Pernambut URDU Academy

04/09/2026

ماھانہ مشاعرہ.... 06-09-2026

03/08/2026

السلام علیکم ورحمۃ اللہ وبرکاتہ

الحمد للہ، اردو اکیڈمی پرنامبٹ کے زیرِ اہتمام ہرمنعقد ہونے والا تیسرا ماہانہ مشاعرہ آج نہایت کامیابی اور شاندار انداز میں اختتام پذیر ہوا۔

اس باوقار مشاعرے میں تمام شعرائے کرام نے اپنے منفرد اور دلنشیں اندازِ بیان سے سامعین کے دل جیت لیے اور بہترین کلام پیش کیا۔

خصوصی طور پر اس مشاعرے کے نظامت کے فرائض انجام دینے والے ڈاکٹر ابوبکر ابراہیم فارس عمری صاحب نے ہر شاعر کو نہایت خوبصورت اشعار کے ذریعے اسٹیج پر مدعو کیا، جس سے محفل کی رونق اور وقار میں مزید اضافہ ہوا۔ ان کا منفرد اندازِ نظامت حاضرین کے لیے یادگار ثابت ہوا۔

یہ بابرکت محفل تلاوتِ کلامِ پاک سے شروع ہوئی اور آخر میں صدرِ مشاعرہ استاد سید عابد حسین صاحب کے فکر انگیز اور بصیرت افروز صدارتی خطاب پر اختتام پذیر ہوئی۔

اللہ تعالیٰ سے دعا ہے کہ اس اردو اکیڈمی کی ان ادبی کاوشوں کو قبول فرمائے، انہیں مزید ترقی عطا فرمائے، اور آئندہ بھی ایسی بابرکت اور کامیاب محفلوں کے انعقاد کی توفیق عطا فرمائے۔ آمین یا رب العالمین۔

14/07/2026

بہن.....
#بہنیں
#گھر

29/05/2026

30/01/2026

alifnewsvnb.com

غضبِ انتقائی یا عالمی سیاست؟ برسلز / تہران (الف نیوز ڈسک)یورپی یونین نے ایران کی اسلامی انقلابی گارڈ کور (IRGC) کو باضابطہ طور پر ایک “دہشت گرد تنظیم” قرار دے کر مشرقِ و....

30/01/2026

غضبِ انتقائی یا عالمی سیاست؟ برسلز / تہران (الف نیوز ڈسک)یورپی یونین نے ایران کی اسلامی انقلابی گارڈ کور (IRGC) کو باضابطہ طور پر ایک “دہشت گرد تنظیم” قرار دے کر مشرقِ و....

30/01/2026

یوروپین یونین کے IRGC کو دہشت گرد قرار دینے پر ایران کا سخت ردِّ عمل۔ الف نیوز کے تازہ شمارے میں ملاحظہ کریں۔ اس کے علاوہ مہارشٹرا میں سوگ کی فضا میں اقتدار کا فیصلہ, ملکی خبریں, کرکٹ کی خبریں اور بہت کچھ۔

غضبِ انتقائی یا عالمی سیاست؟ برسلز / تہران (الف نیوز ڈسک)یورپی یونین نے ایران کی اسلامی انقلابی گارڈ کور (IRGC) کو باضابطہ طور پر ایک “دہشت گرد تنظیم” قرار دے کر مشرقِ و....

27/12/2025

پرنام بٹ اردو اکیڈمی کے ماہانہ مشاعرے کی پہلی نشست منعقد

پرنام بٹ (نمائندہ خصوصی) — پرنام بٹ اردو اکیڈمی کے زیرِ اہتمام ماہانہ مشاعرے کی پہلی نشست بروز جمعہ، 26 دسمبر 2025ء، بعد نمازِ مغرب TIET ہال، پرنام بٹ میں منعقد ہوئی۔ ادبی ذوق و شوق سے لبریز اس محفل کی صدارت عالی جناب مولانا حافظ عبدالحمید صاحب عرشی نے فرمائی، جب کہ نظامت کے فرائض مولانا شاکر احسن باقوی نے انجام دیے۔ تقریب کے مہمانِ خصوصی پروفیسر آوارم عبدالحکیم صاحب تھے۔

تقریب کا آغاز تلاوتِ کلامِ پاک اور نعتِ رسولِ مقبول ﷺ سے ہوا، جس کے بعد شعرا نے اپنے منتخب کلام سے سامعین کو محظوظ کیا۔ جامعہ دارالاسلام عمرآباد سے تشریف لانے والے طلبہ شعرا اور مقامی شعرا میں مولانا حافظ عبدالحمید عرشی، ابراہیم ابوبکر فارسی عمری، شاکر احسن باقوی، شفیق احمد شفیق اور ایک طالبِ علم شامل تھے۔

شہر وانمباڑی سے تشریف آور شعرا میں گلزار احمد کاشف، ہدایت اللہ حاضر، امتیاز احمد امتیازی، عطا الرحمن عطا، نمازی عبدالکریم عارف شامل رہے۔ اس موقع پر گلزار احمد گلزار نے استاد شاعر کا کلام سنا کر محفل کو مزید جِلا بخشی۔

آخر میں ابراہیم ابوبکر فارسی عمری کے ہدیۂ تشکر کے ساتھ یہ ادبی نشست خوشگوار ماحول میں اختتام پذیر ہوئی۔ شرکا نے اس کامیاب آغاز پر منتظمین کو مبارک باد دی اور آئندہ نشستوں کے تسلسل کی خواہش ظاہر کی۔

26/12/2025

محترم خیر خواہوں، اربابِ ذوق اور اردو زبان کی معزز ادبی شخصیات
السلام علیکم ورحمۃ اللہ وبرکاتہ!

اردو زبان ہماری تہذیبی شناخت، فکری وراثت اور جمالیاتی شعور کی امین ہے۔ اس کی ترویج، تحفظ اور آئندہ نسلوں تک اس کی لطافت و معنویت منتقل کرنا ہم سب کی مشترکہ ذمہ داری ہے۔ اسی احساسِ ذمہ داری کے تحت چند بامقصد اور عملی اقدامات کی ضرورت محسوس کی گئی ہے۔
چنانچہ اردو زبان و ادب کے فروغ، بالخصوص نوجوان نسل میں اردو سے رغبت پیدا کرنے اور ان کی تخلیقی صلاحیتوں کو جِلا بخشنے کے لیے پرنامبٹ اردو اکیڈمی نے یہ فیصلہ کیا ہے کہ شہر میں باقاعدگی کے ساتھ ہر ماہ ایک ادبی مشاعرہ منعقد کیا جائے۔ اس مشاعرے کا مقصد یہ ہے کہ نوجوان شعرا و قلم کار جدید اور تخلیقی اسلوب میں اردو شاعری و تحریر کی مشق کرسکیں اور زبان و ادب کے اس روشن سفر میں عملی طور پر شریک ہوں۔
اس ادبی محفل میں شہر کے تمام مقامی شعرا اور اربابِ قلم کو نہایت خلوص کے ساتھ مدعو کیا جاتا ہے کہ وہ تشریف لائیں اور اپنے اپنے کلام سے محفل کو رونق بخشیں اور اردو زبان کے فروغ کے اس ادبی مشن میں اپنا بھرپور تعاون پیش کریں۔
ہمیں کامل یقین ہے کہ آپ اپنی قیمتی رفاقت اور حوصلہ افزاء موجودگی سے اس محفل کو یادگار بنائیں گے۔

تاریخ: 26 دسمبر 2025
دن: جمعہ (بعد نمازِ مغرب)
مقام: TIET ہال
ٹینرز اسوسی ایشن بلڈنگ روڈ، پرنامبٹ۔۔

والسلام
بخیر و عافیت
کے۔ حفظ الرحمٰن
سکریٹری
پرنامبٹ اردو اکیڈمی
پرنامبٹ، ضلع ویلور۔