03/06/2025
स्किझोफ्रेनिया अवेअरनेस असोसिएशन 'सा' या संस्थेतर्फे जागतिक स्किझोफ्रेनिया दिनानिमित्त आणि आदित्य पेंडसे यांच्या स्मृतिप्रित्यर्थ 'मानसिक आरोग्यासाठी सहाय्यक उपचार पद्धती' या विषयावर चर्चासत्र आयोजित केले होते.
"मानसिक आजारात औषधोपचाराबरोबरच वेगवेगळ्या सहाय्यक उपचार पद्धतींची मदत घेतल्यास रुग्ण बरे होऊ शकतात," असे प्रतिपादन ज्येष्ठ मानसोपचार तज्ज्ञ डॉ. विद्याधर वाटवे यांनी केले.
डॉ. वाटवे म्हणाले की, मानसिक आरोग्य व्यवस्थित ठेवणे, हे व्यक्तीच्या हितासाठी गरजेचे आहे. तसेच, जर विविध सहाय्यक उपचार पद्धतींची मदत घेतली, तर मानसिक आरोग्य व्यवस्थित राहू शकते.
या वेळी ज्येष्ठ समुपदेशक अनुराधा करकरे यांनी गटचर्चेची सुरुवात केली.
श्रुती कोपरकर (म्युझिक थेरपी), अभिजित बारटक्के (ड्रम थेरपी), स्वाती उपाध्ये (थिएटर ऑफ ऑप्रेसड), मीनल कवीश्वर (पेट थेरपी), नीता कोपरकर (योगा थेरपी), प्रियांका पटोले (आर्टस् बेस्ड थेरपी), सुचेता जोशी (डान्स मोमेंट थेरपी) यांनीही तज्ज्ञ म्हणून कार्यक्रमात भाग घेतला.
या वेळी थेरपीच्या तज्ज्ञांनी सहभाग नोंदवला. विविध कलेच्या माध्यमातून सर्जनशील पद्धतीने ताण तणावाचे व्यवस्थापन करण्यासाठी सहाय्यक उपचार पद्धती कशी मदत करतात, यावर तज्ञांनी आपले अनुभव व्यक्त केले. याप्रसंगी 'सा' चे विश्वस्त उज्वल केले आणि अनुराधा पाटील उपस्थित होते. या वेळी 'सा'चे अध्यक्ष अभय, विश्वस्त रवींद्रनाथ चंद्रन, सारिका चांडक, आरती पंडित, मिलिंद भालेकर, कोमल आम्ले, ऋषिकेश काळेल, नेत्रा भावे यांनी कार्यक्रम यशस्वी करण्यासाठी मोलाची मदत केली.
