https://www.rashtrasevadal.org/

Rashtra Seva Dal, Shinhgad Road, Hingane Home Colony, Karve Nagar, Pune 411052, Pune (2026)

12/09/2026

राष्ट्र सेवा दलाचे सैनिक, ज्येष्ठ समाजवादी विचारवंत आणि राज्य नियोजन मंडळाचे माजी कार्यकारी अध्यक्ष डॉ. रत्नाकर महाजन यांच्या निधनाचे वृत्त अत्यंत दुःखद आहे. लोकशाही, समाजवाद, धर्मनिरपेक्षता आणि राज्यघटनेच्या मूल्यांप्रती आयुष्यभर निष्ठा ठेवणाऱ्या या तत्त्वनिष्ठ व्यक्तिमत्त्वाला राष्ट्र सेवा दल परिवारातर्फे भावपूर्ण श्रद्धांजली.

आपल्या अभ्यासपूर्ण वाणी आणि लेखणीद्वारे त्यांनी समाजवादी विचारांची प्रभावी मांडणी केली.
आणीबाणीच्या विरोधात सत्याग्रह केल्याबद्दल त्यांनी तुरुंगवास भोगला. १९७७ मध्ये जनता पक्षात प्रवेश करून एस. एम. जोशी यांच्या नेतृत्वाखाली राज्यभर दौरे करत पक्षबांधणीचे कार्य केले. समाजवादी चळवळीशी असलेली त्यांची बांधिलकी, अभ्यासू वृत्ती आणि तत्त्वनिष्ठ भूमिका कायम प्रेरणा देत राहील.
Ajit Shinde
#राष्ट्रसेवादल #डॉरत्नाकरमहाजन #भावपूर्णश्रद्धांजली

09/09/2026

नंदुरबारच्या भूमीत पेटलेली क्रांतीची ज्योत !

१९४२ च्या भारत छोडो आंदोलनात राष्ट्र सेवा दलाच्या तरुणांनी तिरंगा हातात घेऊन ब्रिटिश सत्तेविरोधात निर्भयपणे लढा दिला.

९ सप्टेंबर १९४२ रोजी, शिरीषकुमार मेहता यांच्या नेतृत्वाखाली निघालेल्या मोर्चावर ब्रिटिशांनी गोळीबार केला. या संघर्षात शिरीषकुमार मेहता, शशीधर केतकर, लालदास, धनसुखलाल वाणी आणि घनश्यामदास या वीरांनी स्वातंत्र्यासाठी आपल्या प्राणांची आहुती दिली.

अवघ्या १६व्या वर्षी शिरीषकुमारांनी दाखवलेले धैर्य भारतीय स्वातंत्र्यलढ्याच्या इतिहासातील प्रेरणादायी अध्याय आहे. त्यांच्यासह या सर्व हुतात्म्यांचे बलिदान म्हणजे स्वातंत्र्याच्या मूल्यांसाठी दिलेली अमूल्य किंमत आहे.

शिरीषकुमार मेहता आणि सर्व हुतात्म्यांना
स्मृतिदिनानिमित्त विनम्र अभिवादन !

Ajit Shinde
#राष्ट्रसेवादल #शिरीषकुमारमेहता

09/09/2026

"महात्मा फुले यांच्या २००व्या जयंती वर्षानिमित्त
फुले फेस्टिवल २०२६ !

📅 २७, २८ आणि २९ नोव्हेंबर २०२६
📍 पुणे

आयोजक : राष्ट्र सेवा दल

महात्मा फुलेंच्या विचारांचा जागर करण्यासाठी...महात्मा फुलेंच्या विचारांची ज्योत पुढे नेण्यासाठी,
समतामूलक समाजाच्या निर्मितीसाठी आणि नव्या पिढीला फुले विचारांशी जोडण्यासाठी...चला, फुले विचारांचा उत्सव साजरा करूया !
Ajit Shinde
Raja Kandalkar
#फुलेफेस्टिवल #महात्माफुले #फुले२०० #राष्ट्रसेवादल #महात्माज्योतिबाफुले #पुणे

08/09/2026

“ग्रंथ आणि भाकरी यापैकी मी प्रथम ग्रंथ पसंत करेन आणि नंतर भाकरी.”
— डॉ. बाबासाहेब आंबेडकर

ज्ञान, विवेक आणि शिक्षणाच्या बळावरच माणूस अन्याय, अज्ञान आणि विषमतेविरुद्ध उभा राहू शकतो.

डॉ. बाबासाहेब आंबेडकरांनी दिलेला ‘शिका, संघटित व्हा, संघर्ष करा’ हा संदेश आजही तितकाच प्रेरणादायी आहे.
Ajit Shinde
#राष्ट्रसेवादल #डॉबाबासाहेबआंबेडकर

06/09/2026

“आपण सर्व मिळून एक जातिविरहित, आर्थिक समानता असलेला, ज्या समाजात गरिबांतल्या गरीब व्यक्तीला पुरेसे कपडे व अन्न मिळत आहे व प्रत्येकाला स्वतःच्या विकासाला संपूर्ण वाव आहे, असा समाज निर्माण करण्याचा प्रयत्न करूया !”

— साने गुरुजी

जात, धर्म, भाषा, लिंग किंवा आर्थिक परिस्थितीच्या भिंतींपलीकडे जाऊन माणूस केंद्रस्थानी असलेला समाज निर्माण करणे, हाच साने गुरुजींच्या विचारांचा गाभा होता.

जिथे कुणी उपाशी झोपणार नाही,
जिथे गरिबी ही नियती मानली जाणार नाही,
जिथे प्रत्येकाला समान संधी मिळेल,
आणि जिथे समता, बंधुता, स्वातंत्र्य आणि मानवता ही केवळ शब्द न राहता जीवनमूल्ये बनतील—
असा समाज घडवण्यासाठी आपण प्रयत्नशील राहूया.

#राष्ट्रसेवादल

04/09/2026

“समताधिष्ठित समाजाच्या निर्मितीसाठी
मेणबत्तीप्रमाणे रोज कणाकणाने जळणारे
जिवंत हुतात्मे मला हवे आहेत!”
— एस. एम. जोशी

एस. एम. जोशींच्या या शब्दांमध्ये केवळ त्यागाचे आवाहन नाही, तर सामाजिक परिवर्तनासाठी आयुष्यभर कार्यरत राहणाऱ्या कार्यकर्त्यांची हाक आहे.

स्वातंत्र्यलढा, समाजवादी चळवळ आणि राष्ट्र सेवा दलाच्या उभारणीत एस. एम. जोशींनी आपले आयुष्य लोकशाही, समता, सामाजिक न्याय आणि बंधुतेच्या मूल्यांसाठी समर्पित केले.

त्यांच्यासाठी राष्ट्रसेवा म्हणजे केवळ राष्ट्रगीत, ध्वज किंवा घोषणा नव्हती माणसामाणसातील भेद दूर करणे, विवेक जागवणे, अन्यायाविरुद्ध उभे राहणे आणि लोकशाही मूल्यांचे रक्षण करणे ही खरी राष्ट्रसेवा होती.

सेवा दलाच्या वैचारिक परंपरेत वाचन, तर्क, सत्यशोधन आणि सहिष्णुतेची वृत्ती जोपासावी, यावर भर देण्यात आला. आज समाजात जात, धर्म, भाषा आणि द्वेषाच्या आधारावर दुभंग निर्माण करण्याचे प्रयत्न होत असताना एस. एम. जोशींचा हा विचार अधिकच समकालीन वाटतो.

मेणबत्तीप्रमाणे कणाकणाने जळणे म्हणजे आपल्या कृतीतून इतरांच्या आयुष्यात प्रकाश निर्माण करणे.

हीच राष्ट्र सेवा दलाची वैचारिक परंपरा.
हीच सामाजिक बांधिलकी.
आणि हाच समताधिष्ठित, विवेकनिष्ठ आणि लोकशाही भारताचा मार्ग.

विचार जपूया…
विवेक जागवूया…
समतेसाठी अविरत कार्य करूया !
Ajit Shinde
#राष्ट्रसेवादल #एसएमजोशी #समता #सामाजिकन्याय #लोकशाही #बंधुता #विवेक #समाजवाद #सामाजिकपरिवर्तन #राष्ट्रसेवा #जयलोकशाही

02/09/2026

राष्ट्र सेवा दलाच्या ज्येष्ठ सैनिक, सामाजिक कार्यकर्त्या आणि पुरोगामी विचारवंत प्रा. सुधाताई काळदाते यांना स्मृतिदिनानिमित्त विनम्र अभिवादन.

समता, लोकशाही, सामाजिक न्याय आणि मानवतावादी मूल्यांसाठी त्यांनी दिलेले योगदान सदैव प्रेरणादायी राहील. त्यांच्या विचारांचा आणि कार्याचा वारसा पुढे नेणे, हीच त्यांना खरी आदरांजली.
Ajit Shinde
#सुधाताईकाळदाते #राष्ट्रसेवादल

01/09/2026

"आजच्या काळात देशाला तन-मन-धन अर्पण करणाऱ्या आणि देशाच्या स्वातंत्र्यासाठी झपाटलेपणाने आपले आयुष्य युष्य झोकून देणाऱ्या देश सेवकांची गरज आहे. अशी माणसे म्हाताऱ्यांमधून पुढे येणार आहेत काय? कुटुंब आणि संसाराच्या रामरगाड्यात अडकलेल्यांमधून असे लोक मिळतील? जे कोणत्याही जंजाळात अडकलेले नाहीत, असे नवयुवकच अशा कार्यासाठी पुढे येऊ शकतात. गणित आणि भुगोलांचे नुसते पेपर लिहिण्यासाठी घोकंपट्टी केलेल्या विद्वानांकडून आपण अशी अपेक्षा करू शकत नाहीं !"

-शहीद-ए-आजम भगत सिंह.

तन-मन-धन अर्पण करून देशाच्या स्वातंत्र्यासाठी आणि समाजाच्या परिवर्तनासाठी आयुष्य समर्पित करणाऱ्या देशसेवकांची आजही तितकीच गरज आहे.

केवळ पुस्तकी ज्ञान आणि परीक्षेतील गुण पुरेसे नाहीत देश, समाज आणि लोकशाहीच्या मूल्यांसाठी उभे राहण्याची जिद्द आणि धैर्य नव्या पिढीत निर्माण झाले पाहिजे.
Ajit Shinde
#राष्ट्रसेवादल #भगतसिंग

31/08/2026

भटक्या-विमुक्त महिलांनी शिक्षणाच्या माध्यमातून नवी झेप घ्यावी : दिशा पिंकी शेख

संगमनेर येथे ‘स्त्रीशक्ती सन्मान सोहळा’; वंचित समूहांसोबत काम करणाऱ्या ६० कर्तृत्ववान महिलांचा सन्मान

संगमनेर, ३१ ऑगस्ट २०२६ : भटके-विमुक्त स्वातंत्र्य दिन २०२६ आणि पुण्यश्लोक अहिल्यादेवी होळकर यांच्या ३०१व्या जयंती वर्षानिमित्त राष्ट्र सेवा दल, निर्मिती संस्था, लोक प्रबोधिनी आणि छात्रभारती यांच्या संयुक्त विद्यमाने संगमनेर येथे ‘स्त्रीशक्ती सन्मान सोहळा’ उत्साहपूर्ण वातावरणात पार पडला. संगमनेर-अकोले तालुक्यात वंचित समूहांसोबत विविध क्षेत्रांत कार्य करणाऱ्या ६० कर्तृत्ववान महिलांचा पुण्यश्लोक अहिल्यादेवी होळकर सन्मान देऊन गौरव करण्यात आला.

ज्ञानमाता विद्यालय, संगमनेर येथे झालेल्या या कार्यक्रमात महिलांचे प्रश्न, शिक्षण, सामाजिक न्याय, शासकीय यंत्रणांची भूमिका आणि भटक्या-विमुक्त समाजातील महिलांसमोरील आव्हाने यावर सविस्तर चर्चा करण्यात आली.

कार्यक्रमाच्या प्रास्ताविकात राष्ट्र सेवा दलाचे राष्ट्रीय सचिव डॉ. सागर भालेराव यांनी सोहळ्याची भूमिका मांडली. राष्ट्र सेवा दलाचे राज्य अध्यक्ष राजा कांदळकर यांनी कार्यक्रमामागील सामाजिक भूमिका स्पष्ट केली.

यावेळी बोलताना दिशा पिंकी शेख यांनी महिलांच्या सामाजिक स्थितीवर भाष्य करताना, “महिला या कायम भटक्याच आहेत,” असे सांगितले. वर्णव्यवस्थेने महिलांना कायम दुय्यम स्थान दिले असून महिलांचा कोंडवाडा अद्याप पूर्णपणे सुटलेला नाही, असे त्यांनी नमूद केले. भटक्या-विमुक्त समाजातील महिलांसमोर तर सामाजिक, आर्थिक आणि शैक्षणिक आव्हानांचा मोठा पल्ला असल्याचे सांगत शिक्षणाशिवाय या परिस्थितीतून बाहेर पडण्याचा पर्याय नाही, असे त्यांनी ठामपणे मांडले.

उत्कर्षा रुपवते यांनी राज्य महिला आयोगाचे कामकाज, महिलांना उपलब्ध असलेल्या यंत्रणा आणि तक्रारींच्या निवारणासाठीच्या प्रक्रियेची माहिती उपस्थितांना दिली. तसेच शासनाने ‘लाडक्या बहिणीं’ना परकेपणाची वागणूक न देता त्यांच्या प्रश्नांकडे संवेदनशीलतेने पाहिले पाहिजे, अशी अपेक्षा त्यांनी व्यक्त केली.

माजी शिक्षण उपसंचालक रमाकांत जाधव यांनी महिलांसाठी आणि वंचित घटकांसाठी उपलब्ध असलेल्या विविध शैक्षणिक सुविधा व योजनांची माहिती दिली. शिक्षणाच्या माध्यमातून सामाजिक परिवर्तन घडवून आणण्यासाठी उपलब्ध संधींचा लाभ घेण्याचे आवाहन त्यांनी केले.

अतुल पवार आणि रियाज पिंजारी यांच्या मातांचा विशेष सन्मान

या सोहळ्यातील सर्वांत भावनिक क्षण ठरला तो मागील वर्षी नालेसफाई करताना मृत्यू झालेल्या अतुल रतन पवार आणि रियाज जावेद पिंजारी या दोन युवकांच्या मातांचा सन्मान.

नालेसफाईसारख्या धोकादायक कामात या दोन्ही युवकांचा मृत्यू झाला होता. त्यांच्या मातांना पुण्यश्लोक अहिल्यादेवी होळकर सन्मान देऊन गौरविण्यात आले. हा सन्मान स्वीकारताना उपस्थित वातावरण भावूक झाले. युवकांच्या कुटुंबीयांच्या दुःखाशी एकरूप होत उपस्थितांनी उभे राहून त्यांच्या कुटुंबीयांना मानवंदना दिली. यावेळी अनेकांच्या डोळ्यांत अश्रू तरळले.

समाजातील वंचित आणि उपेक्षित समूहांसाठी प्रतिकूल परिस्थितीतही काम करणाऱ्या महिलांचा सन्मान हा केवळ पुरस्कार नसून त्यांच्या संघर्षाला आणि सामाजिक योगदानाला दिलेली मान्यता असल्याची भावना यावेळी व्यक्त करण्यात आली.

पुण्यश्लोक अहिल्यादेवी होळकर यांच्या धैर्य, कर्तृत्व, नेतृत्व आणि सामाजिक न्यायाच्या विचारांना अभिवादन करत आयोजित करण्यात आलेल्या या सोहळ्याने भटक्या-विमुक्त महिलांच्या शिक्षणाचा, सन्मानाचा आणि सामाजिक हक्कांचा प्रश्न पुन्हा अधोरेखित केला. स्त्रियांनी शिक्षण, संघटन आणि सामाजिक सहभागाच्या माध्यमातून आपले स्थान अधिक सक्षम करण्याची गरज या कार्यक्रमातून अधोरेखित झाली.

कार्यक्रमासाठी निर्मिती संस्था, लोक प्रबोधिनी, छात्र भारती संघटनेने विशेष मेहनत घेतली. छात्र भारतीचे अध्यक्ष अनिकेत घुले यांनी आभार मानले.

दिशा पिंकी शेख Raja Kandalkar Sagar Bhalerao Utkarsha Rupwate

#राष्ट्रसेवादल

30/08/2026

भटके-विमुक्त स्वातंत्र्य दिन २०२६ निमित्त,
पुण्यश्लोक अहिल्यादेवी होळकर यांच्या ३०१व्या जयंती वर्षानिमित्त

‘स्त्रीशक्ती सन्मान सोहळा’

आयोजित करण्यात आला आहे.

अहिल्यादेवींच्या धैर्य, कर्तृत्व, नेतृत्व आणि सामाजिक न्यायाच्या विचारांना अभिवादन करत, समाजाच्या विविध क्षेत्रांत आपल्या कार्याने ठसा उमटविणाऱ्या कर्तृत्ववान महिलांचा सन्मान या सोहळ्यात करण्यात येणार आहे.

📅 ३१ ऑगस्ट २०२६
⏰ सकाळी ११ वाजता
📍 ज्ञानमाता विद्यालय, संगमनेर

या प्रेरणादायी सोहळ्यास आपण आवर्जून उपस्थित राहावे, ही मनःपूर्वक विनंती!

आयोजक:
राष्ट्र सेवा दल | निर्मिती संस्था | लोक प्रबोधिनी | छात्रभारती

Ajit Shinde
Raja Kandalkar
Sagar Bhalerao

#भटकेविमुक्तस्वातंत्र्यदिन #अहिल्यादेवीहोळकर #स्त्रीशक्तीसन्मान #राष्ट्रसेवादल

Rashtra Seva Dal

12/09/2026

09/09/2026

09/09/2026

08/09/2026

06/09/2026

04/09/2026

02/09/2026

01/09/2026

31/08/2026

30/08/2026

Address

Website

Alerts

Shortcuts

Share

Category

Listing takedown request