21/01/2026
*वॉकथॉन – मनापासून घडलेला अनुभव आणि एक प्रेरणादायी प्रवास*
वॉकथॉन हा फक्त एक कार्यक्रम नव्हता, तर एक विचार होता — *संघटन, वाचन संस्कृती आणि आरोग्य म्हणजेच आरोग्यव्रत.*
या वॉकथॉनमध्ये जवळपास *२७००* पेक्षा जास्त लोकांनी सहभाग घेतला. पण हा कार्यक्रम यशस्वी झाला तो आमच्यासोबत उभ्या असलेल्या *१५० पेक्षा जास्त टीम मेंबर्समुळे. मागील ३ ते ५ दिवस हे सगळे जण कुठेही न थांबता, कुठलीही तक्रार न करता, फक्त कार्यक्रम चांगला व्हावा यासाठी झटत होते.*
*खरं सांगायचं तर, या १५० जणांचं कौतुक काही ओळींत करणं शक्यच नाही.*
वॉकथॉनची टीम अफाट होती. प्रत्येक जण आपापली जबाबदारी स्वतःहून घेत होता. कुणी पुढे दिसत होतं, कुणी शांतपणे मागे राहून सगळं सांभाळत होतं — पण सगळ्यांचा उद्देश एकच होता.
या *टीममधले लीडर्सही* खूप छान होते. फक्त सांगणारे नाही, तर स्वतः पुढे उभं राहून काम करणारे. त्यामुळे प्रत्येक टीम मेंबरला वाटत होतं की *“आपण सगळे एकत्र आहोत.”*
याशिवाय, काही टीम मेंबर्सना आम्ही अगदी शेवटच्या १–२ दिवसांत विनंती केली होती, आणि कोणताही विचार न करता त्यांनी होकार दिला आणि मदतीसाठी पुढे आले. एवढ्या कमी वेळेत येऊन पूर्ण मनापासून साथ देणं — यासाठी त्या सर्वांचे खास आभार. अशा लोकांमुळेच संघटना अजून मजबूत होते.
नोंदणी असो, रूट मॅनेजमेंट असो, पाणी, कॅटरिंग, टी-शर्ट वाटप असो — सगळं इतकं नीट झालं की *एकाही सहभागी कडून एकही प्रश्न किंवा तक्रार आली नाही.* हेच आमच्यासाठी सगळ्यात मोठं यश होतं.
*या संपूर्ण व्यवस्थेत देवळेकर सर यांचे मार्गदर्शन आणि सूचना आमच्यासाठी खूप उपयोगी ठरल्या.*
हा कार्यक्रम *पूर्णपणे मोफत* होता.
सर्व सहभागींसाठी *ग्रुप सुर्या (Group Surya)* यांच्या मदतीने *मोफत टी-शर्ट* देण्यात आले. यासाठी ग्रुप सुर्याच्या पूर्ण टीमचे मनापासून आभार. त्यांच्या सपोर्टमुळे हा उपक्रम अजून खास झाला.
हा अनुभव आम्हा सगळ्यांसाठी खास होता, कारण *इथे लोक, टीमवर्क आणि एकमेकांवरचा विश्वास दिसला.*
अशी टीम, असं नेतृत्व आणि असा अनुभव मिळणं खरंच भाग्याचं असतं.
🙏 *आमच्या सगळ्या टीम मेंबर्सना, लीडर्सना, शेवटच्या क्षणी साथ देणाऱ्या स्वयंसेवकांना, सहभागीांना, पालकमहासंघाला आणि ग्रुप सुर्याला मनापासून धन्यवाद!*🙏
