद्यमाने एक अनोखी यात्रा आज कामशेत गावात काढली गेली. ही होती ३५१ फुटी तिरंगी ध्वजाची सन्मान यात्रा !

या वेळी अभाविप चे अखिल भारतीय कार्यकारणी सदस्य श्री. ओम मालुंजकर, जिल्हा संयोजक श्री. पार्थ पालिमकर, आश्रमशाळेच्या मुख्याध्यापिका श्रीमती अनिता देवरे (प्राथमिक शाळा), सर्व शिक्षक-शिक्षकेतर कर्मचारी, विद्यार्थी-विद्यार्थीनी आणि ग्रामस्थ मोठ्या प्रमाणावर उपस्थित होते.

आश्रम शाळेपासून पंडित नेहरू विद्यालय हा पदयात्रेचा नियोजित मार्ग होता. या मार्गावर विविध ठिकाणी ग्रामस्थांनी तिरंगा ध्वजावर फुलांचा वर्षाव करून स्वागत केले. इयत्ता सहावी ते दहावीचे विद्यार्थी - विद्यार्थीनी या यात्रेत सहभागी झाले होते.

यात्रेचा समारोप करताना श्री. पार्थ मालूंजकर यांनी विद्यार्थी जीवनात राष्ट्रीय विचार जपण्याचे व राष्ट्रविरोधी विचारांना बळी न पडण्याचे आवाहन सर्वांना केले. या वेळी विद्यार्थी-विद्यार्थीनींनी अतिशय जोशपूर्ण घोषणानी परिसर दुमदुमून टाकला.

॥ भारतमाता की जय ॥

🇮

14/08/2026

12/08/2026

महर्षी कर्वे स्त्री शिक्षण संस्था
कर्वेनगर ,पुणे ५२

दीप अमावास्येनिमित्त कृतज्ञतापूर्वक स्मरण !

08/08/2026

कर्मयोगी भाग ९

"चालता चालता ध्येयाकडे वाटचाल!"

01/08/2026

कर्मयोगी

"बोलेल तो करेल काय आणि *गर्जेल*तो पडेल काय?"

01/08/2026

कर्वे संस्थेची वार्षिक सर्वसाधारण सभा संपन्न

दि. २५ जुलै २०२६ रोजी महर्षी कर्वे स्त्री शिक्षण संस्थेची वर्ष २०२५-२६ साठी ची वार्षिक सर्वसाधारण सभा प्रसन्नवातावरणामध्ये पार पडली. संस्थेच्या कमिन्स अभियांत्रिकी महाविद्यालय परिसरामधील धोंडू मामा साठे सभागृहामध्ये या सभेचे आयोजन केले होते.

संस्थेच्या अध्यक्षा श्रीमती स्मिता घैसास या सभेच्या अध्यक्षस्थानी होत्या. सोबत उपाध्यक्ष श्री. शशिकांत सुतार, श्री. केदार शालगर, डॉ. धनंजय केळकर, श्री. सागर ढोले पाटील व श्रीमती स्मिता कुलकर्णी, विश्वस्त श्री मिलिंद लेले व श्री राजेंद्र जोग, कार्याध्यक्ष श्री रवींद्र देव, उपकार्याध्यक्ष डॉ. आनंद लेले, वित्त समितीचे अध्यक्ष सीए अभय कुलकर्णी, संस्थेचे सचिव डॉ. पी. व्ही. एस. शास्त्री यांच्यासह एकूण ६० सभासद या सभेस उपस्थित होते. संस्थेच्या आश्रमगीताच्या सामुहिक गायनाने सभेस प्रारंभ झाला.

मागील वर्षात ज्यांचे दु:खद निधन झाले, अशा सभासद, देणगीदार इ. ना प्रारंभी श्रद्धांजली वाहिली गेली. या सभेत संस्थेच्या मागील वर्षात झालेल्या ठळक कामांचा आढावा सर्व सभासदांपुढे मांडला गेला. पुण्याच्या कमिन्स अभियांत्रिकी महाविद्यालयाला ‘भारतातील सर्वोत्तम महिला अभियांत्रिकी महाविद्यालय’ म्हणून मिळालेला 'श्रीमती रहातून अली नेसा स्मृती राष्ट्रीय पुरस्कार, नागपूर येथील कमिन्स अभियांत्रिकी महाविद्यालयाला मिळालेला स्वायत्त दर्जा, डॉ. भानुबेन नानावटी वास्तुशास्त्र महिला महाविद्यालयाला NAAC मुल्यांकनाची “अ” श्रेणी, स्कूल ऑफ फॅशन टेक्नॉलॉजी (पुणे)ला टाईम्स एज्युकेशन आयकॉन्स २०२५ च्या वतीने मिळालेला “डिझाईन क्षेत्रातील उत्कृष्टता” पुरस्कार, मानद विद्यापीठाची पायाभरणी, नांदोशी येथील जागेवरील प्रस्तावित उपक्रम, विद्यार्थिनींच्या स्वास्थ्यासाठी राबवविले जात असलेले थॅलेसेमिया प्रबोधन अभियान, हरित प्रकल्पांमुळे होत असलेली ऊर्जा बचत, संस्थेच्या इतिहास लेखनाचे कार्य अशा घडामोडी सभासदांपुढे सांगितल्या गेल्या.

मागील वर्षाचे लेखापरीक्षण जून महिन्यातच पूर्ण झाल्याने वार्षिक सर्वसाधारण सभा खूप लवकर घेतली गेली, याबद्दल सभासदांनी विशेष आनंद व्यक्त केला. मागील वर्षाचे हिशेब व अहवाल या सभेत एकमताने मंजूर केले गेले. येत्या सप्टेंबर महिन्यात संस्थेचे अध्यक्ष व उपाध्यक्ष यांची मुदतपूर्ती होत असल्याने तत्संबंधीची निवडणूक प्रक्रियादेखील या वेळी पार पडली. त्यानुसार मागील वर्षीचे सर्व उपाध्यक्ष पुढील पाच वर्षांसाठी पुन्हा एकदा निवडले गेले. या सर्वांचे सत्कार या वेळी केले गेले. यासोबतच संस्थेच्या नवीन अध्यक्ष म्हणून श्रीमती स्मिता कुलकर्णी यांची बिनविरोध निवड करण्यात आली. दि. २७ सप्टेंबर रोजी जुन्या अध्यक्षांचा कार्यकाल पूर्ण झाल्यानंतर नवनियुक्त अध्यक्ष आपला कार्यभार स्वीकारतील. या सभेत लेखापरीक्षक, सर्वांत ज्येष्ठ सभासद यांचे सत्कारही केले गेले.

सभेच्या अध्यक्ष श्रीमती स्मिता घैसास यांनी आपल्या अध्यक्षीय भाषणात संस्थेच्या कार्यसंस्कृतीचे कौतुक करत अन्य व्यावसायिक संस्थांप्रमाणे ही कधीही एज्युकेशन इंडस्ट्री झाली नाही याबद्दल विशेष समाधान व्यक्त केले. महर्षी कर्वे यांच्या चरित्रातील पवित्र विचार इथे रुजलेला असल्याने या संस्थेची निरंतर प्रगती होत राहील, असा विश्वास त्यांनी व्यक्त केला.

पसायदानाने या सभेची औपचारिक सांगता झाली, तर एकत्रित अल्पोपहार घेऊन सभा विसर्जित झाली.

01/08/2026

महर्षी कर्वे स्त्री शिक्षण संस्था
कर्वेनगर ,पुणे ५२

१ ऑगस्ट

साहित्यरत्न लोकशाहीर
अण्णा भाऊ साठे

यांच्या जयंती निमित्त
विनम्र अभिवादन!

01/08/2026

महर्षी कर्वे स्त्री शिक्षण संस्था
कर्वेनगर ,पुणे ५२

लोकमान्य बाळ गंगाधर टिळक
यांच्या पुण्यतिथि निमित्त विनम्र अभिवादन!

29/07/2026

आज दिनांक २९ जुलै २०२६ रोजी संस्थेच्या सर्व शाखांमध्ये गुरुपौर्णिमा उत्साहात साजरी करण्यात आली. त्यातील काही निवडक छायाचित्रे…

29/07/2026

गुरु एक जागी त्राता

दि. २९ जुलै २०२६ - गुरुपौर्णिमेच्या निमित्ताने आज महर्षी कर्वे स्त्री शिक्षण संस्थेच्या कर्वेनगर परिसरामध्ये असलेल्या वृंदावन बागेमध्ये म्हणजेच भारतरत्न महर्षी कर्वे, श्रीमती आनंदीबाई उर्फ बाया कर्वे आणि संस्थेच्या प्रथम आजन्म-सेविका श्रीमती पार्वतीबाई आठवले यांच्या समाधीस्थळी प्रधान कार्यालयामार्फत एका विशेष अभिवादन सभेचे आयोजन केले होते.

१९ व्या शतकाच्या उत्तरार्धात समाजविघातक रूढींच्या कचाट्यात सापडलेल्या स्त्रीला शिक्षणाची द्वारे खुली करून देणाऱ्या आणि सक्षमीकरणाच्या मार्गावर घेऊन जाणाऱ्या महर्षी कर्वे यांना संस्थेत गुरुस्थानी मानले जाणे, हे स्वाभाविकच आहे. याच कृतज्ञतेचे प्रकटीकरण करण्यासाठी आजच्या सभेचे आयोजन केले होते. संस्थेचे सचिव डॉ. पी व्ही एस शास्त्री, उपसचिव श्रीमती कांचन सातपुते आजन्म सेवक सीए शीतल दंडवते, श्री. प्रदीप जोशी इ. मान्यवरांनी आणि उपस्थित कर्मचाऱ्यांनी या वेळी समाधीस्थळाचे पूजन केले.

यानंतर प्रधान कार्यालयाच्या महिला कर्मचाऱ्यांनी आश्रमगीत सादर केले. डॉ. पी व्ही एस शास्त्री यांनी या प्रसंगी सर्वांना संबोधित केले. ‘ज्यांच्याकडून काही ना काही शिकावयास मिळते, त्या सर्व व्यक्तींना आपण गुरुस्थानी मानायला हवे. वय हा मुद्दा तिथे गौण असतो. आपल्या संस्थेला तर महर्षी कर्वे यांच्यासह अनेक गुरुतुल्य ज्येष्ठांचा मोठा वारसा मिळाला आहे. हा वारसा घेऊन पुढे जाण्याचा संकल्प आज आपण या निमित्ताने करू या’, या शब्दांत डॉ. शास्त्री यांनी आपल्या भावना व्यक्त केल्या.

प्रधान कार्यालयासोबतच मैत्रेयी वसतिगृह, बाया कर्वे वसतिगृह, गार्गी वसतिगृह आणि School of Media Art येथेही गुरुपौर्णिमा आनंदात साजरी करण्यात आली.