J&K Institute Of Counciling

30/03/2025

27/03/2025

31/01/2025

08/12/2024

03/12/2024

https://whatsapp.com/channel/0029VatfGKICMY0LHYlPQl1P

01/12/2024

سرینگر/28نومبر/وی او آئی//جے پی سی اب اپنی رپورٹ رواں سرمائی اجلاس کے پہلے ہفتہ کے ا?خری دن (29 نومبر) کی جگہ بجٹ اجلاس 2025 کے آخری دن پیش کرے گی۔وائس آف انڈیا کے مطابق پارلیمنٹ کے دونوں ایوانوں میں اپوزیشن سنبھل تشدد اور اڈانی رشوت معاملہ پر بحث کا مطالبہ کر رہی ہے لیکن اس کی اجازت نہیں مل رہی ہے۔ نتیجہ کار دونوں ایوانوں میں زوردار ہنگامہ ہو رہا ہے اور کارروائی بار بار ملتوی ہو رہی ہے۔ اس درمیان آج ایک بڑی پیش رفت تب ہوئی جب ’وقف (ترمیمی) بل 2024‘ کا جائزہ لینے کے لیے تشکیل جے پی سی (جوائنٹ پارلیمانی کمیٹی) کی مدت کار بڑھانے سے متعلق قرارداد پیش کی گئی، اور پھر ہنگامہ کے درمیان اسے منظوری بھی مل گئی۔سرمائی اجلاس کے پہلے ہفتہ کے آخری دن یعنی جمعہ (29 نومبر) کو جے پی سی کے ذریعہ وقف بل پر اپنی رپورٹ پارلیمنٹ میں پیش کرنی تھی۔ یہ اس اجلاس کے ایجنڈے میں بھی شامل تھا، لیکن جے پی سی میں شامل اپوزیشن پارٹیوں کے اراکین پارلیمنٹ کمیٹی کی مدت کار میں اضافہ کا مطالبہ کر رہے تھے۔ کمیٹی کی قیادت کر رہے بی جے پی رکن پارلیمنٹ جگدمبیکا پال نے گزشتہ دنوں دعویٰ کیا تھا کہ رپورٹ تیار ہے، لیکن جے پی سی کے کئی اراکین کے ذریعہ کمیٹی کی مدت کار میں اضافہ کا مطالبہ دیکھ کر انھوں نے بھی اس پر اتفاق ظاہر کیا۔جمعرات کو پارلیمنٹ کی کارروائی وقفہ سوالات کے ساتھ شروع ہوئی، لیکن اڈانی رشوت معاملہ اور سنبھل تشدد پر بحث کا مطالبہ کرتے ہوئے اپوزیشن پارٹیوں کے لیڈران نے ہنگامہ شروع کر دیا۔ اس ہنگامہ کو دیکھ کر لوک سبھا اسپیکر نے ایوان کی کارروائی دوپہر 12 بجے تک کے لیے ملتوی کر دی۔ 12 بجے کے بعد ایوان کی کارروائی جب دوبارہ شروع ہوئی تو وقف بل پر تشکیل جے پی سی کے چیئرمین جگدمبیکا پال نے مزید وقت کا مطالبہ کرتے ہوئے متعلقہ قرارداد لوک سبھا میں پیش کی۔ اس قرارداد کو منظوری بھی مل گئی، اور اس طرح جے پی سی اب رواں سرمائی اجلاس کے پہلے ہفتہ کے آخری دن (29 نومبر) کی جگہ بجٹ اجلاس 2025 کے آخری دن اپنی رپورٹ ایوان میں پیش کرے گی۔’وقف (ترمیمی) بل 2024‘ پر جائزہ کے لیے تشکیل جے پی سی کی مدت کار بڑھائے جانے کے بعد اپوزیشن کا رد عمل بھی سامنے آ گیا ہے۔ کانگریس رکن پارلیمنٹ کارتی چدمبرم نے میڈیا سے بات کرتے ہوئے کہا کہ ”یہ کرنا بہت درست فیصلہ ہے۔ یہ (وقف بورڈ) ایک متنازعہ مسئلہ ہے جس پر وسیع مشاورت کی ضرورت ہے۔ کسی بھی قسم کی اصلاحات یا موجودہ قانون کی از سر نو تشکیل سے پہلے اتفاق رائے قائم کرنا بہت ضروری ہے۔ جے پی سی کے اراکین بھی ہمیشہ اتفاق رائے قائم کرنے کی بات کہتے رہے ہیں۔ میرے خیال میں چیئرمین (جگدمبیکا پال) نے آخرکار اس پر اتفاق کیا اور کمیٹی کی مدت کار میں توسیع کے لیے ایک قرارداد پیش کی۔“